ព្រះរាជអាជ្ញាខេត្តកំពង់ធំបញ្ជាឲ្យសមត្ថកិច្ចកងរាជអាវុធហត្ថឃាត់រថយន្តសំាយ៉ុងសង្ស័យដឹកជញ្ជូនសត្វព្រៃ

0
SHARE

ខេត្តកំពង់ធំ៖ រថយន្តសាំយ៉ុងមួយគ្រឿង សង្ស័យបានកំពុងតែធ្វើសកម្មភាព ដឹកជញ្ជូនបទល្មើស​ដែលត្រូវ​បាន​ហាមឃាត់ ត្រូវបានលោក អ៊ិត សុធា ព្រះរាជអាជ្ញាអមសាលាដំបូង ខេត្តកំពង់ធំ បញ្ជាឲ្យកងកម្លាំង កងរាជអាវុធហត្ថស្រុកសន្ទុក សហការជាមួយផ្នែករដ្ឋបាលព្រៃឈើកំពង់ថ្ម ឃាត់រថយន្តដើម្បីត្រូតពិនិត្យ ទើបប្រទះឃើញមានសត្វព្រៃ ដែលដឹកជញ្ជូនដោយគ្មានច្បាប់អនុញ្ញាតិ។

សកម្មភាពចុះប្រតិបត្តិការបង្រ្កាបរថយន្តដឹកសត្វព្រៃ បានធ្វើឡើងនៅវេលាម៉ោង ១២.៣០នាទី ថ្ងៃទី១០ ខែកក្តដា ឆ្នាំ ២០១៨ បង្រ្កាបបាននៅចំនុច ភូមិកំពង់ថ្ម ឃុំបល្ល័ង្គ ស្រុកបារាយណ៍ ខេត្តកំពង់ធំ ក្នុងនោះ​សមត្ថកិច្ច ឃាត់បានរថយន្តម៉ាកសាំយ៉ុង ពណ៌ ស ពាក់ស្លាកលេខ ភ្នំពេញ 2N- 4820  រួមទាំអម្ចាស់រថយន្ត ឈ្មោះ តេង តៃ មានទីលំនៅភូមិអំពិលលើ ឃុំអំពិល ស្រុកកំពង់សៀម ខេត្តកំពង់ចាម ។

សមត្ថកិច្ចបានរឹបអូសបាន សត្វព្រៃមានសត្វ សព្រោជព្រៃ ចំនួន៩ ក្បាល ស្មើរនឹង២៣ គ.ក ២ បេ  សត្វតុកែ មួយបេ ស្មើរនឹង ៥គ.ក ឈើធ្នង់២ដុំ ស្មើរនឹង ០.១២០០ម.គ វត្ថុតាងទាំងអស់ ត្រូវបានប្រគល់ជូន ផ្នែករដ្ឋ​បាលព្រៃឈើកំពង់ថ្ម ទទួលយកទីរក្សាទុក កន្លែងសុវត្តិភាព ដើម្បីធ្វើពិធីប្រលែងចូលព្រៃ ឲ្យរស់នៅបែប ធម្មជាតិវិញ ។

ក្នុងនោះដែរក៏មានការសំណូមពរពីសំណាក់ប្រជាពលរដ្ឋ សុំឲ្យសមត្ថកិច្ចមេព្រៃ និងកងរាជអាវុធហត្ថ ជួយទប់ស្កាត់រថយន្តដឹកឈើ ដោយខុសច្បាប់ ដែលបានធ្វើសកម្មភាពការដឹកជញ្ជូនបទល្មើសព្រៃឈើ ដោយគ្មានច្បាប់អនុញ្ញាតិ របស់មេឈ្មួញ ឈ្មោះ ចែខេង ដែលជាមេឈ្មួញជើងខ្លាំងអាងខ្នងអ្នកធំនៅពី​ក្រោយ ដែលមានមេការឈ្មោះ រ័ត្ន ជាមេការក្រុមហ៊ុនជាអ្នករត់ការសមត្ថកិច្ច ដែលបាន​ដឹកឈើប្រណិតឆ្លង ដោយពុំមានការទប់ស្កាត់នោះឡើយ ។

ដោយ ប៊ុន  រដ្ឋា

 

SHARE

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.