ព្រះវិហារ: នៅរសៀលថ្ងៃទី២១ ខែមករា ឆ្នាំ២០១៨ ក្រុមការងារសហភាពសហព័ន្ទយុវជនកម្ពុជាខេត្ត ដឹកនាំដោយលោក សុខ មុនីរិទ្ធ សមាជិកគណ:គម្មាធិការសហភាព
សហព័ន្ធយុវជនកម្ពុជាខេត្តព្រះវិហារ បាននាំនូវអំណោយមនុស្សធម៌ មានដូចជាសម្ភារ:សម្រាប់ប្រេីប្រាស់ ព្រមទាំងថវិការ ជូនដល់ដៃប្រជាពលរដ្ឋដែលរងគ្រោះដោយសារភ្លើងឆេះផ្ទះ នៅក្នុងភូមិម្លូព្រៃ ឃុំម្លូព្រៃ១ ស្រុកឆែប ខេត្តព្រះវិហារ កាលពីថ្ងៃទី២០ ខែមករា ឆ្នាំ២០១៨ចុងសប្តាហ៍កន្លងទៅ។
អភិបាលរងស្រុកឆែបលោក សុខ មុនីរិទ្ធ សមាជិកគណ:គម្មាធិការសហភាពសហព័ន្ធខេត្ត បានមានប្រសាសន៍អោយដឹងថាអំណោយមនុស្សធម៏ដែលបានចុះទៅផ្តល់ក្រុមគ្រួសារពលរដ្ឋដែលរងគ្រោះនោះរួមមានថវិការចំនួន៣០០,០០០រៀលអង្ករ៣០គីឡូក្រាមមី១កេះទឹកត្រី១យូទឹកស៊ីអ៊ីវ១យូត្រីខ១ឡូកន្ទេល១ចាន១៥ឆ្នាំ២ខ្ទះ១ពឹល១ស្លាបព្រានិងវែក១០ស្កស១កញ្ចប់អំបឹល១កញ្ចប់ប៊ីចេង១កញ្ចប់ ជាអំណោយផ្ទាល់របស់លោក និងមានការចូលរួមពីលោក សេង លាង នាយផ្នែករដ្ឋបាលព្រៃឈើឆែបចំនួន២០០,០០០រៀល លោក នួន ស៊ីដេត ប្រធានការិយាល័យភូមិបាលស្រុកឆែប ថវិការចំនួន១០០,០០០រៀលផងដែរ។
ក្រោយពីទទួលបានអំណោយមនុស្សធម៏រួចមកក្រុមគ្រួសារប្រជាពលរដ្ឋដែលរងគ្រោះភ្លើងឆេះផ្ទះបានថ្លែងអំណរគុណយ៉ាងជ្រាវជ្រៅដល់ថ្នាក់ដឹកនាំគ្រប់លំដាប់ថ្នាក់ដែលតែងតែយកចិត្តទុក្ខដាក់ពីសុខទុកប្រជាពលរដ្ឋដែលរងគ្រោះបានទាន់ពេលវេលា។
គួរំលឹកផងដែរកាលពីរសៀលថ្ងៃទី២០ខែមករាឆ្នាំ២០១៨មានករណីមួយបានកើតឡើងដោយសារភ្លើងព្រៃរាលឆេះផ្ទះមួយខ្នងរបស់ឈ្មោះឡនតូចជាប្តីនិងប្រពន្ធឈ្មោះឆាត់យ៉ានិងមានកូន២នាក់តូចៗប្រុស១ស្រី១អស់ផ្ទះ១ខ្នងទំហំ៥ម៉ែត្រគុណនិង៦ម៉ែត្រថវិការ១លាន៥សែនរៀលខ្សែរកមាសចំនួន៥ជីនិងទ្រព្យសម្បត្តិមួយចំនួនធំដែលស្ថិតនៅភូមិឃុំកើតហេតុខាងលើនោះ៕សួនលីណា