រដ្ឋបាលខេត្ត​កំពត​បើកកិច្ចប្រជុំសាមញ្ញលើកទី៤៤របស់ក្រុមប្រឹក្សាខេត្តអាណត្តិទី២

0

ខេត្ដកំពត៖ នៅព្រឹកថ្ងៃពុធទី​៩រោច ខែបុស្ស​ឆ្នាំរកានព្វស័កព.ស​២៥៦១​
ត្រូវថ្ងៃទី១០ខែមករាឆ្នាំ២០១៨​រដ្ឋបាលខេត្តកំពត បានបើកកិច្ចប្រជុំសាមញ្ញក្រុមប្រឹក្សាខេត្តលើកទី៤៤អាណត្តិទី២ក្រោមអធិបតីភាពឯ.ឧ អ៉ឹង ម៉េងហួរ ប្រធានក្រុមប្រឹក្សាខេត្តនិង ឯ.ឧជាវ តាយអភិបាលនៃគណៈអភិបាលខេត្ត។
កិច្ចប្រជុំបានប្រព្រឹត្តទៅមានសមាជិកក្រុមប្រឹក្សាខេត្តចូលរួម១៧រូបលើកូរ៉ុម១៧រូប និងមានគណៈអភិបាលចំនួន០៦រូបលើ០៧រូបព្រមទាំងថ្នាក់ដឹកនាំមន្ទីរ អង្គភាពជំនាញជុំវិញខេត្តផងដែរ។
កិច្ចប្រជុំនេះមានរបៀបវារៈរួមមាន៖
១-ផ្សព្វផ្សាយប្រកាសលេខ ៧២០៩ ប្រក ស្ដីពី​ការទទួលស្គាល់សមាជិកក្រុមប្រឹក្សាខេត្តកំពតចំនួន៤រូបដើម្បីបំពេញបន្ថែមជំនួសសមាជិកដែលបាត់សុពលភាព។​
២-ពិនិត្យនិងអនុម័តលើរបៀបវារៈនៃកិច្ចប្រជុំសាមញ្ញលើកទី៤៤របស់ក្រុមប្រឹក្សាខេត្ត។
៣-ពិនិត្យ និងអនុម័តលើកំណត់ហេតុនៃកិច្ចប្រជុំសាមញ្ញលើកទី៤៣របស់ក្រុមប្រឹក្សាខេត្ត។
៤-ពិនិត្យ និងអនុម័ត លើរបាយការណ៍ ស្ដីពីលទ្ធផល សម្រេចបានក្នុងខែធ្នូឆ្នាំ២០១៧របស់រដ្ឋបាលខេត្ត។
៥-ពិនិត្យ និងអនុម័ត លើរបាយការណ៍​ប្រចាំឆ្នាំ​២០១៧​និង​ឯកសារ​សម្រាប់​សន្និបាត​បូកសរុប​លទ្ធផល​ការងារប្រចាំឆ្នាំ២០១៧​និងលើកទិសដៅបន្ត​ឆ្នាំ២០១៨របស់រដ្ឋបាលខេត្ត។​
៦-ពិនិត្យ និងអនុម័ត លើរបាយការណ៍​ស្ដីពី​លទ្ធផល​វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តសម្រាប់ឆ្នាំ២០១៧។​
៧-ពិនិត្យនិងអនុម័ត លើការបែងចែកប្រាក់រង្វាន់លើកទឹកចិត្ត​ជូនមន្ត្រីរាជការ បុគ្គលិកសាលាខេត្ត​សម្រាប់ខែធ្នូឆ្នាំ២០១៧។​
៨-បញ្ហាផ្សេងៗនិងការចូលរួមមតិរបស់អង្គប្រជុំ។