កំពង់ធំៈ សម្តេចតេជោ ហ៊ុន សែន ប្រធានសមាគមអតីតយុទ្ធជនកម្ពុជា បានយកចិត្តទុកដាក់បំផុត ចំពោះ អតីតយុទ្ធជន និងក្រុមគ្រួសារ ដែលបានចូលនិវត្តន៍ និងអតីតយុទ្ធជនពិការ ដោយមិនបណ្តោយឲ្យ គ្រួសារ អតីតយុទ្ធជនណាម្នាក់រងទុក្ខវេទនា ដោយមិនបានដឹងលឺពីអាជ្ញាធរនោះឡើយ ជាពិសេសគ្រួសារអតីតយុទ្ធជន ទីទ័ល់ក្ររជួបការលំបាក ។
ជាកស្តែងឯកឧត្តម ឧត្តមសេនីយ៍ត្រី សោម ស៊ុន ប្រធានសមាគមអតីតយុទ្ធជនកម្ពុជាខេត្តកំពង់ធំ ព្រមទាំងសហកាឬីបានអញ្ជើញចុះសំណេះសំណាលគ្រួសារអតីតយុទ្ធជន ដែលមានជីវភាពក្រីក្រ ក្នុងពិធីប្រគល់ផ្ទះ លើកទី៥៧ ជូនគ្រួសារលោកអតីតយុទ្ធជនឈ្មោះ .អ៊ុកសឿន ជាអតីតយោធិននៅអង្គភាព យោធាស្រុកសណ្តាន់ នឹងវរសេនាតូចេលខ ៥ នៃយោធាខេត្តកំពង់ធំ បច្ចុប្បន្នរស់នៅភូមិទឹកម្លាង ឃុំសណ្តាន់ ស្រុកសណ្តាន់ ខេត្តកំពង់ធំ ដែលជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រៃរាជាណាចក្រកម្ពុជា តាមរយះឯកឧត្តម នាយឧត្តមសេនីយ៍ គន់ គីម អគ្គលេខា ធិការសមាគមអតីតយុទ្ធជនកម្ពុជា នៅរសៀលថ្ងៃទី ៥ ខែ កុម្ភះ ឆ្នាំ ២០១៨។
ព្រឹន្ទបាលឯក អ៊ុក សឿន អាយុ ៨១ឆ្នំា បានចូលបម្រើក្នុងជួរកងទ័ពនៅឆ្នាំ ១៩៨៥ ហើយបានចូលនិវត្តន៍ក្នុងឆ្នាំ ២០០០ បច្ចុប្បន្នរស់នៅជាមួយភរិយាពិការ ដេកនៅនឹងកន្ទេល មិនអាចអង្គុយ ឬដើរបានឡើយ រួមជាមួយនិងចៅម្នាក់ ដែលរស់នៅជាមួយ និងបច្ចុប្បន្នពុំបានប្រកបមុខរបរអ្វីទេ ដោយសារតែមានវ័យចាស់ជារាចំពោះជីវភាពហូបចុកប្រចាំថ្ងៃអាស្រ័យដោយការជួយឧបត្ថម្ភពីកូនចៅ និងបងប្អូនជិតខាង ។
នៅក្នុងពិធីប្រគល់ផ្ទះ មានការចូលរួមពីសំណាក់លោក ឡង គីសឹង អភិបាលស្រុកប្រធានកិត្តិយសសមាគមអតីតយុទ្ឋជនស្រុក សណ្តាន់ និងប្រធានសមាគមស្រុក និងប្រជាពលរដ្ឋចូលរួមអបអរចំពោះគ្រួសារអតីតយុទ្ធជន បានទទួលផ្ទះទំហំ ៤មx៦ម សាងសង់អំពីឈើខ្ពស់ផុតពីដី ក្រាលក្តារ ជញ្ជាំងក្តារ និងដំបូល សង្ក័សី ដែលចំណាយថវិកាក្នុងការសាងសង់អស់ចំនួន ៥,៩៨០,០០០ រៀល ក្រុមការងារសមាគមអតីតយុទ្ធជនកម្ពុជាខេត្ត កំពង់ធំ និងស្រុកសណ្តាន់ បានឧបត្ថម្ភជូនគាត់បន្ថែមនូវ អង្ករ ៥០ គ.ក្រ ,មីចំនួន ០២ កេស ,ទឹកត្រីទឹកស៊ីអ៊ីវ ០២ យួរ ,មុងជ្រលក់ថ្នាំ ០២ និងថវិកាចំនួន ៤០០,០០០រៀល ។
លោកព្រឹន្ទបាលឯក អ៊ុក សឿន និងភរិយា សូមប្រសិទ្ធិពរជ័យជូនចំពោះសម្តេចតេជោ និងសម្តេចកិត្តិព្រឹទ្ធបណ្ឌិត ដែលបានបង្កើតឲ្យមានសមាគមអតីតយុទ្ធជន សម្រាប់ជួយដល់អតីតយុទ្ធជន ដែលមានជីវភាពទីទ័ល់ក្ររ ខ្វះខាតទីជម្រក់ស្នាក់ នៅបានជួយសាងសង់ផ្ទះឲ្យ ដោយមិននឹកស្មានដល់ថានិងមានថ្ងៃនេះ មិនតែប៉ុណ្ណោះសូមអគុណឯកឧត្តម សោម ស៊ុន ប្រធានសមាគមអតីតយុទ្ធជន ខេត្តកំពង់ធំ ដែលបានខ្នះខ្នែងជួយដល់អតីតយុទ្ធជន ដែលកំពុងតែរស់នៅក្នុងខេត្តកំពង់ធំ ធ្វើឲ្យមានជីវភាពរស់នៅធូរធារគ្រាន់បើជាងមុន និងសូមស្មោះត្រង់ជានិច្ចគាំទ្រ ឲ្យសម្តេចដឹកនាំប្រទេសគ្រប់អណ្ណត្តិ ។
ដោយ ប៊ុន រដ្ឋា
