ខេត្តកំពត៖ រដ្ឋបាលខេត្តកំពត បានធ្វើពិធីផ្ដល់ប័ណ្ណនិងលិខិតសរសើរដល់រដ្ឋបាលឃុំ សង្កាត់ និងប៉ុស្ត៍នគរបាលរដ្ឋបាលឃុំសង្កាត់ទាំងចំនួន៩៣ ក្នុងការងារប្រឡងប្រណាំងការអនុវត្តគោលនយោបាយភូមិឃុំមានសុវត្ថិភាពឆ្នាំ២០១៧
កន្លងទៅក្រោមអធិបតីភាពឯកឧត្តម ជាវ តាយ អភិបាលនៃគណៈអភិបាលខេត្ត។
យោងតាមរបាយការណ៍របស់ក្រុមប្រឹក្សាប្រឡងប្រណាំងការអនុវត្តគោលនយោបាយភូមិ ឃុំមានសុវត្ថិភាពខេត្តដែលអានដោយ លោកឧត្តមសេនីយ៍ទោ ម៉ៅ ច័ន្ទមធុរិទ្ធស្នងការនគរបាលខេត្តបញ្ជាក់អោយដឹងថា៖លទ្ធផល ឃុំ សង្កាត់ទាំង៩៣ ដែលទទួលបានចំណាត់ថ្នាក់នៅទូទាំងខេត្តកំពតក្នុងឆ្នាំ ២០១៧កន្លងទៅនេះ។ គឺប្រភេទលេខ១
ទទួលបានប័ណ្ណសរសើរអមដោយប្រាក់១លានរៀល មានចំនួន៦៤ឃុំ សង្កាត់ ប្រភេទលេខ២ទទួលបានលិខិតសរសើរអមដោយប្រាក់៦៥ម៉ឺនរៀល មានចំនួន១៨ឃុំ សង្កាត់ និងប្រភេទលេខ៣ទទួលបានលិខិតសរសើរអមដោយប្រាក់ចំនួន៤៥ម៉ឺនរៀលមានចំនួន១១ឃុំសង្កាត់ ដែលសរុបថវិកាអស់ចំនួន៨០លាន៦៥ម៉ឺនរៀលដែលផ្ដល់ដោយក្រសួងមហាផ្ទៃ។
ឯកឧត្ដម ជាវ តាយ អភិបាលនៃគណៈអភិបាលខេត្ត បានកោតសរសើរចំពោះ ថ្នាក់ដឹកនាំ មន្ត្រីរាជការ កងកម្លំាងប្រដាប់អាវុធ សមត្ថកិច្ចជំនាញ អាជ្ញាធរគ្រប់លំដាប់ថ្នាក់ ដែលបានចូលរួម និងគាំទ្រយ៉ាងសកម្ម ក្នុងការអនុវត្តគោលនយោបាយភូមិឃុំមានសុវត្ថិភាព តាមតួនាទីនិងភារកិច្ចរៀងៗខ្លួន ប្រកប
ដោយស្មារតី ទទួលខុសត្រូវខ្ពស់ ដើម្បីបង្ការ និងទប់ស្កាត់រាល់បញ្ហាកើតមានឡើងក្នុងភូមិសាស្ត្រខេត្តកំពតកន្លងមក។
ឯកឧត្ដម ជាវ តាយក៏បាន លើកបញ្ជាក់ដែរថា៖ បើទោះបីកិច្ចខិតខំប្រឹងប្រែងរក្សាបាននូវសន្តិសុខ សណ្ដាប់ធ្នាប់ជូនប្រជាពលរដ្ឋក្នុងខេត្ត បានលទ្ធផលល្អប្រសើរដូចខាងលើនេះក៏ដោយ។បច្ចប្បន្ន ក៏នៅតែមានបញ្ហាប្រឈមដែលយើងទាំងអស់គ្នាត្រូវតែរួមគ្នាអនុវត្តបង្ក្រាបនិងទប់ស្កាត់បន្តថែមទៀត។ ពិសេសពាក់ព័ន្ធនឹងបទល្មើសគ្រឿងញៀនដែលបង្កអោយមានបញ្ហាប្រឈមជាច្រើនប៉ះពាល់ដល់បុគ្គលប្រើប្រាស់ផ្ទាល់ខ្លួន សង្គមគ្រួសារ សហគមន៍ រួមនឹងសន្តិសុខសណ្ដាប់ធ្នាប់សាធារណៈ និងការអភិវឌ្ឍន៍សង្គមផងដែរ។
ឯកឧត្ដម អភិបាលខេត្ត ក្នុងឱកាសនោះក៏បាដាក់ចេញនូវគោលការណ៍ និងសំណូមពរមួយចំនួនដល់គណៈបញ្ជាការឯកភាពរដ្ឋបាលក្រុង ស្រុក ត្រូវបន្តដាក់ចេញនូវផែនការ គោលការណ៍ វិធានការ កម្មវិធីការងារ និងជម្រុញការផ្សព្វផ្សាយ គោលនយោបាយ ភូមិឃុំមានសុវត្ថិភាព ដោយផ្សារភ្ជាប់ជាមួយការបំផុសចលនាប្រឡងប្រណាំងអោយបានទូលំទូលាយថែមទៀត ដើម្បីអោយប្រជាពលរដ្ឋ គ្រប់ស្រទាប់ និងគ្រប់មូលដ្ឋានបាន
យល់់ដឹងនិងចូលរួមអោយបានយ៉ាងផុលផុសក្នុងការការពារសុវត្ថិភាពនៅមូលដ្ឋានរៀងៗខ្លួនផងដែរ។
