កំពង់ធំៈ បន្ទាប់ពី ឯកឧត្តម ឧត្តមសេនីយ៍ឯក ហ៊ុន ម៉ាណែត នាយរងសេនាធិការចម្រុះនៃកងយោធពលខេមរភូមិន្ទ មេបញ្ជាការរង កងទ័ពជើងគោក មេបញ្ជាការបញ្ជាការដ្ឋានកងកម្លាំងពិសេស ប្រឆាំងភេរវកម្ម និងជាអគ្គលេខាធិការរងសមាគមអតីតយុទ្ធជន បានអញ្ជើញចុះមកសួរសុខទុក្ខដល់យោធិន ដែលកំពុងសម្រាក ព្យាបាលជំងឺនៅក្នុងគិលានដ្ឋាន នៃបញ្ជាការដ្ឋានតំបន់ប្រតិបត្តិការសឹករងកំពង់ធំកាលពីថ្មីកន្លងមកនេះ ឯកឧត្តម ឧត្តមសេនីយ៍ឯក ហ៊ុន ម៉ាណែត បានផ្តល់គ្រែអីឡិចទ្រូនិច និងឧបករណ៍ សម្រាប់ព្យាបាលជំម្ងឺ ដល់យោធិន និងអតីតយុទ្ធជន ។
ជាក់ស្តែងនៅព្រឹកថ្ងៃទី ២៥ ខែឧសភា ឆ្នាំ ២០១៨ លោក ហោ អូន តំណាងឯកឧត្តម ឧត្តមសេនីយ៍ឯក ហ៊ុន ម៉ាណែត រួមទាំងក្រុមការងារសមាគមគ្រូពេទ្យស្ម័គ្រចិត្តសម្តេចតេជោ របស់កាកបាទក្រហមកម្ពុជា បាននាំយកគ្រែបច្ចេកទេសពេទ្យចំនួន ០៧ គ្រឿង , ឈើច្រត់ជនពិការ ចំនួន០៥ គូរ និងសម្ភារៈឧបករណ៍ពេទ្យមួយចំនួនទៀត ដែលអំណោយដ៏ថ្លៃថ្លា របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា តាមរយះឯកឧត្តម ឧត្តមសេនីយ៍ឯក ហ៊ុន ម៉ាណែត បានមកប្រគល់ជូន គិលានដ្ឋាន នៃបញ្ជាការដ្ឋានតំបន់ប្រតិបត្តិការសឹករងកំពង់ធំ ដើម្បីបំរើផលប្រយោជន៍ដល់ កងកម្លាំងកងយោធពលខេមរភូមិន្ទ និង អតីតយុទ្ធជនកម្ពុជា ដែលបានមកសម្រាក់ព្យាបាលជំងឺនៅក្នុងគិលានដ្ឋាន ។
ឯកឧត្តម ឧត្តមសេនីយ៍ទោ សោម ស៊ុន មេបញ្ជាការងយោធភូមិភាគទី៤ មេបញ្ជាការតំបន់ប្រតិបត្តិការសឹករងកំពង់ធំ បានមានប្រសាសន៍ថា នៅក្នុងគិលានដ្ឋាន គឺសម្រាប់ជួយព្យាបាលបម្រើដល់យោធិន ក្នុងអង្គភាព ដល់បងប្អូនអតីតយុទ្ធជន និងប្រជាជន ដែលមានបញ្ហាខាងសុខភាព ដោយមិនគិតប្រាក់ រួមទាំង បានផ្តល់ជូននូវអាហារដល់អ្នកជំងឺ សម្រាប់អ្នកជំងឺដែលមានសភាពធ្ងន់ធ្ងរ និងត្រូវបញ្ជូនទៅកាន់មន្ទីរពេទ្យ បង្អែកខេត្តកំពង់ធំ និងអាចបន្តទៅមន្ទីរពេទ្យនៅភ្នំពេញទៀត។
ឧត្តមសេនីយ៍ទោ សោម ស៊ុន បានគោរពជូនពរ និងថ្លែងអំណរគុណ ដ៏ជ្រាលជ្រៅបំផុតចំពោះសម្តេចអគ្គមហាសេនាបតីតេជោ ហ៊ុន សែន ឯកឧត្តម ឧត្តមសេនីយ៍ឯក ហ៊ុន ម៉ាណែត ដែលបានផ្តល់នូវឧបករណ៍ ពេទ្យ គ្រែពេទ្យ និងសម្ភារព្យាបាល ដល់តំបន់ប្រតិបត្តិការសឹករងកំពង់ធំ ដើម្បីជួយព្យាបាលជូនយោធិន ក៏ដូចជាប្រជាពលរដ្ឋ និងអតីតយុទ្ធជនដែលមានជំងឺ ខ្ញុំនិងប្តេជ្ញាចិត្តព្យាបាលជូនបងប្អូន និងយោធិន ដោយ មិនគិតប្រាក់ហើយនិងអាហារជូន និងសូមជូនពរសម្តេចជួបប្រទះតែពុទ្ធពរទាំង៥ ប្រការ អាយុវណ្ណៈសុខៈពលះកំបីឃ្លាំងឃ្លាតឡើយ។
លោក ហោ អូន តំណាងសមាគមគ្រូពេទ្យស្ម័គ្រចិត្ត យុទ្ធជនសម្តេចតេជោ ( ហៅកាត់ ស៊ីដា ) បានមានប្រសាសន៍ ជាកិត្តិយស់ណាស់ ដែលបាននាំយកសម្ភារៈពេទ្យ មកប្រគល់ជូនដល់គិលានដ្ឋាន តំបន់ប្រតិបត្តិ ការសឹករងកំពង់ធំ ដើម្បីជាការជំនួយដល់ផ្នែកបច្ចេកទេស ក្នុងការព្យាបាលដល់យោធិន និងពលរដ្ឋយើង ដែលមានជីវភាពខ្វះខាត និងសូមអគុណចំពោះទឹកចិត្តដ៏ថ្លៃថ្លារបស់លោក មេបញ្ជាការដែលបានខិតខំ ប្រឹងប្រែងទាំងកំលាំងចិត្តកំលាំងកាយ ដល់អង្គភាព និងដើម្បីសេចក្តីសុខរបស់ពលរដ្ឋ ។
ដោយ ប៊ុន រដ្ឋា