កំពង់ធំៈ លោក លោក ឡឹក យ័ន ប្រធានការិយាល័យ ភូមិបាលរៀបចំដែនដីស្រុកកំពង់ស្វាយ ត្រូវបាន ប្រជាពលរដ្ឋ រិះគន់ថា បានប្លន់ដីព្រៃអ្នកតា ឲ្យទីឈ្មួញកាន់កាប់ ដោយមិនខ្វល់ពី អ្នកស្រុក អ្នកភូមិថែរក្សា និងគោរពបូជាជាយូរណាស់មកហើយ បែរជាឃុបឃិតជាមួយឈ្មួញ ចេញប្លង់កាន់កាប់ដីយ៉ាងរំភើយ។
គ្រឿងចក្រជាច្រើនគ្រឿង បានធ្វើសកម្មភាពឈូសឆាយដីព្រៃ ដែលជាកម្មសិទ្ធសមហភាពរបស់ប្រជាពលរដ្ឋ ដោយមិនខ្វល់ពីប្រជាពលរដ្ឋខំថែរក្សាមកយូរហើយនោះទេ ធ្វើឲ្យរឿងដ៏ក្តីគគុកនេះ ផ្អើលទៅដល់លោកព្រះរាជអាជ្ញាខេត្តកំពង់ធំ កោះហៅលោក ឆេង គូ ឈ្មួញឈូសឆាយដីព្រៃ មកសួរនាំតាមរយះរដ្ឋបាលព្រៃឈើ តែលទ្ធផលបែបណានោះ ប្រជាពលរដ្ឋកំពុងរងចាំមើលថា តើចំណាត់ការរបស់ច្បាប់មាន ប្រសិទ្ធិភាពប៉ុណ្ណានៅព្រឹកថ្ងៃទី ៥ ខែមករា ឆ្នាំ ២០១៨។
អ្នកភូមិបានអះអាងថា ដីព្រៃអ្នកតានេះ អ្នកភូមិបានរក្សាទុកសំរាប់ រក អុស បោចវ័ល្ល៍ និងគោរពអ្នកតានៅទីនោះទៅវិញ ដីព្រៃអ្នកតា នេះមានទីតាំងនៅជាប់នឹងព្រៃសហគមន៏ព្រៃហុំ ស្ថិតនៅក្នុងឃុំ ដំរីស្លាប់ ស្រុកកំពង់ស្វាយ តែបែរតែមានការ លួចលាក់ធ្វើប្លងដី គ្រប់គ្រង់ដីព្រៃអ្នកតាឲ្យទៅឈ្មួញ ធ្វើឲ្យប្រជាពលរដ្ឋមានការយ៉ាងខ្លាំងចំពោះលោក ឡឹក យ័ន ប្រធានការិយាល័យ ភូមិបាលរៀបចំដែនដីស្រុកកំពង់ស្វាយ ថ្លើមធំហ៊ានចេញប្លង់កម្មសិទ្ធទៅអោយឈ្មោះ ឆេង គូ ដែលជាមេឈ្មួញ ឈួសឆាយដីនៅឃុំសាន់គរ ស្រុកកំពង់ស្វាយ បានយកគ្រឿងចក្រទៅឈួសព្រៃអ្នកតាដែលប្រជាពលរដ្ឋធ្លាប់គោរពបូជាតាំងពីដូន យកមកធ្វើស្រែប្រាំង និង ស្រែវស្សា ។
ប្រជាពលរដ្ឋបានសំណូមពរ ឲ្យសម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ជួយធ្វើអន្តរាគមរក្សាដីព្រៃអ្នកតា ឲ្យពួកគាត់វិញផង កុំឲ្យឈ្មួញដី និងសូរិយោដីខេត្ត ស្រុក ឃុបឃិតប្លន់យក ដីរបស់សមហភាព និងជាទីតាំងគោរពបូជាតាំងតែពីយូរមកហើយ និងសំណូមពរឲ្យសម្តេចតេជោ ហ៊ុន សែន ជួយមើលចំពោះលោក ឡឹក យ័ន ប្រធានការិយាល័យ ភូមិបាលរៀបចំដែនដីស្រុកកំពង់ស្វាយ ដែលបានឃុបឃិតគ្នាជាមួយ លោក ឆេង គូ ដែលជាឈ្មួញរកស៊ីលក់ដី ខណៈពេលដែលកំពុងដងណ្តើមដីរាស្រ្ត សូមមេត្តាទុកដីនេះឲ្យរាស្រ្តវិញ ។
ដោយ ប៊ុន រដ្ឋា
