កំពង់ធំៈ បញ្ហាសុខភាពគឺត្រូវបានយកចិត្តទុកដាក់បំផុត ដូចជារដូវភ្លៀងធ្លាក់នេះជាដើម ជម្ងឺគ្រុនចាញ់ និងជម្ងឺគ្រុមឈាម អាចនឹងកើតឡើង បើកាលណាមយើខ្វះការប្រុងប្រយ័ត្ន បើកាលណាយើងមានសុខភាព ល្អអ្វីៗវានឹងប្រសើឡើង ប្រសាសន៍នេះត្រូវបាន ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការ តំបន់ប្រតិបត្តិការសឹករងកំពង់ធំជាអធិបតីថ្លែងក្នុងក្នុងពិធីបើវគ្គបណ្តុះបណ្តាលអប់រំសុខភាពដល់កងកម្លាំង នៅព្រឹកថ្ងៃទី ១៨ ខែសីហា ឆ្នាំ ២០១៧។
ពិធីបើវគ្គរៀនសូត្រ វិធីអប់រំសុខភាពស្តីពីការការពារជំងឺគ្រុនចាញ់ ត្រូវបានធ្វើឡើង នៅផ្នែកសឹករងស្រុកប្រាសាទសំបូរ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ បានដំណើរការបើកវគ្គរៀនសូត្រស្តីពីជម្ងឺគ្រុនចាញ់ ដោយមានការអញ្ជើញចូលរួមពីថ្នាក់ដឹកនាំតំបន់ប្រតិបត្តិការសឹករងកំពង់ធំ និងមានការសម្របសម្រួលពីលោកគ្រូឯកទេសតំណាងឲ្យសុខាភិបាលយោធភូមិភាគទី៤ និង គ្រូសម្របសម្រួល នៅតំបន់សឹករងកំពង់ធំ និងព្រះវិហារ ។
ក្នុងវគ្គសិក្សារៀនសូត្រ អប់រំសុខភាព ដើម្បីការពារ និងបង្កាជម្ងឺគ្រុនចាញ់នេះ មានការចូលរួមពីសំណាក់ ផ្នែកសឹករងប្រាសាទសំបូរ សណ្តាន់ នឹងផ្នែកសឹករងប្រាសាទបល្ល័ង្គ ព្រមទាំងគ្រួសារយោធិន សារុបចំនួន ៧៥ នាក់ នៅក្នុងពិធីបើកវគ្គរៀនសូត្រនេះ ក្រុមការងារបាន បានចែកមុងជ្រលក់ថ្នាំជូនសមាជិកគ្រប់ៗរូបផងដែរ 
នៅក្នុងឳកាសនៃពិធីសំណេះសំណាល ឯកឧត្តម សោម ស៊ុន បានផ្តាំផ្ញើរឲ្យសិក្ខាមទាំងអស់យកចិត្តទុកដាក់ស្តាប់ការណែនាំ និងរបៀបនៃការការពារ ទប់ស្កាត់ការរាតល្បាតជម្ងឺពីសត្វមូស ដល់មនុស្ស ហើយនឹងនាំយកចំណេះដឹងទាំងនេះទៅ ផ្សព្វផ្សាយបន្តដល់ក្រុមគ្រួសារ ប្រជាពលរដ្ឋ និងអង្គភាពរបស់ខ្លួន ដើម្បីបញ្ជ្រៀឲ្យផុតពីជម្ងឺគ្រុនចាញ់។
ដោយ ប៊ុន រដ្ឋា
