កំពង់ធំ៖ ស្ទាវមួយក្រុមមានចំនួន៥នាក់ បានមកជួបជុំបើកវង់ផឹកស៊ី បន្ទាប់ពីផឹកស៊ីសប្បាយអឺងកង ក្រុមយុទ្ធជនឈាមរាវទាំងនេះ បានជាតិសុរាចូលពោះ កើតការឌឺដងដាក់គ្នា ដោយទំនាស់ពាក្យសំដីបន្តិច បន្តួចឈានដល់វាយគ្នា ទីបំផុតអ្នករបួសចូលពេទ្យ អ្នកឈ្នះជាប់ខ្នោះ។
តាមប្រភពព័ត៌មាន ពីសមត្ថកិច្ច នៃអធិការស្រុកស្ទោង បានឲ្យដឹងថា ករណីផ្ទុះអំពើហិង្សាដោយចេតនាវាយគ្នាទៅវិញទៅមក រវាងក្រុមមិត្តផឹកស៊ីរួមគ្នា បានកើតឡើងនៅ ថ្ងៃទី 23 ខែមេសា ឆ្នាំ 2018 វេលាម៉ោង ១០យប់នៅចំណុចតំបន់កក់ស្ថិតក្នុងភូមិសាស្រ្តភូមិនាងសរ ឃុំប្រឡាយ ស្រុកស្ទោង ខេត្តកំពង់ធំ ដែលបានបង្ករដោយមនុស្សចំនួន០៥នាក់ ដែលត្រូវបានគេដឹងថា ទី១ ឈ្មោះ យ៉យ ហេង ភេទ ប្រុស អាយុ ៣១ ឆ្នាំ ក្រោយពីកើតហេតុបានរត់គេចខ្លួន ទី២ឈ្មោះ ផាង បុប្ផា ភេទ ប្រុស អាយុ ២៥ ឆ្នាំ បានរត់គេចខ្លួនទី៣ ឈ្មោះ ឈន ណៃ ភេទ ប្រុស អាយុ ២០ ឆ្នាំបានរត់គេចខ្លួន បន្ទាប់ពីបានព្រួតគ្នាវាយទៅលើជនរងគ្រោះ ។
តាមការឲ្យដឹងថា ពីអ្នកបានឃើញហេតុការ បានឲ្យដឹងថា នៅម៉ោង៥ល្ងាច ក្រុមទាំង៥នាក់ បានផឹកស៊ី ដល់ម៉ោង៧យប់ ទើបអស់ស្រា ឈ្មោះចាន់ ម៉ៅ ឌុបឈ្មោះហេង ទៅទិញស្រាក្នុងភូមិ ក្រោយមកឈ្មោះហេង បានធ្លាក់ពីលើម៉ូតូ លុះទិញស្រាបានមួយកេសនិងមាន់មួយក្បាលក៏បាននាំគ្នាត្រឡប់ទៅកន្លែងទីតាំងផឹកស៊ីវិញ ក្រោយមក ឈ្មោះ ចាន់ម៉ៅខឹងនិងឈ្មោះហ៊ី ចិត្តឌុបអោយធ្លាក់ ក៏បានប្រតាយប្រតប់គ្នារំពេច។
ចំណែកអ្នកទី៤ ឈ្មោះ ហ៊ីង ចិត្ត ភេទ ប្រុស អាយុ ២០ ឆ្នាំ របួសឆូតលើករខាងឆ្វេងប្រវែង03cmមួយកន្លែង ត្រូវបានសមត្ថកិច្ចឃាត់ខ្លួន និងទី៥ ចាន់ ម៉ៅ ភេទ ប្រុស អាយុ ៣៦ ឆ្នាំ របួលក្រោមភ្នែកខាងស្ដាំប្រវែង ០១ cm មួយកន្លែង អ្នកទាំង ០៥ នាក់ មានទីលំនៅភូមិនាងសរល្ងាច ឃុំ ប្រឡាយ ស្រុកស្ទោង ខេត្តកំពង់ធំ សមត្ថកិច្ចនៃអធិការស្រុកស្ទោង បានធ្វើការឃាត់ខ្លួន ដើម្បីសួរនាំ។
ដោយ ប៊ុន រដ្ឋា
