ខេត្តកំពត៖ កាលពី ព្រឹកថ្ងៃព្រហស្បត៍ ១រោជ ខែមាឃឆ្នាំរកា នព្វស័ក ព.ស២៥៦១ត្រូវថ្ងៃទី០១ខខែកុម្ភៈ ឆ្នាំ២០១៨នៅសាលប្រជុំសាលាខេត្តកំពត។
បេឡាជាតិអតីតយុទ្ធជនហៅថា
(ប.ជ.អ)នៃបានបើកអង្គសន្និបាត បូកសរុបលទ្ធផលការងារ ឆ្នាំ២០១៧
និងទិសដៅ អនុវត្តបន្ត របស់បេឡាជាតិអតីតយុទ្ធជន។ ក្រោមអធិបតីភាព ឯកឧត្តម វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទានិងឯកឧត្តម ជាវ តាយអភិបាល នៃគណៈអភិបាលខេត្ត។ អង្គសន្និបាតមាន សមាជិក សមាជិកាចូលរួមពីមន្ត្រី(ប.ជ.អ) ទាំង២៥រាជធានី ខេត្ត។
លោករឿន រិទ្ធីរ័ត្ននាយកបេឡាជាតិអតីតយុទ្ធជន នៃក្រសួងសង្គមកិច្ចអតីតយុទ្ធជននិងយុវនីតិសម្បទា។
បានបញ្ជាក់អោយដឹងថា៖ (ប.ជ.អ) មានបេសកកម្មគ្រប់គ្រង និងធានាការបើករបបសន្តិសុខសង្គម ជូនអតីតយុទ្ធជន នៃកងយោធពលខេមរភូមិន្ទ អតីតយុទ្ធជន ក្របខ័ណ្ឌនគរបាលជាតិ និងប្រជាពលរដ្ឋដែលបានចូលរួមប្រយុទ្ធឬបម្រើការងារដើម្បីប្រទេសជាតិមាតុភូមិ និងគ្រួសារអតីតយុទ្ធជន។ (ប.ជ.អ)ស្ថិតក្រោមអាណព្យាបាលបច្ចេកទេសរបស់ក្រសួងសង្គមកិច្ចអតីតយុទ្ធជននិងយុវនីតិសម្បទា និងក្រោមអាណាព្យាបាលហិរញ្ញវត្ថុរបស់ក្រសួងសេដ្ឋកិច្ចនិងហិរញ្ញវត្ថុ គ្របដណ្ដប់ដល់ថ្នាក់ក្រោមជាតិរាជធានីខេត្ត ក្រុង ស្រុកខ័ណ្ឌ។ បច្ចុប្បន្ននៅកម្ពុជាយើងមានអតីតយុទ្ធដែលកំពុងទទួលរបបសន្តិសុខសង្គម សរុបចំនួន៨៦៥១៧នាក់។
ឯកឧត្តមជាវ តាយ អភិបាលនៃគណៈ
អភិបាលខេត្ត ក៏បានលើកបញ្ជាក់អោយដឹងអំពីវឌ្ឍនភាពរីកចម្រើនលើគ្រប់វិស័យនៅក្នុងខេត្តកំពត។ ពិសេសក្នុងនោះវិស័យសង្គមកិច្ចត្រូវបានធានានិងមានការទទួលយកចិត្តទុដាក់ពីរាជរដ្ឋាភិបាលកម្ពុជាក្រោមការដឹកនាំរបស់សម្ដេចតេជោហ៊ុនសែន នាយករដ្ឋមន្ត្រី នៃព្រះរាជាណាចក្រកម្ពុជា។ពាក់ព័ន្ធនិងការងារ(ប.ជ.អ)ខេត្តកំពតបច្ចប្បន្នមានអតីតយុទ្ធជន និងគ្រួសារដែលកំពុងទទួលរបបសន្តិសុខសង្គមសរុបចំនួន៨២៨៣នាក់ផងដែរ។
មានប្រសាសន៍ បើកអង្គសន្និបាត ឯកឧត្តម វង សូតរដ្ឋមន្ត្រីក្រសួងសង្គម អតីតយុទ្ធជននិងយុវនីតិសម្បទា។ បានធ្វើការវាយតម្លៃខ្ពស់ចំពោះលទ្ធផលការងារ(ប.ជ.អ)ដែលកន្លងថ្នាក់ដឹកនាំនិងមន្ត្រីគ្រប់ជាន់ថ្នាក់នៃ(ប.ជ.អ) បានខិតខំយកចិត្តទុកដាក់ជំនះរាល់ការជួបលំបាកផ្សេងៗក្នុងការដោះស្រាយជូនបងប្អូនអតីតយុទ្ធយើងរហូតសម្រេចបានភាពរលូនជាបន្តបន្ទាប់ដល់បច្ចុប្បន្ននោះ និងនៅបានកំពុងខិតខំដាក់ទិសដៅអនុវត្តអោយបានកាន់តែប្រសើរឡើងថែមទៀត។
ឯកឧត្តមវង សូត ក៏បានលើកបញ្ជាក់អោយដឹងដែរថា រាជរដ្ឋាភិបាលកម្ពុជាក្រោមការដឹកនាំដ៏ឈ្លាសវៃ ប្រកបដោយគតិបណ្ឌិត របស់សម្ដេចតេជោហ៊ុន សែននាយករដ្ឋមន្ត្រីនៃព្រះរាជាណាចក្រកម្ពុជា។ បច្ចុប្បន្ន បាននឹងកំពុងខិតខំយកចិត្តទុកដាក់យ៉ាងខ្លាំង ក្នុងការកសាងជាតិមាតុភូមិ អោយមានការអភិវឌ្ឍន៍យ៉ាងខ្លាំក្លា មានសុខសន្តិភាពពេញផ្ទៃប្រទេស និងមានការរៀបចំធ្វើកំណែទម្រង់លើគ្រប់វិស័យ។
ពិសេសការយកចិត្តទុកដាក់ ក្នុងការដំឡើងប្រាក់បៀវត្យ ប្រាក់ឧបត្តម្ភជូនមន្ត្រីរាជការ កងកម្លាំងប្រដាប់អាវុធគ្រប់ប្រភេទជាបន្តបន្ទាប់។ ពិសេសទៀតនោះការបង្កើតបេឡាជាតិអតីតយុទ្ធជនគឺដើម្បីធានាបាននូវការបើកផ្ដល់ប្រាក់គោលនយោបាយនានាជាទៀងទាត់ជូនដល់អតីតយុទ្ធជនយើងផងដែរ។
ឯកឧត្តម រដ្ឋមន្ត្រី ក៏បានផ្ដាំផ្ញើ ដល់អង្គសន្និបាតទាំងមូលក្រោយពីទទួលបានទិសដៅផែនការជាក់លាក់ពីអង្គសន្និបាតនេះទៅ ត្រូវបន្តយកចិត្តទុកដាក់អនុវត្តតួនាទីភារកិច្ចរបស់ខ្លួននាឆ្នាំបន្តបន្ទាប់អោយបានកាន់តែទទួលលទ្ធផលល្អប្រសើរថែមទៀត។
