ឯកឧត្តម ហ៊ុន ម៉ាណែត ប្រកាសគោលជំហរ មិនឲ្យកំពង់សោម ក្លាយជាម៉ាកាវជាដាច់ខាត

0

ព្រះ​សីហនុ៖ កំពង់សោម មិនអាចក្លាយទៅជា ម៉ាកាវទី២ បាននោះទេ នេះបើតាម ការបញ្ជាក់ពី ឯកឧត្តម ហ៊ុន ម៉ាណែត ​មិន​ឯកភាព​ឱ្យ​ខេត្ត​ជាប់​មាត់​សមុទ្រ​កម្ពុជា ​ក្លាយ​ទៅ​ជា​ម៉ាកាវ បាលី ​ឬ​ឡាំង​កា​វី អ្វី​នោះ​ទេ ព្រោះ​វា​ជា​របស់​ខ្មែរ ក្រុង​ព្រះ​សីហនុ​ ប្រសាសន៍ នេះបានថ្លែងក្នុង​ពិធីបើកការដ្ឋាន​សាងសង់​សណ្ឋាគារ ជី​ង​កាន ក្នុង​ខេត្ត​ព្រះសីហនុ ​ ។

ខណៈពេលបច្ចុប្បន្ន ខេត្តព្រះស៊ីហនុ គឺជាទីតាំងទេសចរណ៍ សំខាន់របស់ប្រជាពល​រដ្ឋ តែឥលូវក៏មាន ប្រជាពលរដ្ឋ ពុំមានទំនុកចិត្ត និងមិនជឿជាក់ ដោយខ្លាច ក្រែងពុំមានសុវត្តិភាព ខណៈពេលដែល លំហូរ នូវជនជាតិចិន មកវាយលុក ទីក្រុងបុរាណ ដែលជាសំបុកទេចរណ៍ ឲ្យក្លាយជា ទីតាំងម៉ាហ្វៀ សំបូរទៅដោយ បងតូច បងធំ កាប់ចាក់ដូចចិនហុងកុង។

ឯកឧត្តម ហ៊ុន ម៉ាណែត បាន​យល់​ស្រប​​ថា​ការ​យក​គំរូ​ល្អ​ៗ​ពី​ការ​អភិវឌ្ឍ​ទីក្រុង​ម៉ាកាវ ​ឬ​កោះ​បាលី ​គឺ​ជា​រឿង​ត្រឹមត្រូវ ប៉ុន្តែ​មិន​មែន​មាន​ន័យ​ថា​បំបាត់​អត្តសញ្ញាណ​របស់​ខេត្ត​ខ្មែរ​មួយ​នេះ​ទេ។

 

ករណីអគ្គីភ័យ លេបត្របាក់តូបអាជីករផ្សារោងកលឿ ប្រទេសថៃ

0

ផ្សាររោងក្លឿ៖ ករណីអគ្គីភ័យ លេបត្របាក់តូបអាជីវករ លក់ដូរ អក្សរB ផ្សារថ្មថ្មី ដែលហេតុការណ៍នេះ បានកើតឡើងនៅវេលាម៉ោង ០៥និង៥៥ នាទីក្នុងថ្ងៃទី១៨ ខែសីហា ឆ្នាំ២០១៨ ឆេះស្ទើរទាំងស្រុង សម្លេងស្រែកទ្រហ៊ោយំ របស់អាជីវករ ដែលលក់ដូរ ក្នុងផ្សាររោងក្លឿ ប្រទេសថៃ។ បើតាមពលរដ្ឋ ដែលជាអាជីវករ បានប្រាប់អង្គភាពព័ត៌មានអោយដឹងថា៖ កាលដែលឆេះដំបូង គឺផ្តើមចេញពី តូបលក់គ្រឿងភ្លេង ហើយបានឆេះ រីករាលដាល ដល់តូបផ្សេងៗទៀត អស់មួយចំនួនធំ។ បើតាមសមត្ថកិច្ចថៃ បានប្រាប់ឱ្យដឹងថា៖ នេះគឺជាហេតុការណ៍មួយ គួរឱ្យភ័យខ្លាចបំផុត ដែលបានកើតឡើង មកលើអាជីវករ ដែលលក់ដូរ ក្នុងផ្សារនេះ នៅពេលនេះ កម្លាំងអន្តរាគមន៍ ជួយពន្លត់អគ្គីភ័យ យ៉ាងសស្រាក់សស្រាំ ដោយប្រើរថយន្ត ដឹកទឹកមកដល់ ចំនួន០៤គ្រឿង ហើយអាចលើស ពីនេះទៅទៀត។ ចំពោះការកើតហេតុខាងលើ នេះ ខាងសារព័ត៌មានយើង នៅមិនទាន់ដឹង ពីការខាតបង់ របស់របរ និង ថវិការប៉ុន្មាននោះទេ៕ ព័ត៌មានបឋម

លោក នេន ចំរើន អតីតនាយខណ្ឌរដ្ឋបាលជលផលកំពង់សោមត្រូវបានតែងតាំងជាប្រធានមន្ទីរកសិកម្ម រុក្ខា ប្រមាញ់

0

ព្រះសីហនុ ៖​​​  លោក នេន ចំរើន អតីតនាយខណ្ឌរដ្ឋបាលជលផលកំពង់សោមត្រូវបានតែងតាំងជាប្រធានមន្ទីរកសិកម្ម រុក្ខា ប្រមាញ់ និងនេសាទខេត្តព្រះសីហនុ ជំនួសលោក កែ ផា ត្រូវចូលនិវត្តន៍ ព្រឹកថ្ងៃសុក្រ ៦កើត ខែស្រាពណ៍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃសុកទី១៧ ខែសីហា ឆ្នាំ២០១៨ ។

ពិធីនេះដែរត្រូវបានធ្វើឡើងក្រោមអធិបតីភាពឯកឧត្តម យុទ្ធ ភូថង រដ្ឋលេខាធិការក្រសួងកសិកម្មរុក្ខាប្រមាញ់ និងនេសាទ នៅសាលាខេត្តព្រះសីហនុ។ឯឧ យុទ្ធ ភូថង មានប្រសាសន៍ថា ការផ្លាស់ប្ដូរមន្ត្រីរដ្ឋបាលសាធា រណៈជារឿងធម្មតា ដើម្បីបង្កើនប្រសិទ្ធភាពការងារឲ្យកាន់តែល្អប្រសើរ សង្ឃឹមថាលោកប្រធានមន្ទីរថ្មី និងដឹកនាំប្រកបដោយគុណភាព តម្លាភាព និងពង្រីកនូវស្នាដៃបន្ថែមទៀត បង្កើនសមត្ថ ភាពការងារដោយបែងចែកការងារដល់មន្ត្រីក្រោមឱវាទប្រកប ដោយសមធម៌ សហការសាមគ្គីភាពផ្ទៃក្នុង និងមន្ទីរ អង្គភាពពាក់ពន្ធជុំវិញខេត្ត និងត្រូវធ្វើជាសេនាធិការល្អឲ្យរដ្ឋបាលខេត្តព្រះសីហនុ ផងដែរ។

លោក នេន ចំរើន ប្រធានមន្ទីរកសិកម្មរុក្ខាប្រមាញ់ និងនេសាទខេត្តព្រះសីហនុ បានធ្វើការបេជ្ញាចិត្តអនុវត្តការងារឲ្យកាន់តែល្អប្រសើរថែមទៀត រក្សាទំនាក់ទំនងសាមគ្គីភាពផ្ទៃក្នុង ពង្រឹងសមត្ថភាពការងារ និងមន:សិកាវិជ្ជាជីវ:របស់មន្ត្រីរាជការ លើកកម្ពស់ប្រសិទ្ធិភាពការងារ បំពេញភារកិច្ចដោយទទួលខុស ត្រូវ គោរពក្រមសីលធម៌ គុណធម៌ កាន់តែប្រសើរថែមទៀត និងចែករំលែកបទពិសោធន៍ដល់មន្ត្រីក្រោមឱវាទ និងខិតខំផលិតនូវផលិតផលកសិកម្ម បន្លែ ផ្លែឈើ សាច់សត្វមានគុណភាព គ្មានសារធាតុគីមីហាមឃាត់ក្នុងស្រុក និងឈានទៅធ្វើការនាំចេញ ៕

កុមារប្រមាណជា ២០០នាក់ នៃអង្គការផ្ទះបាយកុមារទទួលបានការផ្តល់ក្តីស្រលាញ់ពីសប្បុរសជន

0

រាជធានីភ្នំពេញ៖  កុមារប្រមាណជា ២០០នាក់ នៃអង្គការផ្ទះបាយកុមារ ដែលមកពីគ្រួសារក្រីក្រ ខ្វះការសិក្សាខ្វះទីលំ រស់នៅតាមទីសាធារណៈ និងរស់នៅតាមវត្តអារាម ទទួលបានការផ្តល់ក្តីស្រលាញ់ពីសប្បុរសជន ដែលមកពីអង្គការស្ថាប័ន រដ្ឋឯកជន ច្រើននៅព្រឹកថ្ងៃទី១៨ ខែសីហា ឆ្នាំ២០១៨ នេះ ដែលមានទីតាំងនៅខាងក្រោយសាលាបឋមសិក្សាជ័យជម្នះ ក្នងសង្កាត់បឹងកេងកងបី រាជធានីភ្នំពេញ ។
លោក ង៉ូវ ឈីវ ប្រធានអង្គការផ្ទះបាយកុមារបានអោយដឹងថា ផ្ទះបាយកុមារបានបង្កើតឡើងនៅដើមខែមករា ឆ្នាំ២០១០ ក្នុងគោលបំណង ប្រមូលកុមារ មកពីគ្រួសារក្រីក្រដែល រស់នៅតាមស្តុប ស្ពាន លូទឹកកស្អុយ កុមាររើសសំរាម និងមានជីវភាពខ្វះខាត ។ លោកបានបញ្ចាក់បន្តថា រហូតដល់ពេលនេះ ផ្ទះបាយកុមារ បានឧបត្ថម្ភ ដល់កុមារទាំងអស់នេះ ប្រមានជាកន្លះលានចាន ស្មើនិងប្រមាណជិត ១មឺននាក់ ទទួលបាន ការឧបត្ថម្ភ និងជាហារ និងឧបត្ថម្ភការសិក្សា ជារៀងរាល់ឆ្នាំ ក្រោមការចូលរួមជួយឧបត្តម្ភ ពីសប្បុរសជន ក្នុងស្រុក និងបរទេស តាមរយះការមកដោយផ្ទាល់ និងការផ្តល់តាមរយះម្ចាស់ជំនួយផ្សេងៗ ដើម្បីជម្រុញអោយកុមារអាចហូបបាន និងចេះអាន សរសេរ នៅពេលអនាគត។
ឯកឧត្តម លី ចាន់ភក្តី ប្រធានក្រុមប្រឹក្សាសង្គម ដើម្បីយុត្តិធម៌សង្គម បានលើកឡើងថា ការជួយអ្នកមានទុកលំបាក ជាពិសេគឺកុមារដែលជាទំពាំងស្នងឬស្សី នៅពេលអនាគត គឺជាកិច្ចការរបស់យើងទាំងអស់គ្នា ក្នុងនាមជាសង្គមមួយ ។ ផ្ទះបាយកុមារ គឺបាននិងកំពុងត្រូវការជាចាំបាច់ផ្គត់ផ្គង់កុមារ អោយបានរៀនសូត្រ និងបានអាហារគ្រប់គ្រាន់ តាមរយះសប្បុរសជន ដែលបានជួយឧបត្ថម្ភកុមារ ជាពិសេស គឺសហភាពសហព័ន្ធយុវជនកម្ពុជ ដោយបានចូលរួមជួយស្វែងរការគាំ ទ្រពីសប្បុរសជន ក្នុងឧបត្ថម្ភ ផ្សេងៗ ។
សូមបញ្ជាក់ថា នៅក្នុងឱកាសនេះដែរ សប្បុរសជន និងយុវជន ដែលមកពីសហភាពសហពន្ធ័យុវជន និងសមាគនានា បានបង្កើតកម្មវិធីជាច្រើន ដល់កុមារ នៃសមាគមនផ្ទះបាយកុមារ ដូចជា៖ ការអប់រំអនាម័យខ្លួនដល់កុមារ ការអប់រំសុជីវធម៌ ការគូរគំនូរ ការបណ្តុះទម្លាប់នៃការអានសៀវភៅ ការលេងល្បែងកំសាន្ត និងការឆ្លើយសំណួរចម្លើយ និងផ្តល់វត្ថុអនុស្សាវរីយ៍ ម្ហូបអាហារ សម្លៀកបំពាក់ និងសម្ភារៈសិក្សាជាច្រើន ផងដែរ។

អាវុធហត្ថខេត្តព្រះសីហនុ បង្ក្រាបទីតាំងសញ្ចារកម្ម ឈ្មោះ ម៉ាស្សាចិន ឃាត់ខ្លួនមនុស្សបាន២១នាក់

0

ខេត្តព្រះសីហនុ៖  យោងតាមការបញ្ចាក់ពីលោកវរសេនីយ៍ ឆេង វុទ្ឋី ប្រធានមន្ទីស្រាវជ្រាវ និង យុត្តិធម៍នៃទីបញ្ជការកងរាជអាវុធហត្ថខេត្តបានឱ្យដឹងថា នៅវេលាម៉ោង០០.៤៥នាទី ថ្ងៃទី១៧ ខែសីហា ឆ្នាំ២០១៨ កម្លាំងមន្ទីរយុត្តិធម៌អាវុធហត្ថខេត្ត សហការជាមួយកម្លាំងអាវុធហត្ថក្រុងដឹកនាំដោយលោកវរសេនីយ៍ទោ ឆេង វុទ្ធី ប្រធានមន្ទីរយុត្តិធម៌អាវុធហត្ថខេត្ត និងលោកវរសេនីយ៍ទោ ហ៊ត សីហា មេបញ្ជាការអាវុធហត្ថក្រុង ក្រោមការសម្របសម្រួលដោយលោកព្រះរាជអាជ្ញារង រស់ សារាំ បានចុះបង្រ្កាបករណីសចញ្ចារកម្មមួយកន្លែងឈ្មោះ ម៉ាស្សាចិន ស្ថិតនៅភូមិ៣ សង្កាត់លេខ៤ ក្រុង ខេត្តព្រះសីហនុ ឃាត់ខ្លួនបានមនុស្សចំនួន២១នាក់ ស្រី០៩នាក់ ក្នុងនោះមាន៖+ជនជាតិចិន ចំនួន១៦នាក់ ស្រី០៨នាក់+ជនជាតិ ខ្មែរ ចំនួន០៥នាក់ ស្រី០១នាក់+វត្ថុតាងរួមមាន៖-ស្រោមប្រើ ប្រាស់រួចចំនួន២
-ស្រោមមិនទាន់ប្រើប្រាស់មួយចំនួនធំ-រថយន្តម៉ាកហាយលិនដឺរ នួន០១គ្រឿង។

បច្ចុប្បន្នជនសង្ស័យ ព្រមទាំងវត្ថុតាងកម្លាំងការិយាល័យប្រឆាំងបទល្មើសជួញដូរមនុស្ស ខេត្ត កំពុងធ្វើបន្តនីតិវិធីនៅបញ្ជាការដ្ឋានអាវុធហត្ថខេត្ត។

ឧត្តមសេនីយ៍ សោម ស៊ុន ចុះសួរសុខទុក្ខមន្រ្តីក្រោមឳវាទកំពុងសម្រាកព្យាបាលនៅមន្ទីរពេទ្យ

0

កំពង់ធំៈ មេបញ្ជាការតំបន់ប្រតិបត្តិការសឹករងកំពង់ធំ បានដឹកនាំសហការី អញ្ជើញចុះសួរសុខទុក្ខ លោកវរសេនីយ៍ទោ សៀង ហុកឃាន់ មេបញ្ជាការផ្នែកសឹករងក្រុងស្ទឹងសែន  ដែលកំពុងសម្រាក់ព្យាបាលជំងឺ នៅ ក្នុងមន្ទីរព្យាបាល ឯកជនមួយកន្លែង ស្ថិតក្នុងក្រុងស្ទឹងសែន ខេត្តកំពង់ធំ ដើម្បីផ្តល់កំលាំងចិត្ត  ដែលបាន បង្ហាញឲ្យឃើញពីការយកចិត្តទុកដាក់ ទទួលខុសត្រូវចំពោះយោធិនក្រោមឱវាទដូចពាក្យស្លោបានពោលថា ” នៅផ្ទះម្តាយទីទៃ ទៅព្រៃម្តាយតែមួយ ” ។

នៅក្នុងពិធីសំណេះសំណាលសាកសួរសុខទុក្ខ  ឯកឧត្តម ឧត្ដមសេនីយ៍ទោ សោម ស៊ុន មេបញ្ជាការរង យោធភូមិភាគទី៤ មេបញ្ជាការ តំបន់ប្រតិបត្តិការសឹករងកំពង់ធំ ​បានផ្តាំផ្ញើដល់ក្រុមគ្រួសារលោកវរសេនីយ៍ទោ សៀង ហុកឃាន់ អោយមានការប្រុងប្រយ័ត្ន​ក្នុងកិច្ចការពារជម្ងឺផ្សេងៗ​ ពិសេស​ការពារជម្ងឺគ្រុនឈាមខណៈពេលកំពុងរាតត្បាតជំងឺគ្រុនឈាម  មិនមែនកើតតែលើកុមារនោះទេ សូម្បីមនុស្សចាស់ក៏កើតជំងឺនោះដែរ ។

ក្នុងនោះឯកឧត្តម សោម ស៊ុន មេបញ្ជាការ​តំបន់​ប្រតិបត្តិការ​សឹក​រង​កំពង់ធំ​ បាន​ឧបត្ថម្ភថវិកា ចំនួន ១,១៥០,០០០ រៀល  ក្នុង​នោះ​មាន​ថិកាលោកជំទាវ មាស សន ជា ម៉ន ភរិយា ឯកឧត្តម ឧត្តមសេនីយ៍ឯក ជា ម៉ន មេបញ្ជាការរង កងទ័ពជើងគោក មេបញ្ជាការ យោធភូមិភាគទី៤ ដែល​បានជួយ​ឧបត្ថម្ភថវិកាចំនួន ៣០០,០០០ រៀល   និងឯកឧត្តម ឧត្តមសេនីយ៍ទោ សោម ស៊ុន មេបញ្ជាការរង យោធភូមិភាគទី៤ មេបញ្ជាការ តំបន់ប្រតិបត្តិការសឹករងកំពង់ធំ និងសហការី បាន​ឧបត្ថម្ភថវិកា ចំនួន ៨៥០,០០០រៀល និងភេសជ្ជៈមួយចំនួនផងដែរ នៅថ្ងៃទី ១៨ខែសីហា ឆ្នាំ២០១៨ ។

លោក​សៀង​ ហុកឃាន់​ និង​ភរិយា​ ព្រម​ទាំង​ក្រុម​គ្រួសារ​មាន​ចិត្ត​រំភើប​ ដល់​កាយវិការ​មនុស្ស​ធម៌ ​របស់ឯកឧត្តម ឧត្តមសេនីយ៍ឯក ជា ម៉ន មេបញ្ជាការរងកងទ័ពជើងគោក មេបញ្ជាការយោធភូមិភាគទី៤ និង ឯកឧត្តម ឧត្ដមសេនីយ៍ទោ សោម ស៊ុន មេបញ្ជាការរងយោធភូមិភាគទី៤  ដែល​តែង​តែ​គិត​គូរ​ពីសុខទុក្ខ​ គ្រួសារ របស់ខ្ញុំបាទ រួមទាំង​ជីវភាព​រស់នៅ​របស់​យោធិន​ក្រោមឱវាទគ្រប់រូប ធ្វើឲ្យមានមន្រ្តីក្រោមឳវាទទាំងអស់ មានទំនុកចិត្ត និងជឿជាក់លើថ្នាក់ដឹកនាំ និងស្មោះត្រង់គោរព និងអនុវត្តតាមបទបញ្ជារបស់មេបញ្ជាការ ដែលបានប្រគល់ជូន។

ដោយ  ប៊ុន ​រដ្ឋា

ខ្នងផ្ទះលើកទី៩៤អំណោយរបស់សម្តេច តេជោ ហ៊ុន សែន ប្រគល់ជូនអតីតយុទ្ធជនពិការស្រុកស្ទោង

0

កំពង់ធំៈ សម្តេច តេជោ ហ៊ុន សែន នាយករដ្ឋមន្រ្តនៃព្រះរាជាណាចក្រកម្ពុជា បានចាត់ទុកអតីតយុទ្ធជន ជា​ក្រុមគ្រួសារមានគុណបំណាច់លើប្រទេសជាតិ ដែលកន្លងមកបានបូជាសាច់ស្រស់ឈាមស្រស់ ដើម្បីការ​ពារបុព្វហេតុជាតិមាតុភូមិ ដោយមិនញញើតនឹងស្លាប់ ឬពិការ ក្នុងសមរភូមិឡើយ ដើម្បីដណ្តើមយក​សន្តិភាព និងការអភិវឌ្ឍន៍មកដល់ពេលនេះ ក្រោមការដឹកនាំរបស់ប្រមុខរាជរដ្ឋាភិបាល ដ៏ឈ្លៀសវៃ  ដែល ប្រសាសន៍នេះ ឯកឧត្តម ឧត្តមសេនីយ៍ទោ សោម ស៊ុន ថ្លែងក្នុងពិធីប្រគល់ផ្ទះជូនដល់អតីតយុទ្ធជនពិការ ដែលមានជីវភាពខ្វះខាត។

ពិធីប្រគល់ផ្ទះជូនដល់អតីតយុទ្ធជនពិការ ត្រូវបានធ្វើឡើង នៅរសៀលថ្ងៃទី ​១៧​ ខែ​សីហា​ ឆ្នាំ​២០១៨នៅ​ភូមិ​ព្រះនង្គ័ល​ ឃុំ​ចំណាក្រោម​ ស្រុក​ស្ទោង​ ខេត្ត​កំពង់ធំ ដែលជា​ខ្នង​លើកទី៩៤​ជូន​អតីត​យុទ្ធ​ជន​ពិការ​ លោក​ពលបាលឯក​ដៀក​ ហ៊ាម​ អាយុ​៤៦ មាន​ភរិយា​ឈ្មោះ​សោ​ ផារី​ អាយុ​៣៥​ ឆ្នាំ​ មាន​កូន​តូច​ៗ​ចំនួន​៦​ នាក់​ សុទ្ធ​តែ​ប្រុស​ទាំង​អស់​ ដោយ​ប្រកបមុខរបរ​ធ្វើ​ស្រែ​ រួម​ផ្សំ​នឹង​ប្រាក់​បៀវត្ស​ដែល​រាជរដ្ឋាភិបាល​ផ្តល់​ជូន​គាត់​ប្រចាំ​ខែ​ចំនួន​ ៦២០,០០០រៀល​ ផងដែរ​ ។ 
ផ្ទះថ្មីដែលបានប្រគល់ជូន ​មាន​ទំហំ​ ៦ម៉ែត្រ​x​៨ម៉ែត្រ​ ដែល​ត្រូវ​បាន​ចំណាយ​ថវិកា​ក្នុង​ការ​សាងសង់​អស់​ទឹក​ប្រាក់​ចំនួន​ ៧,៣២០,០០០រៀល​  និងបាន​នាំ​យក​នូវ​អំណោយ​សម្ដេច​តេជោ​ហ៊ុន​ សែន​ ផ្តល់​ជូន​គាត់​បន្ថែម​ទៀត​រួម​មាន​អង្ករ​ចំនួន​៥០​ គីឡូ​ក្រាម​ មី​យើង​ចំនួន​២កេស​ មុងជ្រលក់ថ្នាំចំនួន២​ និង​ថវិកា​ចំនួន​២០០,០០០​ រៀល​ ផងដែរ​ ។

ឯកឧត្តម ឧត្តមសេនីយ៍ទោ សោម ស៊ុន ប្រធានសមាគមអតីតយុទ្ធជនខេត្តកំពង់ធំ បានមានប្រសាសន៍ថា លោក​ពលបាលឯក​ដៀក​ ហ៊ាម​ ​ ឆ្នាំ​ ចូល​បម្រើ​ក្នុង​ជួរ​កង​ទ័ព​នៅ​ថ្ងៃទី​១៩​ ខែ​ មិថុនា​ ឆ្នាំ​១៩៩០​ បាន​ត្រូវ​របួស​ពិកា​ នៅ​ថ្ងៃទី​១៩ខែ​កុម្ភៈ​ឆ្នាំ​១៩៩៧​ នៅ​សមរភូមិ​ផ្លូវ​១២​ (៦២)​ ដោយមានការអាណិត អាសូ នូវជីវភាពខ្វះ​ខាត ​ពីសំណាក់ ឯកឧត្តម​នាយ​ឧត្ដមសេនីយ៍​គន់​ គីម​ អគ្គលេខាធិការ​សមាគម​អតីត​យុទ្ធ​ជន​កម្ពុជា​ បាន ឲ្យសមាគម​អតីត​យុទ្ធ​ជន​កម្ពុជាខេត្តកំពង់ធំ សាងសង់ផ្ទះ ដែលជាអំណោយ​ដ៏​ថ្លៃថ្លា​របស់​សម្ដេច​តេជោ​ហ៊ុន​ សែន​ នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា ដែលជាជម្រកស្នាក់នៅជូនគ្រួសារពិការនេះ ដើម្បីឲ្យរស់​នៅ មានជម្រកស្នាក់នៅសមរម្យនិងគេ និងបានថ្លែងអំណរគុណ ដល់​បងប្អូន​ដែល​បាន​អញ្ជើញ​ទៅ​បោះឆ្នោត​បំពេញ​កាតព្វកិច្ច​ជា​ពលរដ្ឋ​ល្អ​ ។

ដោយ  ប៊ុន  រដ្ឋា

 

 

 

 

ខណ្ទរដ្ឋបាលជលផលកំពង់ធំ ជម្រុញឲ្យតាមផ្នែក សង្កាត់រដ្ឋបាលជលផល ចុះបង្រ្កាបបទល្មើសនេសាទ

0

កំពង់ធំៈ ក្នុងរដូវបិទនេសាទ បានកំណតពីរាជរដ្ឋាភិបាលកម្ពុជា ដែលជារយះពេល ផ្តល់ឲ្យមច្ឆាជាតិ ពងកូន និងបានផ្អា្កការនេសាទដែលមានលក្ខណៈអជីវកម្ម ឧស្សាហកម្ម និងការនេសាទដែលមានទ្រង់​ទ្រាយ និងបានការលើកលែងចំពោះការនេសាទជាលក្ខណៈគ្រួសារ ក្នុងនោះខណ្ទរដ្ឋបាលជលផលកំពង់ធំ បានណែនាំឲ្យផ្នែករដ្ឋបាលជលផលផាត់សណ្តាយ,និងសង្កាត់រដ្ឋបាលជលផលកំពង់ស្វាយក្រោម,សង្កាត់រដ្ឋបាលជលផលស្ទោង ចុះទប់ស្កាត់ ការនេសាទដែលប្រើប្រាស់ឧបករណ៍ខុសច្បាប់។

យុទ្ធនាការបង្រ្កាបបទល្មើសជលផល ត្រូវបានដឹកនាំដោយ លោក ប៉ែន វណ្ណរិទ្ធ នាយខណ្ទរដ្ឋបាលជលផល កំពង់ធំ នៅថ្ងៃទី១៧ ខែសីហា ឆ្នាំ២០១៨ ដោយបានសហការណ៍ជាមួយផ្នែកសឹករងខេត្ត,ស្ទោង និងកំលាំងសាលាស្រុកស្ទោង បានចុះបង្រ្កាបនៅចំណុចអូរថ្ម,បឹងក្រុងកន្ធ និងបឹងកប់ភ្លុក ស្ថិតនៅក្នុងឃុំផាត់សណ្តាយ ស្រុកកំពង់ស្វាយ ខេត្តកំពង់ធំ  ចំណែកការបង្រ្កាបក្នុងភូមិសាស្រ្តស្រុកស្ទោង គឺចំនុច ក្ររត់ក្តោង,អាងទឹកត្រាចជ្រុំ ស្ថិតនៅក្នុងឃុំសំព្រោជ និង ចំនុចតាអោន ឃុំចំណាក្រោម ស្រុកស្ទោង ខេត្តកំពង់ធំ។

លទ្ធផលនៃការបង្រ្កាប សមត្ថកិច្ចរដ្ឋបាលជលផល បានប្រមូលសម្ភារៈនេសាទល្មើសច្បាប់ គឺបានរុះរើកាប់បំផ្លាញចោល មានរបាំងសាច់អួន និងស្បៃមុងចំនួន៣១ របាំង ប្រវែង២៩៥០ ម៉ែត្រ -លូចំនួន៥០ មាត់ -ឡុកចំនួន៤៦ គ្រឿង -បង្គោលចំនួន១០០០ដើម -ចាក់លែងត្រីចំនួន២៩០ កគ្រ  និងបានធ្វើកាណែនាំដល់ប្រជា​ពលរដ្ឋ ឲ្យយល់ពីការនេសាទ ដោយប្រើឧបករណ៍ខុសច្បាប់ នូវទោសកំហុស ដែលនិងត្រូវអនុវត្តតាមច្បាប់ បើកាលណាប្រើប្រាស់ឧបករណ៍ហាមឃាត់។

លោក ប៉ែន វណ្ណរិទ្ធ នាយខណ្ទរដ្ឋបាលជលផល កំពង់ធំ បានអំពាវនាវ ដល់ប្រជានេសាទ និងប្រជាពលរដ្ឋ ចូលរួមថែរក្សាធនធានមឆ្ឆាជាតិ កុំនេសាទទ្រង់ទ្រាយធំក្នុងរដូវបិទនេសាទ ដើម្បីផ្តល់ពេលវេលាទុកឲ្យត្រី​ ពងកូន និងបន្តពូជ ជាពិសេសបទល្មើសឆក់ត្រី គឺជាឧបករណ៍ដែលត្រូវហាមដាច់ខាត និងខុសច្បាប់ ទី២ សូមឲ្យបងប្អូនប្រជាពលរដ្ឋទាំងអស់ កុំប្រើប្រាស់ឧបករណ៍នេសាទត្រីដោយខុសច្បាប់ ដូចជាស្បៃមុង របាំង សាច់អួន និងឧបករណ៍ហាមឃាត់មួយចំនួនទៀត ។

ដោយ  ប៊ុន  រដ្ឋា

 

ចាប់តាំងពីលោក នួន សុខុម គ្រងឆិមជានាខណ្ទរដ្ឋបាលព្រៃឈើ ខេត្តព្រះវិហារ ឈ្មួញសប្បាយចិត្តក្នុងការដឹកជញ្ជូនឈើ

0

ខេត្តព្រះវិហារ ឈ្មួញឈើដ៏ល្បីល្បាញ ប្រចាំខេត្តព្រះវិហារ សប្បាយចិត្តប្រៀបដូចត្រីចង្វាប្រដេញទឹក ចាប់តាំងពីលោក នួន សុខុម គ្រងតំណែងជា នាយខណ្ឌរដ្ឋបាលព្រៃឈើ ខេត្តព្រះវិហារមក ឈើត្រូវបានដឹកយ៉ាងគគ្រឹកគគ្រេង តាមរយៈរថយន្តតូចធំ ចូលមក ខេត្តកំពង់ធំ សៀមរាប និងរាជធានីភ្នំពេញ។

ជាក់ស្តែងរថយន្ដ របស់ឈ្មួញឈើ ដែលទទួលបាន ភាពល្បីល្បាញ ក្នុងខេត្តព្រះវិហារ និងខេត្តសៀមរាប ដែលត្រូវបានគេស្គាល់ ឈ្មោះ សាន និងលោក ប៉ូ ជាឈ្មួញឈើ ធ្វើសកម្មភាពយ៉ាងសកម្ម ក្នុងការដឹកជញ្ជូន ផល អនុផល ព្រៃឈើដោយគ្មានច្បាប់អនុញ្ញាត ត្រូវបានដឹកដោយរលូន គ្មានខ្លាចញញើតបន្តិចឡើយ។

ប្រភពព័ត៌មានបានឲ្យដឹងថា លោក ប៉ូ  ដែលធ្វើសកម្មភាពដឹកឈើ ប្រណិត និងឈើលេខ២ ដោយរថយន្ត នីសាន់កែច្នៃ  ហើយនិងលោក សាន ជាឈ្មួញឈើ យ៉ាងសកម្មដុះស្លែ ប្រចាំខេត្តព្រះវិហារ តាមរយៈរថយន្ត សំយ៉ុង ជាច្រើនគ្រឿង បានដឹកចេញពីខេត្តព្រះវិហារទៅទំម្លាក់ អោយម៉ូយ ឈ្មោះ ចាន់ណា ដឹកបន្តទៅដាក់តាមដេប៉ូឈើ ខេត្តសៀមរាប ។
ទទឹមគ្នាដែរ ក៏មានមហាជនជាច្រើន សំណូមពរ អោយ ឯកឧត្តមរដ្ឋមន្ត្រីក្រសួងកសិកម្មរុក្ខាប្រមាញ់និងនេសាទ មានវិធានការ ទប់ស្កាត់ បង្ក្រាបបទល្មើសព្រៃឈើ ដែលដឹកជញ្ជូន ដោយ គ្មានច្បាប់នៅឡើយ ដោយសារមន្ត្រីគ្រប់ល្ពៅ ទាំងនេះពុំបាន អនុវត្តនូវបទបញ្ជារបស់ ឯកឧត្តមឡើយ។

រថយន្តកែច្នៃពីគ្រឿង ត្រូវ​បានកម្លាំង​ជំនាញ​ផ្នែករដ្ឋបាល​ព្រៃឈើ​ស្រុកជាំក្សាន្តបង្ក្រាប

0

(ព្រះវិហារ): រថយន្ត​សាំ​យ៉ុង​កែច្នៃមួយគ្រឿង​ដឹក​ឈើប្រភេទលេខ២ និងរថយន្តកាមរីហើម កែឆ្នៃមួយគ្រឿងទៀត ដឹកឈើប្រណីត ប្រភេទធ្នង់គ្រាក់ ​ត្រូវបាន​កម្លាំង​ជំនាញផ្នែករដ្ឋបាលព្រៃឈើស្រុកជាំក្សាន្ត ស្ទាក់បង្ក្រាបបានកាលពីវេលាម៉ោងប្រមាណជាង៨ យប់ថ្ងៃទី១៦ ខែសីហា ឆ្នាំ២០១៨ តាមបណ្តោយផ្លូវគ្រួសក្រហម ស្ថិតក្នុងភូមិត្រពាំងសង្កែខាងជើង ឃុំជាំក្សាន្ត ស្រុកជាំក្សាន្ត ខេត្តព្រះវិហារ។

គ្រា​ដែល​រថយន្ត​ទាំងពីកំពុងធ្វើសកម្មភាពដឹកជញ្ជូនឈើ​ល្មើសច្បាប់​ ទៅ​លក់​ចែកចែយបន្តតាមបណ្តាខេត្តមួយចំនួនក្នុងប្រទេស​។ រថយន្ត​ទាំងពីគ្រឿង​ដែល​សមត្ថកិច្ច​បង្ក្រាប​បាន​នោះ ទី១.ម៉ាក​សាំ​យ៉ុង ពណ៏ទឹកបិចក្រម៉ៅ គ្មានពាក់​ស្លាក​លេខ​ ដឹកឈើក្តាប្រភេទលេខ២ និងទី២.រថយន្តកាមរីហើមកាត់គូត ពណ៏ស ពាក់ស្លាកលេខ បាត់ដំបង 2A.22.96.ដឹកឈើធ្នង់ប្រភេទគ្រាក់។

នាយផ្នែករដ្ឋបាលព្រៃឈើស្រុកជាំក្សាន្ត លោក គឹម ជាដ្ឋាវី បានបញ្ជាក់អោយដឹងតាម ទូរស័ព្ទ នៅរសៀលថ្ងៃទី១៧ ខែសីហានេះថា វត្ថ​តាង​ដែល​កម្លាំងជំនាញបាន​រឹបអូស​ទាំងពីរថយន្តរួមមាន÷ ឈើធ្នង់ចំនួន​៣០ដុំ ស្មើនិង១ម៉ែត្រគីប១៦៤ ចំណែកឈើក្តាប្រភេទលេខ២មានចំនួន២២៨សន្លឹកស្មើនិង៤ម៉ែត្រគីប១៧៣។

យោងតាមប្រភពច្បាស់ការពីសមត្ថកិច្ចមួយចំនួនបានខ្សឹបប្រាប់អោយដឹងដែលថា រថយន្តសាំយ៉ុងកែច្នៃ ដែលកម្លាំងជំនាញបង្ក្រាបបានខាងលើនោះ ជារបស់ឈ្មួញឈើឈ្មោះ ឌី ដែលជាមេឈ្មួញឈើយ៉ាងសកម្មប្រចាំភូមិពាក់ស្បែក ក្នុងការដើរប្រមូលទិញឈើតាមបណ្តាភូមិមួយចំនួនក្នុងស្រុកជាំក្សាន្ត ហើយដឹកយកទៅលក់ចែកចាយបន្តតាមបណ្តាខេត្តនានា ដោយធ្វើដំណើរឆ្លងកាត់ស្ថាប័នពាក់ព័ន្ធ ជាច្រើនកន្លែងបានយ៉ាងរលូន មិនដែលឃើញមានសមត្ថកិច្ចជំនាញ និងស្ថាប័នពាក់ព័ន្ធណាហ៊ានបង្រ្កាបឡើយ…?។

សូមបញ្ជាក់ផងដែរថា ចំពោះរថយន្តទាំងពី និងវត្ថុតាងឈើ ត្រូវបានរក្សាទុក្ខនៅក្នុងផ្នែករដ្ឋបាលព្រៃឈើស្រុកជាំក្សាន្ត ដើម្បីរងចាំម្ចាស់ចូលខ្លួនដោះស្រាយ និងបង់ផាកពិន័យអន្តរកាលជូនរដ្ឋផងដែរ៕សួនលីណា

អភិបាលខេត្តកំពង់ធំដឹកនាំមន្ទីរអង្គភាពពាក់ព័ន្ឋចុះពិនិត្យមណ្ឌលប្រឡងបាក់ឌុប ឆ្នាំ២០១៨

0

កំពង់ធំ៖ ការប្រឡងបាក់ឌុបនៅឆ្នាំ២០១៨នេះ អាជ្ញាខេត្តកំពង់ធំ បានសម្រួល ដល់ក្មួយ​ៗសិស្សា​នុសិស្ស ចំពោះសិស្សក្រីក្រ អាជ្ញាធរ បានរកកន្លែងស្នាក់នៅជូនឲ្យបានសមរម្យ ចំនែក ចំណត​កង់​ ម៉ូតូ រថយន្ត ពុំ​តម្រូវឲ្យ​មាន​ការបង់​ប្រាក់ ឬយកលុយពី​ក្មួយ​​ឡើយ ថែមទាំងឲ្យសមត្ថកិច្ចសហការគ្នាការពារ​សុវត្តិភា​ព សណ្តាប់​ធ្នាប់ និងរៀប​ចំណត​ឲ្យមានការ​ផ្ញើរកង់ ​ម៉ូតូឲ្យបានត្រឹមត្រូវ ប្រសាសន៍នេះ ត្រូវបានឯកឧត្តម   ឯកឧត្តម សុខ លូ អភិបាលខេត្តកំពង់ធំ បានថ្លែងក្នុងពេលដែលចុះពិនិត្យមណ្ឌល់ប្រឡង។

ឯកឧត្តម សុខ លូ អភិបាលខេត្តកំពង់ធំ និងជាប្រធានគណៈបញ្ជាការឯកភាពខេត្ត បានដឹកនាំមន្ទីរ អង្គភាព ពាក់ព័ន្ឋក្នុងវិស័យអប់រំ ចុះពិនិត្យទីតាំងមណ្ឌលប្រឡងទុតិយភូមិ ដែលនិងចាប់ផ្តើមនៅថ្ងៃទី២០ ខែសីហា ឆ្នាំ ២០១៨ខាងមុខនេះ ស្ថិតនៅក្នុងក្រុងស្ទឹងសែន ដែលមាន៣ មណ្ឌលប្រឡង ទី១ វិទ្យាល័យស្ទឹងសែន ទី២ វិទ្យាល័យបល្ល័ង្គ និងវិទ្យាល័យកំពង់ធំ  ក្នុងខេត្តកំពង់ធំ នាព្រឹកថ្ងៃទី១៧ ខែសីហា ឆ្នាំ ២០១៨។

ឯកឧត្តម សុខ លូ បានផ្តាំផ្ញើរឲ្យ លោកនាយកសាលា ឬអ្នកទទួលការងារខុសត្រូវ ពិនិត្យបន្ទប់ប្រឡង បំពាក់​ភ្លើងឲ្យមានពន្លឺគ្រប់គ្រាន់ និងបរិស្ថានល្អ មានអនាម័យ ដើម្បីចៀសវាង បង្ករឲ្យសិស្សមានបញ្ហា មើល មិនច្បាស់ ងងឹត រួមទាំងបរិយាកាសអាប់អួល ធ្វើឲ្យខកខានក្នុងការប្រឡង ក្នុងនោះកងកម្លាំងសមត្ថកិច្ច ត្រូវ ការពារសុវត្តិភាពឲ្យបានម៉ត់ចត់ ហាមមិនឲ្យមានការបន្ទរសំលេង ឬបង្ករអ្វីមួយដែលធ្វើឲ្យប៉ះពាល់អារម្ភណ៍ របស់សិស្ស ក្នុងពេលប្រឡង។

ជាចុងក្រោយ ឯកឧត្តម សុខ លូ អភិបាលខេត្តកំពង់ធំ បានកោតសរសើរ នឹងវាយតំម្លៃខ្ពស់ ដល់លោកគ្រូ អ្នកគ្រូ នាយកសាលា ដែលបានយកអស់ពីកំលាំងចិត្ត កំលាំងកាយ បង្ហាត់បង្រៀន ផ្ទេរចំណេះវិជ្ជាដល់​សិស្ស ទោះជាសិស្ស ធ្វើឲ្យខឹង ឬអាក់អន់ស្រពោនចិត្ត ក៏មិនដែលប្រកាន់ទោស អូសដំណើរដែរ​ រហូតដល់ ថ្ងៃប្រឡងចុងក្រោយនេះ ដែលប្រៀប​បាន ទៅនឹងឳពុកម្តាយទី២ របស់សិស្ស  រួមទាំងការងារកសាងហេដ្ឋា រចនាសម្ព័ន្ឋ កែលំអរសោភ័ណភាព បរិវេណសាលារៀន ឲ្យក្លាយជាកន្លែងឃ្លាំងចំណេះវិជ្ជា ដែលជាទីចាប់ អារម្ភណ៍របស់សិស្ស  នឹងសំណូមពរឲ្យលោកនាយកសាលា ព្រមទាំងលោកគ្រូ អ្នកគ្រូ បង្កើរជាកម្មវិធីបុណ្យ ផ្កាប្រាក់ ដើម្បីបណ្តុះនិស្ស័យ ផ្សារភ្ជាប់អត្តចរិកសិស្សជាមួយនិងព្រះពុទ្ធសាសនាផង នឹងដើម្បីនាំយក​បច្ច័យមកកសាង ឬជួសជុលសម្ភារៈក្នុងសាលាផង ។

ដោយ  ប៊ុន  រដ្ឋា

សាខាកាំកុងត្រូលខេត្តសៀមរាបពិនិត្យទំនិញម្ហូបអាហារតាំងលក់ក្នុងទីផ្សារ

0

សៀមរាប៖ សាខាកាំកុងត្រូលខេត្តសៀមរាបដោយមានកិច្សហការពីមន្ទីរពាជកម្ម អាជ្ញាធរដែនដី និងគណៈគ្រប់គ្រងផ្សារ បានចុះប្រតិបត្តិការត្រួតពិនិត្យទៅលើភាពមិនប្រក្រតី និងអនុលោមភាព នៃទំនិញម្ហូបអាហារដែលបានដាក់តាំងលក់នៅក្នុងផ្សារចាស់នោះ។ ប្រតិបត្តិការណ៏នេះ បានធ្វើឡើងនៅព្រឹកថ្ងៃទី១៦​ ខែសីហា ឆ្នាំ២០១៨នេះ នៅក្នុងផ្សារចាស់​ សង្កាត់ស្វាយដង្គំ ក្រុងសៀមរាប ខេត្តសៀមរាប។

លោក ព្រៅ ខេមរិទ្ធ ប្រធានសាខាកាំកុងត្រូលសៀមរាបបានមានប្រសាសន៏ថា៖ ដើម្បីការពារដល់សុខភាពរបស់យើងគ្រប់ៗគ្នា ក៏ដូចជាបងប្អូនប្រជាពលរដ្ឋនោះ មន្រ្តីកាំកុងត្រូលយើងនៅតែបន្តចុះប្រតិបត្តិត្រួតពិនិត្យរកមើលនូវសារធាតុគីមី ដែលបានផ្ទុកនៅក្នុងម្ហូបអាហារប្រចាំថ្ងៃ នឹងបានចែកជួននៅ (Poster) សម្រាប់ជាគំរូដល់អាជីវករ និងបងប្អូនប្រជាពលរដ្ឋជាច្រើនផងដែរ។
លោក បានបន្តទៀតថា៖ មន្ត្រីជំនាញកាំកុងត្រូលសាខាខេត្តសៀមរាបនៅព្រឹកនេះ បាននាំឡានមន្ទីរពិសោធន៏ចុះមកដល់ខេត្តសៀមរាបផ្ទាល់តែម្តង​ គឺស្ថិតនៅត្រង់ចំណុចផ្សារចាស់ដែលមន្ត្រីជំនាញ់របស់យើងបានធ្វើការត្រួតពិនិត្យ នឹងធ្វើ(Tested) ទៅលើម្ហូបអាហារគំរូ មានចំនួន.៦៥មុខ​ មានបន្លែ ត្រីសាច់ជាដើម។ ដើម្បីស្វែងរកនូវសារធាតុបូរ៉ាក់ និងសារធាតុគីមីទាំងឡាយដែលគេបានដាក់សម្រាប់ការពារទៅលើម្ហូបអាហារផ្សេងៗ ក្នុងគោលរក្សាទុកឲ្យបានយូរ នឹងមានពណ៏ស្រស់ៗ ឆើតៗ ដែលជាហេតុធ្វើឲ្យប៉ះពាល់យ៉ាងខ្លាំងដល់សុខភាពនោះ។ ម្ហូបអាហារទាំង៦៥មុខ ក្នុងនោះ មានស្ពៃក្តោបមួយមុខ ដែលគេបានដាក់នៅសារធាតុកាកសំណល់ថ្នាំកសិកម្មមួយប្រភេទដែលហៅថាជាប្រភេទកាកសំណល់ថ្នាំកសិកម្មត្រូវបាននាំចូលមកពីប្រទេសវៀតណាម ហើយមន្ត្រីកាំកុងត្រូលយើងបានធ្វើការដក់ហូតចំនួន១គីឡូជាងដើម្បីយកទៅកំទេចចោល។
លោកបានបញ្ជាក់ថា៖ ប្រជាពលរដ្ឋនិងអាជីវករមានការយល់ដឹងច្រើនជាងមុនៗ​ ដោយសារមានការយកចិត្តទុកដាក់ពីមន្ត្រីជំនាញកាំកុងត្រូលបានធ្វើការណែនាំជារឿយៗពីបញ្ហា លើម្ហូបអាហារប្រចាំថ្ងៃរបស់ពួកគាត់នោះ ហើយបន្ទាប់មកមន្ត្រីកាំកុងត្រូលក៏បានធ្វើការណែនាំដល់ម្ចាស់អាជីវកម្ម និងអាជីវករទាំងអស់ សូមកុំប្រើប្រាស់នូវសារធាតុគីមីឲ្យសោះ ពីព្រោះវាបានធ្វើឲ្យប៉ះពាលដល់សុខភាព និងផលប្រយោជន៏របស់ខ្លួនយើង ក៏ដូចជាបងប្អូនប្រជាពលរដ្ឋទូទៅផងដែរ៕ ដោយ ស៊ាន សុផាត

អភិបាលខេត្តបាត់ដំបងដឹកនាំកម្លាំងកងឯកភាពចុះទប់ទឹកជំនន់ស្ទឹងសង្កែ​​​មិនអោយហូរលិចក្រុងខ្លាំង

0

ខេត្តបាត់ដំបង ទឹកស្ទឹងសង្កែ បានដង្ហក់ឡើងដល់កម្រិត១៣ម៉ែត្រ ដែល​កម្ពស់​នេះ​គឺជា​សញ្ញា​ប្រកាស​អាសន្ន ក្នុងនាមរដ្ឋបាលខេត្តបាត់ដំបង ឯកឧត្ដម ងួន រតនះ នៅរសៀលថ្ងៃទី១៦ ខែសីហា ឆ្នាំ២០១៨នេះបានដឹកនាំកម្លាំងកងឯកភាពចុះពិនិត្យនិងទប់ស្កាត់ការបែកធ្លាយទឹកពីស្ទឹងសង្កែមិនអោយហូរចូលផ្ទះប្រជាពលរដ្ឋ​ខ្លាំង ​។

ជាមួយ​វិធានការទប់ស្កាត់ខាងលើនេះដែរកម្លាំង​ចម្រុះ​បាន​ប្រើប្រាស់​នូវកា​រ៉ុ​ង​ច្រក​ដី​ ដោយលើក​ទប់​នៅតាម​មាត់​ស្ទឹងកន្លែង​ដែលធ្លាប់មានការហូរកាត់នៅពេលទឹកជំនន់ឡើងធំដូចកាលប៉ុន្មានឆ្នាំកន្លងទៅដែលកើតមានត្រង់​ចំណុច​ភូមិ​ព្រែក​តា​តន់ សង្កាត់​ព្រែក​ព្រះស្ដេច ក្រុង​បាត់ដំបង និង​កន្លែង​ដទៃ​ទៀត ដើម្បី​បញ្ចៀស​ទឹក​កុំ​អោយហៀ​រ​ចូល​លិច​ផ្ទះប្រ​ពលរដ្ឋ ​។
ក្នុងឱកាសនេះដែរ ឯកឧត្ដម ងួន រតនះ អភិបាលខេត្តបាត់ដំបង បានមានប្រសាសន៍លើកឡើងថា ទឹកជំនន់ស្ទឹងសង្កែឆ្នាំនេះមានការឡើងញាប់និងមានសន្ទុះលឿនខ្លាំងរហូត​លិច​ផ្ទះ​ពលរដ្ឋ​ ដែល​សាងសង់​ស្រប​មាត់​ស្ទឹង​ជា​បណ្ដើរ​ៗ​ហើយ ​។ ពេល​នេះ ​អាជ្ញាធរ​និង​មន្ត្រី​ជំនាញ​កំពុង​ចុះ​ពិនិត្យ​ និង​តាមដាន​កា​រវិវឌ្ឍន៍​​នៃ​ជំនន់​ទឹកភ្លៀង​ដងស្ទឹង​សង្កែ​នេះ ​។

ជាមួយ​គ្នា​នេះ ​អាជ្ញាធរ​និង​មន្ត្រី​ជំនាញ​ក៏​បាន​អំពាវនាវ​ដល់​ពលរដ្ឋ​ ដែល​រស់នៅ​តាម​ដងស្ទឹង​សង្កែ ត្រូវ​ត្រៀមលក្ខណ​:​ជម្លៀស​កូនចៅ សត្វពាហន​: រួម​ទាំង​សម្ភារ​​ផ្សេង​ៗ​ផង ដើម្បី​ទៅ​កាន់​ទី​ទូល​មាន​សុវត្ថិភាព ​៕

ក្រុមពលរដ្ឋ៤២គ្រួសារទំនាស់ដីធ្លីនិងលោក ចាន់ កាំង មន្ត្រីកំពង់ផែស្វយត័បានមកចាប់ឆ្នោតយកលេខសំគាល់ក្បាលដី

0

ព្រះសីហនុ៖ ក្រុមពលរដ្ឋចំនួន៤២គ្រួសារដែលមានទំនាស់ដីធ្លីជាមួយលោក ចាន់ កាំង មន្ត្រីកំពង់ផែស្វយត័ក្រុងព្រះសីហនុ បានមកចាប់ឆ្នោតយកលេខសំគាល់ក្បាលដីបន្ទាប់ពីមានការផ្សះផ្សារដោយជោគជ័យ ពីអភិបាលខេត្តព្រះសីហនុ ។

ការចាប់ឆ្នោតនេះត្រូវបានធ្វើឡើងនៅរសៀលថ្ងៃទី១៦ខែសីហាឆ្នាំ២០១៨ ក្រោមវត្តមាន ឯកឧត្តម យន្ត មីន អភិបាលខេត្តព្រះសីហនុ អាជ្ញាធរក្រុង សង្កាត់ ភូមិ ថ្នាក់ដឹកនាំមន្ទីរដែនដីខេត្ត ភាគីទំនាស់ តំណាងកំពុងផែស្វយត័ផងដែរ។

ឯកឧត្តម យន្ត មីន អភិបាលខេត្តព្រះសីហនុ បានបញ្ជាក់ថាចាប់ពីពេលនេះតទៅទំនាស់នេះត្រូវបានបញ្ចប់ជាស្ថាពរហើយ។ឯកឧត្តម យន្ត មីន ស្នើអោយប្រធានមន្ទីរដែនដីសម្រួលធ្វើប័ណ្ណជូនពលរដ្ឋស្របតាមច្បាប់។ឯកឧត្តម ក៏បានថ្លែងអំណរគុណភាគីទំនាស់ដែលបានយល់ព្រមព្រៀងបញ្ចប់វិវាទនេះយឈរលើគោលការឈ្នះក្រោមកិច្ចសម្របសម្រួលរបស់រដ្ឋបាលខេត្តព្រះសីហនុ។

សូមបញ្ជាក់ថាទំនាស់នេះបានអូសបន្លាយតាំងពីឆ្នាំ២០១២មកម្លេះដោយភាគីក្រុមលោក ចាន់ កាំង បានឈូសឆាយកំទេចផ្ទះប្រជាពលរដ្ឋអស់ក្រោយពេលឈ្នះក្តីតាមប្រពន្ធ័តុលាការ៕

ពលរដ្ឋនៅស្រុកកំពង់សីលាចំនួន១១៣គ្រួសារបានទទួលស្រូវពូជពីអភិបាលខេត្តព្រះសីហនុ

0

ខេត្តព្រះសីហនុ៖   ពលរដ្ឋនៅស្រុកកំពង់សីលាចំនួន១១៣គ្រួសារមកពីភូមិចំនួន២បានទទួលស្រូវពូជពីអភិបាលខេត្តព្រះសីហនុនាព្រឹកថ្ងៃព្រហស្បតិ៍ទី១៦ខែសីហាឆ្នាំ២០១៨នេះដើម្បីយកទៅសាប ដកស្ទូងអោយទាន់រដូវ។

លោក ជុំ ចាន់ថុល អនុប្រធានមន្ទីរកសិកម្មខេត្តព្រះសីហនុ អោយដឹងថា ស្រូវប្រជាពលរដ្ឋជាង៥០ហិចតាត្រូវបានបំផ្លាញដោយសារទឹកជំនន់ដើមរដូវនេះ។ស្រូវពូជដែលបានចែកជូននេះមានចំនួនជាង៥តោន។ពលរដ្ឋទាំង១១៣គ្រួសារនេះ មកពីភូមិវាលចំនួន៧២ គ្រសារ និងមកពីភូមិថ្មីចំនួន៤១ គ្រួសារ។
លោក បញ្ជាក់ថាពូជស្រូវដែលចែកជូនពលរដ្ឋនេះជាប្រភេទស្រូវស្រាលមានរយៈពេល១០៥ថ្ងៃបានច្រូត។

ឯកឧត្តម យន្ត មីន អភិបាលនៃគណៈអភិបាលខេត្តព្រះសីហនុ មានប្រសាសន៍ផ្តាំផ្ញើដល់កសិករសូមយកពូជនេះទៅសាបព្រួសអោយទាន់រដូវកាលនិងថ្លែងអំណរគុណចំពោះប្រជាជនដែលបាននាំគ្នាទៅបោះឆ្នោតគាំទ្ររាជរដ្ឋាភិបាលដោយឆន្ទៈដើម្បីបន្តដឹកនាំ អភិវឌ្ឍប្រទេសជាតិអោយកាន់តែមានភាពរីកចម្រើនថែមទៀត។

ជាមួយគ្នានេះផងដែរ ពលរដ្ឋដែលមកទទួលពូជស្រូវនេះ បានថ្លែងអំណរគុណចំពោះអភបាលខេត្តព្រះសីហនុ តែងបានគិតគូរអំពីសុខទុក្ខរបស់ពួកគាត់។

លោកហាក់ មុងហួត ដឹកនាំកម្លាំងចម្រុះចុះពិនិត្យស្ថានភាពលិចស្រូវដើមរដូវដែលប្រឈមនឹងការលិចលង់

0

កំពង់ធំ៖ ក្រោយពីមានភ្លៀងធ្លាក់ផ្ទួនជាច្រើនថ្ងៃ បង្ករឲ្យព្រួយបារម្ភណ៍ ពីសំណាក់អាជ្ញាធរ ចំពោះបងប្អូន ប្រជាកសិករ ដែលបានប្រកបធ្វើស្រូវប្រាំង ខណៈពេលដែលស្រូវពេញគ្រាប់ រៀបចំនឹងប្រមូលផល តែត្រូវ បានទឹកជំនន់ជនលិចមួយចំនួនធ្វើឲ្យមានការខូចខាត។

ជាក់ស្តែងលោក ហាក់ មុងហួត អភិបាលស្រុកបារាយណ៍ រួមទាំងលោក ឃុន ប៊ុនហួ មេបញ្ជាការកងរាជ អាវុធហត្ថស្រុកបារាយណ៍ ដឹកនាំកម្លាំងចម្រុះ មានកងកម្លាំងប៉ូលិសនៃអធិការស្រុកបារាយណ៍ ចុះពិនិត្យ ស្ថានភាពទឹកជំនន់លិចស្រូវដើមរដូវ ដែលបង្ករឲ្យមានការខូចខាតស្រូវ មួយចំនួន ដែលខណៈនេះពុំទាន់​អាច​សរុបចំនួននៅ ឡើយទេស្ថិតនៅ ចតុលោក ឃុំបារាយណ៍ ស្រុកបារាយណ៍ ខេត្តកំពង់ធំ នាព្រឹកថ្ងៃទី ១៦ សីហា ២០១៨។

លោក ហាក់ មុងហួត អភិបាលស្រុកបារាយណ៍ បានឲ្យដឹងកាលពីរសៀលថ្ងៃ១៦នេះថា ករណីទឹកឡើង ដែលបង្ករឲ្យលិចស្រូវរបស់ប្រជាពលរដ្ឋនេះ គឺពុំទាន់មានអ្វីគួរអោយព្រួយបារម្ភណ៍នោះទេ ចំណែកស្រូវ ដែលបានខូចខាតប្រមាណជាង១០ ហិចតា តែប៉ុណ្ណោះដោយសារតែទឹកទន្លេបានឡើងមក បង្ករឲ្យលិច ស្រូវដើមរដូវ ដែលប្រមូលផលមិនទាន់  តែបើសិនជាមានភ្លៀងបន្តធ្លាក់ទៀត គឺអាចនិងលិចស្រូវមួយចំនួន ទៀត។

លោក ហាក់ មុងហួត បានអំពាវនាវ ឲ្យបងប្អូនប្រជាពលរដ្ឋ ដែលប្រកបមុខរបរស្រូវដើមរដូវ ប្រញ៉ាប់ប្រមូល ផល ឲ្យបានទាន់ពេលវេលា និងសុំឲ្យបងប្អូនប្រជាពលរដ្ឋ បង្កើនការប្រុងប្រយ័ត្ន មើលថែក្មេង មនុស្សចាស់ និងសត្វពាហនៈ រួមទាំងទ្រព្យសម្បត្តិ ទុកដាក់ឲ្យមានសុវត្តិភាព ចៀសវាងមានការខូចខាត លិចលង់ ក្នុងរដូវ ទឹកជំនន់នេះ ។

ដោយ ​ប៊ុន  រដ្ឋា

 

ឯកឧត្តមទេដរដ្ឋមន្រ្តី លី ធុជអញ្ជើញចុះសាកសួរសុខទុក្ខ កុមារារងគ្រោះដោយសារគ្រាប់មិនទាន់ផ្ទុះនៅ មន្ទីរពេទ្យបង្អែកខេត្តកំពង់ឆ្នាំង

0

ខេត្តកំពង់ឆ្នាំងៈ នៅព្រឹកថ្ងៃទី១៦ ខែសីហា ឆ្នាំ២០១៨ នេះឯកឧត្តមលី ធុជ ទេសរដ្ឋមន្រ្តីនិងជាអនុប្រធានទី១អាជ្ញាធរមីនកម្ពុជាតំណាងដ៏ខ្ពង់ខ្ពស់របស់សម្តេចតេជោ ហ៊ុន សែន រួមដំណើរដោយសហការី ឯកឧត្តម អម សុភា អភិបាល
រងខេត្តកំពង់ឆ្នាំង លោកលៀង ជុំសុបិន្ត នាយកទីចាត់ការរដ្ឋបាលសាលាខេត្ត លោកម៉ម ម៉ាល័យ អនុប្រធានមន្ទីពេទ្យខេត្ត និង លោកប្រធានមន្ទីរបង្អែកពេទ្យខេត្ត បានចុះសាកសួរសុខទុក្ខ និងនាំយកអំណោយរបស់សម្តេចតេជោហ៊ុន សែន ជូនកុមារាកុមារា ពេជ សុផានិត អាយុ១០ឆ្នាំ ដែលរងគ្រោះដោយសារគ្រាប់មិនទាន់ផ្ទុះ នៅភូមិស្វាយចេកឃុំចោងម៉ោង ស្រុកទឹកផុសខេត្តកំពង់ឆ្នាំងដែលបច្ចុប្បន្នកំពុងសំរាកព្យាបាលនៅមន្ទីរពេទ្យបង្អែកខេត្តកំពង់ឆ្នាំង។

នៅក្នុងពេលនោះឯកឧត្តមទេសរដ្ឋមន្រ្តីលី ធុជ បានពាំនាំនូវប្រសាសន៍ផ្តាំផ្ញើ សាកសួរសុខទុក្ខពីសំណាក់ សម្តេចអគ្គមហាសេនាបតីតេជោ ហ៊ុនសែន នាយករដ្ឋមន្រ្តី និងជាប្រធានអាជ្ញាធរមីនកម្ពុជា និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលកន្លងមកសម្តេចតែងតែនឹករលឹក គិតគូរពីសុខទុក្ខ និងផលលំបាកក្នុងការរស់នៅរបស់បងប្អូន នៅគ្រប់ទីកន្លែងគ្រប់មូលដ្ឋាន នៅពេលដែលពួកគាត់មានទុក្ខលំបាក និងរងគ្រោះដោយសារយកថាហេតុផ្សេងៗ គឺសម្តេចតែងផ្តល់ជូននូវអំណោយសង្គ្រោះជូនដល់បងប្អូនគ្រប់ៗគ្នាទាំងអស់គ្នា ដោយមិនបានប្រកាន់ពូជសាសន៍ ឬនិន្នាការនយោបាយឡើយ។

ឯកឧត្តមទេសរដ្ឋមន្រ្តីក៏បានផ្តាំផ្ញើដល់គ្រួសាររងគ្រោះនិង កុមារគ្រោះកុំអោយលេងគ្រាប់មិនទាន់ផ្ទុះបើឃើញមានគ្រាប់មិនទាន់ផ្ទុះត្រូវរាយការណ៍ជូនសមត្ថកិច្ចនិងអាជ្ញាធរដែនដីដែលនៅជិតបំផុតនិងអនុវត្តការព្យាបាលអោយបានត្រឹមត្រូវតាមវេជ្ជបញ្ជារបស់លោកគ្រូពេទ្យឆាប់ជាបានវិលត្រឡប់ទៅរៀនសូត្រវិញ។

ក្នុងឱកាសនោះឯកឧត្តមទេសរដ្ឋមន្រ្តីបាននាំយកអំណោយរបស់សម្តេចតេជោហ៊ុនសែនជូនគ្រួសារកុមាររងគ្រោះមានថវិកាចំនួន៤០ម៉ឺនរៀលអង្ករ៥០គីឡូក្រាមនិងគ្រឿងឧបភោគបរិភោគមួយចំនួនទៀត។

គ្រួសារកុមាររងគ្រោះសូមគោរពជួនពរដល់សម្តេចតេជោហ៊ុនសែននិងសម្តេចកិត្តិព្រឹទ្ធបណ្ឌិត សូមទទួលបានជ័យជំនះគ្រប់តួនាទីភារកិច្ច រួមគ្នាដឹកនាំប្រ ទេសជាតិ ប្រកបដោយភាពសុខុសាន្ត មានសុខសន្តិភាព មានការអភិវឌ្ឍនភាពលើគ្រប់វិស័យ ដើម្បីប្រជាពលរដ្ឋ មានភាពសម្បូរសប្បាយរុងរឿងរហូតតទៅអនាគត់៕

ឯកឧត្តម យន្ត មីន អភិបាលខេត្ត បង្ហាញនូវគោលជំហរនិងខិតខំបំរើប្រជាពលរដ្ឋក្នុងខេត្តព្រះសីហនុ

0

ខេត្តព្រះសីហនុ៖   ការថ្លែងបែបនេះត្រូវបានរំលេចឡើងគ្រាដែលអភិបាលខេត្តព្រះសីហនុ ជួបសំណេះសំណាលជាមួយថ្នាក់ដឹកនាំនិងមន្ត្រីនៃមន្ទីរព័ត៌មាន និងអ្នកសារពត៍មានទាំងវិស័យរដ្ឋនិងឯកជននៅខេត្តព្រះសីហនុ ប្រមាណ៨០នាក់ នារសៀលថ្ងៃពុធ ៣កើត ខែ​ស្រាពណ៍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៥ ខែសីហា ឆ្នាំ២០១៨។

ឯកឧត្តម យន្ត មីន បានបញ្ជាក់អោយដឹងផងដែរជុំវិញបញ្ហាប្រឈមមួយចំនួនដែលបាននឹងកំពុងកើតមានក្នុងខេត្ត ដូចជាបញ្ហាសំរាមនិងបញ្ហា ផ្លូវខូច រដ្ឋបាលខេត្តកំពុងគិតគូរដោះជាបន្តបន្ទាប់និងស្នើសុំពលរដ្ឋមានការយោគយល់។

ក្នុងនោះដែរ ឯកឧត្តម យន្ត មីន បានថ្លែងអរគុណដល់ប្រជាពលរដ្ឋនិង ប្តេជ្ញាបម្រើប្រជាពលរដ្ឋអោយបានកាន់តែល្អប្រសើរជាងមុនដើម្បីជាការឆ្លើយតបចំពោះការគាំទ្ររបស់ប្រជាជន។

ឯកឧត្តម យន្ត មីន ក៏បានកោតសរសើរការដឹកនាំរបស់មន្ទីរព័ត៌មានក្នុងការផ្សព្វផ្សាយព័ត៌មានរបស់ថ្នាក់ ដឹកនាំ និងការអភិវឌ្ឍរបស់ខេត្តបានច្រើន។ ឯកឧត្តម បន្ថែមថា វិស័យព័ត៌មាន ជាកញ្ចក់ និងជាសារដ៏សំខាន់សំរាប់ទំនាក់ទំនងរវាងប្រជាជននិងអ្នកដឹកនាំនិងបាន ឆ្លុះបញ្ចាំងដោយតម្លាភាពប្រកបដោយភាពអាចជឿទុកចិត្តបាន។

ឯកឧត្តមបន្តថា រាជរដ្ឋាភិបាលអាណត្តិទី ៦នេះ ដើម្បីឆ្លើយតបទៅនឹងការអភិវឌ្ឍរីកចម្រើននៃប្រទេសជាតិ បានកំណត់យកវិស័យអាទិភាពចំនួន៤ រួមមាន៖១- ការបណ្តុះបណ្តាលផ្នែកធនធានមនុស្ស,២-ទឹក , ៣-ភ្លើង ,៤-ផ្លូវ ។ ចំពោះបញ្ហាផ្លូវខូចខាត និងបរិស្ថានក៍ជាកង្វល់របស់រដ្ឋបាលខេត្ត ព្រោះខេត្តព្រះសីហនុកំពុងអភិវឌ្ឍយ៉ាងលឿនគំហុក។ឯកឧត្តម យល់ឃើញថា មូលហេតុដែលបណ្តាលអោយផ្លូវខូចអាចមកពី៖

១.ផ្លូវរបស់យើងចាស់ៗ.ភ្លៀងធ្លាក់ជាជោកជាំពេក៣.ការដឹកជញ្ជូនកើនងកំហុកពេក។តែយ៉ាងណាយើងទទួលបានផលវិជ្ជមានច្រើន ជាងអវិជ្ជមាន។បញ្ហានេះ មេឃរាំងនឹងធ្វើការជួសជុលកែលម្អផ្លូវ ដើម្បីសម្រួលចរាចរណ៍ជូនប្រជាពលរដ្ឋកាន់តែងាយស្រួល ហើយខណៈនេះដែរផ្លូវដែលខូចនោះកំពុងតែជួសជុលបន្ទាន់រាល់ថ្ងៃផងដែរ ។

គួរបញ្ជាក់ជូនថាខេត្តព្រះសីហនុមានប្រពន្ធ័ផ្សព្វផ្សាយ ធ្វើសកម្មភាពរាល់ថ្ងៃមាន៖ ស្ថានីយវិទ្យុ ១៨ ផ្សាយផ្ទាល់ ០៤ស្ថានីយ៍ ,ទូរទស្សន៍១៣ ខ្សែកាបចំនួន ០៥ នៅក្រុងព្រះសីហនុ ០២ ស្រុកព្រៃនប់ ០២ និងស្រុកស្ទឹងហាវ ០១  ។

ភ្នាក់ងារសារពត៍មាន ១១អង្គភាព គេហទំពរ័ ៤។ ដោយឡែកប្រពន្ធ័ផ្សព្វផ្សាយគ្រប់គ្រងដោយមន្ទីរព័ត៌មាន មាន០៤ ក្នុងនោះមានទូរទស្សន៍ជាតិ  ស្ថានីយ៍វិទ្យុជាតិ ស្ថានីយ៍វិទ្យុជាតិខេត្ត និងព្រឹត្តិប័ត្រ។ នេះបើយោងតាមការបញ្ពាក់របស់លោក ឱ សារឿន ប្រធានមន្ទីរព័ត៌មានខេត្តព្រះសីហនុ៕

បញ្ជាការដ្ឋានតំបន់ប្រតិបត្តិការសឹករងកំពង់ធំ​ប្រជុំបង្កើនសុវត្តិភាពសន្តិសុខនិងបំរើប្រជាពលរដ្ឋក្រោយ​ពេលបោះឆ្នោត

0

កំពង់ធំៈ ក្នុងនាមជាកងកម្លាំងនៃកងយោធពលខេមរភូមិន្ទ គឺជាឆ្អឹងខ្នងរបស់រាជរដ្ឋាភិបាល ត្រូវគោរពវិន័យ សណ្តាប់ធ្នាប់ អនុវត្តនូវបទបញ្ជាយ៉ាងម៉ឺងម៉ាត់ និងត្រៀមខ្លួនជាស្រេចដើម្បីបំរើផលប្រយោជន៍របស់ប្រទេស ជាតិ ការពារសុវត្តិភាព សន្តិសុខ ជូនប្រជាពលរដ្ឋ រួមទាំងធ្វើអំពើល្អ បំរើប្រជាជន ដោយមិនប្រកាន់និន្នាការ​នយោបាយ ប្រសាសន៍នេះ ត្រូវបានឯកឧត្តម ឧត្តមសេនីយ៍ទោ សោម ស៊ុន មេបញ្ជាការងយោធភូមិភាគទី​៤ លើកថ្លែងក្នុងកិច្ច​ប្រជុំបង្កើនសុវត្តិភាពសន្តិសុខនិងបំរើប្រជាពលរដ្ឋក្រោយ​ពេលបោះឆ្នោត ។

កិច្ចប្រជុំនេះត្រូវបានចូលរួមពីសំណាក់ មេបញ្ជាការរង នាយ នាយរង សេនាធិការ , នាយ នាយរង ការិយា​ល័យ + ផ្នែក , មេបញ្ជាការ ផ្នែកសឹករងទាំង ០៨ ស្រុក-ក្រុង និងមេបញ្ជាការ វរសេនាតូចទាំង ០២ សរុប ចំនួន ៩៨ នាក់​  នៅ​សាលប្រជុំនៃបញ្ជាការដ្ឋានតំបន់ប្រតិបត្តិការសឹករងកំពង់ធំ​ នៅ​ព្រឹក​ថ្ងៃ​ទី​១៦​ ខែ​សីហា​ ឆ្នាំ​២០១៨ ខណៈពេលដែលឯកឧត្តម ជាគណអធិបតី។

គោលបំណងនៃការប្រជុំ បានលើកយកវិធានបទសំខាន់ចំនួន៥ ចំនុច ទី១ គឺការចូលរួម​អបអរសាទរ​ចំពោះ​ប្រជាជន​ទូទាំង​ប្រទេស​ បាន​អញ្ជើញ​ទៅ​ចូលរួម​បោះឆ្នោត​បំពេញ​កាតព្វកិច្ច​ជា​ពលរដ្ឋ​នៅ​ឆ្នាំ​២០១៨​នេះ​មាន​រហូត​ដល់​ទៅ​ជាង​៨៣%​ ដែល​ជា​លំដាប់​លេខ​២​ នៅ​លើ​ពិភពលោក​ដែល​មាន​ប្រជាជន​អញ្ជើញ​ទៅ​ចូលរួម​បោះឆ្នោត​ច្រើន​ជាង​គេ​  ទី ២ ក្នុងនាមកងកម្លាំងទាំងអស់ ត្រូវស្មោះត្រង់ ​គាំទ្រ​យ៉ាង​ពេញ​ទំហឹង​ចំពោះ​សម្តេច​តេជោ​ហ៊ុន​ សែន​ ដែល​ត្រូវ​បន្ត​ធ្វើ​ជា​នាយក​រដ្ឋមន្ត្រី​ នៃ​ព្រះរាជាណាចក្រ​កម្ពុជា​ ក្នុង​អាណត្តិ​ទី​៦​  ដើម្បី​បន្ត​ដឹកនាំ​នាវាកម្ពុជា​រក្សា​នូវ​សន្តិភាព​ និង​បន្ត​ការ​អភិវឌ្ឍន៍​ប្រទេស​ជាតិ​យើង​ ។

ទី៣ កងកម្លាំងទាំងអស់ ត្រូវសហការជាមួយ កងកម្លាំងទាំង៣ប្រភេទ និងអាជ្ញាធរមូលដ្ឋាន ​ការ​អនុវត្តន៍​នូវ​គោល​នយោបាយ​ ភូមិ​ ឃុំ​ សង្កាត់​ មាន​សុវត្ថិភាព​ទាំង​៩ចំណុច​ របស់​រាជរដ្ឋាភិបាល​ ទី៤ ត្រូវពង្រឹង​នូវ​តួរនាទីភារកិច្ចរបស់កង​យោធពលខេមរភូមិន្ទ​ ស្រប​តាម​ច្បាប់​ នៃលក្ខន្តិកទូទៅ​របស់​ កងយោធពលខេមរភូមិន្ទ ទី៥ ត្រូវបន្ត​សកម្មភាព​ ស្វែងយល់​ពី​សុខ​ទុក្ខ​ របស់​អតីត​យុទ្ធ​ជន​នៅទូទាំង​ខេត្ត​  និង​សហការ​ជា​មួយ​អាជ្ញាធរ​ដែនដី​គ្រប់​លំដាប់​ថ្នាក់​ ដើម្បី​ដោះស្រាយ​ដីសម្បទានសង្គមកិច្ច​ និង​សាងសង់​លំនៅដ្ឋាន​ជូន​គាត់​ដែល​គ្មាន​ដី​ គ្មាន​ផ្ទះ​ពិត​ប្រាកដ​  ។

ឧត្តម ឧត្តមសេនីយ៍ទោ សោម ស៊ុន មេបញ្ជាការរង យោធភូមិភាគទី៤ មេបញ្ជាការ តំបន់ប្រតិបត្តិការសឹករងកំពង់ធំបាន​សំណូមពរឲ្យកងកម្លាំងគ្រប់ ​លំដាប់​ថ្នាក់​ និង​មេបញ្ជាការ​គ្រប់​បណ្ដា​អង្គភាព​ និងស្ថាប័ន​ចូល​រួមគោរពច្បាប់ចរាចរណ៍ផ្លូវគោក បើបរមានសីលធម៌ យោគយល់ អធ្យាស្រ័យ ពាក់មួកសុវត្តិភាព និងដាក់​ខ្សែក្រវ៉ាត់ ដើម្បីកាត់បន្ថយអត្រាគ្រោះ​ថ្នាក់​ចរាចរណ៍កើតឡើង ។ដោយ  ប៊ុន  រដ្ឋា

    

 

លោក​ កែវ​ សុភគ៌ប្រធាន​មន្ទីរបរិស្ថាន​ខេត្តនិងលោក​ស្វាយ ​សំអ៊ាងអភិបាល​ខេត្តមណ្ឌល​គិរីលោក​ អ៊ុំ វណ្ណសុភគ៌នាយ​ខណ្ឌរដ្ឋ​បាល​ព្រៃ​ឈើព្រៃឈើតំ​បន់ដែនជ​ម្រកសត្វ​ព្រៃភ្នំព្រេ​ចឃុប​ឃិតជាមួ​យឈ្មួ​ញកាប់បំផ្លាញព្រៃឈើ

0

ខេត្តមណ្ឌលគិរី ៖   ប្រភព​ពី​មន្ត្រី​នៅក្នុង​មន្ទីរ​បរិស្ថាន​ ខេត្តមណ្ឌលគិរី មួយចំនួន​បាន​ឲ្យ ​ដឹងថា ការដែល​មេ​ឈ្មួញ​ ទាំង​៣​នាក់​ខាង លើ​ហ៊ាន​ កាប់​ឈើ​និង​ដឹកជញ្ជូន​ ឈើ​ចេញពី​តំបន់​ដែនជម្រក សត្វព្រៃ​ភ្នំ​ព្រេច យ៉ាង​ មហន្តរាយ​គឺមាន​កា រឃុបឃិត​បើក ដៃ​ ពី​សំណាក់​លោក  កែវ សុភ​គ៌ ប្រធាន​មន្ទីរ​បរិស្ថាន ​ខេត្តមណ្ឌលគិរី លោក  ស្វាយ សំ​អ៊ាង អភិបាល ខេត្ត​មណ្ឌល គិរី  និង​លោក អ៊ុំ វណ្ណ​សុភ​គ៌ នាយ​ខណ្ឌ​រ ដ្ឋបាល​ព្រៃឈើ​ខេត្តមណ្ឌលគិរី​។  បច្ចុប្បន្ន​បទល្មើស​បំផ្លាញ​ ព្រៃឈើ​កើត ឡើង​ យ៉ាង​រាលដាល​នៅក្នុង​ព្រៃ​កុង​ដែនជម្រកសត្វព្រៃ​ភ្នំ​ព្រេច ព្រមទាំង​តំបន់​ក្បែរៗ​នោះ​ព្រោះ​មន្ត្រី​បរិស្ថាន មន្ត្រីរដ្ឋបាល​ព្រៃឈើ និង​សមត្ថកិច្ច​ពាក់ព័ន្ធ​ដទៃទៀត​គិតតែ​ពី​រឿង​ប្រមូល​លុយ​ដាក់​ហោប៉ៅ ហើយ​ទុក​ឲ្យ​ឈ្មួញ​ទាំង​៣​នាក់​នោះ​បំផ្លាញ​ព្រៃឈើ​ឲ្យ​វិនាស​សាបសូន្យ​។ ប្រភពពី​សមត្ថកិច្ច​ពា​ក់​ព័ន្ធ​បាន​ឲ្យ​ដឹងថា មួយរយៈ​កន្លងទៅនេះ​មេ​ឈ្មួញ​ទាំង​៣​នាក់​ខាងលើ​បាន​ប្រើប្រាស់​រថយន្ត​យី​ឌុប​ធំៗ​ដឹកជញ្ជូន​ឈើ​អារច្រៀក​រួច​ចេញពី​តំបន់​ដែនជម្រកសត្វព្រៃ​ភ្នំ​ព្រេច ឆ្លងកាត់​ស្រុក​កែវ​សីមា ខេត្តមណ្ឌលគិរី ហើយ​ចេញទៅ​ស្រុក​យួន​តាម​ច្រក​ត្រពាំង​ស្រែ ឃុំ​២​ធ្នូ ស្រុក​ស្នួល ខេត្តក្រចេះ។

ប្រភពពី​ប្រជា​សហគមន៍​ការពារ​ព្រៃឈើ​ក្នុងស្រុក​កោះ​ញែក ខេត្តមណ្ឌលគិរី បាន​ឲ្យ​ដឹងថា រយៈពេល​មួយ​សប្ដាហ៍​កន្លងទៅនេះ​ឈ្មួញ​ធំៗ​៣​នាក់ គឺ​ឧកញ៉ា តុ​ប វី​ដា ឧកញ៉ា សឹង សំអុល និង​ឧកញ៉ា ប៉ោ សំអឿន កំពុង​សម្រុក​កាប់​ឈើ​និង​ដឹកជញ្ជូន​ឈើ​ចេញពី​តំបន់​ដែនជម្រកសត្វព្រៃ​ភ្នំ​ព្រេច យ៉ាង​ពេញបន្ទុក​ដោយ​គ្មាន​ញញើត​អ្វី​ទាំងអស់​។ ប្រភពពី​ប្រជា​សហគមន៍​បាន​ឲ្យ​ដឹង​ទៀតថា ឈ្មួញ​ទាំង​៣​នាក់​នេះ​បាន​ប្រើប្រាស់​រថយន្ត​បង្កុង រថយន្ត​កែច្នៃ និង​ត្រាក់ទ័រ មិនតិចជាង​២០០​គ្រឿង​សម្រាប់​កាប់​ឈើ​នៅក្នុង​តំបន់​ដែនជម្រកសត្វព្រៃ​ភ្នំ​ព្រេច និង​តំបន់​ក្បែរៗ​នោះ​យ៉ាង​មហន្តរាយ​។ ទន្ទឹមនឹងនេះ​ពួក​ឈ្មួញ​បាន​ប្រើប្រាស់​គោយន្ត​ប្រភេទ​កាឡេ​ថង មិនតិចជាង​៥០០​គ្រឿង​ដើម្បី​ដឹកជញ្ជូន​ឈើ​ចេញពី​ព្រៃ​យ៉ាង​គគ្រឹកគគ្រេង​ដោយសារ​មានការ​ឃុបឃិត​បើកដៃ​ពី​សំណាក់​មន្ត្រី​បរិស្ថាន មន្ត្រីរដ្ឋបាល​ព្រៃឈើ​និង​សមត្ថកិច្ច​ពាក់ព័ន្ធ​ជាច្រើន​ស្ថាប័ន​ទៀត​។

​តាម​ប្រភពពី​សកម្មជន​ព្រៃឈើ​និង​មន្ត្រី​អង្គការក្រៅរដ្ឋាភិបាល​ក្នុង​ខេត្តមណ្ឌលគិរី បាន​ឲ្យ​ដឹងថា កាលពី​ថ្ងៃទី​១២​និង​ថ្ងៃទី​១៣ ខែសីហា ឆ្នាំ​២០១៨ ឈ្មួញ​ធំៗ​ទាំង​៣​នាក់​នោះបាន​ប្រើប្រាស់​រថយន្ត​បង្កុង រថយន្ត​កែច្នៃ​ប្រមាណ​២០០​គ្រឿង​សម្រាប់​កាប់​ឈើ​និង​ដឹកជញ្ជូន​ឈើ​ខុសច្បាប់ ហើយ​មាន​ត្រាក់ទ័រ​សម្រាប់​អូស​ឈើ​ចំនួន​៤០​គ្រឿង ព្រមទាំង​គោយន្ត​ប្រមាណ​៥០០​គ្រឿង​ដើម្បី​ដឹកជញ្ជូន​ឈើ​ចេញពី​តំបន់​ដែនជម្រកសត្វព្រៃ​ភ្នំ​ព្រេច យ៉ាង​អនាធិបតេយ្យ​បំផុត​។ ប្រភព​បាន​ឲ្យ​ដឹង​ទៀតថា មេ​ឈ្មួញ សឹង សំអុល មេ​ឈ្មួញ ប៉ោ សំអឿន និង​មេ​ឈ្មួញ តុ​ប វី​ដា ក៏បាន​ប្រើប្រាស់​រថយន្ត​ធំៗ​ដឹកឈើ​ចេញពី​តំបន់​ដែនជម្រកសត្វព្រៃ​ភ្នំ​ព្រេច ចូលទៅ​ស្រុក​កែវ​សីមា យ៉ាង​ពេញបន្ទុក​ហើយ​គ្មាន​មន្ត្រី​ជំនាញ​ឬ​សមត្ថកិច្ច​ពាក់ព័ន្ធ​ណា​ហ៊ាន​ប៉ះពាល់​ឡើយ​។

មន្ត្រី​យោធាឈ្មោះ​ សូ ឆង​ រស់ដោយសារអាជីពបើកសង្វៀន​មាន់ ដោយបើកដៃពី ​លោក​ ឡុច សុវណ្ណារ៉ា​ស្នង​ការនគរ​បាលខេត្ត​កំពង់​ឆ្នាំង

0

ខេត្តកំពងឆ្នាំង ៖មន្ត្រី​យោធា​ឈ្មោះ សូ ឆ​ង បានជ្រើសយកអាជីព ល្បែងស៊ីសង បើកន្លែងសង្វៀនជល់មាន់  ដោយជ្រោកក្រោមស្លាកយីហោយោធា ​ថែមទាំងមានចរិកអំនួត អួតអាង ថាបានចំណាយលុយ​យ៉ាងច្រើន​សម្រាប់បិទមាត់ ដល់លោក លោក​ ឡុច សុវណ្ណារ៉ា​ស្នង​ការនគរ​បាលខេត្ត​កំពង់​ឆ្នាំង និងមន្ត្រី​អាជ្ញាធរ​និង​សមត្ថកិច្ច​ពាក់ព័ន្ធទើប​អ្វីៗ​អាច​ដំណើរការ​យ៉ាង​រលូន​។

 

លោក សូ ឆ​ង ត្រូវបានគេដឹងថា ជាអ្នករកចំណូលឲ្យលោក ឡុ​ច សុវណ្ណារ៉ា ស្នងការ​នគរបាល​ខេត្តកំពង់ឆ្នាំង ដោយសារមានការឃុបឃិតគ្នា បែបនេះ ទើប​គេមិនខ្វល់បញ្ហាសុវត្តិភាពរបស់ប្រជាពលរដ្ឋ ដែល​ប្រឈម និងមានចោរលួច ចោរប្លន់ និងបង្កឲ្យមានហឹង្សាដាក់គ្នា រវៀងក្រុមគ្រួសារ និងបានអនុវត្តផ្ទុយពី​ ​គោលនយោបាយ​ភូមិ​-​ឃុំ មាន​សុវត្ថិភាព​ទាំង​៩​ចំណុច​។

ដោយមានការកោតសរសើរយ៉ាងខ្លាំង ពីសំណាក់ប្រជាពលរដ្ឋថា កងកម្លាំងជាច្រើននាក់ ដែលស៊ីប្រាក់​ខែរាស្រ្ត តែបានមកបំរើការពារផលប្រយោជន៍ ឲ្យបនល្បែងរបស់លោក សូ ឆង ដែលជាមន្រ្តីយោធា​ក្លែង​ក្លាយទៅវិញ  ការលើកឡើងដូច្នេះ ក៏ដោយសារតែ បើមន្រ្តីយោធាពិតប្រាកដ គឺត្រូវតែអនុវត្តតាមវិន័យ​សណ្តាប់ធ្នាប់របស់កងកម្លាំង មិនឲ្យមានការពាក់ព័ន្ឋនឹងល្បែងស៊ីសង និងគ្រឿងញៀនជាដាច់ខាត បុគ្គល​ណាប្រព្រឹត្តផ្ទុយពីបទបញ្ជាខាងលើនិងត្រូវទទួលវិន័យ ឬដេញចេញពីអង្គភាព ។

​សង្វៀន​ជល់មាន់​ ក្នុងភូមិ​ស្វាយ ឃុំ​ស្វាយ ស្រុក​សាមគ្គី​មានជ័យ ខេត្តកំពង់ឆ្នាំង បានធ្វើឲ្យប្រជាពលរដ្ឋ សម្តែងនូវការព្រួយបារម្ភ​ ដោយសារ​គ្មាន​មន្ត្រី​អាជ្ញាធរ​ឬ​សមត្ថកិច្ច​មូលដ្ឋាន​ណា​ចាត់វិធានការ​បង្ក្រាប​ឡើយ​ទើប​ប្រជាពលរដ្ឋ​ក្នុងភូមិ​ស្វាយ ឃុំ​ស្វាយ ស្រុក​សាមគ្គី​មានជ័យ បានសំនូមពរ និងអំពាវនាវ​ឲ្យឯកឧត្តម ​នាយ​ឧ​ត្ត​ម​សេនីយ៍ នេ​ត សាវឿន អគ្គស្នងការ​នគរបាល​ជាតិ មេត្តាជួយចាត់វិធានការ​បង្ក្រាប​ល្បែងស៊ីសង​ក្នុង​មូលដ្ឋាន​ ផង​ដើម្បី​ពង្រឹង​សន្តិសុខ​សង្គម​។

ខេមរា ដេលី

 

ស្រ្តីចាក់សម្លាប់ប្តី ត្រូវបានប៉ូលិស​ប៉ុស្តិ៍​សង្កាត់​គោកចក​ឃាត់ខ្លួន

0

​ខេត្តសៀមរាប៖  មន្ត្រីប៉ូលិស​ប៉ុស្តិ៍​សង្កាត់​គោ​ចក នៃ​ក្រុង​សៀមរាប​ម្នាក់ ត្រូវ​ឃាតករ​ចាក់​សម្លាប់ នៅ​ព្រឹក​ព្រលឹម​ថ្ងៃទី​១៥ សីហា នេះ នៅ​ចម្ងាយ​ប្រមាណ​២០០​ម៉ែត្រ​ពី​ផ្ទះ​ជនរងគ្រោះ ដោយ​ប្រើ​កូនកាំបិត​ចុង​ស្រួច ខណៈ​ជនរងគ្រោះ​កំពុង​ជិះ​ម៉ូតូ​ចូលទៅ​ផ្ទះ​ស្ថិតក្នុង​ភូមិ​ធ្លក​អណ្តូង សង្កាត់​ស្លក្រាម ក្រុង​សៀមរាប​។​

​តាម​សាក្សី​នៅ​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ គេ​បានឃើញ​មាន​ម៉ូតូ​២​ទៅ​៣​គ្រឿង​បាន​ជិះ​ដេញ​ចាក់​គ្នា ដូច​ក្នុង​រឿង​ហុងកុង ស្រាប់តែ​មួយសន្ទុះ ក៏​ស្ងាត់ឈឹង ។ បន្ទាប់ពី​ស្ងាត់ អ្នកភូមិ​ក៏បាន​នាំគ្នា​ចេញមក​មើល ស្រាប់តែ​ឃើញ​មាន​មនុស្ស​ដេកស្លាប់​នៅតាម​ផ្លូវ រួច​ឃើញ​មាន​អ្នកជិតខាង​ម្នាក់​គាត់​បានខ​ល​ទៅ​ប៉ូលិស​មូលដ្ឋាន ដើម្បី​រាយការណ៍​អំពី​ករណី​មនុស្ស​ស្លាប់​។​

​មន្ត្រីប៉ូលិស​ប៉ុស្តិ៍​សង្កាត់​គោ​ចក នៃ​ក្រុង​សៀមរាប​ម្នាក់ ត្រូវ​ឃាតករ​ចាក់​សម្លាប់ នៅ​ព្រឹក​ព្រលឹម​ថ្ងៃទី​១៥ សីហា នេះ នៅ​ចម្ងាយ​ប្រមាណ​២០០​ម៉ែត្រ​ពី​ផ្ទះ​ជនរងគ្រោះ ដោយ​ប្រើ​កូនកាំបិត​ចុង​ស្រួច ខណៈ​ជនរងគ្រោះ​កំពុង​ជិះ​ម៉ូតូ​ចូលទៅ​ផ្ទះ​ស្ថិតក្នុង​ភូមិ​ធ្លក​អណ្តូង សង្កាត់​ស្លក្រាម ក្រុង​សៀមរាប​។​

​តាម​សាក្សី​នៅ​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ គេ​បានឃើញ​មាន​ម៉ូតូ​២​ទៅ​៣​គ្រឿង​បាន​ជិះ​ដេញ​ចាក់​គ្នា ដូច​ក្នុង​រឿង​ហុងកុង ស្រាប់តែ​មួយសន្ទុះ ក៏​ស្ងាត់ឈឹង ។ បន្ទាប់ពី​ស្ងាត់ អ្នកភូមិ​ក៏បាន​នាំគ្នា​ចេញមក​មើល ស្រាប់តែ​ឃើញ​មាន​មនុស្ស​ដេកស្លាប់​នៅតាម​ផ្លូវ រួច​ឃើញ​មាន​អ្នកជិតខាង​ម្នាក់​គាត់​បានខ​ល​ទៅ​ប៉ូលិស​មូលដ្ឋាន ដើម្បី​រាយការណ៍​អំពី​ករណី​មនុស្ស​ស្លាប់​។​

​តាម​ប៉ូលិស​នៅ​កន្លែងកើតហេតុ​បាន​ឲ្យ​ដឹងថា ជនរងគ្រោះ​ដែល​ស្លាប់​នោះ​មានឈ្មោះ ហ៊ឹម វណ្ណ​រ៉ូ ភេទ​ប្រុស អាយុ​២៧​ឆ្នាំ មុខងា​ព្រិន្ទបាលឯក ជា​មន្ត្រីប៉ូលិស​ប៉ុស្តិ៍​សង្កាត់​គោកចក ក្រុង​សៀមរាប មាន​ទីលំនៅ​ក្រុមទី​១១ ភូមិ​ធ្លក​អណ្តូង សង្កាត់​ស្លក្រាម ក្រុង​/​ខេត្តសៀមរាប​។​

​តាម​ប្រភព​ខ្លះ​ថា នៅ​យប់​ថ្ងៃ​១៤​ខែសីហា ជនរងគ្រោះ បាន​ជិះ​ម៉ូតូ ទៅលេង​ផ្ទះ​បងធម៌ ដូច​សព​ដង នៅក្នុង កសិន អង្គរ ហើយ​ធ្លាប់​ដេក​នៅ​ទីនោះ​ផងដែរ ដល់​យប់កើតហេតុ ជនរងគ្រោះ ត្រូវបាន​សំរាក​ពី​ការងារ (​មិនត្រូវ​ចំ​វេន​ប្រចាំ​ការណ៍​ទេ ) ក៏បាន​ជិះ​ម៉ូតូ​មក​ផ្ទះ ទាំងយប់​តាមផ្លូវ​គ្រួស​ក្រហម តែ​ជិត​ដល់ផ្ទះ​ទៅហើយ ក៏ ត្រូវបាន​ជនសង្ស័យ ដេញតាម​ពីក្រោយ ចាក់​សម្លាប់ ដោយ​ប្រើ​កូនកាំបិត​ចុង​ស្រួច​ចំនួន​២​ដើម (១​ដើមដង​ខ្មៅ ប្រវែង​៣​តឹក និង ១​ដើម​ទៀត ដង​ខៀវ​លា​យស ប្រវែង​៣​តឹក​)​ហើយ​ចាក់​ត្រូវចំ​ពីមុខ​ចំនួន​៩​កាំបិត និង ខាង​ខ្នង​ចំនួន​១​កាំបិត បណ្តាល​ឲ្យ​ស្លាប់​ភ្លាមៗ​ក្នុង​ថ្លុកឈាម រួច​ជនសង្ស័យ​ក៏​ទំលាក់​កាំបិត ២​ដើម​នោះ​ចោល ជិត​ផ្លូវ​ពី​ខាងស្តាំ ក្បែរ​សាកសព​។​​ករណីនេះ សមត្ថកិច្ច​ស​ន្និ​ដា្ឋ​ន​ថា ជនរងគ្រោះ​ពិតជា​ត្រូវ​ឃាតករ (​ជនដៃដល់​)​ចាក់​សម្លាប់​ដោយ​ប្រើ​កូនកាំបិត​ចិត្ត​បន្លែ​មុខស្រួច ចំនួន​២​ដើម​)​ហើយ​ជនសង្ស័យ​មាន​គ្នា​ចាប់​២ ទៅ​៣​នាក់ ទើប​ធ្វើកើត ប្រហែលជា​រឿង​គំនុំ ព្រោះ​ទ្រព្យសម្បត្តិ ឃើញ​នៅ​ទាំងអស់ កន្លែងកើតហេតុ​៕​

សង្កាត់រដ្ឋបាលព្រៃឈើរវៀងអសមត្ថភាពក្នុងការទប់ស្កាត់ការដឹកជញ្ជូនឈើដោយខុសច្បាប់

0

ខេត្តព្រះវិហារ៖ សកម្មភាពដឹកជញ្ជូនដឹកដោយខុសច្បាប់ ត្រូវបានប្រទះឃើញជារៀងរាល់យប់ តាម​រយះ​រថយន្តសាំយ៉ុង និងការដឹកជញ្ជូនតាមរយះរ៉ឺម៉កសណ្តោង ដោយពុំមានការហាមឃាត់ និងទប់ស្កាត់នោះ​ឡើយ ដែលជាហេតុធ្វើឲ្យមានការដឹកជញ្ជូនដូចសត្វកណ្តៀរ តាមបណ្តោយផ្លូវលាតសន្ធឹង ពីស្រុករវាង ខេត្តព្រះវិហារ មកទំម្លាក់នៅព្រំប្រទល់ខេត្តកំពង់ធំ ។

សកម្មភាពដឹកជញ្ជូននេះ ត្រូវបានធ្វើសកម្មភាព យ៉ាងគឃ្លើនដោយ ដោយពុំមានការខ្លាចញញើតសូម្បីបន្តិច ឡើយដែលជាហេតុធ្វើឲ្យមានការសង្ស័យថា ករណីឈ្មួញដឹកឈើ ទាំងរថយន្ត និងរ៉ឺម៉កនេះ មានការបើក​ភ្លើងខៀវពីសំណាក់ ផ្នែករដ្ឋបាលព្រៃឈើរវៀង និងសង្កាត់រដ្ឋបាលព្រៃឈើរវៀង ទើបបានជាឈ្មួញឈើ​ទាំង ធ្វើសកម្មភាពដឹកជញ្ជូនដោយរលូន ។

ជាក់ស្តែងកាលពីថ្មីៗកន្លងទៅនេះ សកម្មភាពដឹកឈើរបស់ លោក សាន ដែលជាមេឈ្មួញជើងខ្លាំង ដឹក​ជញ្ជូនឈើលេខ២  រាប់សិបឡាន  ឆ្លងកាត់មុខសង្កាត់រដ្ឋបាលព្រៃឈើរវៀង រួមទាំងរ៉ឺម៉កដឹកឈើជាច្រើន​គ្រឿងតែពុំត្រូវបានហាមឃាត់នោះឡើយ ធ្វើឲ្យមានការរិះគន់យ៉ាងចាស់ដៃ ពីសំណាក់ប្រជាពលរដ្ឋថា មេព្រៃ ប្រៀបបាននឹងមេខ្មូត បើរស់នៅព្រៃមិនស៊ីឈើ ហេតុអ្វីបានជាព្រៃឈើរលាយ និយាយរួមគឺ បើគ្មាន​ការបើកដៃពីមេព្រៃទេ ឈ្មួញឯណាថ្លើមធំ ហ៊ានដឹកជញ្ចូនឈើទាំងនេះ ។

តាមប្រភពព័ត៌មានច្បាស់ការ បានបញ្ជាក់ឲ្យដឹងថា ការដឹកជញ្ជូនឈើដោយខុសច្បាប់ គឺបណ្តាលមកពី ផ្នែក និងសង្កាត់ព្រៃឈើរវៀង ដែលជាអ្នកបើភ្លើងខៀវ ឲ្យមានការដឹកជញ្ជូនតាមរយះរថយន្តយីឌុប និង​រថយ​ន្តកូរ៉េ  រួមទាំងរថយន្តសាំយ៉ុង បានធ្វើសកម្មភាពយ៉ាងគគ្រឹកគ្រេង ចាប់តាំងពីលោក នួន សុខុម    នាយខណ្ទរដ្ឋ​បាលព្រៃឈើឡើងថ្មី គឺបានសកម្មភាពដឹកជញ្ជូនឈើដោយខុសច្បាប់ បានគគ្រើកដីនៃទឹកដី ខេត្តព្រះវិហារ ដែលផ្ទុយពីការប្រកាសបិទរបស់ឯកឧត្តម រដ្ឋមន្រ្តីមិនឲ្យខណ្ទ ផ្នែក សង្កាត់រដ្ឋបាលព្រៃឈើ នាចេញច្បាប់អនុញ្ញាតិឲ្យដឹកជញ្ជូនឈើនោះទេ ប៉ុន្តែចាប់តាំងពីលោក នួន សុខុម ឡើងជានាយខណ្ទគឺ  ព្រៃឈើជិតរលាយហើយ ដោយមិនខ្វល់ពីការហាមឃាត់នោះឡើយ។

ជាក់ស្តែងឈើតាមដេប៉ូនៅក្នុងខេត្តកំពង់ធំ គឺសុទ្ធសឹងតែដឹកចេញពីខេត្តព្រះវិហារ  ចេញពីស្រុកជាយសែន ស្រុករវៀង និងស្រុកមួយចំនួនទៀត ដែលបានដឹកឈើដោយខុសច្បាប់ យកមកទម្លាក់នៅដេប៉ូឈើព្រំ​ប្រទល់ខេត្តកំពង់ធំ ហើយម្ចាស់ដេប៉ូឈើ ដឹកឈើទាំងនោះមកដាក់នៅ ដេប៉ូឈើនៅក្នុងខេត្តកំពង់ធំ រួច​ចេញវិក័យប័ត្រ ថាជាឈើស្របច្បាប់។      ដោយ  ​ប៊ុន  រដ្ឋា    

 

អភិបាលខេត្តកំពង់ធំ ជំរុញឲ្យប្រជាពលរដ្ឋចូលរួមថែរក្សាធនធានធម្មជាតិនៅបឹងទន្លេសាប

0

ខេត្តកំពង់ធំ៖  ឯកឧត្តម សុខ លូ អភិបាលខេត្តកំពង់ធំ លើកឡើងថា សម្តេចតេជោ ហ៊ុន សែន បានប្រកាសលុបឡូត៍នេសាទទូទាំងប្រទេស គឺដើម្បីបងប្អូនទទួលបានផលប្រយោជន៍នេសាទជាលក្ខណៈគ្រួសារ ជាពិសេសបងប្អូនប្រជាពលរដ្ឋនៅក្នុងឃុំផាត់សណ្តាយ ស្រុកកំពង់ស្វាយ ដែលពឹងផ្អែកលើការនេសាទត្រី ជាមុខរបរសំខាន់ទីមួយ។ ដូច្នេះសូមឲ្យប្រជាពលរដ្ឋទាំងអស់គោរពច្បាប់នេសាទទាំងអស់គ្នា ដើម្បីថែរក្សាពូជត្រី និងទិន្និផលត្រីឲ្យមានការកើនឡើងជាងមុន សម្រាប់អនាគតយូអង្វែងតទៅទៀត។

ឯកឧត្តមបានថ្លែងយ៉ាងដូច្នេះ នៅក្នុងពិធីជួបសំណេះសំណាលជាមួយបងប្អូនប្រជាពលរដ្ឋនៅឃុំផាត់សណ្តាយ ស្រុកកំពង់ស្វាយ ខេត្តកំពង់ធំ ប្រមាណជិត ១ពាន់នាក់ នៅព្រឹកថ្ងៃទី១៤ ខែសីហា ឆ្នាំ២០១៨។ ឯកឧត្តមបន្ថែមទៀតថា សូមបងប្អូនត្រូវចាត់ទុកថា បឹងទន្លេសាបនេះ មិនមែនជាកម្មសិទ្ធរបស់អ្នកណាម្នាក់ទេ គឺជារបស់យើងទាំងអស់គ្នា ព្រោះបឹងទន្លេសាប មានវិសាលភាពធំធេង សម្រស់ស្រស់ស្អាត ដែលជាអាងស្តុកទឹកធម្មជាតិ និងជាជំរកមច្ឆាជាតិ ដ៏សំខាន់សំរាប់ប្រជាជនកម្ពុជា និងសូមអំពាវនាវដល់កងកម្លំាងសមត្ថកិច្ច កម្លំាងជំនាញពាក់ព័ន្ធទាំងអស់ ត្រូវខិតខំធ្វើការបង្ក្រាបនូវបទល្មើសនេសាទប្រកបដោយតម្លាភាព។ ក្នុងនោះឯកឧត្តមបានបញ្ជាក់ថា ចំពោះមន្ត្រីខិលខូចមួយចំនួនតូច ដែលមានការពាក់ព័ន្ធនឹងការប្រព្រឹត្តបទល្មើសនេសាទ សូមធ្វើការដកខ្លួនចេញជាបន្ទាន់ បើពុំដូច្នោះទេ ឯកឧត្តមនឹងអនុវត្តនូវអភិក្រមទាំង ៥របស់រាជរដ្ឋាភិបាលកម្ពុជា គឺ ងូតទឹក ដុសក្អែល ឆ្លុះកញ្ចក់ ព្យាបាល និងវះកាត់។ ការធ្វើបែបនេះ គឺដើម្បីរក្សានូវពូជត្រី ធនធានធម្មជាតិជីវៈចម្រុះឡើងវិញ ក្នុងការជួយទ្រទ្រង់ជីវភាពរស់នៅដល់បងប្អូនប្រជាជនកម្ពុជាយើង ជាពិសេសគឺទុកសម្រាប់បងប្អូនប្រកបមុខរបរទេសាទជាលក្ខណៈគ្រួសារ។ ហើយបឹងទន្លេសាប មានព្រំប្រទល់ជាប់ខេត្ត ខេត្តកំពង់ឆ្នាំង ខេត្តកំពង់ធំ ខេត្តបាត់ដំបង ខេត្តពោធិសាត់ និងខេត្តសៀមរាប។

បន្ទាប់ពីសំណេះសំណាលជាមួយប្រជាពលរដ្ឋរួចមក ឯកឧត្តម សុខ លូ និងក្រុមការងារ បានបន្តរដំណើរទៅពិនិត្យស្ថានភាពសាលាបឋមសិក្សានៅភូមិទួលនាងសាវ អំពីការការបង្រៀន និងការរៀនរបស់សិស្សនៅទីនោះផងដែរ។ ម្យ៉ាងវិញទៀត នៅក្នុងភូមិនេះ ក៏មានការសាងសង់អនុវិទ្យាល័យទួលនាងសាវមួយខ្នងទៀត ដែលការសាងសង់នេះជិតរួចហើយដែរ។ មិនតែប៉ុណ្ណោះ ឯកឧត្តម ក៏បានបន្តរដំណើរបន្តទៀត ទៅជួបលោក ជុំ លឿម អាយុ ៤២ឆ្នាំ ដែលជាអ្នកស្ម័គ្រចិត្តរបស់គម្រោង Aus AID ASSISI AID LEC បានជួយបង្រៀនបំប៉នដល់កុមារនៅក្នុងតំបន់បឹងស្បូវ ក្នុងភូមិទួលនាងសាវ ឃុំផាត់សណ្តាយ។ ក្នុងនោះ ស្ថានភាពគ្រួសារ លោក ជុំ លឿម មានកូន ៧នាក់ មានផែបណ្តែតទឹកមួយ មានផ្ទះមួយដែលមានសភាពទ្រុឌទ្រោម (គាត់មិនបានរស់នៅលើផ្ទះនេះទៀតទេ) មានកាណូតស្មាច់មួយ សម្រាប់ធ្វើដំណើរតាមប្រពៃណីបងប្អូនតំបន់នេះ។ ជាមួយគ្នានោះ ឯកឧត្តម សុខ លូ អភិបាលខេត្តកំពង់ធំ និងលោក ឃឹម នុភាព បេក្ខជនតំណាងរាស្ត្រមណ្ឌលកំពង់ធំ បានសម្រេចសាងសង់ផ្ទះជូនគាត់មួយ និងឧបត្ថម្ភនូវគ្រឿងឧបភោគបរិភោគ ដើម្បីជួយសម្រាលដល់ជីវភាពរស់នៅរបស់ពួកគាត់បានមួយកម្រិតផងដែរ។

ក្នុងនោះដែរ លោក ជុំ លឿម ថ្លែងអំណរគុណដល់ឯកឧត្តម សុខ លូ អភិបាលខេត្តកំពង់ធំ និងលោក ឃឹង នុភាព និង ក្រុមការងារទាំងអស់ ដែលបានចុះមកសាកសួរសុខទុក្ខដល់ក្រុមគ្រួសារគាត់ផ្ទាល់ និងប្រជាពលរដ្ឋងាយរងគ្រោះបានទាន់ពេលវេលា ព្រមទាំងគោរពជូនពរឯកឧត្តម និងក្រុមការងារ បន្តដឹកនាំខេត្តកំពង់ធំ មានការអភិវឌ្ឍន៍រីកចម្រើនបន្ថែមទៀត។​ដោយ  ប៊ុន  រដ្ឋា

ទឹកភ្នែកស្រ្តីមេម៉ាយកូន៥នាក់ជាគ្រួសារអតីយុទ្ធជនពលី បានទទួលផ្ទះថ្មីមួយខ្នងអំណោយសម្តេចតេជោ ហ៊ុន សែន

0

កំពង់ធំ៖ ទឹកភ្នែកស្រ្តីមេម៉ាយចិញ្ចឹមកូន៥នាក់ ដែលជាភរិយារបស់អតីតយុទ្ធជនពលី បានស្រក់ចុះទាំង អារម្មណ៍រំភើបក្តុកក្តួល ខណៈពេលដែលបានទទួលផ្ទះថ្មីបែរជាប្តីស្លាប់ចោល ពុំបានរស់នៅរួមសុខរួមទុក្ខជាមួយគ្នា ការទទួលផ្ទះថ្មីនេះជាខ្នងផ្ទះលើកទី៩៣និងជាអំណោយដ៏ ថ្លៃថ្លារបស់សម្តេចតេជោ ហ៊ុន សែន ប្រធានសមាគមអតីតយុទ្ធជន នាយករដ្ឋមន្រ្តីនៃព្រះរាជាណាចក្រ​កម្ពុជា តាមរយះឯកឧត្តម នាយឧត្តមសេនីយ៍ គន់ គីម អគ្គលេខាធិការសមាគមអតីតយុទ្ធជនកម្ពុជា ។

ខ្នងផ្ទះទី៩៣​ អំណោយ​ដ៏​ថ្លៃថ្លា​របស់​សម្ដេច​តេជោ​ហ៊ុន​ សែន ត្រូវបានសាងសង់ដោយ សមាគមអតីត​យុទ្ធជនកម្ពុជា ខេត្តកំពង់ធំ ដឹកនាំផ្ទាល់ឯកឧត្តម ឧត្តមសេនីយ៍ទោ សោម ស៊ុន មេបញ្ជាការងយោធភូមិភាគ ទី៤ ប្រធានសមាគមអតីតយុទ្ធជនកម្ពុជាខេត្ត និងត្រូវបានប្រគល់ជូនលោក​ស្រី​ យ៉េន​ សុខណា​ អាយុ​៣៨​ ឆ្នាំជាភរិយាយរបស់អតីតយុទ្ធជន​ពលី ​ ឈ្មោះ​ធឿន​ថា​ ឋានន្តរសក្ដិ​ព្រិន្ទបាលឯក​ អាយុ​៤៣​ ឆ្នាំ​  មាន​កូន​តូច​ៗ​នៅ​ក្នុង​បន្ទុក​ចំនួន​៥​ នាក់​ ដែល​ត្រូវ​ទទួល​បន្ទុក​ចិញ្ចឹម​បីបាច់​ថែ​រក្សា​ក្រោយ​ស្វាមី​ទទួល​មរណភាព​ទៅ​ ផ្ទះ​ថ្មី​មួយ​ខ្នង​នេះ​មាន​ទំហំ​៦ម៉ែត្រ​x​៧ម៉ែត្រ​  ដែល​បាន​ចំណាយ​ថវិកា​ក្នុង​ការ​សាងសង់​អស់​ទឹក​ប្រាក់​ចំនួន​៧,៣២០,០០០រៀល​  ។

នៅក្នុង​ពិធី​ប្រគល់​ផ្ទះ​ថ្មី​នេះ​ក្រុម​ការងារ​សមាគម​អតីត​យុទ្ធ​ជន​ខេត្តកំពង់ធំ​ បាន​ពាំនាំ​យក​នូវ​អំណោយ​របស់​សម្ដេច​តេជោ​ហ៊ុន​ សែន​ ផ្តល់​ជូន​គាត់​បន្ថែម​ទៀត​រួម​មាន​អង្ករ​ចំនួន​៥០​ គឺ​គីឡូក្រាម​ មីយើងចំនួន២​កេស​ មុង​ជ្រលក់​ថ្នាំ​ចំនួន​២​ និង​ថវិកា​ចំនួន​២០០,០០០​ រៀល​ ដោយមានការចូលរួមពី  អាជ្ញាធរ​ដែនដី​ និង​ប្រជាពលរដ្ឋ​នៅ​ព្រឹកថ្ងៃទី​១៥​ ខែសីហា​ ឆ្នាំ​២០១៨ ​ នៅ​ភូមិ​បូពឹង​ឃុំ​កំពង់​គោ​  ស្រុកកំពង់ស្វាយ​ខេត្តកំពង់ធំ​  ។

​លោក​ស្រី​ យ៉េន​ សុខណា ភរិយា​អតីត​យុទ្ធ​ជន​ពលី​ បាន​ថ្លែង​អំណរគុណ​ចំពោះ​សម្តេច​តេជោ​ហ៊ុន​សែន​ និង​សម្តេច​កិត្តិព្រឹទ្ឋបណ្ឌិត​ ប៊ុន​ រ៉ានី​ហ៊ុន​សែន​ ដែល​បាន​យក​ចិត្ត​ទុកដាក់​ចំពោះ​ប្រជាពលរដ្ឋ​ទូទៅ​ ពិសេស​សម្រាប់​គ្រួសារ​អតីត​យុទ្ធ​ជន​ដែល​ជួប​ការ​លំបាក​  និង​សូម​គោរព​ជូន​ពរ​សម្តេច​ទាំងពីរ​ សូម​មាន​សុខភាព​ល្អ​ ដើម្បី​បន្ត​ដឹកនាំ​នាវា​សន្តិភាព​ ឆ្ពោះ​ទៅ​កាន់​ការ​អភិវឌ្ឍន៍​បន្ត​ទៀត​ ។

ឯកឧត្តម ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានពាំនាំប្រសាសន៍​សួរសុខទុក្ខរបស់សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា សុំឲ្យបងប្អូនទាំងអស់ ទទួលបាននូវសេចក្តីសុខចម្រើន និងសូឲ្យថែរក្សាសុខភាព ប្រុងប្រយ័ត្នចំពោះក្មេងៗ និងមនុស្សចាស់ រួម​ទាំងសត្វពាហនៈ ក្នុងរដូវទឹកជំនន់នេះ អាចនឹងអន្តរាយបាន បើកាលណាខ្វះការប្រុងប្រយ័ត្ន ។

ដោយ  ប៊ុន  រដ្ឋា

 

សាលាខេត្តព្រះសីហនុបានរៀបចំកិច្ចប្រជុំស្តីពីការផ្សព្វផ្សាយច្បាប់ និងលិខិតដ្ឋានគតិយុត្តទេសចរណ៍

0

ព្រះសីហនុ៖ នារសៀលថ្ងៃអង្គារ ៣កើត ខែស្រាពណ៌ ឆ្នាំច ព.ស២៥៦២ត្រូវនិងថ្ងៃទី១៤ខែសីហាឆ្នាំ២០១៨
នៅសាលាខេត្តព្រះសីហនុបានរៀបចំនៅកិច្ចប្រជុំស្តីពីការផ្សព្វផ្សាយច្បាប់ និងលិខិតដ្ឋានគតិយុត្តទេសចរណ៍ ក្រោមអធិបតីភាព លោក ផៃ ប៊ុនវណ្ណៈ អភិបាលរងខេត្តព្រះសីហនុ និងមានការចូលរួមពីផ្នែកពាក់ពន្ធ័នានា

ឯកឧត្តម សុខ លូ ដឹកនាំកិច្ចប្រជុំរៀបចំសុវត្ថិភាព និងសណ្តាប់ធ្នាប់របៀបរៀបរយប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០១៨

0

ខេត្តកំពង់ធំ ឯកឧត្តម សុខ លូ អភិបាលខេត្តកំពង់ធំ មានប្រសាសន៍ថា “ការរៀបចំការប្រឡងសញ្ញាបត្រមធ្យមសិក្សាទុតិយភូមិឆ្នាំនេះ នឹងធ្វើឲ្យបានល្អប្រសើជាងឆ្នាំមុនៗទៀត”។ ឯកឧត្តមថ្លែងយ៉ាងដូច្នេះ នៅក្នុងកិច្ចប្រជុំពិភាក្សាការងារប្រឡងសញ្ញាបត្រមធ្យមសិក្សាទុតិយភូមិចំណេះទូទៅ និងបំពេញវិជ្ជា នាព្រឹកថ្ងៃទី១៣ ខែសីហា ឆ្នាំ២០១៨នេះ ។

ឯកឧត្តមបានបន្ថែមទៀតថា ការប្រឡងសញ្ញាបត្រមធ្យមសិក្សាទុតិយភូមិលើកនេះ សូមមន្ទីរ អង្គភាពពាក់ព័ន្ធទាំងអស់ សហការណ៍គ្នា ធ្វើយ៉ាងណាឲ្យការប្រឡងបាក់ឌុប នៅថ្ងៃ២០ ខែសីហា ឆ្នាំ២០១៨ នេះ ប្រព្រឹត្តទៅដោយបរិយាកាសល្អប្រសើរ ទទួលបានលទ្ធផលជោគជ័យ។

គួររំលឹកផងដែរថា ខេត្តកំពង់ធំ មានមណ្ឌលប្រឡងសរុបចំនួន ១០មណ្ឌល ក្នុងនោះថ្នាក់វិទ្យាសាស្ត្រ មាន៤មណ្ឌល ថ្នាក់វិទ្យាសាស្ត្រសង្គម ៦មណ្ឌល ដែលមានទីតាំងស្ថិតនៅ ក្នុងក្រុងស្ទឹងសែន និងស្រុកកំពង់ស្វាយ ដែលទីតាំងនេះ ស្ថិតនៅជិតទីប្រជុំជន ដូចនេះបេក្ខជនដែលត្រូវប្រឡងត្រូវធ្វើដំណើរមកស្នាក់នៅ ជិតមណ្ឌលប្រឡងរបស់ពួកគេ ជាបញ្ហាមួយដែលផ្តល់ការលំបាកដល់បេក្ខជនមួយចំនួនដែលមកពីស្រុកឆ្ងាយៗ ដូចជា សណ្តាន់ ប្រាសាទបល្ល័ង្ក ជាដើម។ ឯកឧត្តម បន្ថែមទៀតថា “ចំពោះបញ្ហាស្នាក់នៅ របស់បេក្ខជនក្រីក្រ ដែលមិនមានលទ្ធភាពជួលផ្ទះសម្រាប់ស្នាក់នៅ ខ្ញុំសូមឲ្យអាជ្ញាធរ ក្រុង ស្រុក សាមី រៀបចំក្រុមការងារ ជួយសម្របសម្រួលកន្លែងស្នាក់នៅជូនពួកគាត់ ដែលយើងអាចសហការណ៍ជាមួយមន្ទីរធម្មការ និងសាសនា រៀបចំវត្តនៅជិតៗមណ្ឌលប្រឡងជូនពួកគាត់” បន្ថែមពីនេះទៅទៀត ឯកឧត្តម ក៏បានរៀបចំឲ្យមានកន្លែងផ្ញើរកង់ ម៉ូតូ ដោយឥតគិតថ្លៃជូនបេក្ខជនប្រឡង និងអំពាវនាវដល់ម្ចាស់សណ្ឋាគារ ផ្ទះសំណាក់ អាហារដ្ឋាន កុំឲ្យដំឡើងថ្លៃនៅថ្ងៃប្រឡង ដើម្បីសម្រួលដល់ជីវភាពបេក្ខជនមួយកម្រិតផងដែរ។

ទន្ទឹមនឹងនេះដែររ ឯកឧត្តម បានចាត់ឲ្យ ក្រុង ស្រុក ដែលមានមណ្ឌលប្រឡងធ្វើការអំពាវនាវដល់ អ្នកប្រកបអាជីវកម្មថតចម្លង ផ្អាកការថតចម្លងរយៈពេល៣ថ្ងៃ គឺថ្ងៃ ១៩ ២០ និង២១ ខែសីហា ឆ្នាំ២០១៨នេះ។

ជាចុងក្រោយ ឯកឧត្តម ផ្តាំផ្ញើដល់មន្ទីរ អង្គភាពពាក់ព័ន្ធ អនុវត្តឲ្យបាននូវស្មារតីអង្គប្រជុំ មិនមែនអនុវត្តតែនៅលើក្រដាសទេ គឺត្រូវអនុវត្តសកម្មភាពផ្ទាល់ ដើម្បីឲ្យការប្រឡងសញ្ញាបត្រទុតិយភូមិនេះ ប្រព្រឹត្តទៅដោយរលូន និងទទួលបាននូវលទ្ធផលខ្ពស់។ ដោយ ប៊ុន រដ្ឋា

  តំណក់ទឹកភ្លៀងកំពុងតែប្រជែងនិងពិធីប្រគល់ផ្ទះថ្មី២ខ្នងផ្ទះ អំណោយសម្តេចតេជោ ហ៊ុន សែន ជូនអតីតយុទ្ធជន

0

កំពង់ធំៈ ខ្នងផ្ទះថ្មី ចំនួន ២ខ្នងផ្ទះ ជាអំណោយដ៏ថ្លៃថ្លារបស់សម្តេចតេជោ ហ៊ុន សែ​ន នាយករដ្ឋមន្រ្តីនៃ​ព្រះរា​ជាណា​ចក្រ​កម្ពុជា​ ដែលទើបតែបានសាងសង់រួច  ត្រូវបានឯកឧត្តម ឧត្តមសេនីយ៍ទោ សោម ស៊ុន ប្រធាន​សមាគម​អតីតយុទ្ធជនកម្ពុជា ខេត្តកំពង់ធំ បានដឹកនាំសហការី ចុះប្រគល់ផ្ទះជូនអតីតយុទ្ធជន ដែល កំពុង​រង​​ចាំ​​ទទឹងមើលផ្លូវ ខណៈពេលដែលតំណក់ទឹកភ្លៀងកំពុងតែ ប្រជែងធ្លាក់រារាំងនៃពិធីប្រគល់ផ្ទះជូន អតីត​យុទ្ធជន តែឧបស័គ្គទាំងឡាយមិនមានបញ្ហាក្នុងនាទីមនុស្សធម៌ល្អទេ នៅថ្ងៃទី១៣ ខែ សីហា ឆ្នាំ ២០១៨។

ផ្ទះថ្មីដែលជា ដែលជាអំណោយរបស់សម្តេចតែជោ ហ៊ុន សែន ត្រូវបានប្រគល់ជូនគ្រួសារអតីតយុទ្ធជន តាម​​រយះ ឯកឧត្តម ឧត្តមសេនីយ៍ទោ សោម ស៊ុន មេបញ្ជាការងយោធភូមិភាគទី៤ និងជាមេបញ្ជាការតំបន់ ប្រតិបត្តិការសឹករងកំពង់ធំ ទី១ ជាខ្នងផ្ទះទីលើកទី៩១ ដែលមានទំហំ ៦មx ៦,៥០ម ត្រូវបានចំណាយថវិកាក្នុងការសាងសង់អស់ទឹកប្រាក់ចំនួន ៦,៧៦៥,០០០រៀល បាន​ផ្តល់ជូនអតីតយុទ្ធជនឈ្មោះ កង ទិត អាយុ ៤៨ ឆ្នាំមានភរិយាឈ្មោះ ចាន់ ម៉ាលីស អាយុ ៤៧ ឆ្នាំមានកូនក្នុងបន្ទុកចំនួន ០៤ នាក់  បច្ចុប្បន្នរស់នៅភូមិពពក ឃុំពពក ស្រុកស្ទោង ខេត្តកំពង់ធំ ។

ចំណែកខ្នងផ្ទះទី ២ ជាខ្នងផ្ទះលើកទី ៩២ សម្រាប់ខេត្តកំពង់ធំ ដែលមានទំហំ ៤មx6មដែលបានចំណាយថវិកាក្នុងការសាងសង់អស់ទឹកប្រាក់ចំនួន ៦,៨៦៧,០០០ រៀល បានប្រគល់ជូនគ្រួសារអតីតយុទ្ធជនពលីឈ្មោះ ម៉ក់ ភារម្យ ដែល​មាន​ភរិយា​ឈ្មោះ​ ខៀវ​ សុវណ្ណ​រ៉ា​ បច្ចុប្បន្នរស់នៅភូមិក្តីដូង ឃុំក្តីដូង ស្រុកកំពង់ស្វាយ ខេត្តកំពង់ធំ   និងសូមបញ្ជាក់ផងដែរថា សមាគមអតីតយុទ្ធជនខេត្តកំពង់ធំ បានសាងសង់ផ្ទះ បានចំនួន ៩៤ ខ្នងហើយ និងបានប្រគល់ជូនគាត់ស្នាក់នៅហើយចំនួន ៩២ ខ្នងនៅសល់ ០២ ខ្នងទៀតដែលជាក្នុងផ្ទះទី៩៣និង ៩៤  កំពុងដំណើរការសាងសង់ស្ថិតនៅក្នុងឃុំកំពង់គោ​ ស្រុក​កំពង់​ស្វាយ​ និង​ឃុំចំណាក្រោមស្រុកស្ទោងខេត្តកំពង់ធំ ។

ក្នុងពិធីប្រគល់ផ្ទះថ្មីជូនអតីតយុទ្ធជនពិការ និងគ្រួសារពលីនេះ ​ឯកឧត្តម សោម ស៊ុន និងក្រុមការងារសមាគមអតីតយុទ្ធជនកម្ពុជាខេត្ត បានពាំនាំការផ្តាំផ្ញើសាកសួរសុខទុក្ខ និងនាំយកនូវអំណោយរបស់សម្ដេចតេជោហ៊ុន​ សែន​ ប្រធាន​សមាគម​អតីត​យុទ្ធ​ជន​កម្ពុជា​ ផ្ដល់ជូនដោយក្នុងមួយគ្រួសារមួយគ្រួសារទទួលបាន÷ អង្ករ ៥០ គ.ក្រ ,មីម៉ាម៉ា ០២ កេស ,ទឹកត្រីទឹកស៊ីអ៉ីវ ០២ យួរ ,ជ្រលក់ថ្នាំ​ ចំនួន​០២ និងថវិកាចំនួន ២០០,០០០ រៀលផងដែរ ។

អតីតយុទ្ធជននៅខេត្តកំពង់ធំលែងមានភាពឯកាទៀតហើយបងប្អូនរស់នៅគ្រប់ទីកន្លែងត្រូវបានសមាគមអតីតយុទ្ធជនកម្ពុជាខេត្តកំពង់ធំចុះទៅសំណេះសំណាលសាកសួរសុខទុក្ខនិងផ្ដល់នូវភាពកក់ក្តៅជូនគាត់ដូចជាការព្យាបាលជំងឺ​ ការ​ជួយ​ដោះ​ស្រាយ​គ្រឿង​ឧបភោគបរិភោគនិងថវិកា អាជ្ញាធរ​ដែនដី​ និង​ប្រជាជន​យើង​មាន​ការ​អបអរសាទរ​ចំពោះ​អតីត​យុទ្ធ​ជន​យើង​ដែល​បាន​ទទួល​ផ្ទះ​ថ្មី​នេះ​  នឹង​ប្តេជ្ញា​ចិត្ត​គាំទ្រ​សម្តេចតេជោ​ ជារៀងរហូត​  ។

ដោយ  ប៊ុន រដ្ឋា

 

 

ព័ត៌មានស៊ើបអង្កេត

សន្តិសុខសង្គម