កំពង់ធំៈ តំបន់ប្រតិបត្តិការសឹករងកំពងង់ធំ បានអនុវត្តយ៉ាងម៉ឺងម៉ាត់ នូវផែនការរបស់ អគ្គបញ្ជាការដ្ឋាកងទ័ពជើងគោក និងបញ្ជាការដ្ឋានយោធភូមិភាគទី៤ ក្នុងភារកិច្ច ហ្វឹកហ្វឺនដល់ កងកម្លាំងជំនាញអន្តរាគមន៍ពិសេសរបស់បញ្ជាការដ្ឋានតំបន់ប្រតិបត្តិការសឹករងកំពង់ធំ ដែលកំពុងតែបន្តហ្វឹកហាត់ក្បាច់គុនរបស់សិក្ខាកាម នៃវរសេនាតូចលេខ១ ។
ដំណើររបស់ប្រតិភូយោធា ដឹកនាំការត្រួតពិនិត្យកម្លាំងអន្តរាគមន៍ពិសេស ដែលកំពុងតែយកចិត្តទុកដាក់ លើមុខវិជ្ជាក្បាច់គុន ត្រូវបានដឹកនាំដោយ ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ នៅព្រឹកថ្ងៃទី២៩ខែមិនា ឆ្នាំ២០១៨ ដើម្បីលើកទឹកចិត្ត និងពិនិត្យគុណភាពហ្វឹកហ្វឺនដល់កងកម្លំាងអន្តរាគមន៍ពិសេស របស់បញ្ជាការដ្ឋានតំបន់ប្រតិបត្តិការសឹករងកំពង់ធំ ស្ថិតនៅភូមិតាឡែកថ្មី ឃុំសាលាវិស័យ ស្រុកប្រសាទបល្ល័ង្ក ខេត្តកំពង់ធំ។
ឧត្តមសេនីយ៍ត្រី សោម ស៊ុន ក្រោយពីបានពិនិត្យ សកម្មភាពការហ្វឹកហាត់ ក្បាច់គុនរបស់ កងយោធពលខេមរៈភូមិន្ទ របស់សិក្ខាកាម នៃបញ្ជាការដ្ឋានវរសេនាតូចលេខ១ ដែលជាសកម្មភាពភាពហ្វឺនប្រចាំឆ្នាំ២០១៨ តាមផែនការ របស់អគ្គបញ្ជាការដ្ឋាន បញ្ជាការដ្ឋានកងទ័ពជើងគោក និងបញ្ជាការដ្ឋានយោធភូមិភាគទី៤ ក៏បានកោតសរសើរ ចំពោះគ្រូយោធាចារ្យ និងសិក្ខាកាមទាំងអស់ ដែលបានយកចិត្តទុកដាក់ បំពេញភារកិច្ច ក្នុងតួនាទីជាកងកម្លាំង ដែលជាឆ្អឹងខ្នងរបស់ជាតិ ទទួលបានលទ្ធផលល្អប្រសើរ និងសំណូមពរឲ្យខិតខំប្រឹង ប្រែងបន្តទៀត រួមទាំងថែរក្សាសុខភាព ចូលរួមគោរពច្បាប់ចរាចរណ៍ទាំងអស់គ្នា ក្នុងពិធីសំណេះសំណាលនេះ ថ្នាក់ដឹកនាំនៃបញ្ជាការដ្ឋានតំបន់ប្រតិបត្តិការសឹករងកំពង់ធំក៍បានឧបត្ថម្ភនូវភេសជ្ជៈមួយចំនួនជូនដល់សិក្ខាកាមដើម្បីពិសារក្រោយពេលសម្រាកផងដែរ។
ដោយ ប៊ុន រដ្ឋា