ព្រះវិហារ: ស្ត្រីសង្ស័យម្នាក់ ត្រូវបានកម្លាំងកងរាជអាវុធហត្ថស្រុកជាំក្សាន្ត ធ្វេីការឃាត់ខ្លួន នៅវេលាម៉ោង១៣.០០នាទី ថ្ងៃទី១៨ ខែមេសា ឆ្នាំ២០១៨ ត្រង់ចំណុចភូមិចំបក់សែនជយ័
ឃុំស្រអែម ស្រុកជាំក្សាន្ត ហេីយកសាងសំុនុំរឿង បញ្ជូនបន្តទៅកងរាជអាវុធហត្ថ ខេត្តព្រះវិហារ ពីបទចែកចាយ និងរក្សាទុក្ខនូវសារធាតុញៀន។លោកអនុសេនីយ៍ឯក ជុន បូរ៉ា មេបញ្ជាការរង ទទួលបន្ទុកការងារព្រហ្មទណ្ឌ បានអោយដឹងថា ដោយមានការចង្អុល បង្ហាញពីឯកឧត្តម ឧត្តមសេនីយ៍ត្រី កង សៅគុណ មេបញ្ជាការ កងរាជអាវុធហត្ថខេត្តព្រះវិហារផងនោះ កម្លាំងកងអាវុធហត្ថស្រុក ដឹកនាំដោយលោកវរៈសេនីយ៍ត្រី ពេជ្រ សុភី មេបញ្ជាការ កងរាជអាវុធហត្ថស្រុកជាំក្សាន្ត សហការជាមួយកម្លាំងកងពលតូចលេខ០៨ ក្រោមការសម្របសម្រួលពីលោក ទី សុវណ្ណថាល់ ព្រះរាជអាជ្ញា សាលាដំបូងខេត្តព្រះវិហារ បានឆ្មក់ទៅបង្ក្រាបបានមុខសញ្ញាចែកចាយ នឹងរក្សាទុកសារធាតុញៀនបានចំនួន១នាក់ ថ្នាំញៀនចំនួន១កញ្ចប់។និងធ្វេីការឆែកឆេលំនៅដ្ឋាន ដកហូតបានថ្នាំញៀនប្រភេទម្សៅក្រាមសថ្លា(ម៉ាទឹកកក) ចំនួន៣កញ្ចប់បន្ថែម ដែលជនសង្ស័យខាងលើ បានយកទៅចាក់ចូលក្នុងបង្គន់ ធ្វើអោយរលាយនៅសល់តែបន្តិចៗ និងមួយចំនួនទៀតកប់ទុក្ខក្នុងលាមក។ លោកបានបញ្ជាក់បន្ថែមថា កម្លាំងបានធ្វេីការដក់យកវត្ថុតាងមួយចំនួនបន្ថែមទៀតរួមមាន÷ ទួរសព្ទ័ដៃ១គ្រឿង សៀវភៅកត់កន្ទុយលេខ១ក្បាល និងថង់វិចខ្ចប់គ្រឿងញៀនមួយចំនួនធំផងដែរ។សូមបញ្ជាក់ថា បច្ចប្បន្នជនសង្ស័យ រួមជាមួយនិងវត្ថុតាង ត្រូវបានកម្លាំងកងរាជអាវុធហត្ថស្រុកជាំក្សាន្ត បញ្ជូនបន្តទៅកងរាជអាវុធហត្ថខេត្តព្រះវិហារ ដើម្បីចាត់ការណ៍បន្ត ទៅតាមនិត្តិវិធីច្បាប់ នាល្ងាចថ្ងៃទី១៨ ខែមេសា ឆ្នាំ២០១៨ នេះផងដែរ៕សួនលីណា
