ខេត្តកំពង់ធំ ឯកឧត្ដម ឧត្តមសេនិយទោសោម ស៊ុន មេបញ្ជាការរងយោធភូមិភាគទី៤មេបញ្ជាការតំបន់ប្រតិបត្តិការសឹករងកំពង់ធំ ប្រធានសមាគមអតីយុទ្ឋជនកម្ពុជាខេត្ត បានមានប្រសាសន៍ថា បើគ្មានការលះបង់ប្រកបដោយវីរៈភាពរបស់អតីតយុទ្ធជនយើងទេនោះ យើងក៍មិនអាចរស់នៅដោយសុខសាន្តបានឡើយ ហើយបើគ្មាននយោបាយឈ្នះ ឈ្នះ របស់សម្ដេចតេជោហ៊ុន សែន ដែលបានស្រង់កម្ពុជាឲ្យរួចផុតពីភ្លើងសង្គ្រាមទេនោះ យើងក៍មិនទទួលបានសន្តិភាពពេញលេញ និងការអភិវឌ្ឍន៍ដូចសព្វថ្ងៃនេះដែរ នេះជាសច្ចៈធម៍ប្រវត្តិសាស្ត្រដែលមិនអាចប្រកែកបានឡើយ ។
ក្រោមការយកចិត្តទុកដាក់ របស់ប្រធានសមាគមអតីតយុទ្ធជនខេត្តកំពង់ធំ បានដឹកនាំសហការីចុះសួរសុខទុក្ខគ្រួសារអតីតយុទ្ធជន នៅព្រឹកថ្ងៃទី២៤ខែមេសាឆ្នាំ២០១៨ នៅភូមិស្រោមដែក ឃុំ បន្ទាយស្ទោង ស្រុកស្ទោង ខេត្តកំពង់ធំ ដើម្បីស្តាប់បញ្ហានានានៅក្នុងមូលដ្ឋាន និងទទួលយកនូវសំណូមពរ របស់អតីតយុទ្ធជន ដែលមានបំណងចង់ពិភាគក្សា ។
លោកទី ឡូន អាយុ៥១ឆ្នំា អតីតនៅអង្គភាពវរសេនាធំលេខ៨៩ កងពលលេខ៥ចាស់ បានត្រូវរបួសពិការនៅថ្ងៃទី១០ខែកុម្ភៈ ឆ្នាំ១៩៨៥ នៅសមរភូមិព្រះប្រឡាយ ខេត្តព្រះវិហារ បានពិការដៃឆ្វេង ហើយក៍មានរបួសពេញខ្លួន ត្រង់ភ្លៅ ត្រគាក និងប្រដាប់ភេទផងដែរ សព្វថ្ងៃគាត់គ្មានកូននឹងគេទេ រស់នៅតែពីរនាក់ភរិយា ដោយប្រកបរបរធ្វើកម្មករកាប់អំពៅតាមចំការឲ្យគេ គាត់បានទទួលប្រាក់បៀវត្សប្រចាំខែពីរាជរដ្ឋាភិបាលផ្តល់ជូនក្នុងមួយខែចំនួន៤៦ម៉ឹបរៀល ផងដែរ ក្នុងពិធីសំណេះសំណាលនេះក្រុមការងារសមាគមអតីតយុទ្ធជនកម្ពុជាខេត្តកំពង់ធំ បានផ្ដល់ជូនគាត់នូវអង្ករចំនួន ៥០ គីឡូក្រាម មីយើងចំនួន២កេស ទឹកត្រីទឹកស៊ីអ៊ីវ ចំនួន២យួរ និងថវិកាចំនួន ១០០,០០០ រៀល ។
នៅរសៀលថ្ងៃដដែល ឧត្តមសេនីយ៍ទោ សោម ស៊ុន ប្រធានសមាគមអតីតយុទ្ធជនកម្ពុជាខេត្ត បានបន្តដឹកនាំសាការីចុះសាកសួរសុខទុក្ខគ្រួសារតីតយុទ្ធជនពលី មួយគ្រួសារទៀត ដែលរស់នៅភូមិព្រះនង្គ័ល ឃុំចំណាក្រោម ស្រុកស្ទោង ខេត្តកំពង់ធំ ដែលមានអ្នកមីង អេង ផាន អាយុ ៦០ ឆ្នាំ ជាគ្រួសារអតីតយុទ្ធជនពលីឈ្មោះ ហួត រ៉ែន អតីតយោធាស្រុកស្ទោង នៃយោធាខេត្តកំពង់ធំ ។
លោក ហួត រ៉ែន បានពលីនៅសមរភូមិឈូកជីព្រះស្រុកស្ទោងខេត្តកំពង់ធំ ក្នុងឆ្នាំ១៩៩៤ បច្ចុប្បន្នបន្សល់ទុកភរិយា និងកូនចំនួន ០២ នាក់ ( មានគ្រួសារអស់ហើយ ) អ្នកមីង អេង ផាន មានជម្ងឺរបេងសួត មិនអាចប្រកបមុខរបរអ្វីបានឡើយ រស់នៅសព្វថ្ងៃសង្ឃឹមលើកូនទាំង ០២ ចញ្ចឹម នៅក្នុងឱកាសនោះដែរ ក្រុមការងារសមាគមអតីតយុទ្ធជនកម្ពុជា ខេត្ត បានឧបត្ថម្ភជូនគាត់នូវ អង្ករ ៥០ គ.ក្រ ,មីយើង ០២ កេស ,ទឹកត្រីទឹកស៊ីអ៉ីវ ០២ យួរ និងថវិកា ១០០,០០០ រៀល ។ ដោយ ប៊ុន រដ្ឋា
