ខេត្តកំពង់ធំ៖ក្រោយពីបានទួលព័ត៌មានថា មាន បទល្មើស ឈូសឆាយដីព្រៃលិចទឹកតំបន់បី និងដាក់សម្រាសបំផ្លាញធនធានជលផលក្នុងបឹងអភិរក្ស សម្រាប់ពូជត្រីពងកូន រាប់រយកន្លែង ដោយមិនខ្លាច និងញញើតច្បាប់ដាក់ទោសឡើយ ហើយក្រុមនេះនៅតែបន្តដើររុក្ខរានទន្ទ្រាន
ដីព្រៃលិចទឹកយ៉ាងអនាធិបតេយ្យ គេពុំដែលឃើញ មន្ត្រីជំនាញណាមកបង្ក្រាបឡើយ ។
ប្រជាពលរដ្នរឹះគន់ថា លោក អ៊ុំ ធា អនុប្រធាន និងលោក ប៉ាត បាន ប្រធានសហព័ន្ធ សហគមន៍នេសាទដែលមានសិទ្ធិគ្រប់គ្រងសមាគមន៍ចំនួន៣ គឺសមាគមន៍ ភូមិភ្នៅ សមាគមន៍ភូមិ កងមាស សមគមន៍ ភូមិ ត្រើយអូរ បាន បើកដៃឱ្យក្រុមនេសាទ ដាក់សម្រាស រាប់រយកន្លែង ហើយបង្គាប់ឱ្យបង់ប្រាក់ក្នុង១កន្លែង១០ម៉ឺនរៀល ជាថ្នូរនឹងបានដាក់សម្រាសចាប់ត្រីក្នុងដងស្ទឹងជីនឹត។
ចំណែកក្នុងបឹងអភិរក្សវិញមិនដឹងបង់ថ្លៃប៉ុន្មាននោះទេ បទល្មើសទាំងនេះនៅក្នុងឃុំភ្នៅ ស្រុកសន្ទុក ខេត្តកំពង់ធំ។ក្រោយពីបានទួលព័ត៌មានខាងលើនេះ នៅព្រឹកថ្ងៃទី០៨ ខែ ឩសភា ឆ្នាំ២០១៧ ក្រុមអ្នកយកព័ត៌មានបានចុះទៅទីនោះ សង្កេតឃើញថា មានបឹងចំនួន៩ដែលជាបឹងអភិរក្សពូជត្រី មាន បឹង ក្រៃស្នោ តូច និង ធំ; បឹងកណ្ដោល តូច និងធំ បឹងក្របីខ្ចក តូចនិងធំ បឹងព្រួស បឹង តាមុន និងបឹងចំណារ បឹងទាំង៩នេះត្រូវបាន ប្រធាន អនុប្រធាន សហព័ន្ធសមាគមន៍ បើកដៃអោយប្រជានេសាទដាក់សម្រាស។ ចំណែកឯបទល្មើសឆក់ត្រីវិញ គឺបង់ជាខែ តែមិនបានបញ្ចាក់ថាថ្លៃប៉ុន្មាននោះទេ។
ក្នុងនោះយើងបានឃើញគេរំលោភឈូសឆាយយកដីព្រៃលិចទឹកតំបន់បីរ ចំនួនពីរកន្លែងឆ្ងាយពីគ្នា ១គឺនៅចំណុចបឹងចាមបាច ស្ថិតខាងជើងបឹងតាម៉ុន ខាងកើតបឹងព្រួសជិត៣០ហិចតាដី និងមួយកន្លែងទៀតនៅចំណុចបឹងចំណារ ស្ថិតខាងជើងបឹងកណ្តោល ខាងលិចបឹងព្រួសជិត៣០ហិតាទៀត។ទង្វើទាំងនេះត្រូវបានគេសង្ឃ័យថា មានការត្រូវរូវជាមួយមន្ត្រីជំនាញ បើមិនត្រូវទេ គឺមិនអាចធ្វើបានឡើយ។
លោក ប៉ាត បានប្រធានសហព័ន្ធសមាគមន៍បានបញ្ចាក់ថា កន្លែងដែលលោកគ្រប់គ្រងពុំមានបទល្មើសធំដុំនោះទេ មានតែប្រជាពលរដ្ន កាប់ចំការរបស់គាត់តិចតួចតែប៉ុណ្ណោះ ។
លោកប៉ែន វណ្ណរិទ្ធ នាយខ័ណ្ឌរដ្ឋបាលជលផល ខេត្តកំពង់ធំ បានប្រាប់ក្នុងកិច្ចសម្ភាសថា ក្រោយពីបានទទួលពត័មានលោកបានបញ្ចាអោយមន្ត្រីរបស់លោកចុះទៅមើល ហើយ បើមានការបទល្មើស ថ្មីៗមែននោះ លោកនិងធ្វើរបាយការណ៍ដាក់ទៅតុលាការតែម្ដង។ការរំលោភបំពាន ឈូសឆាយដីព្រៃលិចទឹកក្នុងតំបន់បីយកមកធ្វើ កម្មសិទ្ធិផ្ទាល់ខ្លួន និងបន្តលក់ ទៅឲ្យឈ្មួញចូលកាន់កាប់ប្រជាពលរដ្ឋរស់នៅឃុំភ្នៅបានលើកឡើងថា លោកប៉ាត បាន ជាមេបទល្មើស ខាងឈូសឆាយ ដីព្រៃរបស់រដ្ឋ យកមកធ្វើកម្មសិទ្ធិ ផ្ទាល់ខ្លួននោះ ជារាងរាល់ឆ្នាំ នៅរដូវទឹកស្រក់ ថ្មីៗនេះ គេបានបញ្ជូន អាត្រាក់ទ័ចំនួនបីគ្រឿង ទៅឈូសដីព្រៃលិចទឹក នៅក្នុងតំបន់បីតាម មាត់ស្ទឹងបឹងប៊ួរពង្រីក បន្ថែមដី របស់ខ្លួន ឲ្យកាន់តែធំ ងាយនិង បំបែកលក់ជាហិតៗលក់ឲ្យឈ្មួញរាល់ឆ្នាំ។ តាមប្រភពដដែល បានបន្តទៀតថា នៅចំណុចខាងលើ បានក្លាយទៅវាល ស្រែប្រាំងអស់ទៅហើយ បឹងទន្លេសាប អស់មានព្រៃ សម្រាប់ត្រីពងកូន ក្រោមឥទ្ធិពល របស់មេឈ្មួញដី ឈ្មោះ ប៉ាត បាន និងឈ្មោះ អ៊ុំំ ធា មិនដែលឃើញមាន មន្ត្រីជំនាញចុះបង្ក្រាប។
បើយោងតាមច្បាប់ជលផលបានចែងថា៖ បទល្មើសដាក់សម្រាស់នេះបានធ្វើអោយមានផលប៉ះពាល់ច្រើនយ៉ាងដល់ធនធានជលផលជាតិ និងបើគិតពីទោសទណ្ឌនៃច្បាប់វិញក៏មានទោស៣យ៉ាងផងដែរគឺ ១.កាប់ព្រៃលិចទឹក មាត្រា១០១ ជាប់ពន្ធនាគារពី១ខែទៅ១ឆ្នាំ ពិន័យប្រាក់ពី១លានទៅ៥លានរៀល ២.ដឹកជញ្ជូនសម្រាស់ មាត្រា១០១ មានទោសនិងពិន័យប្រាក់ដូចគ្នា ៣.ដាក់សម្រាស់ចាប់ត្រី មាត្រា១០០ ដាក់ពន្ធនាគារពី១ឆ្នាំទៅ៣ឆ្នាំ ពិន័យប្រាក់ពី៥លាន ទៅ៥០លានរៀល ។ ប៉ុន្តែមានតែច្បាប់ បើមន្ត្រីជំនាញមិនយកច្បាប់មកអនុវត្ត បែរជាឃុបឃិត បណ្តែតបណ្តោយ ក៏គ្មានន័យអ្វីដែរបើគេមិនបង្ក្រាបនោះ ដូចពាកស្លោកមួយលើកឡើងថា ជលផលបំផ្លាញត្រី មេព្រៃបំផ្លាញឈើ៕ប៊ុនរិទ្ធី
