ខេត្តរតនគិរី: បុរសជនជាតិទំពួនម្នាក់យកកាំបិតទៅកាប់ជនរងគ្រោះចំក្បាលបែកហូឈាមស្រោចពេញខ្លួនត្រូវបាននគរបាលឃាត់ខ្លួន កាលពីវេលាម៉ោង៧ និង៥ នាទីព្រឹក
ថ្ងៃអង្គារ៍ ១៣រោច ខែមាឃ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី១៣ ខែកុម្ភះ ឆ្នាំ២០១៨ ស្ថិតនៅភូមិកាចូនក្រោម ឃុំកាចូន ស្រុកវើនសៃ ។
មន្ត្រីនគរបាលស្រុកវើនសៃបានឲ្យដឹងថា ជនរងគ្រោះឈ្មោះ តែន មួន ភេទប្រុសអាយុ ៤០ឆ្នាំជនជាតិទំពួន បណ្តាលឲ្យបែកក្បាលហូរឈាមពេញខ្លួន ។ ចំណែកជនសង្ស័យឈ្មោះ អុំ បាប៊ី ភេទប្រុសអាយុ ២៧ឆ្នាំជនជាតិទំពួន ដូចគ្នា មានទីលំនៅភូមិឃុំកើតហេតុខាងលើ ដោយទៅកាប់ជនរងគ្រោះមិនដឹងមូលហេតុ ។
បច្ចុប្បន្ននគរបាលមូលដ្ឋានឃាត់ខ្លួនជនសង្ស័យនៅអធិការដ្ឋាននគរបាលស្រុកវើនសៃដើម្បីកសាងសំណុំរឿងបញ្ជូនទៅតុលាការចាត់ការតាមនិតិវិធីច្បាប់ ៕ យក្ខឡោម