ព្រះវិហារ៖ ជនសង្ស័យម្នាក់ ត្រូវបានមន្ត្រីកងរាជអាវុធហត្ថស្រុកជាំក្សាន្ត ខេត្តព្រះវិហារ ធ្វេីការឃាត់ខ្លួន កាលពីវេលាម៉ោង៩.៣០នាទីថ្ងៃទី២០ ខែមករា ឆ្នាំ២០១៨ ពីបទលួច
រក្សាទុក ចែកចាយ សារធាតុញៀន ស្ថិតនៅចំណុចភូមិទឹកក្រហម ឃំុទឹកក្រហម ស្រុកជាំក្សាន្ត ខេត្តព្រះវិហារ ដក់ហូតបានថ្នាំញៀនសរុបចំនួន២៦កញ្ចប់ ក្នុងនោះមានធំ២កញ្ចប់។
លោកអនុសេនីយ៍ឯក ជុន បូរ៉ា មេបញ្ជាការរងទទួលបន្ទុកការងារព្រហ្មទណ្ឌ បានអោយដឹងថាដោយមាន ការចង្អុលបង្ហាញពីឯកឧត្តម ឧត្តមសេនីយ៍ត្រី កង សៅគុណ មេបញ្ជាការ កងរាជអាវុធហត្ថខេត្តព្រះវិហារផងនោះ កម្លាំងកងអាវុធហត្ថស្រុកជាំក្សាន្តចំនួន៩នាក់ ដឹកនាំកម្លាំងដោយលោកវរៈសេនីយ៍ត្រី ពេជ្រ សុភី មេបញ្ជាការ កងរាជអាវុធហត្ថស្រុកជាំក្សាន្ត ក្រោមកាសម្របសម្រួលពីលោក សេ្រង ម៉េងស៊្រុន ព្រះរាជអជ្ញារងសាលាដំបូងខេត្តព្រះវិហារ បានឆ្មក់ទៅបង្ក្រាបបានមុខសញ្ញាចែកចាយ នឹងរក្សាទុកសារធាតុញៀនបានចំនួន១នាក់ និងធ្វេីការឆែកឆេលំនៅដ្ឋាន ដក់ហូតបានថ្នាំញៀនប្រភេទម្សៅក្រាមសថ្លា(ម៉ាទឹកកក) ចំនួន២៦កញ្ចប់ ក្នុងនោះធំ២កញ្ចប់ រួមទាំងវត្ថុតាងមួយចំនួនរួមមាន÷ គ្រាប់AK47 ចំនួន៦គ្រាប់ គ្រាប់AK57 ចំនួន២៥០គ្រាប់ ដាវ១ដើម លុយខ្មែរចំនួន២២៥០០៛ កាបូបដាក់លុយ១ ទូរសព្ទដៃ ១គ្រឿង ដែកកេះ៤ សម្ភារៈសម្រាប់ជក់និងវេចខ្ចប់មួយចំនួនធំថែមទៀតផងដែរ។
លោកអនុសេនីយ៍ឯកបន្តថា ជនសង្ស័យដែលកម្លាំងឃាត់បានមានឈ្មោះ ម៉ន សាវីន ភេទប្រុស អាយុ២៨ឆ្នាំ រស់នៅភូមិ ឃុំ កេីតហេតុខាងលេី ។
លោកអនុសេនីយ៍ឯក ជុន បូរ៉ា បានបញ្ជាក់អោយដឹងផងដែរថា បច្ចុប្បន្នជនសង្ស័យ រួមនឹងវត្ថុតាងខាងលើ ត្រូវបានកម្លាំងជំនាញកងរាជអាវុធហត្ថស្រុក កំពុងរាបចំកសាងសំុនុំ រឿងបញ្ជូនទៅកាន់កងរាជអាវុធហត្ថខេត្តចាត់ការបន្តទៅតាមនិតិវិធីនៃច្បាប់ ៕ សួនលីណា
