មណ្ធលគិរី៖ ជនជាតិវៀតណាមឆ្លងដែនខុសច្បាប់ចំនួន៦២នាក់ក្នុងនោះស្រីម្នាក់ផងដែរត្រូវបានសមត្ថកិច្ចសម្រុះធ្វើការឃាត់ខ្លួននៅយប់ថ្ងៃទី១៨ខែមករាឆ្នាំ២០១៧ត្រង់ចំនុចទឹកខួបស្ថិតនៅក្នុងភូមិស្រែខ្ទុម ស្រុកកែវសីមា។
ក្រោយពីធ្វើការឃាត់ភ្លាមៗនោះសមត្ថកិច្ចបានបញ្ជូនខ្លួនមកអធិការដ្ឋាននគរបាលស្រុកកែវសីមា ដើម្បីត្រួតពិនិត្យមើលលិខិតឆ្លងដែន ប៉ុន្តែជនជាតិវៀតណាមទាំងអស់ខាងលើមានលិខិតឆ្លងដែនតែ០៣នាក់នោះទេ។បើតាមប្រភពច្បាស់ការណ៍បានឲ្យដឹងថា ជនជាតិ
ចំនួន៦២នាក់នេះចេញមកពីតំបន់រ៉ែមាសឃុំចុងផ្លាស់ ស្ថិតក្នុងស្រុកកែវសីមា ដោយមន្រ្តីទាហានមួយរូបឈ្មោះ តែ គឹមសាន ជាអ្នកលួចសម្របសម្រួលដឹកជនជាតិណាមឆ្លងដែនខុសច្បាប់ចេញពីខេត្តមណ្ឌលគិរី។
ប្រភពបានឲ្យដឹងបន្តថា ជនជាតិវៀតណាមទាំងអស់នេះចូលមកក្នុងទឹកដី នៃខេត្តមណ្ឌលគិរីយូរខែមកហើយធ្វើកម្មកររ៉ែមាសមួយកន្លែង ដែលនាយទាហានឈ្មោះខាងលើជាអ្នកសម្រួលនាំជនជាតិវៀតចូលទៅតំបន់រ៉ែមាស។
