ខេត្តកំពង់ធំៈ សាច់ញាតិ និងក្រុមគ្រួសារយោធិន រួមទាំងប្រជាពលរដ្ឋត្រូវមានកាតព្វកិច្ច ជាម្ចាស់សំលេងឆ្នោត ហើយប្រើសិទ្ធិដែលមាន ទៅចូលរួមបោះឆ្នោត នៅថ្ងៃទី ២៩ ខែកក្កដា ឆ្នាំ ២០១៨ខាងមុខនេះ និងបោះឆ្នោតគាំទ្រគណបក្សនយោបាយណាដែលដឹកនាំប្រទេសធ្វើឲ្យមានសន្តិភាព និងការអភិវឌ្ឍន៍ ប្រសាសន៍នេះ ត្រូវបានឯកឧត្តម មេបញ្ជាការតំបន់ប្រតិបត្តិការសឹករងកំពង់ធំ លើកឡើងនៅក្នុងពិធីប្រជុំប្រគល់ភារកិច្ចនិងផ្សព្វផ្សាយក្រមសីលធម៌កងយោធពលខេមរភូមិន្ទក្នុងដំណើរការបោះឆ្នោត។
កិច្ចប្រជុំនេះបាន ត្រូវបានប្រគល់ភារកិច្ច សំខាន់ៗ ដល់កងកម្លាំង ដើម្បីត្រៀម សហការការពារសន្តិសុខ សុវត្ថិភាព ជូនគណបក្សនយោបាយទាំងអស់ និងប្រជាពលរដ្ឋ ក្នុង(យុទ្ធនាការឃោសនាបោះឆ្នោត និងដំណើរការបោះឆ្នោត ជ្រើសរើសតំណាងរាស្ត្រនីតិកាលទី៦ ខាងមុខនេះ ក្នុងនោះក៏បានផ្សព្វផ្សាយស្តីពីក្រមសីលធម៌សម្រាប់ កងយោធពលខេមរភូមិន្ទក្នុងដំណើរការបោះឆ្នោត ដែលពិធីនេះបានចាត់ធ្វើឡើងនៅ សាលប្រជុំនៅបញ្ជាការរដ្ឋានតំបន់ប្រតិបត្តិការសឹករងកំពង់ធំ នៅព្រឹកថ្ងៃទី២៤ ខែឧសភា ឆ្នាំ២០១៨ ។
ឯកឧត្តម ឧត្តមសេនីយ៍ទោ សោម ស៊ុន មេបញ្ជាការងយោធភូមិភាគទី៤ មេបញ្ជាការតំបន់ប្រតិបត្តិការសឹករងកំពង់ធំ បានសង្កត់ធ្ងន់លើក្រមសីលធម៌ ចំពោះកងយោធពលខេមរភូមិន្ទ ដែលត្រូវប្រតិបត្តិឲ្យនៅក្នុងក្រមខណ្ទច្បាប់ ដោយមិនត្រូវបង្ហាញអត្តសញ្ញាណជាកងកម្លាំងចូលទៅក្នុងបរិវេណបោះឆ្នោះនទេ ទាំងពេលយុទ្ធនាការឃោសនាបោះឆ្នោត ទាំងពេលបោះឆ្នោត និងត្រូវតែអនុវត្តឲ្យបាននូវច្បាប់បោះឆ្នោត ។
ឆ្លៀតឳកាសនៃកិច្ចប្រជុំ ឯកឧត្តម ឧត្តមសេនីយ៍ទោ សោម ស៊ុន បានប្រគលភារកិច្ចជូនថ្នាក់ដឹកនាំ រៀបចំប្រារព្វពិធីមាតុភូមិនិវត្តន៍អដ្ឋិធាតុកងទ័ពស្ម័គ្រចិត្តវៀតណាមដែលបាន ជីកគាស់យកបានពីទឹកដីក្នុងភូមិ សាស្រ្តខេត្តកំពង់ធំ ដើម្បីធ្វើមាតុភូមិនិវត្តន៍ទៅកាន់ប្រទេសវៀតណាមវិញ ដែលនិងប្រារព្វធ្វើនៅថ្ងៃទី២៩ ខែឧសភា ឆ្នាំ២០១៨ ខាងមុខនេះ ។
ដោយ ប៊ុន រដ្ឋា
