ព្រះវិហារ៖ ផ្ទះប្រជាពលរដ្ឋមួយខ្នង ទំហំ៥ម៉ែត្រ គុណនិង៦ម៉ែត្រ សង់អំពីឈើដំបូលប្រកស្បៅ ជញ្ជាំងបាំងស្លឹក ត្រូវបានអគី្គភ័យឆេះអស់ស្ទេីតែទាំងស្រុង ហេតុការណ៍
នេះកេីតឡេីងកាលពីរសៀលថ្ងៃទី២០ ខែមករា ឆ្នាំ២០១៨ ស្ថិតក្នុងភូមិម្លូព្រៃ ឃំុម្លូព្រៃ១ ស្រុកឆែប ខេត្តព្រះវិហារ ដោយសារភ្លើងឆេះព្រៃបានរាលដល់។
មន្ត្រីនគរបាលឃុំម្លូព្រៃ១ ដែលបានចុះទៅដល់កន្លែងកើតហេតុនោះបានឱ្យដឹងថា មូលហេតុដែលមានអគ្គិភ័យនេះកើតឡើង គឺបណ្តាលមកពីមានភ្លើងឆេះព្រៃ ក៏រាលមកដល់ផ្ទះពលរដ្ឋតែម្តង ហេីយចៃដន្យម្ចាស់មិននៅផ្ទះផង ខណ:នោះបានធ្វេីអោយភ្លើងព្រៃឆាបឆេះអស់ស្ទេីតែទាំងស្រុង។
មន្ត្រីនគបាលដ៍ដែល បានឱ្យដឹងទៀតថា ទ្រព្យសម្បត្តិដែលមាននៅក្នុងផ្ទះទាំងប៉ុន្មាននោះ ក៍ត្រូវបានអគ្គីភ័យឆេះអស់ទាំងស្រុង រួមមានថវិកាចំនួន១លាន៥សែនរៀល ខ្សែរកមាសចំនួន៥ជី និងសម្ភារ:មួយចំនួនថែមទៀត។
លោកបានឱ្យដឹងផងដែរថា ម្ចាស់ផ្ទះដែលត្រូវបានអគ្គិភ័យឆេះនោះមានឈ្មោះ ឡន តូច ភេទប្រុស អាយុ២៦ឆ្នាំ មុខរបរកសិករ រស់នៅភូមិម្លូព្រៃ ឃុំម្លូព្រៃ១ ស្រុកឆែប ខេត្តព្រះវិហារ។ចំណែកប្រពន្ធឈ្មោះ ឆាត់ យ៉ា ភេទស្រី អាយុ២៧ឆ្មាំ មានកូនតូចចំនួន២នាក់ ប្រុស១ ស្រី១។
សូមបញ្ជាក់ថា នៅល្ងាចថ្ងៃទី២០ ខែមករា ឆ្នាំ២០១៨ លោក ម៉ៅ សុវណ្ណ អនុប្រធានក្រុមការងារចុះជួយស្រុកឆែប អមដំណើរដោយក្រុមការងារ តំណាងអោយឯកឧត្តម ច័ន្ទ សុភ័ក្ត្រា ប្រធានក្រុមការងារចុះជួយស្រុកឆែប បានអញ្ជើញចុះសាកសួរសុខទុក្ខ ជាមួយក្រុមគ្រួសារ ដោយសារភ្លើងឆេះផ្ទះ។
ព្រមទាំងបាននាំយកថវិកា និងសម្ភារៈមួយចំនួនជួយឧបត្ថម ក្នុងនោះរួមមានថវិការ :
១-ឯកឧត្តម ច័ន្ទ សុភ័ក្ត្រា ថវិកាចំនួន ២៥០,០០០៛ មី២កេស កន្ទេល៦ តង់១ ទឹកស៊ីអ៊ីវ២យួរ មុង២ ត្រីខ១កេស ទឹកត្រី២យួរ អង្ក៥០គីឡូក្រាម ។
២-លោក ម៉ៅ សុវណ្ណ ថវិកាចំនួន ៥០,០០០៛
៣-លោក ឡុង សុធឿន ថវិកាចំនួន ៨០,០០០៛ និងអង្ករ២៥គីឡូក្រាម៕សួនលីណា
