ព្រះវិហារ ជនសង្ស័យម្នាក់ ត្រូវបានមន្ត្រីកងរាជអាវុធហត្ថស្រុកជាំក្សាន្ត ខេត្តព្រះវិហារ សហការណ៍ជាមួយកម្លាំងក២ កងពលធំអន្តរាគមន៍លេខ៣ ចុះធ្វេីការឃាត់ខ្លួន កាលពីវេលាម៉ោង៩.០០នាទីថ្ងៃទី២១ ខែកុម្ភះ ឆ្នាំ២០១៨ ពីបទលួចរក្សាទុក ចែកចាយសារធាតុញៀន ស្ថិតនៅចំណុចភូមិត្រពាំងសង្កែខាងលិច ឃំុកន្ទួត ស្រុកជាំក្សាន្ត ខេត្តព្រះវិហារ ដកហូតបានថ្នាំញៀនសរុបចំនួន៤១កញ្ចប់ (ក្នុងនោះធំ២៥កញ្ចប់) ស្មេីនិង ១០៨.៨៤ក្រាម។
លោកអនុសេនីយ៍ឯក ជុន បូរ៉ា មេបញ្ជាការរងទទួលបន្ទុកការងារព្រហ្មទណ្ឌ បានអោយដឹងថាដោយមានការចង្អុល បង្ហាញពីឯកឧត្តម ឧត្តមសេនីយ៍ត្រី កង សៅគុណ មេបញ្ជាការ កងរាជអាវុធហត្ថខេត្តព្រះវិហារផងនោះ កម្លាំងកងអាវុធហត្ថស្រុកជាំក្សាន្តចំនួន៩នាក់ ដឹកនាំកម្លាំងដោយលោកវរៈសេនីយ៍ត្រី ពេជ្រ សុភី មេបញ្ជាការ កងរាជអាវុធហត្ថស្រុកជាំក្សាន្ត ក្រោមកាសម្របសម្រួលពីលោក ទី សុវណ្ណថាល់ ព្រះរាជអជ្ញា សាលាដំបូងខេត្តព្រះវិហារ បានឆ្មក់ទៅបង្ក្រាបបានមុខសញ្ញាចែកចាយ នឹងរក្សាទុកសារធាតុញៀនបានចំនួន១នាក់ និងធ្វេីការឆែកឆេលំនៅដ្ឋាន ដកហូតបានថ្នាំញៀនប្រភេទម្សៅក្រាមសថ្លា(ម៉ាទឹកកក) ចំនួន៤១កញ្ចប់ ក្នុងនោះធំ២៥កញ្ចប់ រួមទាំងវត្ថុតាងមួយចំនួនរួមមាន÷លុយខ្មែរចំនួន១០០០០០០៛(មួយលានរៀល) ទូរសព្ទដៃ ១គ្រឿង ជញ្ជីងថ្លឹងគ្រឿងញៀន២ រថយន្តម៉ាកNAVARA ពាក់ស្លាកលេខ ភ្នំពេញ.២AQ.៩៣.៧៦ ១គ្រឿង រួមទាំងសម្ភារៈសម្រាប់ជក់និងវេចខ្ចប់មួយចំនួនទៀតផងដែរ។
លោកអនុសេនីយ៍ឯកបន្តថា ជនសង្ស័យដែលកម្លាំងឃាត់បានមានឈ្មោះ ម៉ាត់ បូរះ ភេទប្រុស អាយុ៣០ឆ្នាំ មុខរបរមិនពិតប្រាកដរស់នៅភូមិ ឃុំ កេីតហេតុខាងលេី។
លោកអនុសេនីយ៍ឯក ជុន បូរ៉ា បានបញ្ជាក់អោយដឹងផងដែរថា បច្ចុប្បន្នជនសង្ស័យ រួមនឹងវត្ថុតាងខាងលើ ត្រូវបានកម្លាំងជំនាញកងរាជអាវុធហត្ថស្រុក កំពុងរៀបចំក៍សាងសំុនុំរឿងបញ្ជូនទៅកាន់កងរាជអាវុធហត្ថខេត្តចាត់ការបន្តទៅតាមនិតិវិធីនៃច្បាប់៕ សួនលីណា