ក្រុមពលរដ្ឋ៤២គ្រួសារទំនាស់ដីធ្លីនិងលោក ចាន់ កាំង មន្ត្រីកំពង់ផែស្វយត័បានមកចាប់ឆ្នោតយកលេខសំគាល់ក្បាលដី

0

ព្រះសីហនុ៖ ក្រុមពលរដ្ឋចំនួន៤២គ្រួសារដែលមានទំនាស់ដីធ្លីជាមួយលោក ចាន់ កាំង មន្ត្រីកំពង់ផែស្វយត័ក្រុងព្រះសីហនុ បានមកចាប់ឆ្នោតយកលេខសំគាល់ក្បាលដីបន្ទាប់ពីមានការផ្សះផ្សារដោយជោគជ័យ ពីអភិបាលខេត្តព្រះសីហនុ ។

ការចាប់ឆ្នោតនេះត្រូវបានធ្វើឡើងនៅរសៀលថ្ងៃទី១៦ខែសីហាឆ្នាំ២០១៨ ក្រោមវត្តមាន ឯកឧត្តម យន្ត មីន អភិបាលខេត្តព្រះសីហនុ អាជ្ញាធរក្រុង សង្កាត់ ភូមិ ថ្នាក់ដឹកនាំមន្ទីរដែនដីខេត្ត ភាគីទំនាស់ តំណាងកំពុងផែស្វយត័ផងដែរ។

ឯកឧត្តម យន្ត មីន អភិបាលខេត្តព្រះសីហនុ បានបញ្ជាក់ថាចាប់ពីពេលនេះតទៅទំនាស់នេះត្រូវបានបញ្ចប់ជាស្ថាពរហើយ។ឯកឧត្តម យន្ត មីន ស្នើអោយប្រធានមន្ទីរដែនដីសម្រួលធ្វើប័ណ្ណជូនពលរដ្ឋស្របតាមច្បាប់។ឯកឧត្តម ក៏បានថ្លែងអំណរគុណភាគីទំនាស់ដែលបានយល់ព្រមព្រៀងបញ្ចប់វិវាទនេះយឈរលើគោលការឈ្នះក្រោមកិច្ចសម្របសម្រួលរបស់រដ្ឋបាលខេត្តព្រះសីហនុ។

សូមបញ្ជាក់ថាទំនាស់នេះបានអូសបន្លាយតាំងពីឆ្នាំ២០១២មកម្លេះដោយភាគីក្រុមលោក ចាន់ កាំង បានឈូសឆាយកំទេចផ្ទះប្រជាពលរដ្ឋអស់ក្រោយពេលឈ្នះក្តីតាមប្រពន្ធ័តុលាការ៕

ពលរដ្ឋនៅស្រុកកំពង់សីលាចំនួន១១៣គ្រួសារបានទទួលស្រូវពូជពីអភិបាលខេត្តព្រះសីហនុ

0

ខេត្តព្រះសីហនុ៖   ពលរដ្ឋនៅស្រុកកំពង់សីលាចំនួន១១៣គ្រួសារមកពីភូមិចំនួន២បានទទួលស្រូវពូជពីអភិបាលខេត្តព្រះសីហនុនាព្រឹកថ្ងៃព្រហស្បតិ៍ទី១៦ខែសីហាឆ្នាំ២០១៨នេះដើម្បីយកទៅសាប ដកស្ទូងអោយទាន់រដូវ។

លោក ជុំ ចាន់ថុល អនុប្រធានមន្ទីរកសិកម្មខេត្តព្រះសីហនុ អោយដឹងថា ស្រូវប្រជាពលរដ្ឋជាង៥០ហិចតាត្រូវបានបំផ្លាញដោយសារទឹកជំនន់ដើមរដូវនេះ។ស្រូវពូជដែលបានចែកជូននេះមានចំនួនជាង៥តោន។ពលរដ្ឋទាំង១១៣គ្រួសារនេះ មកពីភូមិវាលចំនួន៧២ គ្រសារ និងមកពីភូមិថ្មីចំនួន៤១ គ្រួសារ។
លោក បញ្ជាក់ថាពូជស្រូវដែលចែកជូនពលរដ្ឋនេះជាប្រភេទស្រូវស្រាលមានរយៈពេល១០៥ថ្ងៃបានច្រូត។

ឯកឧត្តម យន្ត មីន អភិបាលនៃគណៈអភិបាលខេត្តព្រះសីហនុ មានប្រសាសន៍ផ្តាំផ្ញើដល់កសិករសូមយកពូជនេះទៅសាបព្រួសអោយទាន់រដូវកាលនិងថ្លែងអំណរគុណចំពោះប្រជាជនដែលបាននាំគ្នាទៅបោះឆ្នោតគាំទ្ររាជរដ្ឋាភិបាលដោយឆន្ទៈដើម្បីបន្តដឹកនាំ អភិវឌ្ឍប្រទេសជាតិអោយកាន់តែមានភាពរីកចម្រើនថែមទៀត។

ជាមួយគ្នានេះផងដែរ ពលរដ្ឋដែលមកទទួលពូជស្រូវនេះ បានថ្លែងអំណរគុណចំពោះអភបាលខេត្តព្រះសីហនុ តែងបានគិតគូរអំពីសុខទុក្ខរបស់ពួកគាត់។

លោកហាក់ មុងហួត ដឹកនាំកម្លាំងចម្រុះចុះពិនិត្យស្ថានភាពលិចស្រូវដើមរដូវដែលប្រឈមនឹងការលិចលង់

0

កំពង់ធំ៖ ក្រោយពីមានភ្លៀងធ្លាក់ផ្ទួនជាច្រើនថ្ងៃ បង្ករឲ្យព្រួយបារម្ភណ៍ ពីសំណាក់អាជ្ញាធរ ចំពោះបងប្អូន ប្រជាកសិករ ដែលបានប្រកបធ្វើស្រូវប្រាំង ខណៈពេលដែលស្រូវពេញគ្រាប់ រៀបចំនឹងប្រមូលផល តែត្រូវ បានទឹកជំនន់ជនលិចមួយចំនួនធ្វើឲ្យមានការខូចខាត។

ជាក់ស្តែងលោក ហាក់ មុងហួត អភិបាលស្រុកបារាយណ៍ រួមទាំងលោក ឃុន ប៊ុនហួ មេបញ្ជាការកងរាជ អាវុធហត្ថស្រុកបារាយណ៍ ដឹកនាំកម្លាំងចម្រុះ មានកងកម្លាំងប៉ូលិសនៃអធិការស្រុកបារាយណ៍ ចុះពិនិត្យ ស្ថានភាពទឹកជំនន់លិចស្រូវដើមរដូវ ដែលបង្ករឲ្យមានការខូចខាតស្រូវ មួយចំនួន ដែលខណៈនេះពុំទាន់​អាច​សរុបចំនួននៅ ឡើយទេស្ថិតនៅ ចតុលោក ឃុំបារាយណ៍ ស្រុកបារាយណ៍ ខេត្តកំពង់ធំ នាព្រឹកថ្ងៃទី ១៦ សីហា ២០១៨។

លោក ហាក់ មុងហួត អភិបាលស្រុកបារាយណ៍ បានឲ្យដឹងកាលពីរសៀលថ្ងៃ១៦នេះថា ករណីទឹកឡើង ដែលបង្ករឲ្យលិចស្រូវរបស់ប្រជាពលរដ្ឋនេះ គឺពុំទាន់មានអ្វីគួរអោយព្រួយបារម្ភណ៍នោះទេ ចំណែកស្រូវ ដែលបានខូចខាតប្រមាណជាង១០ ហិចតា តែប៉ុណ្ណោះដោយសារតែទឹកទន្លេបានឡើងមក បង្ករឲ្យលិច ស្រូវដើមរដូវ ដែលប្រមូលផលមិនទាន់  តែបើសិនជាមានភ្លៀងបន្តធ្លាក់ទៀត គឺអាចនិងលិចស្រូវមួយចំនួន ទៀត។

លោក ហាក់ មុងហួត បានអំពាវនាវ ឲ្យបងប្អូនប្រជាពលរដ្ឋ ដែលប្រកបមុខរបរស្រូវដើមរដូវ ប្រញ៉ាប់ប្រមូល ផល ឲ្យបានទាន់ពេលវេលា និងសុំឲ្យបងប្អូនប្រជាពលរដ្ឋ បង្កើនការប្រុងប្រយ័ត្ន មើលថែក្មេង មនុស្សចាស់ និងសត្វពាហនៈ រួមទាំងទ្រព្យសម្បត្តិ ទុកដាក់ឲ្យមានសុវត្តិភាព ចៀសវាងមានការខូចខាត លិចលង់ ក្នុងរដូវ ទឹកជំនន់នេះ ។

ដោយ ​ប៊ុន  រដ្ឋា

 

ឯកឧត្តមទេដរដ្ឋមន្រ្តី លី ធុជអញ្ជើញចុះសាកសួរសុខទុក្ខ កុមារារងគ្រោះដោយសារគ្រាប់មិនទាន់ផ្ទុះនៅ មន្ទីរពេទ្យបង្អែកខេត្តកំពង់ឆ្នាំង

0

ខេត្តកំពង់ឆ្នាំងៈ នៅព្រឹកថ្ងៃទី១៦ ខែសីហា ឆ្នាំ២០១៨ នេះឯកឧត្តមលី ធុជ ទេសរដ្ឋមន្រ្តីនិងជាអនុប្រធានទី១អាជ្ញាធរមីនកម្ពុជាតំណាងដ៏ខ្ពង់ខ្ពស់របស់សម្តេចតេជោ ហ៊ុន សែន រួមដំណើរដោយសហការី ឯកឧត្តម អម សុភា អភិបាល
រងខេត្តកំពង់ឆ្នាំង លោកលៀង ជុំសុបិន្ត នាយកទីចាត់ការរដ្ឋបាលសាលាខេត្ត លោកម៉ម ម៉ាល័យ អនុប្រធានមន្ទីពេទ្យខេត្ត និង លោកប្រធានមន្ទីរបង្អែកពេទ្យខេត្ត បានចុះសាកសួរសុខទុក្ខ និងនាំយកអំណោយរបស់សម្តេចតេជោហ៊ុន សែន ជូនកុមារាកុមារា ពេជ សុផានិត អាយុ១០ឆ្នាំ ដែលរងគ្រោះដោយសារគ្រាប់មិនទាន់ផ្ទុះ នៅភូមិស្វាយចេកឃុំចោងម៉ោង ស្រុកទឹកផុសខេត្តកំពង់ឆ្នាំងដែលបច្ចុប្បន្នកំពុងសំរាកព្យាបាលនៅមន្ទីរពេទ្យបង្អែកខេត្តកំពង់ឆ្នាំង។

នៅក្នុងពេលនោះឯកឧត្តមទេសរដ្ឋមន្រ្តីលី ធុជ បានពាំនាំនូវប្រសាសន៍ផ្តាំផ្ញើ សាកសួរសុខទុក្ខពីសំណាក់ សម្តេចអគ្គមហាសេនាបតីតេជោ ហ៊ុនសែន នាយករដ្ឋមន្រ្តី និងជាប្រធានអាជ្ញាធរមីនកម្ពុជា និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលកន្លងមកសម្តេចតែងតែនឹករលឹក គិតគូរពីសុខទុក្ខ និងផលលំបាកក្នុងការរស់នៅរបស់បងប្អូន នៅគ្រប់ទីកន្លែងគ្រប់មូលដ្ឋាន នៅពេលដែលពួកគាត់មានទុក្ខលំបាក និងរងគ្រោះដោយសារយកថាហេតុផ្សេងៗ គឺសម្តេចតែងផ្តល់ជូននូវអំណោយសង្គ្រោះជូនដល់បងប្អូនគ្រប់ៗគ្នាទាំងអស់គ្នា ដោយមិនបានប្រកាន់ពូជសាសន៍ ឬនិន្នាការនយោបាយឡើយ។

ឯកឧត្តមទេសរដ្ឋមន្រ្តីក៏បានផ្តាំផ្ញើដល់គ្រួសាររងគ្រោះនិង កុមារគ្រោះកុំអោយលេងគ្រាប់មិនទាន់ផ្ទុះបើឃើញមានគ្រាប់មិនទាន់ផ្ទុះត្រូវរាយការណ៍ជូនសមត្ថកិច្ចនិងអាជ្ញាធរដែនដីដែលនៅជិតបំផុតនិងអនុវត្តការព្យាបាលអោយបានត្រឹមត្រូវតាមវេជ្ជបញ្ជារបស់លោកគ្រូពេទ្យឆាប់ជាបានវិលត្រឡប់ទៅរៀនសូត្រវិញ។

ក្នុងឱកាសនោះឯកឧត្តមទេសរដ្ឋមន្រ្តីបាននាំយកអំណោយរបស់សម្តេចតេជោហ៊ុនសែនជូនគ្រួសារកុមាររងគ្រោះមានថវិកាចំនួន៤០ម៉ឺនរៀលអង្ករ៥០គីឡូក្រាមនិងគ្រឿងឧបភោគបរិភោគមួយចំនួនទៀត។

គ្រួសារកុមាររងគ្រោះសូមគោរពជួនពរដល់សម្តេចតេជោហ៊ុនសែននិងសម្តេចកិត្តិព្រឹទ្ធបណ្ឌិត សូមទទួលបានជ័យជំនះគ្រប់តួនាទីភារកិច្ច រួមគ្នាដឹកនាំប្រ ទេសជាតិ ប្រកបដោយភាពសុខុសាន្ត មានសុខសន្តិភាព មានការអភិវឌ្ឍនភាពលើគ្រប់វិស័យ ដើម្បីប្រជាពលរដ្ឋ មានភាពសម្បូរសប្បាយរុងរឿងរហូតតទៅអនាគត់៕

ឯកឧត្តម យន្ត មីន អភិបាលខេត្ត បង្ហាញនូវគោលជំហរនិងខិតខំបំរើប្រជាពលរដ្ឋក្នុងខេត្តព្រះសីហនុ

0

ខេត្តព្រះសីហនុ៖   ការថ្លែងបែបនេះត្រូវបានរំលេចឡើងគ្រាដែលអភិបាលខេត្តព្រះសីហនុ ជួបសំណេះសំណាលជាមួយថ្នាក់ដឹកនាំនិងមន្ត្រីនៃមន្ទីរព័ត៌មាន និងអ្នកសារពត៍មានទាំងវិស័យរដ្ឋនិងឯកជននៅខេត្តព្រះសីហនុ ប្រមាណ៨០នាក់ នារសៀលថ្ងៃពុធ ៣កើត ខែ​ស្រាពណ៍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៥ ខែសីហា ឆ្នាំ២០១៨។

ឯកឧត្តម យន្ត មីន បានបញ្ជាក់អោយដឹងផងដែរជុំវិញបញ្ហាប្រឈមមួយចំនួនដែលបាននឹងកំពុងកើតមានក្នុងខេត្ត ដូចជាបញ្ហាសំរាមនិងបញ្ហា ផ្លូវខូច រដ្ឋបាលខេត្តកំពុងគិតគូរដោះជាបន្តបន្ទាប់និងស្នើសុំពលរដ្ឋមានការយោគយល់។

ក្នុងនោះដែរ ឯកឧត្តម យន្ត មីន បានថ្លែងអរគុណដល់ប្រជាពលរដ្ឋនិង ប្តេជ្ញាបម្រើប្រជាពលរដ្ឋអោយបានកាន់តែល្អប្រសើរជាងមុនដើម្បីជាការឆ្លើយតបចំពោះការគាំទ្ររបស់ប្រជាជន។

ឯកឧត្តម យន្ត មីន ក៏បានកោតសរសើរការដឹកនាំរបស់មន្ទីរព័ត៌មានក្នុងការផ្សព្វផ្សាយព័ត៌មានរបស់ថ្នាក់ ដឹកនាំ និងការអភិវឌ្ឍរបស់ខេត្តបានច្រើន។ ឯកឧត្តម បន្ថែមថា វិស័យព័ត៌មាន ជាកញ្ចក់ និងជាសារដ៏សំខាន់សំរាប់ទំនាក់ទំនងរវាងប្រជាជននិងអ្នកដឹកនាំនិងបាន ឆ្លុះបញ្ចាំងដោយតម្លាភាពប្រកបដោយភាពអាចជឿទុកចិត្តបាន។

ឯកឧត្តមបន្តថា រាជរដ្ឋាភិបាលអាណត្តិទី ៦នេះ ដើម្បីឆ្លើយតបទៅនឹងការអភិវឌ្ឍរីកចម្រើននៃប្រទេសជាតិ បានកំណត់យកវិស័យអាទិភាពចំនួន៤ រួមមាន៖១- ការបណ្តុះបណ្តាលផ្នែកធនធានមនុស្ស,២-ទឹក , ៣-ភ្លើង ,៤-ផ្លូវ ។ ចំពោះបញ្ហាផ្លូវខូចខាត និងបរិស្ថានក៍ជាកង្វល់របស់រដ្ឋបាលខេត្ត ព្រោះខេត្តព្រះសីហនុកំពុងអភិវឌ្ឍយ៉ាងលឿនគំហុក។ឯកឧត្តម យល់ឃើញថា មូលហេតុដែលបណ្តាលអោយផ្លូវខូចអាចមកពី៖

១.ផ្លូវរបស់យើងចាស់ៗ.ភ្លៀងធ្លាក់ជាជោកជាំពេក៣.ការដឹកជញ្ជូនកើនងកំហុកពេក។តែយ៉ាងណាយើងទទួលបានផលវិជ្ជមានច្រើន ជាងអវិជ្ជមាន។បញ្ហានេះ មេឃរាំងនឹងធ្វើការជួសជុលកែលម្អផ្លូវ ដើម្បីសម្រួលចរាចរណ៍ជូនប្រជាពលរដ្ឋកាន់តែងាយស្រួល ហើយខណៈនេះដែរផ្លូវដែលខូចនោះកំពុងតែជួសជុលបន្ទាន់រាល់ថ្ងៃផងដែរ ។

គួរបញ្ជាក់ជូនថាខេត្តព្រះសីហនុមានប្រពន្ធ័ផ្សព្វផ្សាយ ធ្វើសកម្មភាពរាល់ថ្ងៃមាន៖ ស្ថានីយវិទ្យុ ១៨ ផ្សាយផ្ទាល់ ០៤ស្ថានីយ៍ ,ទូរទស្សន៍១៣ ខ្សែកាបចំនួន ០៥ នៅក្រុងព្រះសីហនុ ០២ ស្រុកព្រៃនប់ ០២ និងស្រុកស្ទឹងហាវ ០១  ។

ភ្នាក់ងារសារពត៍មាន ១១អង្គភាព គេហទំពរ័ ៤។ ដោយឡែកប្រពន្ធ័ផ្សព្វផ្សាយគ្រប់គ្រងដោយមន្ទីរព័ត៌មាន មាន០៤ ក្នុងនោះមានទូរទស្សន៍ជាតិ  ស្ថានីយ៍វិទ្យុជាតិ ស្ថានីយ៍វិទ្យុជាតិខេត្ត និងព្រឹត្តិប័ត្រ។ នេះបើយោងតាមការបញ្ពាក់របស់លោក ឱ សារឿន ប្រធានមន្ទីរព័ត៌មានខេត្តព្រះសីហនុ៕

បញ្ជាការដ្ឋានតំបន់ប្រតិបត្តិការសឹករងកំពង់ធំ​ប្រជុំបង្កើនសុវត្តិភាពសន្តិសុខនិងបំរើប្រជាពលរដ្ឋក្រោយ​ពេលបោះឆ្នោត

0

កំពង់ធំៈ ក្នុងនាមជាកងកម្លាំងនៃកងយោធពលខេមរភូមិន្ទ គឺជាឆ្អឹងខ្នងរបស់រាជរដ្ឋាភិបាល ត្រូវគោរពវិន័យ សណ្តាប់ធ្នាប់ អនុវត្តនូវបទបញ្ជាយ៉ាងម៉ឺងម៉ាត់ និងត្រៀមខ្លួនជាស្រេចដើម្បីបំរើផលប្រយោជន៍របស់ប្រទេស ជាតិ ការពារសុវត្តិភាព សន្តិសុខ ជូនប្រជាពលរដ្ឋ រួមទាំងធ្វើអំពើល្អ បំរើប្រជាជន ដោយមិនប្រកាន់និន្នាការ​នយោបាយ ប្រសាសន៍នេះ ត្រូវបានឯកឧត្តម ឧត្តមសេនីយ៍ទោ សោម ស៊ុន មេបញ្ជាការងយោធភូមិភាគទី​៤ លើកថ្លែងក្នុងកិច្ច​ប្រជុំបង្កើនសុវត្តិភាពសន្តិសុខនិងបំរើប្រជាពលរដ្ឋក្រោយ​ពេលបោះឆ្នោត ។

កិច្ចប្រជុំនេះត្រូវបានចូលរួមពីសំណាក់ មេបញ្ជាការរង នាយ នាយរង សេនាធិការ , នាយ នាយរង ការិយា​ល័យ + ផ្នែក , មេបញ្ជាការ ផ្នែកសឹករងទាំង ០៨ ស្រុក-ក្រុង និងមេបញ្ជាការ វរសេនាតូចទាំង ០២ សរុប ចំនួន ៩៨ នាក់​  នៅ​សាលប្រជុំនៃបញ្ជាការដ្ឋានតំបន់ប្រតិបត្តិការសឹករងកំពង់ធំ​ នៅ​ព្រឹក​ថ្ងៃ​ទី​១៦​ ខែ​សីហា​ ឆ្នាំ​២០១៨ ខណៈពេលដែលឯកឧត្តម ជាគណអធិបតី។

គោលបំណងនៃការប្រជុំ បានលើកយកវិធានបទសំខាន់ចំនួន៥ ចំនុច ទី១ គឺការចូលរួម​អបអរសាទរ​ចំពោះ​ប្រជាជន​ទូទាំង​ប្រទេស​ បាន​អញ្ជើញ​ទៅ​ចូលរួម​បោះឆ្នោត​បំពេញ​កាតព្វកិច្ច​ជា​ពលរដ្ឋ​នៅ​ឆ្នាំ​២០១៨​នេះ​មាន​រហូត​ដល់​ទៅ​ជាង​៨៣%​ ដែល​ជា​លំដាប់​លេខ​២​ នៅ​លើ​ពិភពលោក​ដែល​មាន​ប្រជាជន​អញ្ជើញ​ទៅ​ចូលរួម​បោះឆ្នោត​ច្រើន​ជាង​គេ​  ទី ២ ក្នុងនាមកងកម្លាំងទាំងអស់ ត្រូវស្មោះត្រង់ ​គាំទ្រ​យ៉ាង​ពេញ​ទំហឹង​ចំពោះ​សម្តេច​តេជោ​ហ៊ុន​ សែន​ ដែល​ត្រូវ​បន្ត​ធ្វើ​ជា​នាយក​រដ្ឋមន្ត្រី​ នៃ​ព្រះរាជាណាចក្រ​កម្ពុជា​ ក្នុង​អាណត្តិ​ទី​៦​  ដើម្បី​បន្ត​ដឹកនាំ​នាវាកម្ពុជា​រក្សា​នូវ​សន្តិភាព​ និង​បន្ត​ការ​អភិវឌ្ឍន៍​ប្រទេស​ជាតិ​យើង​ ។

ទី៣ កងកម្លាំងទាំងអស់ ត្រូវសហការជាមួយ កងកម្លាំងទាំង៣ប្រភេទ និងអាជ្ញាធរមូលដ្ឋាន ​ការ​អនុវត្តន៍​នូវ​គោល​នយោបាយ​ ភូមិ​ ឃុំ​ សង្កាត់​ មាន​សុវត្ថិភាព​ទាំង​៩ចំណុច​ របស់​រាជរដ្ឋាភិបាល​ ទី៤ ត្រូវពង្រឹង​នូវ​តួរនាទីភារកិច្ចរបស់កង​យោធពលខេមរភូមិន្ទ​ ស្រប​តាម​ច្បាប់​ នៃលក្ខន្តិកទូទៅ​របស់​ កងយោធពលខេមរភូមិន្ទ ទី៥ ត្រូវបន្ត​សកម្មភាព​ ស្វែងយល់​ពី​សុខ​ទុក្ខ​ របស់​អតីត​យុទ្ធ​ជន​នៅទូទាំង​ខេត្ត​  និង​សហការ​ជា​មួយ​អាជ្ញាធរ​ដែនដី​គ្រប់​លំដាប់​ថ្នាក់​ ដើម្បី​ដោះស្រាយ​ដីសម្បទានសង្គមកិច្ច​ និង​សាងសង់​លំនៅដ្ឋាន​ជូន​គាត់​ដែល​គ្មាន​ដី​ គ្មាន​ផ្ទះ​ពិត​ប្រាកដ​  ។

ឧត្តម ឧត្តមសេនីយ៍ទោ សោម ស៊ុន មេបញ្ជាការរង យោធភូមិភាគទី៤ មេបញ្ជាការ តំបន់ប្រតិបត្តិការសឹករងកំពង់ធំបាន​សំណូមពរឲ្យកងកម្លាំងគ្រប់ ​លំដាប់​ថ្នាក់​ និង​មេបញ្ជាការ​គ្រប់​បណ្ដា​អង្គភាព​ និងស្ថាប័ន​ចូល​រួមគោរពច្បាប់ចរាចរណ៍ផ្លូវគោក បើបរមានសីលធម៌ យោគយល់ អធ្យាស្រ័យ ពាក់មួកសុវត្តិភាព និងដាក់​ខ្សែក្រវ៉ាត់ ដើម្បីកាត់បន្ថយអត្រាគ្រោះ​ថ្នាក់​ចរាចរណ៍កើតឡើង ។ដោយ  ប៊ុន  រដ្ឋា

    

 

លោក​ កែវ​ សុភគ៌ប្រធាន​មន្ទីរបរិស្ថាន​ខេត្តនិងលោក​ស្វាយ ​សំអ៊ាងអភិបាល​ខេត្តមណ្ឌល​គិរីលោក​ អ៊ុំ វណ្ណសុភគ៌នាយ​ខណ្ឌរដ្ឋ​បាល​ព្រៃ​ឈើព្រៃឈើតំ​បន់ដែនជ​ម្រកសត្វ​ព្រៃភ្នំព្រេ​ចឃុប​ឃិតជាមួ​យឈ្មួ​ញកាប់បំផ្លាញព្រៃឈើ

0

ខេត្តមណ្ឌលគិរី ៖   ប្រភព​ពី​មន្ត្រី​នៅក្នុង​មន្ទីរ​បរិស្ថាន​ ខេត្តមណ្ឌលគិរី មួយចំនួន​បាន​ឲ្យ ​ដឹងថា ការដែល​មេ​ឈ្មួញ​ ទាំង​៣​នាក់​ខាង លើ​ហ៊ាន​ កាប់​ឈើ​និង​ដឹកជញ្ជូន​ ឈើ​ចេញពី​តំបន់​ដែនជម្រក សត្វព្រៃ​ភ្នំ​ព្រេច យ៉ាង​ មហន្តរាយ​គឺមាន​កា រឃុបឃិត​បើក ដៃ​ ពី​សំណាក់​លោក  កែវ សុភ​គ៌ ប្រធាន​មន្ទីរ​បរិស្ថាន ​ខេត្តមណ្ឌលគិរី លោក  ស្វាយ សំ​អ៊ាង អភិបាល ខេត្ត​មណ្ឌល គិរី  និង​លោក អ៊ុំ វណ្ណ​សុភ​គ៌ នាយ​ខណ្ឌ​រ ដ្ឋបាល​ព្រៃឈើ​ខេត្តមណ្ឌលគិរី​។  បច្ចុប្បន្ន​បទល្មើស​បំផ្លាញ​ ព្រៃឈើ​កើត ឡើង​ យ៉ាង​រាលដាល​នៅក្នុង​ព្រៃ​កុង​ដែនជម្រកសត្វព្រៃ​ភ្នំ​ព្រេច ព្រមទាំង​តំបន់​ក្បែរៗ​នោះ​ព្រោះ​មន្ត្រី​បរិស្ថាន មន្ត្រីរដ្ឋបាល​ព្រៃឈើ និង​សមត្ថកិច្ច​ពាក់ព័ន្ធ​ដទៃទៀត​គិតតែ​ពី​រឿង​ប្រមូល​លុយ​ដាក់​ហោប៉ៅ ហើយ​ទុក​ឲ្យ​ឈ្មួញ​ទាំង​៣​នាក់​នោះ​បំផ្លាញ​ព្រៃឈើ​ឲ្យ​វិនាស​សាបសូន្យ​។ ប្រភពពី​សមត្ថកិច្ច​ពា​ក់​ព័ន្ធ​បាន​ឲ្យ​ដឹងថា មួយរយៈ​កន្លងទៅនេះ​មេ​ឈ្មួញ​ទាំង​៣​នាក់​ខាងលើ​បាន​ប្រើប្រាស់​រថយន្ត​យី​ឌុប​ធំៗ​ដឹកជញ្ជូន​ឈើ​អារច្រៀក​រួច​ចេញពី​តំបន់​ដែនជម្រកសត្វព្រៃ​ភ្នំ​ព្រេច ឆ្លងកាត់​ស្រុក​កែវ​សីមា ខេត្តមណ្ឌលគិរី ហើយ​ចេញទៅ​ស្រុក​យួន​តាម​ច្រក​ត្រពាំង​ស្រែ ឃុំ​២​ធ្នូ ស្រុក​ស្នួល ខេត្តក្រចេះ។

ប្រភពពី​ប្រជា​សហគមន៍​ការពារ​ព្រៃឈើ​ក្នុងស្រុក​កោះ​ញែក ខេត្តមណ្ឌលគិរី បាន​ឲ្យ​ដឹងថា រយៈពេល​មួយ​សប្ដាហ៍​កន្លងទៅនេះ​ឈ្មួញ​ធំៗ​៣​នាក់ គឺ​ឧកញ៉ា តុ​ប វី​ដា ឧកញ៉ា សឹង សំអុល និង​ឧកញ៉ា ប៉ោ សំអឿន កំពុង​សម្រុក​កាប់​ឈើ​និង​ដឹកជញ្ជូន​ឈើ​ចេញពី​តំបន់​ដែនជម្រកសត្វព្រៃ​ភ្នំ​ព្រេច យ៉ាង​ពេញបន្ទុក​ដោយ​គ្មាន​ញញើត​អ្វី​ទាំងអស់​។ ប្រភពពី​ប្រជា​សហគមន៍​បាន​ឲ្យ​ដឹង​ទៀតថា ឈ្មួញ​ទាំង​៣​នាក់​នេះ​បាន​ប្រើប្រាស់​រថយន្ត​បង្កុង រថយន្ត​កែច្នៃ និង​ត្រាក់ទ័រ មិនតិចជាង​២០០​គ្រឿង​សម្រាប់​កាប់​ឈើ​នៅក្នុង​តំបន់​ដែនជម្រកសត្វព្រៃ​ភ្នំ​ព្រេច និង​តំបន់​ក្បែរៗ​នោះ​យ៉ាង​មហន្តរាយ​។ ទន្ទឹមនឹងនេះ​ពួក​ឈ្មួញ​បាន​ប្រើប្រាស់​គោយន្ត​ប្រភេទ​កាឡេ​ថង មិនតិចជាង​៥០០​គ្រឿង​ដើម្បី​ដឹកជញ្ជូន​ឈើ​ចេញពី​ព្រៃ​យ៉ាង​គគ្រឹកគគ្រេង​ដោយសារ​មានការ​ឃុបឃិត​បើកដៃ​ពី​សំណាក់​មន្ត្រី​បរិស្ថាន មន្ត្រីរដ្ឋបាល​ព្រៃឈើ​និង​សមត្ថកិច្ច​ពាក់ព័ន្ធ​ជាច្រើន​ស្ថាប័ន​ទៀត​។

​តាម​ប្រភពពី​សកម្មជន​ព្រៃឈើ​និង​មន្ត្រី​អង្គការក្រៅរដ្ឋាភិបាល​ក្នុង​ខេត្តមណ្ឌលគិរី បាន​ឲ្យ​ដឹងថា កាលពី​ថ្ងៃទី​១២​និង​ថ្ងៃទី​១៣ ខែសីហា ឆ្នាំ​២០១៨ ឈ្មួញ​ធំៗ​ទាំង​៣​នាក់​នោះបាន​ប្រើប្រាស់​រថយន្ត​បង្កុង រថយន្ត​កែច្នៃ​ប្រមាណ​២០០​គ្រឿង​សម្រាប់​កាប់​ឈើ​និង​ដឹកជញ្ជូន​ឈើ​ខុសច្បាប់ ហើយ​មាន​ត្រាក់ទ័រ​សម្រាប់​អូស​ឈើ​ចំនួន​៤០​គ្រឿង ព្រមទាំង​គោយន្ត​ប្រមាណ​៥០០​គ្រឿង​ដើម្បី​ដឹកជញ្ជូន​ឈើ​ចេញពី​តំបន់​ដែនជម្រកសត្វព្រៃ​ភ្នំ​ព្រេច យ៉ាង​អនាធិបតេយ្យ​បំផុត​។ ប្រភព​បាន​ឲ្យ​ដឹង​ទៀតថា មេ​ឈ្មួញ សឹង សំអុល មេ​ឈ្មួញ ប៉ោ សំអឿន និង​មេ​ឈ្មួញ តុ​ប វី​ដា ក៏បាន​ប្រើប្រាស់​រថយន្ត​ធំៗ​ដឹកឈើ​ចេញពី​តំបន់​ដែនជម្រកសត្វព្រៃ​ភ្នំ​ព្រេច ចូលទៅ​ស្រុក​កែវ​សីមា យ៉ាង​ពេញបន្ទុក​ហើយ​គ្មាន​មន្ត្រី​ជំនាញ​ឬ​សមត្ថកិច្ច​ពាក់ព័ន្ធ​ណា​ហ៊ាន​ប៉ះពាល់​ឡើយ​។

មន្ត្រី​យោធាឈ្មោះ​ សូ ឆង​ រស់ដោយសារអាជីពបើកសង្វៀន​មាន់ ដោយបើកដៃពី ​លោក​ ឡុច សុវណ្ណារ៉ា​ស្នង​ការនគរ​បាលខេត្ត​កំពង់​ឆ្នាំង

0

ខេត្តកំពងឆ្នាំង ៖មន្ត្រី​យោធា​ឈ្មោះ សូ ឆ​ង បានជ្រើសយកអាជីព ល្បែងស៊ីសង បើកន្លែងសង្វៀនជល់មាន់  ដោយជ្រោកក្រោមស្លាកយីហោយោធា ​ថែមទាំងមានចរិកអំនួត អួតអាង ថាបានចំណាយលុយ​យ៉ាងច្រើន​សម្រាប់បិទមាត់ ដល់លោក លោក​ ឡុច សុវណ្ណារ៉ា​ស្នង​ការនគរ​បាលខេត្ត​កំពង់​ឆ្នាំង និងមន្ត្រី​អាជ្ញាធរ​និង​សមត្ថកិច្ច​ពាក់ព័ន្ធទើប​អ្វីៗ​អាច​ដំណើរការ​យ៉ាង​រលូន​។

 

លោក សូ ឆ​ង ត្រូវបានគេដឹងថា ជាអ្នករកចំណូលឲ្យលោក ឡុ​ច សុវណ្ណារ៉ា ស្នងការ​នគរបាល​ខេត្តកំពង់ឆ្នាំង ដោយសារមានការឃុបឃិតគ្នា បែបនេះ ទើប​គេមិនខ្វល់បញ្ហាសុវត្តិភាពរបស់ប្រជាពលរដ្ឋ ដែល​ប្រឈម និងមានចោរលួច ចោរប្លន់ និងបង្កឲ្យមានហឹង្សាដាក់គ្នា រវៀងក្រុមគ្រួសារ និងបានអនុវត្តផ្ទុយពី​ ​គោលនយោបាយ​ភូមិ​-​ឃុំ មាន​សុវត្ថិភាព​ទាំង​៩​ចំណុច​។

ដោយមានការកោតសរសើរយ៉ាងខ្លាំង ពីសំណាក់ប្រជាពលរដ្ឋថា កងកម្លាំងជាច្រើននាក់ ដែលស៊ីប្រាក់​ខែរាស្រ្ត តែបានមកបំរើការពារផលប្រយោជន៍ ឲ្យបនល្បែងរបស់លោក សូ ឆង ដែលជាមន្រ្តីយោធា​ក្លែង​ក្លាយទៅវិញ  ការលើកឡើងដូច្នេះ ក៏ដោយសារតែ បើមន្រ្តីយោធាពិតប្រាកដ គឺត្រូវតែអនុវត្តតាមវិន័យ​សណ្តាប់ធ្នាប់របស់កងកម្លាំង មិនឲ្យមានការពាក់ព័ន្ឋនឹងល្បែងស៊ីសង និងគ្រឿងញៀនជាដាច់ខាត បុគ្គល​ណាប្រព្រឹត្តផ្ទុយពីបទបញ្ជាខាងលើនិងត្រូវទទួលវិន័យ ឬដេញចេញពីអង្គភាព ។

​សង្វៀន​ជល់មាន់​ ក្នុងភូមិ​ស្វាយ ឃុំ​ស្វាយ ស្រុក​សាមគ្គី​មានជ័យ ខេត្តកំពង់ឆ្នាំង បានធ្វើឲ្យប្រជាពលរដ្ឋ សម្តែងនូវការព្រួយបារម្ភ​ ដោយសារ​គ្មាន​មន្ត្រី​អាជ្ញាធរ​ឬ​សមត្ថកិច្ច​មូលដ្ឋាន​ណា​ចាត់វិធានការ​បង្ក្រាប​ឡើយ​ទើប​ប្រជាពលរដ្ឋ​ក្នុងភូមិ​ស្វាយ ឃុំ​ស្វាយ ស្រុក​សាមគ្គី​មានជ័យ បានសំនូមពរ និងអំពាវនាវ​ឲ្យឯកឧត្តម ​នាយ​ឧ​ត្ត​ម​សេនីយ៍ នេ​ត សាវឿន អគ្គស្នងការ​នគរបាល​ជាតិ មេត្តាជួយចាត់វិធានការ​បង្ក្រាប​ល្បែងស៊ីសង​ក្នុង​មូលដ្ឋាន​ ផង​ដើម្បី​ពង្រឹង​សន្តិសុខ​សង្គម​។

ខេមរា ដេលី

 

ស្រ្តីចាក់សម្លាប់ប្តី ត្រូវបានប៉ូលិស​ប៉ុស្តិ៍​សង្កាត់​គោកចក​ឃាត់ខ្លួន

0

​ខេត្តសៀមរាប៖  មន្ត្រីប៉ូលិស​ប៉ុស្តិ៍​សង្កាត់​គោ​ចក នៃ​ក្រុង​សៀមរាប​ម្នាក់ ត្រូវ​ឃាតករ​ចាក់​សម្លាប់ នៅ​ព្រឹក​ព្រលឹម​ថ្ងៃទី​១៥ សីហា នេះ នៅ​ចម្ងាយ​ប្រមាណ​២០០​ម៉ែត្រ​ពី​ផ្ទះ​ជនរងគ្រោះ ដោយ​ប្រើ​កូនកាំបិត​ចុង​ស្រួច ខណៈ​ជនរងគ្រោះ​កំពុង​ជិះ​ម៉ូតូ​ចូលទៅ​ផ្ទះ​ស្ថិតក្នុង​ភូមិ​ធ្លក​អណ្តូង សង្កាត់​ស្លក្រាម ក្រុង​សៀមរាប​។​

​តាម​សាក្សី​នៅ​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ គេ​បានឃើញ​មាន​ម៉ូតូ​២​ទៅ​៣​គ្រឿង​បាន​ជិះ​ដេញ​ចាក់​គ្នា ដូច​ក្នុង​រឿង​ហុងកុង ស្រាប់តែ​មួយសន្ទុះ ក៏​ស្ងាត់ឈឹង ។ បន្ទាប់ពី​ស្ងាត់ អ្នកភូមិ​ក៏បាន​នាំគ្នា​ចេញមក​មើល ស្រាប់តែ​ឃើញ​មាន​មនុស្ស​ដេកស្លាប់​នៅតាម​ផ្លូវ រួច​ឃើញ​មាន​អ្នកជិតខាង​ម្នាក់​គាត់​បានខ​ល​ទៅ​ប៉ូលិស​មូលដ្ឋាន ដើម្បី​រាយការណ៍​អំពី​ករណី​មនុស្ស​ស្លាប់​។​

​មន្ត្រីប៉ូលិស​ប៉ុស្តិ៍​សង្កាត់​គោ​ចក នៃ​ក្រុង​សៀមរាប​ម្នាក់ ត្រូវ​ឃាតករ​ចាក់​សម្លាប់ នៅ​ព្រឹក​ព្រលឹម​ថ្ងៃទី​១៥ សីហា នេះ នៅ​ចម្ងាយ​ប្រមាណ​២០០​ម៉ែត្រ​ពី​ផ្ទះ​ជនរងគ្រោះ ដោយ​ប្រើ​កូនកាំបិត​ចុង​ស្រួច ខណៈ​ជនរងគ្រោះ​កំពុង​ជិះ​ម៉ូតូ​ចូលទៅ​ផ្ទះ​ស្ថិតក្នុង​ភូមិ​ធ្លក​អណ្តូង សង្កាត់​ស្លក្រាម ក្រុង​សៀមរាប​។​

​តាម​សាក្សី​នៅ​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ គេ​បានឃើញ​មាន​ម៉ូតូ​២​ទៅ​៣​គ្រឿង​បាន​ជិះ​ដេញ​ចាក់​គ្នា ដូច​ក្នុង​រឿង​ហុងកុង ស្រាប់តែ​មួយសន្ទុះ ក៏​ស្ងាត់ឈឹង ។ បន្ទាប់ពី​ស្ងាត់ អ្នកភូមិ​ក៏បាន​នាំគ្នា​ចេញមក​មើល ស្រាប់តែ​ឃើញ​មាន​មនុស្ស​ដេកស្លាប់​នៅតាម​ផ្លូវ រួច​ឃើញ​មាន​អ្នកជិតខាង​ម្នាក់​គាត់​បានខ​ល​ទៅ​ប៉ូលិស​មូលដ្ឋាន ដើម្បី​រាយការណ៍​អំពី​ករណី​មនុស្ស​ស្លាប់​។​

​តាម​ប៉ូលិស​នៅ​កន្លែងកើតហេតុ​បាន​ឲ្យ​ដឹងថា ជនរងគ្រោះ​ដែល​ស្លាប់​នោះ​មានឈ្មោះ ហ៊ឹម វណ្ណ​រ៉ូ ភេទ​ប្រុស អាយុ​២៧​ឆ្នាំ មុខងា​ព្រិន្ទបាលឯក ជា​មន្ត្រីប៉ូលិស​ប៉ុស្តិ៍​សង្កាត់​គោកចក ក្រុង​សៀមរាប មាន​ទីលំនៅ​ក្រុមទី​១១ ភូមិ​ធ្លក​អណ្តូង សង្កាត់​ស្លក្រាម ក្រុង​/​ខេត្តសៀមរាប​។​

​តាម​ប្រភព​ខ្លះ​ថា នៅ​យប់​ថ្ងៃ​១៤​ខែសីហា ជនរងគ្រោះ បាន​ជិះ​ម៉ូតូ ទៅលេង​ផ្ទះ​បងធម៌ ដូច​សព​ដង នៅក្នុង កសិន អង្គរ ហើយ​ធ្លាប់​ដេក​នៅ​ទីនោះ​ផងដែរ ដល់​យប់កើតហេតុ ជនរងគ្រោះ ត្រូវបាន​សំរាក​ពី​ការងារ (​មិនត្រូវ​ចំ​វេន​ប្រចាំ​ការណ៍​ទេ ) ក៏បាន​ជិះ​ម៉ូតូ​មក​ផ្ទះ ទាំងយប់​តាមផ្លូវ​គ្រួស​ក្រហម តែ​ជិត​ដល់ផ្ទះ​ទៅហើយ ក៏ ត្រូវបាន​ជនសង្ស័យ ដេញតាម​ពីក្រោយ ចាក់​សម្លាប់ ដោយ​ប្រើ​កូនកាំបិត​ចុង​ស្រួច​ចំនួន​២​ដើម (១​ដើមដង​ខ្មៅ ប្រវែង​៣​តឹក និង ១​ដើម​ទៀត ដង​ខៀវ​លា​យស ប្រវែង​៣​តឹក​)​ហើយ​ចាក់​ត្រូវចំ​ពីមុខ​ចំនួន​៩​កាំបិត និង ខាង​ខ្នង​ចំនួន​១​កាំបិត បណ្តាល​ឲ្យ​ស្លាប់​ភ្លាមៗ​ក្នុង​ថ្លុកឈាម រួច​ជនសង្ស័យ​ក៏​ទំលាក់​កាំបិត ២​ដើម​នោះ​ចោល ជិត​ផ្លូវ​ពី​ខាងស្តាំ ក្បែរ​សាកសព​។​​ករណីនេះ សមត្ថកិច្ច​ស​ន្និ​ដា្ឋ​ន​ថា ជនរងគ្រោះ​ពិតជា​ត្រូវ​ឃាតករ (​ជនដៃដល់​)​ចាក់​សម្លាប់​ដោយ​ប្រើ​កូនកាំបិត​ចិត្ត​បន្លែ​មុខស្រួច ចំនួន​២​ដើម​)​ហើយ​ជនសង្ស័យ​មាន​គ្នា​ចាប់​២ ទៅ​៣​នាក់ ទើប​ធ្វើកើត ប្រហែលជា​រឿង​គំនុំ ព្រោះ​ទ្រព្យសម្បត្តិ ឃើញ​នៅ​ទាំងអស់ កន្លែងកើតហេតុ​៕​

សង្កាត់រដ្ឋបាលព្រៃឈើរវៀងអសមត្ថភាពក្នុងការទប់ស្កាត់ការដឹកជញ្ជូនឈើដោយខុសច្បាប់

0

ខេត្តព្រះវិហារ៖ សកម្មភាពដឹកជញ្ជូនដឹកដោយខុសច្បាប់ ត្រូវបានប្រទះឃើញជារៀងរាល់យប់ តាម​រយះ​រថយន្តសាំយ៉ុង និងការដឹកជញ្ជូនតាមរយះរ៉ឺម៉កសណ្តោង ដោយពុំមានការហាមឃាត់ និងទប់ស្កាត់នោះ​ឡើយ ដែលជាហេតុធ្វើឲ្យមានការដឹកជញ្ជូនដូចសត្វកណ្តៀរ តាមបណ្តោយផ្លូវលាតសន្ធឹង ពីស្រុករវាង ខេត្តព្រះវិហារ មកទំម្លាក់នៅព្រំប្រទល់ខេត្តកំពង់ធំ ។

សកម្មភាពដឹកជញ្ជូននេះ ត្រូវបានធ្វើសកម្មភាព យ៉ាងគឃ្លើនដោយ ដោយពុំមានការខ្លាចញញើតសូម្បីបន្តិច ឡើយដែលជាហេតុធ្វើឲ្យមានការសង្ស័យថា ករណីឈ្មួញដឹកឈើ ទាំងរថយន្ត និងរ៉ឺម៉កនេះ មានការបើក​ភ្លើងខៀវពីសំណាក់ ផ្នែករដ្ឋបាលព្រៃឈើរវៀង និងសង្កាត់រដ្ឋបាលព្រៃឈើរវៀង ទើបបានជាឈ្មួញឈើ​ទាំង ធ្វើសកម្មភាពដឹកជញ្ជូនដោយរលូន ។

ជាក់ស្តែងកាលពីថ្មីៗកន្លងទៅនេះ សកម្មភាពដឹកឈើរបស់ លោក សាន ដែលជាមេឈ្មួញជើងខ្លាំង ដឹក​ជញ្ជូនឈើលេខ២  រាប់សិបឡាន  ឆ្លងកាត់មុខសង្កាត់រដ្ឋបាលព្រៃឈើរវៀង រួមទាំងរ៉ឺម៉កដឹកឈើជាច្រើន​គ្រឿងតែពុំត្រូវបានហាមឃាត់នោះឡើយ ធ្វើឲ្យមានការរិះគន់យ៉ាងចាស់ដៃ ពីសំណាក់ប្រជាពលរដ្ឋថា មេព្រៃ ប្រៀបបាននឹងមេខ្មូត បើរស់នៅព្រៃមិនស៊ីឈើ ហេតុអ្វីបានជាព្រៃឈើរលាយ និយាយរួមគឺ បើគ្មាន​ការបើកដៃពីមេព្រៃទេ ឈ្មួញឯណាថ្លើមធំ ហ៊ានដឹកជញ្ចូនឈើទាំងនេះ ។

តាមប្រភពព័ត៌មានច្បាស់ការ បានបញ្ជាក់ឲ្យដឹងថា ការដឹកជញ្ជូនឈើដោយខុសច្បាប់ គឺបណ្តាលមកពី ផ្នែក និងសង្កាត់ព្រៃឈើរវៀង ដែលជាអ្នកបើភ្លើងខៀវ ឲ្យមានការដឹកជញ្ជូនតាមរយះរថយន្តយីឌុប និង​រថយ​ន្តកូរ៉េ  រួមទាំងរថយន្តសាំយ៉ុង បានធ្វើសកម្មភាពយ៉ាងគគ្រឹកគ្រេង ចាប់តាំងពីលោក នួន សុខុម    នាយខណ្ទរដ្ឋ​បាលព្រៃឈើឡើងថ្មី គឺបានសកម្មភាពដឹកជញ្ជូនឈើដោយខុសច្បាប់ បានគគ្រើកដីនៃទឹកដី ខេត្តព្រះវិហារ ដែលផ្ទុយពីការប្រកាសបិទរបស់ឯកឧត្តម រដ្ឋមន្រ្តីមិនឲ្យខណ្ទ ផ្នែក សង្កាត់រដ្ឋបាលព្រៃឈើ នាចេញច្បាប់អនុញ្ញាតិឲ្យដឹកជញ្ជូនឈើនោះទេ ប៉ុន្តែចាប់តាំងពីលោក នួន សុខុម ឡើងជានាយខណ្ទគឺ  ព្រៃឈើជិតរលាយហើយ ដោយមិនខ្វល់ពីការហាមឃាត់នោះឡើយ។

ជាក់ស្តែងឈើតាមដេប៉ូនៅក្នុងខេត្តកំពង់ធំ គឺសុទ្ធសឹងតែដឹកចេញពីខេត្តព្រះវិហារ  ចេញពីស្រុកជាយសែន ស្រុករវៀង និងស្រុកមួយចំនួនទៀត ដែលបានដឹកឈើដោយខុសច្បាប់ យកមកទម្លាក់នៅដេប៉ូឈើព្រំ​ប្រទល់ខេត្តកំពង់ធំ ហើយម្ចាស់ដេប៉ូឈើ ដឹកឈើទាំងនោះមកដាក់នៅ ដេប៉ូឈើនៅក្នុងខេត្តកំពង់ធំ រួច​ចេញវិក័យប័ត្រ ថាជាឈើស្របច្បាប់។      ដោយ  ​ប៊ុន  រដ្ឋា    

 

អភិបាលខេត្តកំពង់ធំ ជំរុញឲ្យប្រជាពលរដ្ឋចូលរួមថែរក្សាធនធានធម្មជាតិនៅបឹងទន្លេសាប

0

ខេត្តកំពង់ធំ៖  ឯកឧត្តម សុខ លូ អភិបាលខេត្តកំពង់ធំ លើកឡើងថា សម្តេចតេជោ ហ៊ុន សែន បានប្រកាសលុបឡូត៍នេសាទទូទាំងប្រទេស គឺដើម្បីបងប្អូនទទួលបានផលប្រយោជន៍នេសាទជាលក្ខណៈគ្រួសារ ជាពិសេសបងប្អូនប្រជាពលរដ្ឋនៅក្នុងឃុំផាត់សណ្តាយ ស្រុកកំពង់ស្វាយ ដែលពឹងផ្អែកលើការនេសាទត្រី ជាមុខរបរសំខាន់ទីមួយ។ ដូច្នេះសូមឲ្យប្រជាពលរដ្ឋទាំងអស់គោរពច្បាប់នេសាទទាំងអស់គ្នា ដើម្បីថែរក្សាពូជត្រី និងទិន្និផលត្រីឲ្យមានការកើនឡើងជាងមុន សម្រាប់អនាគតយូអង្វែងតទៅទៀត។

ឯកឧត្តមបានថ្លែងយ៉ាងដូច្នេះ នៅក្នុងពិធីជួបសំណេះសំណាលជាមួយបងប្អូនប្រជាពលរដ្ឋនៅឃុំផាត់សណ្តាយ ស្រុកកំពង់ស្វាយ ខេត្តកំពង់ធំ ប្រមាណជិត ១ពាន់នាក់ នៅព្រឹកថ្ងៃទី១៤ ខែសីហា ឆ្នាំ២០១៨។ ឯកឧត្តមបន្ថែមទៀតថា សូមបងប្អូនត្រូវចាត់ទុកថា បឹងទន្លេសាបនេះ មិនមែនជាកម្មសិទ្ធរបស់អ្នកណាម្នាក់ទេ គឺជារបស់យើងទាំងអស់គ្នា ព្រោះបឹងទន្លេសាប មានវិសាលភាពធំធេង សម្រស់ស្រស់ស្អាត ដែលជាអាងស្តុកទឹកធម្មជាតិ និងជាជំរកមច្ឆាជាតិ ដ៏សំខាន់សំរាប់ប្រជាជនកម្ពុជា និងសូមអំពាវនាវដល់កងកម្លំាងសមត្ថកិច្ច កម្លំាងជំនាញពាក់ព័ន្ធទាំងអស់ ត្រូវខិតខំធ្វើការបង្ក្រាបនូវបទល្មើសនេសាទប្រកបដោយតម្លាភាព។ ក្នុងនោះឯកឧត្តមបានបញ្ជាក់ថា ចំពោះមន្ត្រីខិលខូចមួយចំនួនតូច ដែលមានការពាក់ព័ន្ធនឹងការប្រព្រឹត្តបទល្មើសនេសាទ សូមធ្វើការដកខ្លួនចេញជាបន្ទាន់ បើពុំដូច្នោះទេ ឯកឧត្តមនឹងអនុវត្តនូវអភិក្រមទាំង ៥របស់រាជរដ្ឋាភិបាលកម្ពុជា គឺ ងូតទឹក ដុសក្អែល ឆ្លុះកញ្ចក់ ព្យាបាល និងវះកាត់។ ការធ្វើបែបនេះ គឺដើម្បីរក្សានូវពូជត្រី ធនធានធម្មជាតិជីវៈចម្រុះឡើងវិញ ក្នុងការជួយទ្រទ្រង់ជីវភាពរស់នៅដល់បងប្អូនប្រជាជនកម្ពុជាយើង ជាពិសេសគឺទុកសម្រាប់បងប្អូនប្រកបមុខរបរទេសាទជាលក្ខណៈគ្រួសារ។ ហើយបឹងទន្លេសាប មានព្រំប្រទល់ជាប់ខេត្ត ខេត្តកំពង់ឆ្នាំង ខេត្តកំពង់ធំ ខេត្តបាត់ដំបង ខេត្តពោធិសាត់ និងខេត្តសៀមរាប។

បន្ទាប់ពីសំណេះសំណាលជាមួយប្រជាពលរដ្ឋរួចមក ឯកឧត្តម សុខ លូ និងក្រុមការងារ បានបន្តរដំណើរទៅពិនិត្យស្ថានភាពសាលាបឋមសិក្សានៅភូមិទួលនាងសាវ អំពីការការបង្រៀន និងការរៀនរបស់សិស្សនៅទីនោះផងដែរ។ ម្យ៉ាងវិញទៀត នៅក្នុងភូមិនេះ ក៏មានការសាងសង់អនុវិទ្យាល័យទួលនាងសាវមួយខ្នងទៀត ដែលការសាងសង់នេះជិតរួចហើយដែរ។ មិនតែប៉ុណ្ណោះ ឯកឧត្តម ក៏បានបន្តរដំណើរបន្តទៀត ទៅជួបលោក ជុំ លឿម អាយុ ៤២ឆ្នាំ ដែលជាអ្នកស្ម័គ្រចិត្តរបស់គម្រោង Aus AID ASSISI AID LEC បានជួយបង្រៀនបំប៉នដល់កុមារនៅក្នុងតំបន់បឹងស្បូវ ក្នុងភូមិទួលនាងសាវ ឃុំផាត់សណ្តាយ។ ក្នុងនោះ ស្ថានភាពគ្រួសារ លោក ជុំ លឿម មានកូន ៧នាក់ មានផែបណ្តែតទឹកមួយ មានផ្ទះមួយដែលមានសភាពទ្រុឌទ្រោម (គាត់មិនបានរស់នៅលើផ្ទះនេះទៀតទេ) មានកាណូតស្មាច់មួយ សម្រាប់ធ្វើដំណើរតាមប្រពៃណីបងប្អូនតំបន់នេះ។ ជាមួយគ្នានោះ ឯកឧត្តម សុខ លូ អភិបាលខេត្តកំពង់ធំ និងលោក ឃឹម នុភាព បេក្ខជនតំណាងរាស្ត្រមណ្ឌលកំពង់ធំ បានសម្រេចសាងសង់ផ្ទះជូនគាត់មួយ និងឧបត្ថម្ភនូវគ្រឿងឧបភោគបរិភោគ ដើម្បីជួយសម្រាលដល់ជីវភាពរស់នៅរបស់ពួកគាត់បានមួយកម្រិតផងដែរ។

ក្នុងនោះដែរ លោក ជុំ លឿម ថ្លែងអំណរគុណដល់ឯកឧត្តម សុខ លូ អភិបាលខេត្តកំពង់ធំ និងលោក ឃឹង នុភាព និង ក្រុមការងារទាំងអស់ ដែលបានចុះមកសាកសួរសុខទុក្ខដល់ក្រុមគ្រួសារគាត់ផ្ទាល់ និងប្រជាពលរដ្ឋងាយរងគ្រោះបានទាន់ពេលវេលា ព្រមទាំងគោរពជូនពរឯកឧត្តម និងក្រុមការងារ បន្តដឹកនាំខេត្តកំពង់ធំ មានការអភិវឌ្ឍន៍រីកចម្រើនបន្ថែមទៀត។​ដោយ  ប៊ុន  រដ្ឋា

ទឹកភ្នែកស្រ្តីមេម៉ាយកូន៥នាក់ជាគ្រួសារអតីយុទ្ធជនពលី បានទទួលផ្ទះថ្មីមួយខ្នងអំណោយសម្តេចតេជោ ហ៊ុន សែន

0

កំពង់ធំ៖ ទឹកភ្នែកស្រ្តីមេម៉ាយចិញ្ចឹមកូន៥នាក់ ដែលជាភរិយារបស់អតីតយុទ្ធជនពលី បានស្រក់ចុះទាំង អារម្មណ៍រំភើបក្តុកក្តួល ខណៈពេលដែលបានទទួលផ្ទះថ្មីបែរជាប្តីស្លាប់ចោល ពុំបានរស់នៅរួមសុខរួមទុក្ខជាមួយគ្នា ការទទួលផ្ទះថ្មីនេះជាខ្នងផ្ទះលើកទី៩៣និងជាអំណោយដ៏ ថ្លៃថ្លារបស់សម្តេចតេជោ ហ៊ុន សែន ប្រធានសមាគមអតីតយុទ្ធជន នាយករដ្ឋមន្រ្តីនៃព្រះរាជាណាចក្រ​កម្ពុជា តាមរយះឯកឧត្តម នាយឧត្តមសេនីយ៍ គន់ គីម អគ្គលេខាធិការសមាគមអតីតយុទ្ធជនកម្ពុជា ។

ខ្នងផ្ទះទី៩៣​ អំណោយ​ដ៏​ថ្លៃថ្លា​របស់​សម្ដេច​តេជោ​ហ៊ុន​ សែន ត្រូវបានសាងសង់ដោយ សមាគមអតីត​យុទ្ធជនកម្ពុជា ខេត្តកំពង់ធំ ដឹកនាំផ្ទាល់ឯកឧត្តម ឧត្តមសេនីយ៍ទោ សោម ស៊ុន មេបញ្ជាការងយោធភូមិភាគ ទី៤ ប្រធានសមាគមអតីតយុទ្ធជនកម្ពុជាខេត្ត និងត្រូវបានប្រគល់ជូនលោក​ស្រី​ យ៉េន​ សុខណា​ អាយុ​៣៨​ ឆ្នាំជាភរិយាយរបស់អតីតយុទ្ធជន​ពលី ​ ឈ្មោះ​ធឿន​ថា​ ឋានន្តរសក្ដិ​ព្រិន្ទបាលឯក​ អាយុ​៤៣​ ឆ្នាំ​  មាន​កូន​តូច​ៗ​នៅ​ក្នុង​បន្ទុក​ចំនួន​៥​ នាក់​ ដែល​ត្រូវ​ទទួល​បន្ទុក​ចិញ្ចឹម​បីបាច់​ថែ​រក្សា​ក្រោយ​ស្វាមី​ទទួល​មរណភាព​ទៅ​ ផ្ទះ​ថ្មី​មួយ​ខ្នង​នេះ​មាន​ទំហំ​៦ម៉ែត្រ​x​៧ម៉ែត្រ​  ដែល​បាន​ចំណាយ​ថវិកា​ក្នុង​ការ​សាងសង់​អស់​ទឹក​ប្រាក់​ចំនួន​៧,៣២០,០០០រៀល​  ។

នៅក្នុង​ពិធី​ប្រគល់​ផ្ទះ​ថ្មី​នេះ​ក្រុម​ការងារ​សមាគម​អតីត​យុទ្ធ​ជន​ខេត្តកំពង់ធំ​ បាន​ពាំនាំ​យក​នូវ​អំណោយ​របស់​សម្ដេច​តេជោ​ហ៊ុន​ សែន​ ផ្តល់​ជូន​គាត់​បន្ថែម​ទៀត​រួម​មាន​អង្ករ​ចំនួន​៥០​ គឺ​គីឡូក្រាម​ មីយើងចំនួន២​កេស​ មុង​ជ្រលក់​ថ្នាំ​ចំនួន​២​ និង​ថវិកា​ចំនួន​២០០,០០០​ រៀល​ ដោយមានការចូលរួមពី  អាជ្ញាធរ​ដែនដី​ និង​ប្រជាពលរដ្ឋ​នៅ​ព្រឹកថ្ងៃទី​១៥​ ខែសីហា​ ឆ្នាំ​២០១៨ ​ នៅ​ភូមិ​បូពឹង​ឃុំ​កំពង់​គោ​  ស្រុកកំពង់ស្វាយ​ខេត្តកំពង់ធំ​  ។

​លោក​ស្រី​ យ៉េន​ សុខណា ភរិយា​អតីត​យុទ្ធ​ជន​ពលី​ បាន​ថ្លែង​អំណរគុណ​ចំពោះ​សម្តេច​តេជោ​ហ៊ុន​សែន​ និង​សម្តេច​កិត្តិព្រឹទ្ឋបណ្ឌិត​ ប៊ុន​ រ៉ានី​ហ៊ុន​សែន​ ដែល​បាន​យក​ចិត្ត​ទុកដាក់​ចំពោះ​ប្រជាពលរដ្ឋ​ទូទៅ​ ពិសេស​សម្រាប់​គ្រួសារ​អតីត​យុទ្ធ​ជន​ដែល​ជួប​ការ​លំបាក​  និង​សូម​គោរព​ជូន​ពរ​សម្តេច​ទាំងពីរ​ សូម​មាន​សុខភាព​ល្អ​ ដើម្បី​បន្ត​ដឹកនាំ​នាវា​សន្តិភាព​ ឆ្ពោះ​ទៅ​កាន់​ការ​អភិវឌ្ឍន៍​បន្ត​ទៀត​ ។

ឯកឧត្តម ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានពាំនាំប្រសាសន៍​សួរសុខទុក្ខរបស់សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា សុំឲ្យបងប្អូនទាំងអស់ ទទួលបាននូវសេចក្តីសុខចម្រើន និងសូឲ្យថែរក្សាសុខភាព ប្រុងប្រយ័ត្នចំពោះក្មេងៗ និងមនុស្សចាស់ រួម​ទាំងសត្វពាហនៈ ក្នុងរដូវទឹកជំនន់នេះ អាចនឹងអន្តរាយបាន បើកាលណាខ្វះការប្រុងប្រយ័ត្ន ។

ដោយ  ប៊ុន  រដ្ឋា

 

សាលាខេត្តព្រះសីហនុបានរៀបចំកិច្ចប្រជុំស្តីពីការផ្សព្វផ្សាយច្បាប់ និងលិខិតដ្ឋានគតិយុត្តទេសចរណ៍

0

ព្រះសីហនុ៖ នារសៀលថ្ងៃអង្គារ ៣កើត ខែស្រាពណ៌ ឆ្នាំច ព.ស២៥៦២ត្រូវនិងថ្ងៃទី១៤ខែសីហាឆ្នាំ២០១៨
នៅសាលាខេត្តព្រះសីហនុបានរៀបចំនៅកិច្ចប្រជុំស្តីពីការផ្សព្វផ្សាយច្បាប់ និងលិខិតដ្ឋានគតិយុត្តទេសចរណ៍ ក្រោមអធិបតីភាព លោក ផៃ ប៊ុនវណ្ណៈ អភិបាលរងខេត្តព្រះសីហនុ និងមានការចូលរួមពីផ្នែកពាក់ពន្ធ័នានា

ឯកឧត្តម សុខ លូ ដឹកនាំកិច្ចប្រជុំរៀបចំសុវត្ថិភាព និងសណ្តាប់ធ្នាប់របៀបរៀបរយប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០១៨

0

ខេត្តកំពង់ធំ ឯកឧត្តម សុខ លូ អភិបាលខេត្តកំពង់ធំ មានប្រសាសន៍ថា “ការរៀបចំការប្រឡងសញ្ញាបត្រមធ្យមសិក្សាទុតិយភូមិឆ្នាំនេះ នឹងធ្វើឲ្យបានល្អប្រសើជាងឆ្នាំមុនៗទៀត”។ ឯកឧត្តមថ្លែងយ៉ាងដូច្នេះ នៅក្នុងកិច្ចប្រជុំពិភាក្សាការងារប្រឡងសញ្ញាបត្រមធ្យមសិក្សាទុតិយភូមិចំណេះទូទៅ និងបំពេញវិជ្ជា នាព្រឹកថ្ងៃទី១៣ ខែសីហា ឆ្នាំ២០១៨នេះ ។

ឯកឧត្តមបានបន្ថែមទៀតថា ការប្រឡងសញ្ញាបត្រមធ្យមសិក្សាទុតិយភូមិលើកនេះ សូមមន្ទីរ អង្គភាពពាក់ព័ន្ធទាំងអស់ សហការណ៍គ្នា ធ្វើយ៉ាងណាឲ្យការប្រឡងបាក់ឌុប នៅថ្ងៃ២០ ខែសីហា ឆ្នាំ២០១៨ នេះ ប្រព្រឹត្តទៅដោយបរិយាកាសល្អប្រសើរ ទទួលបានលទ្ធផលជោគជ័យ។

គួររំលឹកផងដែរថា ខេត្តកំពង់ធំ មានមណ្ឌលប្រឡងសរុបចំនួន ១០មណ្ឌល ក្នុងនោះថ្នាក់វិទ្យាសាស្ត្រ មាន៤មណ្ឌល ថ្នាក់វិទ្យាសាស្ត្រសង្គម ៦មណ្ឌល ដែលមានទីតាំងស្ថិតនៅ ក្នុងក្រុងស្ទឹងសែន និងស្រុកកំពង់ស្វាយ ដែលទីតាំងនេះ ស្ថិតនៅជិតទីប្រជុំជន ដូចនេះបេក្ខជនដែលត្រូវប្រឡងត្រូវធ្វើដំណើរមកស្នាក់នៅ ជិតមណ្ឌលប្រឡងរបស់ពួកគេ ជាបញ្ហាមួយដែលផ្តល់ការលំបាកដល់បេក្ខជនមួយចំនួនដែលមកពីស្រុកឆ្ងាយៗ ដូចជា សណ្តាន់ ប្រាសាទបល្ល័ង្ក ជាដើម។ ឯកឧត្តម បន្ថែមទៀតថា “ចំពោះបញ្ហាស្នាក់នៅ របស់បេក្ខជនក្រីក្រ ដែលមិនមានលទ្ធភាពជួលផ្ទះសម្រាប់ស្នាក់នៅ ខ្ញុំសូមឲ្យអាជ្ញាធរ ក្រុង ស្រុក សាមី រៀបចំក្រុមការងារ ជួយសម្របសម្រួលកន្លែងស្នាក់នៅជូនពួកគាត់ ដែលយើងអាចសហការណ៍ជាមួយមន្ទីរធម្មការ និងសាសនា រៀបចំវត្តនៅជិតៗមណ្ឌលប្រឡងជូនពួកគាត់” បន្ថែមពីនេះទៅទៀត ឯកឧត្តម ក៏បានរៀបចំឲ្យមានកន្លែងផ្ញើរកង់ ម៉ូតូ ដោយឥតគិតថ្លៃជូនបេក្ខជនប្រឡង និងអំពាវនាវដល់ម្ចាស់សណ្ឋាគារ ផ្ទះសំណាក់ អាហារដ្ឋាន កុំឲ្យដំឡើងថ្លៃនៅថ្ងៃប្រឡង ដើម្បីសម្រួលដល់ជីវភាពបេក្ខជនមួយកម្រិតផងដែរ។

ទន្ទឹមនឹងនេះដែររ ឯកឧត្តម បានចាត់ឲ្យ ក្រុង ស្រុក ដែលមានមណ្ឌលប្រឡងធ្វើការអំពាវនាវដល់ អ្នកប្រកបអាជីវកម្មថតចម្លង ផ្អាកការថតចម្លងរយៈពេល៣ថ្ងៃ គឺថ្ងៃ ១៩ ២០ និង២១ ខែសីហា ឆ្នាំ២០១៨នេះ។

ជាចុងក្រោយ ឯកឧត្តម ផ្តាំផ្ញើដល់មន្ទីរ អង្គភាពពាក់ព័ន្ធ អនុវត្តឲ្យបាននូវស្មារតីអង្គប្រជុំ មិនមែនអនុវត្តតែនៅលើក្រដាសទេ គឺត្រូវអនុវត្តសកម្មភាពផ្ទាល់ ដើម្បីឲ្យការប្រឡងសញ្ញាបត្រទុតិយភូមិនេះ ប្រព្រឹត្តទៅដោយរលូន និងទទួលបាននូវលទ្ធផលខ្ពស់។ ដោយ ប៊ុន រដ្ឋា

  តំណក់ទឹកភ្លៀងកំពុងតែប្រជែងនិងពិធីប្រគល់ផ្ទះថ្មី២ខ្នងផ្ទះ អំណោយសម្តេចតេជោ ហ៊ុន សែន ជូនអតីតយុទ្ធជន

0

កំពង់ធំៈ ខ្នងផ្ទះថ្មី ចំនួន ២ខ្នងផ្ទះ ជាអំណោយដ៏ថ្លៃថ្លារបស់សម្តេចតេជោ ហ៊ុន សែ​ន នាយករដ្ឋមន្រ្តីនៃ​ព្រះរា​ជាណា​ចក្រ​កម្ពុជា​ ដែលទើបតែបានសាងសង់រួច  ត្រូវបានឯកឧត្តម ឧត្តមសេនីយ៍ទោ សោម ស៊ុន ប្រធាន​សមាគម​អតីតយុទ្ធជនកម្ពុជា ខេត្តកំពង់ធំ បានដឹកនាំសហការី ចុះប្រគល់ផ្ទះជូនអតីតយុទ្ធជន ដែល កំពុង​រង​​ចាំ​​ទទឹងមើលផ្លូវ ខណៈពេលដែលតំណក់ទឹកភ្លៀងកំពុងតែ ប្រជែងធ្លាក់រារាំងនៃពិធីប្រគល់ផ្ទះជូន អតីត​យុទ្ធជន តែឧបស័គ្គទាំងឡាយមិនមានបញ្ហាក្នុងនាទីមនុស្សធម៌ល្អទេ នៅថ្ងៃទី១៣ ខែ សីហា ឆ្នាំ ២០១៨។

ផ្ទះថ្មីដែលជា ដែលជាអំណោយរបស់សម្តេចតែជោ ហ៊ុន សែន ត្រូវបានប្រគល់ជូនគ្រួសារអតីតយុទ្ធជន តាម​​រយះ ឯកឧត្តម ឧត្តមសេនីយ៍ទោ សោម ស៊ុន មេបញ្ជាការងយោធភូមិភាគទី៤ និងជាមេបញ្ជាការតំបន់ ប្រតិបត្តិការសឹករងកំពង់ធំ ទី១ ជាខ្នងផ្ទះទីលើកទី៩១ ដែលមានទំហំ ៦មx ៦,៥០ម ត្រូវបានចំណាយថវិកាក្នុងការសាងសង់អស់ទឹកប្រាក់ចំនួន ៦,៧៦៥,០០០រៀល បាន​ផ្តល់ជូនអតីតយុទ្ធជនឈ្មោះ កង ទិត អាយុ ៤៨ ឆ្នាំមានភរិយាឈ្មោះ ចាន់ ម៉ាលីស អាយុ ៤៧ ឆ្នាំមានកូនក្នុងបន្ទុកចំនួន ០៤ នាក់  បច្ចុប្បន្នរស់នៅភូមិពពក ឃុំពពក ស្រុកស្ទោង ខេត្តកំពង់ធំ ។

ចំណែកខ្នងផ្ទះទី ២ ជាខ្នងផ្ទះលើកទី ៩២ សម្រាប់ខេត្តកំពង់ធំ ដែលមានទំហំ ៤មx6មដែលបានចំណាយថវិកាក្នុងការសាងសង់អស់ទឹកប្រាក់ចំនួន ៦,៨៦៧,០០០ រៀល បានប្រគល់ជូនគ្រួសារអតីតយុទ្ធជនពលីឈ្មោះ ម៉ក់ ភារម្យ ដែល​មាន​ភរិយា​ឈ្មោះ​ ខៀវ​ សុវណ្ណ​រ៉ា​ បច្ចុប្បន្នរស់នៅភូមិក្តីដូង ឃុំក្តីដូង ស្រុកកំពង់ស្វាយ ខេត្តកំពង់ធំ   និងសូមបញ្ជាក់ផងដែរថា សមាគមអតីតយុទ្ធជនខេត្តកំពង់ធំ បានសាងសង់ផ្ទះ បានចំនួន ៩៤ ខ្នងហើយ និងបានប្រគល់ជូនគាត់ស្នាក់នៅហើយចំនួន ៩២ ខ្នងនៅសល់ ០២ ខ្នងទៀតដែលជាក្នុងផ្ទះទី៩៣និង ៩៤  កំពុងដំណើរការសាងសង់ស្ថិតនៅក្នុងឃុំកំពង់គោ​ ស្រុក​កំពង់​ស្វាយ​ និង​ឃុំចំណាក្រោមស្រុកស្ទោងខេត្តកំពង់ធំ ។

ក្នុងពិធីប្រគល់ផ្ទះថ្មីជូនអតីតយុទ្ធជនពិការ និងគ្រួសារពលីនេះ ​ឯកឧត្តម សោម ស៊ុន និងក្រុមការងារសមាគមអតីតយុទ្ធជនកម្ពុជាខេត្ត បានពាំនាំការផ្តាំផ្ញើសាកសួរសុខទុក្ខ និងនាំយកនូវអំណោយរបស់សម្ដេចតេជោហ៊ុន​ សែន​ ប្រធាន​សមាគម​អតីត​យុទ្ធ​ជន​កម្ពុជា​ ផ្ដល់ជូនដោយក្នុងមួយគ្រួសារមួយគ្រួសារទទួលបាន÷ អង្ករ ៥០ គ.ក្រ ,មីម៉ាម៉ា ០២ កេស ,ទឹកត្រីទឹកស៊ីអ៉ីវ ០២ យួរ ,ជ្រលក់ថ្នាំ​ ចំនួន​០២ និងថវិកាចំនួន ២០០,០០០ រៀលផងដែរ ។

អតីតយុទ្ធជននៅខេត្តកំពង់ធំលែងមានភាពឯកាទៀតហើយបងប្អូនរស់នៅគ្រប់ទីកន្លែងត្រូវបានសមាគមអតីតយុទ្ធជនកម្ពុជាខេត្តកំពង់ធំចុះទៅសំណេះសំណាលសាកសួរសុខទុក្ខនិងផ្ដល់នូវភាពកក់ក្តៅជូនគាត់ដូចជាការព្យាបាលជំងឺ​ ការ​ជួយ​ដោះ​ស្រាយ​គ្រឿង​ឧបភោគបរិភោគនិងថវិកា អាជ្ញាធរ​ដែនដី​ និង​ប្រជាជន​យើង​មាន​ការ​អបអរសាទរ​ចំពោះ​អតីត​យុទ្ធ​ជន​យើង​ដែល​បាន​ទទួល​ផ្ទះ​ថ្មី​នេះ​  នឹង​ប្តេជ្ញា​ចិត្ត​គាំទ្រ​សម្តេចតេជោ​ ជារៀងរហូត​  ។

ដោយ  ប៊ុន រដ្ឋា

 

 

ខ្នង​ផ្ទះ​លើកទី៩០​ អំណោយសម្តេចតេជោ ហ៊ុន សែន ​ប្រគល់​ជូន​អតីត​យុទ្ធ​ជនមន្ត្រី​នគរបាល​ខេត្ត​កំពង់ធំ

0

កំពង់ធំ៖ ប្រធានសមាគមអតីតយុទ្ធជនកម្ពុជា ខេត្តកំពង់ធំ ដឹកនាំសហការី​រួម​ជាមួយ​អាជ្ញាធរ​ដែនដី​ ភូមិ សង្កាត់​  និង​ប្រជាពលរដ្ឋ​ ចូលរួម​ប្រគល់​ផ្ទះ​ថ្មី​មួយ​ខ្នង​ទៀត​ ដែល​ជា​ខ្នង​ផ្ទះ​ទី៩០​ អំណោយ​ដ៏​ថ្លៃថ្លា​របស់​សម្ដេច​តេជោ​ហ៊ុន​ សែន​ នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា​ ប្រធាន​សមាគម​អតីត​យុទ្ធ​ជន​កម្ពុជា​ បានបាន​ប្រគល់​ជូន​អតីត​យុទ្ធ​ជន​ ដែល​ជា​អតីត​មន្ត្រី​នគរបាល​ខេត្ត​កំពង់ធំ។

​អតីត​យុទ្ធ​ជន​ ដែល​ជា​អតីត​មន្ត្រី​នគរបាល​ខេត្ត​កំពង់ធំ ឈ្មោះ ​ ជួន​ សាគឿន​ អាយុ​៥៨​ ឆ្នាំ​  ចូល​បម្រើ​ក្នុង​ជួរ​នគរបាល​ខេត្ត​កំពង់ធំ​នៅឆ្នាំ​១៩៧៩​  អតីតជាអនុសេនីយ៍​ឯក​ បច្ចុប្បន្ន​រស់នៅ​ភូមិ​រកា​ សង្កាត់​ស្រយ៉ូវ​ ក្រុងស្ទឹងសែន​ ខេត្ត​កំពង់ធំ​ មាន​ភរិយា​ឈ្មោះ​ ហេង​ ឃាន់​ អាយុ​៤២​ ឆ្នាំ​ មាន​កូន​ចំនួន​៤​ នាក់​នៅក្នុង​បន្ទុក​  បានទទួលផ្ទះថ្មី ដែលជាអំណោយលើកទី៩០ សម្រាប់ខេត្តកំពង់ធំ របស់សម្តេចតេជោ ហ៊ុន សែន ប្រធាន​សមាគម​អតីត​យុទ្ធ​ជន​កម្ពុជា​ នៅរសៀលថ្ងៃអាទិត្យទី១២​ ខែសីហា​ ឆ្នាំ​២០១៨​  ។

ឯកឧត្តម ឧត្តសេនីយ៍ទោ សោម ស៊ុន មេបញ្ជាការងយោធភូមិភាគទី៤ មេបញ្ជាការ​តំបន់​ប្រតិបត្តិការ​សឹក​រង កំពង់ធំ បានមានប្រសាសន៍ថា អំណោយខ្នងផ្ទះ ដែលបានប្រគល់ជូនដល់ អតីតយុទ្ធជន និងអតីតយទ្ធជន​ពិការ និងគ្រួសារអតីតយុទ្ធជនពលី គឺបានផ្តល់ជូនតាមរយឯកឧត្តមនាយឧត្តមសេននីយ៍ គន់ គីម អគ្គលេខា​ធិការសមាគមអតីតយុទ្ឋជនកម្ពុជា  ដែលបានយកចិត្តទុកដាក់ និងជម្រុញឲ្យសមាគមខេត្ត ប្រឹងប្រែងដោះ​សា្រយ ចំពោះគ្រួសារតែមានផ្ទះមិនសមរម្យ និងអ្នកគ្មានដី គ្មានផ្ទះ ឬអ្នកមានដីតែគ្មានផ្ទះ សមាគមអតីត​យុទ្ធជនខេត្ត ត្រូវសាងសង់ជម្រក់ស្នាក់នៅជូនគ្រួសារអតីតយុទ្ធជនឲ្យរស់នៅបានសមរម្យនឹងគា។

សូមបញ្ជាក់ថារហូតមកដល់ពេលនេះចំនួន៩០ខ្នងផ្ទះហើយ ចំណែកផ្ទះថ្មីដែលបាន​ទទួលប្រគល់​​នៅ​ពេល​នេះ​ មាន​ទំហំ​៤​ ម៉ែត្រ​ x​ ៦​ ម៉ែត្រ​ សាងសង់​ខ្ពង់​ផុត​ពី​ដី​ ដំបូលស័ង្កសី​រនាប​និង​ជញ្ជាំង​ក្តារ​ ដែល​បាន​ចំណាយ​ថវិកា​ក្នុង​ការ​សាងសង់​អស់​ទឹក​ប្រាក់​ ចំនួន​៧,១២៥,០០០​ រៀល​  ។

ឯកឧត្តម ឧត្តសេនីយ៍ទោ សោម ស៊ុន ប្រធានសមាគមអតីតយុទ្ធជនកម្ពុជា ខេត្តកំពង់ធំ ​ បាន​នាំ​យក​នូវ​អំណោយ​សម្ដេច​តេជោ​ហ៊ុន​ សែន​ ផ្តល់​ជូន​គាត់​បន្ថែម​ទៀត​រួម​មាន​ អង្ករ​ចំនួន​៥០​ គីឡូ​ក្រាម​ មីយើងចំនួន២​ កេស​ មុងជ្រលក់ថ្នាំ​ ចំនួន​២​ ទឹក​ត្រី​ទឹក​ស៊ីអ៊ីវ​ចំនួន​២យួរ​  និង​ថវិកា​ចំនួន​ ២០០,០០០​ រៀល​ ផងដែរ​  ក្នុងនោះឯកឧត្តម សោម ស៊ុន ក៏បានពាំនាំប្រសាសន៍ផ្តាំផ្ញើរពីសម្តេចតេជោ ហ៊ុន សែន ដល់ ក្រុមគ្រួសារ​អតីតយុទ្ធជនទាំងអស់ រួមទាំងប្រជាពលរដ្ឋ ត្រូវ​ថែរក្សាសុខភាព ការពារទ្រព្យសម្បត្តិ និងក្មេង ចាស់ជរា រួមទាំងសត្វពាហនៈទាំងឡាយ ឲ្យរួចផុតពីគ្រោះ​ថ្នាក់ក្នុងរដូចទឹកជំនន់នេះ  ។

ដោយ ប៊ុន  រដ្ឋា

ឯកឧត្តមសុខលូសំណេះសំណាលជាមួយក្រុមការងារចុះជួយក្រុងស្ទឹងសែន ប្រមាណជាង ៧០០នាក់

0

ខេត្តកំពង់ធំ៖ ឯកឧត្តម សុខ លូ ប្រធានគណបក្សប្រជាជនកម្ពុជាខេត្តកំពង់ធំ បានអញ្ជើញចូលរួមក្នុងពិធីជួបសំណេះសំណាលជាមួយក្រុមការងារចុះជួយក្រុងស្ទឹងសែន ប្រមាណជាង ៧០០នាក់ នៅភោជនីយដ្ឋាន ឡូវ គឹមសេងនៅព្រឹកថ្ងៃទី១១ ខែសីហា ឆ្នាំ២០១៨។

ក្នងពិធីសំណេះសំណាលនេះដែរ ឯកឧត្តម សុខ លូ បានថ្លែងអំណរគុណដល់ក្រុមការងារគណបក្សចុះជួយភូមិ សង្កាត់ ក្នុងក្រុងស្ទឹងសែនទាំងអស់ ដែលបានខិតខំអស់កម្លំាងកាយចិត្ត ដែលបានធ្វើឲ្យគណបក្សប្រជាជនកម្ពុជា ក្នុងខេត្តកំពង់ធំទាំងមូល ជាពិសេសគណបក្សក្រុងស្ទឹងសែនទទួលបានជ័យជំនៈដ៏ធំធេង ដែលជាប្រវត្តិសាស្ត្រសម្រាប់ខេត្តកំពង់ធំ។ ហើយជ័យជំនៈនេះមិនមែនបានមកដោយសារអ្នកណាម្នាក់ទេ គឺបានមកដោយសារការខិតខំរបស់យើងទាំងអស់គ្នា មានការសហការគ្នា សាមគ្គីភាព ឯកភាពផ្ទៃក្នុង បានល្អ។ ម្យ៉ាវិញទៀត បងប្អូនយើងទាំងអស់នៅតាមបណ្តា ភូមិ សង្កាត់ ក្នុងក្រុងស្ទឹងសែន ក៏ដូចជាក្នុងខេត្តកំពង់ធំទាំងមូល សូមកុំបែងចែកបងប្អូនប្រជាពលរដ្ឋ កុំលាបព័ណ៌គ្នា ថាម្នាក់នេះ បានទៅបោះឆ្នោត ម្នាក់នោះមិនបានទៅបោះឆ្នោត ម្នាក់នោះគាំទ្រគណបក្សនេះ ម្នាក់នោះគាំទ្រគណបក្សនោះ កុំលាបព័ណ៌គ្នាឲ្យសោះ ព្រោះការបោះឆ្នោត បានបញ្ចប់ប្រកបដោយភាពជោគជ័យ ដូច្នេះ ត្រូវធ្វើយ៉ាងណា ឲ្យបងប្អូននៅក្នុងភូមិ សង្កាត់របស់យើង ចេះរួមរស់សាមគ្គីគ្នា ចេះស្រលាញ់គ្នា មិនមានការរើសអើងនិន្នាការនយោបាយឡើយ ក្នុងនាមអ្នកភូមិផងរបងជាមួយគ្នា ជាឈាមខ្មែរតែមួយ។

ឯកឧត្តមបន្ថែមទៀតថា ប្រជាពលរដ្ឋបានផ្តល់នូវការទុកចិត្តធំធេងណាស់ ក្នុងការបោះឆ្នោតគាំទ្រគណបក្សប្រជាជនកម្ពុជា ដូច្នេះយើងទាំងអស់គ្នា ដែលជាមន្ត្រីរបស់គណបក្ស ត្រូវខិតខំធ្វើអំពើល្អឲ្យបានទ្វេរដង ចុះ មូលដ្ឋានជួបប្រជាពលរដ្ឋដោយផ្ទាល់ ដើម្បីជួយដោះស្រាយទុក្ខកង្វល់របស់ប្រជាជនបន្តទៀត ធ្វើយ៉ាងណាបម្រើសេវាសាធារណៈជូនប្រជាជនឲ្យកាន់តែល្អជាងមុនថែមទៀត នេះជាហើយជាតួនាទី ភារកិច្ច និងទំនួលខុសត្រូវរបស់យើងទាំងអស់គ្នា ។

ក្នុងនោះឯកឧត្តមបញ្ជាក់ថា សម្រាប់ក្នុងក្រុងស្ទឹងសែននៅអាណត្តិទី៦នេះ បានកើនឡើងសម្លេងអ្នកគាំទ្រគណបក្សប្រជាជន ជាង ៦ពាន់សម្លេង ហើយយោងតាមរបាយការណ៍បណ្តោះអាសន្នរបស់ គ.ជ.ប បានបញ្ជាក់ថា ចំនួនប្រជាជនដែលបានទៅចូលរួមបោះឆ្នោតទូទាំងប្រទេស មានចំនួន ៨៣,០២% ដោយឡែកនៅក្នុងខេត្តកំពង់ធំ ប្រជាពលរដ្ឋមកចូលរួមបោះឆ្នោត មានចំនួន ៨០,៩៩% ក្នុងនោះគណបក្សប្រជាជនកម្ពុជា ទទួលបានសម្លេងគាំទ្រ ចំនួន ៦៨.៦០% ដែលជាចំនួនអ្នកគាំទ្រដ៏ច្រើនលើសលប់សម្រាប់ខេត្តកំពង់ធំ៕ ដោយ ប៊ុន រដ្ឋា

អាជ្ញាធរអប្សរាយកដើមគ្រញូងដែលចោរលួចកាប់ទៅរក្សាទុកនៅកន្លែងមានសុវត្ថិភាព

0

សៀមរាប: ហេតុការណ៍មួយបានកើតឡើង ដោយជនមិនស្គាល់មុខបានលួចកាប់ដើមគ្រញូងមួយដើម ស្ថិតក្នុងរមណីយដ្ឋានអង្គរ។ ភ្លាមៗ ក្រោយទទួលបាន

សម្តេចតេជោ ហ៊ុន សែន ផ្តល់ក្តីស្រឡាញ់ដល់ក្មួយៗកម្មការនីដែលមានផ្ទៃពោះចំនួន៧៣៥នាក់

0
  1. សម្តេចតេជោ ហ៊ុន សែន ផ្តល់ក្តីស្រឡាញ់ដល់ក្មួយៗកម្មការនីដែលមានផ្ទៃពោះចំនួន៧៣៥នាក់
    នៅព្រឹកថ្ងៃទី០៨,០៨,២០១៨​បន្ទាប់ពីអញ្ជើញជួបសំណេះសំណាលជាមួយកម្មករ កម្មការនីចំនួន១៨,៤៦៧នាក់ មកពីរោងចក្រ សហគ្រាសចំនួន១៤ នៅក្នុងខេត្តកំពង់ស្ពឺរួចហើយ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអញ្ជើញបន្តសួរសុខទុក្ខ និងផ្តល់ថវិកាមួយចំនួនដោយផ្ទាល់ដៃឧបត្ថម្ភដល់កូនក្មួយស្ត្រីកម្មការនីមានផ្ទៃពោះចំនួន ៧៣៥នាក់។

សម្តេចតេជោ ហ៊ុន សែន នឹងបន្តខិតខំដោះស្រាយបញ្ហាជាច្រើនទៀតជូនកូនក្មួយកម្មករនៅទូទាំងប្រទេស។ ការតម្លើងប្រាក់ខែគឺនឹងតម្លើងនៅរៀងរាល់ឆ្នាំ ហើយនៅឆ្នាំ២០១៩ខាងមុខនេះនឹងអនុវត្តការបើកប្រាក់ឈ្នួល២ដងក្នុង១ខែផងដែរ។ សម្តេចតេជោ នឹងបន្តអញ្ជើញចុះសួរសុខទុក្ខសំណេះ សំណាលជាមួយបងប្អូនកម្មករនៅទូទាំងប្រទេសជាបន្តបន្ទាប់ទៀត។ សូមជូនពរក្មួយៗដែលជាអនាគតម្តាយ និងចៅៗជាទីស្រឡាញ់ទាំងអស់មានសុខភាពល្អ និងសុខសុវត្ថិភាពក្នុងពេលសម្រាលកូននាពេលខាងមុខនេះផង។ អរគុណបងប្អូនជនរួមជាតិ និងកូនក្មួយកម្មករទាំងអស់ ដែលគាំទ្រ និងបោះឆ្នោតជូនគណបក្សប្រជាជនកម្ពុជាកន្លងមកនេះ៕

រដ្ឋបាលខេត្ដព្រះសីហនុ បើកកិច្ចប្រជុំផ្សព្វផ្សាយអនុក្រឹត្យ ស្តីពី ការបង្កើតការិយាល័យប្រជាពលរដ្ឋ និងការដាក់ឲ្យដំណើរការអង្កភាពច្រកចេញចូលតែមួយខេត្ដព្រះសីហនុ ដើម្បីបម្រើសេវាជូនពលរដ្ឋឲ្យកាន់តែប្រសើរ

0

នៅព្រឹកថ្ងៃព្រហស្បតិ៍ ១៣រោច ខែទុតិយាសាឍ ឆ្នាំច សំរឹទ្ធិស័ក ពស២៥៦២ ត្រូវនឹងថ្ងៃទី៩ ខែសីហា ឆ្នាំ២០១៨ រដ្ឋបាលខេត្តព្រះសីហនុ ប្រជុំផ្សព្វផ្សាយអនុក្រឹត្យ លេខ ១៩ អនក្រ.បក ស្តីពីការបង្កើតការិយាល័យប្រជាពលរដ្ឋខេត្ត និងដាក់ឲ្យដំណើការអង្គភាពច្រកចេញចូលតែមួយ របស់សាលាខេត្តព្រះសីហនុ ក្រោមអធិបតីភាព ឯកឧត្តម ជាម ហ៊ីម ប្រធានក្រុមប្រឹក្សាខេត្ត ឯកឧត្តម យន្ត មីន អភិបាល នៃគណអភិបាលខេត្តព្រះសីហនុ និងមានវត្តមានមន្ត្រីជាច្រើនរូបទៀតក្រោមឱវាទខេត្តទាំងមូលបានចូលរួមផងដែរ។

ឯកឧត្តម យន្ត មីន អភិបាលខេត្តព្រះសីហនុ មានប្រសាសន៍ថា ការិយាល័យច្រកចេញចូលតែមួយ និងការិយាល័យប្រជាពលរដ្ឋ ត្រូវបានដាក់ឲ្យដំណើរការតាមក្រុង ស្រុក ខណ្ឌតាមការណែនាំ របស់ក្រសួង មហាផ្ទៃ និងរាជរដ្ឋាភិបាលដើម្បីបង្ខិតសេវាឲ្យនៅជិតប្រជាពលរដ្ឋសំដៅផ្តល់សេវាជូនប្រជាពលរដ្ឋអោយកាន់តែ្អប្រសើរ ។
ឯកឧត្តម យន្ត មីន បន្តថា៖ការិយាល័យប្រជាពលរដ្ឋជាស្ថាប័នសម្រុះសម្រួលដោះស្រាយពាក្យបណ្តឹងក្រៅប្រព័ន្ធតុលាការ ពាក់ព័ន្ធនឹងការផ្តល់សេវាសាធារណ: និងការគ្រប់គ្រងរដ្ឋបាលក្នុងដែនសមត្ថកិច្ច សំដៅកែលម្អការផ្តល់សេវាសាធារណ:ជូនប្រជាពលរដ្ឋឲ្យមានគុណភាព ប្រសិទ្ធភាព តម្លាភាព និងទាន់ពេលវេលា ដើម្បីរួមចំណែកលើកកម្ពស់គុណភាពជីវភាពប្រជាពលរដ្ឋនៅក្នុងមូលដ្ឋាន ។
ឯកឧត្តម យន្ត មីន បន្ថែមថា សុំអោយពលរដ្ឋមានការយោគយល់ចំពោះការយឺតយ៉ាងបន្តិចបន្តួចតែគ្រានេះដែរមន្ត្រីកំពុងពង្រឹងការងារអោយកាន់តែប្រសើរឡើងហើយ។
(ចាក់ឃ្លីប ឯកឧត្តម យន្ត មីន អភិបាលខេត្តព្រះសីហនុ)

ជាមួយគ្នានេះដែរ លោក សំ សំអាត ជាប្រធានការិយាល័យប្រជាពលរដ្ឋ បញ្ជាក់ថា ការិយាល័យប្រជាពលរដ្ឋ មានភារកិច្ចក្នុងការជូយសម្របសម្រួលដោះស្រាយវិវាទក្រៅប្រពន្ធ័តុលាការនិងជួយសម្រួលបញ្ហាទាំងឡាយដែលមន្ត្រីសេវាសាធារណៈបម្រើពលរដ្ឋមិនទាន់បានល្អ។

ចំណែក លោក ជា បាឈុន ប្រធានអង្គភាពច្រកចេញចូលតែមួយនៃសាលាខេត្តព្រះសីហុ បានបង្ហាញជំហរ ថានឹងខិតខំបម្រើប្រជាពលរដ្ឋអោយបានកាន់តែល្អប្រសើរ។
(សូមចាក់ប្រសាសន៏១. លោក សំ សំអាត ប្រធានការិយាល័យប្រជាពលរដ្ឋ ២.លោក ជា បាឈុន ប្រធានអង្គភាពច្រកចេញចូលតែមួយ)

សូមបញ្ជាក់ថា ចាប់តាំងពីបានដាក់អោយដំណើរការជាផ្លូវការនៃអង្គភាពច្រកចេញចូលតែមួយ សង្គេតឃើញថា ប្រជាពលរដ្ឋបានមកទទួលសេវាយ៉ាងផុលផុស ហើយមន្ត្រីច្រកគ្រប់ជំនាញបាននឹងកំពុងមមារញឹកក្នុងការបម្រើប្រជាជនយ៉ាងសកម្មបើទោះជាមានការលើកឡើងតាមបណ្តាញសង្គមខ្លះថាសេវានៅមានភាពយឺតយ៉ាងខ្លះក្តី។

តែជាយ៉ាងណា ប្រធានការិយាល័យទាំងពីរដែលទើបបង្កើតថ្មីនិងបានដាក់អោយដំណើរការថ្មីៗនេះប្តេជ្ញានឹងខិតខំបម្រើការងារជូនប្រជាជនអោយបានកាត់តែល្អប្រសើរតែសូមមានការយោគយល់ខ្លះចំពោះការយឺតយ៉ាវបន្តិចបន្តូចនាពេលនេះ៕

ម្នាក់រងរបួសធ្ងន់ដេកពេទ្យ រីឯម្នាក់ទៀតត្រូវកម្លាំងអាវុធហត្ថវាយខ្នោះ ដោយសារទំនាស់ពាក្យសំដី ក្នុងពេលនាំគ្នាទៅប្រើប្រាស់ថ្នាំញៀន!

0

(ព្រះវិហារ): បុរសពីម្នាក់ ម្នាក់រងរបួសធ្ងន់ដេកពេទ្យ រីឯម្នាក់ទៀត ត្រូវបានកម្លាំងអាវុធហត្ថស្រុកជាំក្សាន្ត សហការជាមួយកម្លាំងកងពលតូចអន្តរាគមន៍លេខ៨ ចុះឃាត់ខ្លួន កាលពីវេលាម៉ោង១៩.៤៨នាទី ថ្ងៃទី៨ ខែសីហា ឆ្នាំ២០១៨ ត្រង់ចំណុចភូមិបង្គោល៨ ស្ថិតក្នុងឃុំស្រអែម ស្រុកជាំក្សាន្ត ខេត្តព្រះវិហារ ក្នុងករណីហិង្សា ដោយចេតនា។

លោកអនុសេនីយ៍ឯក ជុន បូរ៉ា មេបញ្ជាការរង ទទួលបន្ទុកការងារព្រហ្មទណ្ឌ បានអោយដឹងថា ជនដៃដល់ដែលកម្លាំងធ្វើការឃាត់ខ្លួនមានឈ្មោះ ឯក គឹមអិន ភេទប្រុសអាយុ២៣ឆ្នាំ មុខរបរមិនពិតប្រាកដ រស់នៅភូមិមរតកតេជោ ឃុំកន្ទួត ស្រុកជាំក្សាន្តខេត្តព្រះវិហារ។

លោកបន្តថា ក្រោយពីធ្វើការឃាត់ខ្លួនជនសង្ស័យជាដៃដល់ បានរៀបរាប់ថា នៅមុនពេលកើតហេតុ ខ្លួនគេកំពុងអង្គុយផឹកស្រាតែម្នាក់ឯង លុះក្រោយមក ជនរងគ្រោះឈ្មោះ ហឿន ធា ភេទប្រុស អាយុ៣៩ឆ្នាំ មុខរបរមិនពិតប្រាកដ រស់នៅភូមិធ្មជាតិ ឃុំស្រអែម ស្រុកជាំក្សាន្តខេត្តព្រះវិហារ ជិះម៉ូតូមកដល់ហើយបាននាំខ្លួនទៅប្រើប្រាស់ថ្នាំជាមួយ។

ប៉ុន្តែមិនទាន់បានប្រើប្រាស់ផង ខ្លួននិងជនរងគ្រោះ បានឈ្លោះប្រកែកគ្នា ហើយភ្លាមនោះខ្លួន ក៏ស្ទុះយកកាំបិតចុងស្រួចកាប់ទៅលើជនរងគ្រោះចំនួន៣កាំបិត÷ ទី១.ចំពោះធ្លាយពោះវៀន ទី២.ដៃស្ដាំ និងទី៣.ចំដៃឆ្វេង ត្រូវបានគេដឹកនាំយក មកជួយសង្គ្រោះបន្ទាន់នៅមន្ទីពេទ្យសម្តេចអគ្គ មហាសេនាបតីតេជោ ហ៊ុនសែនស្រអែម។

លោកអនុសេនីយ៍ឯក ជុន បូរ៉ា មេបញ្ជាការរង ទទួលបន្ទុកការងារព្រហ្មទណ្ឌ បានអោយដឹងបន្ថែមថា បច្ចប្បន្នជនដៃដល់ និងវត្ថុតាង ត្រូវបានកម្លាំងជំនាញធ្វើការបញ្ជូនទៅកាន់កងរាជអាវុធហត្ថខេត្ត ដើម្បីចាត់ការបន្តទៅតាមនិត្តិវិធី នៅព្រឹកថ្ងៃទី៩ ខែសីហា ឆ្នាំ២០១៨នេះផងដែរ៕សួនលីណា

រឿងរបស់លោកសុងរ៉ុង មេបញ្ជាការកងរាជអាវុធហត្ថស្រុកជាយសែន ខេត្តព្រះវិហារត្រូវបានទម្លាយការពិត

0

ព្រះវិហារ៖ ក្រោយពីអ្នកសារព័ត៌មាន ក្នុងស្រុកមួយចំនួន បានធ្វើការចុះផ្សាយតាមបណ្តាអង្គភាព​សារព័ត៌​មាន រួមទាំងបណ្តាញសង្គមហ្វេសប៊ុក ពាក់ព័ន្ឋនឹងអាស្រូវរបស់លោក លោកសុងរ៉ុង មេបញ្ជាការស្រុក​ជាយ​សែន ខេត្តព្រះវិហារ  ត្រូវបានលោកសុង រ៉ុង ស្រាយបំភ្លឺពីធាតុពិតគឺជារឿងដែលមានការភាន់ច្រឡំ រួមទាំង ធ្វើឲ្យប៉ះពាល់កិត្តិយស និងសេចក្តីថ្លៃថ្នូរ យ៉ាងធ្ងន់ធ្ងរ ដល់អង្គរភាព និងគ្រួសារ ។

លោកសុងរ៉ុង មេបញ្ជាការកងរាជអាវុធហត្ថស្រុកជាយសែន  បានបញ្ជាក់ប្រាប់អ្នកសារព័ត៌មាន ថាទោះបី​ជាមានការចុះផ្សាយ ព្រោងព្រាតយ៉ាងណានោះ ក៏លោកមិនប្រកាន់ខឹង​សម្បាជាមួយនឹងអ្នកសារព័ត៌​មាន​ដែរ​ រួមទាំងអ្នក​បង្ហោះ​តាម បណ្តាញសង្គមហ្វេសបុកនោះឡើយ តែផ្ទុយទៅវិញលោក បានអគុណចំពោះ​អ្នកសារព័ត៌មាន​ទាំង​អស់​​ដែល​មានចុះផ្សាយដែលមានវិជ្ជាជីវៈត្រឹមត្រូវ  និងបានសួរនាំ ពីហេតុការពិតដែល​បណ្តាលឲ្យមាន​ការយល់ ច្រឡំមកលើរូបលោក។

លោកសុងរ៉ុង បានបន្តថា ការពិតលោកពុំមានការពាក់ព័ន្ឋនឹង ការចោទប្រកាន់ថា លោកជាអ្នករត់ការ ដឹក​បទល្មើសឈើ ដែលបណ្តាលឲ្យផ្ទុះឡើងនូវព័ត៌មានមិនពិតនោះឡើយ  តែលោកសុំមិនបញ្ជេញឈ្មោះ​បុគ្គលដែលមានការពាក់ព័ន្ឋឡើយ ដោយសារតែលោកមិនចង់ឲ្យមានរឿងវែងឆ្ងាយ ជះទឹកដាក់គ្នា ទៅវិញទៅមក ដោយមិនចេះចប់នោះទេ សំខាន់គឹលោកសុំតែសេចក្តីសុខ និងអនុវត្តតាមតួនាទី និងភារកិច្ចដែលអង្គភាព បានប្រគល់ជូន និងស្មោះត្រង់ការពារជាតិមាតុភូមិ ដើម្បីសេចក្តីសុខរបស់ប្រជាពលរដ្ឋ ។

ជាចុងក្រោយលោក លោកសុង រ៉ុង មេបញ្ជាការកងរាជអាវុធហត្ថស្រុកជាយសែន បានថ្លែងអំណរគុណ ដល់អ្នកសារព័ត៌មាន ទាំងអស់ដែលបានពុះពារតាមតួនាទី ប្រកបដោយវិជ្ជាជីវៈ និងមានក្រមសីលធម៌ ដើម្បី ជួយដល់សង្គមជាតិ ដោយមិនខ្លាចនឿយហត់  ដើម្បីផលប្រយោជន៍ប្រទេសជាតិយើងទាំងអស់គ្នា។

ដោយ ប៊ុន រដ្ឋា

 

 

 

 

កម្លាំងកងរាជអាវុធហត្ថខេត្តបន្ទាយមានជ័យចុះជួយច្រូតស្រូវពលរដ្ឋ ប៉ះពាល់ដោយទឹកជំនន់

0

បន្ទាយមានជ័យ: ថ្ងៃទី០៨ ខែសីហា ឆ្នាំ២០១៨ ដោយយោងតាមបទបញ្ជា និងការណៃនាំរបស់លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត លោកវរ

ឯកឧត្តម សោម ស៊ុន សមាជិកអចិន្ត្រៃយ៍គណបក្សខេត្តចុះសួរសុខទុក្ខទុនិង​ថ្លែង​អំណរម្ចាស់ឆ្នោត

0

កំពង់ធំ៖ បន្ទាប់ពីការបោះឆ្នោតជ្រើសរើសតំណាងរាស្រ្តនីតិកាលទី៦ បានកន្លងផុតទៅ ដោយគណបក្សប្រ​ជាជនកម្ពុជា បានទទួលការគាំទ្រពីម្ចាស់សំលេងឆ្នោតយ៉ាងច្រើនលើសលុប ដែលជាប្រវត្តិសាស្រ្តនៅកម្ពុជា ជាប្រទេសដែលមានមនុស្សចេញទៅបោះឆ្នោតច្រើន ជាលំដាប់ថ្នាក់លេខ២ ឲ្យគណបក្សប្រជាជនបានទទួលជោគជ័យ ថ្នាក់ដឹកនាំនៃគណ​កម្មា​ធិការគណបក្សប្រជាជនកម្ពុជា បានចុះមូលដ្ឋានដើម្បីថ្លែងអំណរគុណដល់ម្ចាស់សំលេងឆ្នោត ។

ជាក់ស្តែងឯកឧត្តម សោម ស៊ុន សមាជិកអចិន្ត្រៃយ៍ នៃគណៈកម្មាធិការ គណបក្សប្រជាជនកម្ពុជា ខេត្តកំពង់​ ធំ អនុប្រធានទី១ចុះជួយស្រុកស្ទោង និងជាប្រធានក្រុមការងារចុះជួយឃុំបន្ទាយស្ទោង បានដឹកនាំក្រុមការ​ងារបក្ស ចុះសំណេះសំណាលសាកសួរសុខទុក្ខទុក្ខ​ និង​ថ្លែង​អំណរគុណ​ សមាជិក​ សមាជិកា គណបក្ស​ប្រជាជន​កម្ពុជា​ឃុំបន្ទាយស្ទោង មានចំនួន២ទីតាំង នៅព្រឹកថ្ងៃទី៨ ខែសីហា ឆ្នាំ ២០១៨។

ដោយទីតាំងទីមួយបានចុះទៅថ្លែង​អំណរគុណ​ដល់​សមាជិក​ សមាជិកា​ គណបក្សប្រជាជនកម្ពុជា នៅ​វត្ត​ពន្លាជ័យ​ ឃុំបន្ទាយស្ទោង​ ស្រុក​ស្ទោង​ ខេត្ត​កំពង់ធំ​ ដែល​មានសមាជិក​ និង​ប្រជាពលរដ្ឋ​​តំណាង​មក​ពី​ ០៤ ភូមិ​ (ភូមិពន្លាជ័យ​ ,ភូមិបេង​ ,ភូមិពោធិ​ និងភូមិ​ចន្លុះ)​ ក្នុង​ឃុំ​បន្ទាយ​ស្ទោង​ ស្រុក​ស្ទោង​ ខេត្ត​កំពង់ធំ​ ចំនួន​ ២៩៥ នាក់ ក្នុង​នោះ​ស្រី​ ១៤៩ នាក់​ ក្រោយ​ពិធី​សំណេះសំណាល​ ក្រុម​ការងារ​បាន​រៀបចំ​អាហារ​សាមគ្គី​ និង​រាំលេងកំសាន្តផងដែរ​ ។

ចំណែកទីតាំងទី២ បានបន្តដំណើរទៅថ្លែង​អំណរគុណ​ដល់​បងប្អូន​សមាជិក​ សមាជិកា​ គណបក្សប្រជាជន​កម្ពុជា​ ដែលជាម្ចាស់សំលេង​បោះ​ឆ្នោត​គាំទ្រ​គណបក្ស​ប្រជាជន​កម្ពុជា ស្ថិតនៅ​វត្ត​បន្ទាយ​ស្ទោង​ ឃុំ​បន្ទាយ​ស្ទោង​ ស្រុក​ស្ទោង​ ខេត្ត​កំពង់ធំ​ ដែល​មានសមាជិក​តំណាង​មក​ចូល​រួម​ចំនួន​ ៣៦២​ នាក់ ក្នុង​នោះ​ស្រី​ ចំនួន​ ១៤២​ នាក់​ ដែល​បាន​អញ្ជើញ​មក​ពី​ភូមិ​ ០២ ជាប់គ្នាក្នុង គឺភូមិ​ ស្រោម​ដែក​ និង​ភូមិ​បន្ទាយ​ស្ទោង​ ឃុំបន្ទាយស្ទោង​ ស្រុក​ស្ទោង​ ខេត្ត​កំពង់ធំ​  បន្ទាប់មក​ ក្រុម​ការងារបានរៀបចំអាហារសាមគ្គីជូនគាត់​ពិសា​ផងដែរ​ ។

នៅក្នុងពិធីសំណេះសំណាល ឯកឧត្តម សោម ស៊ុន សមាជិកអចិន្ត្រៃយ៍គណបក្សខេត្ត បានពាំនាំនូវការ​សាកសួរសុខទុក្ខ ពីសំណាក់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណា ចក្រកម្ពុជា និងជាប្រធានគណបក្សប្រជាជនកម្ពុជា សម្តេចបានថ្លែង​អំណរគុណ​ដល់​បងប្អូន​សមាជិក​ សមា​ជិកា​គណបក្សប្រជាជន​កម្ពុជា​ ដែលជាម្ចាស់សំលេង​បោះ​ឆ្នោត​គាំទ្រ​គណបក្ស​ប្រជាជន​កម្ពុជា ឲ្យទទួលបាន ជោគជ័យ  ក្នុងនោះសម្តេចតែងតែនឹករលឹក​ព្រួយបារម្ភណ៍ពីសុខទុក្ខ និងការប្រកបមុខរបរចិញ្ចឹម​ជីវិតរបស់​បង​ប្អូ​នប្រជាពលរដ្ឋគ្រប់ទិសទី និងសូមឲ្យមានសុខភាពល្អ។

ដោយ ​ប៊ុន រដ្ឋា

រដ្ឋបាលខេត្តព្រះសីហនុបានដាក់វិធានការនិងជម្រុញមន្ត្រីជំនាញពាក់ពន្ធ័តាមអង្គភាពត្រូវរួមគ្នាដោះស្រាយបញ្ហាចំពោះមុខបន្ទាប់ពីមានការត្អូញត្អែនាពេលបច្ចុប្បន្ននេះ

0

ព្រះសីហនុ៖ បញ្ហាដែលត្រូវដោះស្រាយចំពោះមុខនេះ រួមមាន៖១.បញ្ហាសណ្តាប់ធ្នាប់តាមដងផ្លូវ(ការរំលោភចំណីផ្លូវ) ២.ការមិនអនុញ្ញាតអោយជនបរទេសបើកបរដោយគ្មានការអនុញ្ញាត។ការបើកបរលឿន ចតរថយន្តគ្មានសណ្តាប់ធ្នាប់ ការដើរដោះអាវ ឡូឡាច្រងេងច្រង៉ាង របស់ជនជាតិចិននៅតាមដងផ្លូវ។៣.ការត្រួតពិនិត្យអាជីវ

ប្រពន្ធដាស់ប្តីដេកយូ ប្តីខឹងទាញកាំបិតគប់ប្រពន្ធខុសឡងមកខ្លួនឯងវិញហូរឈាម នៅស្រុកតាវែង

0

ខេត្តរតនគិរី៖ ប្តីប្រពន្ធមួយគូរមានជម្លោះក្នុងគ្រួសារឈានដល់ប្រើអំពើហឹង្សាដោយចេតនាប្តីខឹងប្រពន្ធដាស់គប់កាំបិតប្រពន្ធខុសប្រពន្ធគប់វិញចំកែងជើងខាងឆ្វេងបណ្តាលឲ្យរងរបួសធ្ងន់ ។ហេតុការណ៍នេះបានកើតឡើងកាលពីវេលាម៉ោង៨នឹង២០នាទីព្រឹកថ្ងៃអង្គារ ១១រោច ខែទុតិយាសាឍ ឆ្នាំច សំរឹទ្ធិស័ក ព.ស ២៥៦២

ប៉ូលីសខេត្តតាកែវចាប់វាយខ្នោះមនុស្ស៥នាក់និងដកហូតថ្នាំញៀន១៧៩កញ្ចប់

0

តាកែវ៖ ជនសង្ស័យប្រុសស្រីចំនួន៥នាក់ត្រូវបានប៉ូលីសខេត្តតាកែវឃាត់ខ្លួនរួចកសាងសំណុំរឿងបញ្ជូនទៅតុលាការ កាលពីថ្ងៃទី៧ ខែសីហា ឆ្នាំ២០១៨ ដោយជាប់ពាក់ពន្ធ័និងករណីជួញដូរនិងប្រើប្រាស់គ្រឿងញៀនខុសច្បាប់ ។ការបង្ក្រាបនេះគឺធ្វើឡើងតាមការបញ្ជាផ្ទាល់ពីសំណាក់ ឯកឧត្តម ឧត្តមសេនីយ៍ទោ សុខ សំណាង ស្នង

នគរបាលព្រហ្មទណ្ឌខេត្តសៀមរាបនិងបន្ទាយមានជ័យចាប់ខ្លួនឃាតកសម្លាប់អាករ ជនរងគ្រោះស្វិតដៃជើង

0

បន្ទាយមានជ័យ : កំលាំងនគរបាលខេត្តសៀមរាបបានដឹកនាំកម្លាំង៧នាក់ ចុះសហការជាមួយកម្លាំងនគរបាលខេត្តបន្ទាយមានជ័យចំនួន៤នាក់ និងកម្លាំងអធិការដ្ឋាននិងប៉ុស្តិ៍គុត្តសត

ព័ត៌មានស៊ើបអង្កេត

សន្តិសុខសង្គម