កំពង់ធំៈ បន្ទាប់ពីបានសិក្សា និងត្រិះរិះពិចារណា តាមរយះការសន្យា និងទង្វើដែលបានធ្វើមកលើប្រជាពលរដ្ឋ ទើបភ្ញាក់ខ្លួនថា កន្លងមកនេះគឺជាការចាញ់បោក ពាក្យឃោសនាបោកប្រាស់របស់គណបក្សប្រឆាំង ទើបអតីតយុទ្ធជន ដែលមានគុណបំណាច់លើប្រទេសជាតិ បានទទួលស្គាល់ថា គ្មានអ្នកណាល្អជាងគណបក្សប្រជាជនកម្ពុជាទេ និងបន្តគាំទ្រសម្តេចតេជោ ហ៊ុន សែន ជានាយករដ្ឋមន្រ្តី។
អតីតយុទ្ធជន អតីតជាអនុសេនីយ៍ឯក ស រ៉ា មានអាយុ ៥៩ឆ្នាំ បានឲ្យដឹងថា លោកចង់បំរើប្រទេសជាតិ បំរើប្រជាជនពិតៗ ដែលជាឳកាសរបស់ ក្រុមឃោសនាបោកប្រាស់ បានសន្យាថានិងផ្តល់មុខតំណែងក្នុងក្រុមប្រឹក្សាសង្កាត់ តែការពិតគឺជាល្បិចប្រើប្រាស់ដើម្បីផលប្រយោជន៍របស់ពួកគេទាំងអស់ ហើយលោកបានសន្យាថា និងគាំទ្ររាជរដ្ឋាភិបាល ដែលមានសម្តេចតេជោ សែន ជាប្រធានគណបក្សប្រជាជនកម្ពុជា ដើម្បីឲ្យប្រទេសមានសន្តិភាព និងការអភិវឌ្ឍន៍ បន្តទៀត។
ឯកឧត្តម ឧត្តមសេនីយ៍ទោ សោម ស៊ុន មេបញ្ជាការងយោធភូមិភាគទី៤ ប្រធានសមាគមអតីតយុទ្ធជន កម្ពុជាខេត្តកំពង់ធំ អមដំណើរដោយលោក វរសេនីយ៍ឯក ញ៉ែម ឈុនលីអធិការនគរបាលក្រុងស្ទឹងសែន ប្រធានសមាគមអតីតយុទ្ធជនក្រុងស្ទឹងសែនព្រមទាំងអាជ្ញាធរដែនដី ក្រោយពីយល់ឃើញនូវការទទួលនូវកំហុសឆ្គង ដែលបានចាញ់បោកក្រុមអគ្គតិរួចមក ក៏បានចុះមកសួរសុខទុក្ខលោក ស រ៉ា បច្ចុប្បន្នរស់នៅភូមិរការ សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ
នៅព្រឹក ថ្ងៃទី២៣ខែឧសភា ឆ្នាំ២០១៨។លោកអនុសេនីយ៍ឯក ស រ៉ា ចូលបម្រើក្នុងជួរកងទ័ពនៅថ្ងៃទី១០ខែធ្នូ ឆ្នាំ១៩៧៩ នៅអង្គភាពយោធាស្រុកសន្ទុកខេត្តកំពង់ធំ ក្រោយមកបានផ្លាស់ប្ដូរទៅនៅអង្ភភាពកងពលលេខ១២ មានឋានន្តរសក្ដិអនុសេនយ៍ឯកជំនាញឯកទេសផ្នែកហ្វឹកហ្វឺនរបស់កងពល ហើយបានត្រូវរបួសពិការនៅសមរភូមិទំនប់ដាច់ ស្រុកត្រពាំងប្រាសាទ នៅថ្ងៃទី៣០ ខែតុលា ឆ្នាំ១៩៩០បច្ចុប្បន្នបានទទួលប្រាក់បៀវត្សប្រចាំខែពីរាជរដ្ឋាភិបាលផ្តល់ជូនចំនួន៧៧០,០០០ រៀល មានភរិយាឈ្មោះឈួន ហ៊ាន អាយុ៥២ឆ្នាំ មានកូន៩ នាក់គិតទាំងកូនប្រសាផងមានឈ្មោះបោះឆ្នោតចំនួន ១២ នាក់ ។
លោកអនុសេនីយ៍ឯក ស រ៉ា បានបញ្ជាក់ថា ក្រោយពីបានដឹង ច្បាស់ពីល្បិចកលរបស់មេដឹកនាំប្រឆាំងដែលបានធ្វើបដិវត្តន៍ពណ៌ផ្តួលរំលំរាជរដ្ឋភិបាលស្របច្បាប់ ក្នុងនាមលោកជាអតីតយុទ្ធជន និងក្រុមគ្រួសារសូមប្តេជ្ញាចិត្តគាំទ្រសម្តេចតេជោ ហ៊ុន សែន ជានាយករដ្ឋមន្រ្តីនៃព្រះរាជណាចក្រកម្ពុជា ដើម្បីដឹកនាំនាវាសន្តិភាពបន្តទៀត ក្នុងឱកាសនេះក្រុមការងារសមាគមអតីតយុទ្ធជនយើងបានឧបត្ថម្ភជូនគាត់នូវអង្ករចំនួន ៥០គីឡូក្រាម មីយើងចំនួន២កេស ទឹកត្រីទឹកស៊ីអ៊ីវចំនួន២យួរ មុងជ្រលក់ថ្នាំចំនួន១ និងថវិកាចំនួន ១០០,០០០ រៀល ។ ដោយ ប៊ុន រដ្ឋា