តាកែវ៖ កំលាំងការិយាល័យជំនាញបទល្មើសគ្រឿងញៀនដឹកនាំដោយលោកវរះសេនីយ៏ឯក ង៉ែត ចាន់ធី មេបញ្ជាការរង ទទួលផែនយុត្តិធម៏ សម្របសម្រួលនិតិវិធីដោយលោកជីវចាន់តារា ព្រះរាជអាជ្ញា អមសាលាតំបូងខេត្ត បានចុះបង្ក្រាបមុខសញ្ញាជួញដូរគ្រឿងញៀនដោយខុសច្បាប់នៅចំនុចលើផ្លូវជាតិលេខ២ស្ថិតក្នុងភូមិសាស្រ្ត ភូមិស្មៅខ្ញី ឃុំ ត្រពាំងសាប. ស្រុកបាទីខេត្តតាកែវ ឃាត់ខ្លួន :ជនសង្ស័យបានចំនួន ០១. នាក់ កាលថ្ងៃ១៨ មិថុនា២០១៨ វេលាម៉ោង១៦និង១០នាទី
លោក វរៈសេនីយ៍ត្រី ឈុន សមេធា បានប្រាប់អោយដឹងថាជនសង្ស័យមានឈ្មោះ លី គឹមហុង ភេទប្រុស. អាយុ ៣៤ ឆ្នាំ មុខរបរ: រត់តុកតុក បច្ចុប្បន្នរស់នៅបណ្តោះអាសន្ន ភ្នំពេញ មានស្រុកកំនើតនៅ ភូមិព្រៃល្វា ឃុំ ព្រៃល្វា ស្រុកព្រៃកប្បាស ខេត្តតាកែវ. វត្ថុតាង ដកហូត បានម៉្សៅក្រាមសថ្លា បានចំនួន01 កញ្ចប់ធំទំងន់ ១៩,៩៧ក្រាម ទូរសព្ទ័២ គ្រឿង 
-ក្រោយពីការបង្ក្រាបបានភ្លាមសមត្ថកិច្ចយើងបានបន្តទៅចាប់មេក្លោងរបស់ជនសង្ស័យដែលជិះរថយន្តមាក – (ព្រូស )ពណ៏គ្រាប់អំពិល បិតតំបូលពណ៏ស ស្លាកលេខ២AT ៣៨០៦ ភ្នំពេញ តែមកដល់ចំនុចនោះ ជនសង្ស័យ ពុំបានឈប់ ហើយបានបើកបុក បារ៉ាស របស់សមត្ថកិច្ច.រហូត រត់មកដល់ក្មុងភូមិសាស្រ្ត ស្រុកសំរោង ហើយទុករថយន្ត ចោលនៅក្នុងវត្ត អង្គចង្អរ រួចរត់គេចខ្លួនបាត់។
បច្ចុប្បន្ន ជនសង្ស័យ និងវត្ថុតាងខាងលើ ត្រូវ បាន យកមករក្សាទុកនៅការិយាល័យបទល្មើសគ្រឿងញៀនកងរាជអាវុធហត្ថខេត្ត ដើម្បីចាត់ការតាមនិតិវិធីច្បាប់ ។
