បន្ទាយមានជ័យ: មានឃាតកម្មមួយកើតឡើងភូមិជំទាវឃុំឬស្សូក្រោក ស្រុកមង្គលបុរី (កណ្តាលទីរួមស្រុក) ខេត្តបន្ទាយមានជ័យ ។
លោកវរសេនីយ៍ សិុន ណារ៉ាក់ អធិការនគរបាលស្រុកមង្គលបូរីអោយដឹងថ្ងៃទី ២៥ឧសភាថា: បទល្មើសព្រហ្មទណ្ឌអាចកើតឡើងនៅយប់ថ្ងៃទី២៤ឧសភា តែគេទើបប្រទះឃើញសពនៅព្រឹក ថ្ងៃទី២៥ឧសភា ២០១៨ ។
យោងការពិនិត្យ ធ្វើកោសល្យវិច្ច័យឃើញថា នេះជាឃាតកម្ម។ជនរងគ្រោះត្រូវគេវាយទម្លាក់ទឹកស្រះ ។
នាយការិយាល័យកណ្តាលព្រហ្មទណ្ឌនៃស្នងការដ្ឋាននគរបាលខេត្តបន្ទាយមានជ័យអោយដឹងថា: ជនរងគ្រោះឈ្មោះ សុខ កង ភេទប្រុស អាយុ ៥៦ឆ្នាំ រស់នៅភូមិខាងលើ ។ត្រូវជនមិនស្គាល់មុខ បានវាយសំលាប់ទម្លាកទឹកស្រះ ។កំលាំងជំនាញ បាននិងកំពុងបន្តស្រាវជ្រាវករណីឃាតកម្មនេះហើយ៕ដោយ៖ឃិន គន្ធា
