ខេត្តកំពង់ធំ៖ សមាជិក សមាជិកាគណបក្សប្រជាជនកម្ពុជា នៅភូមិស្រោមដែកចំនួន១៧២ នាក់បានចូលរួមការណែនាំ របៀបគូសសន្លឹកឆ្នោត និងផ្សព្វផ្សាយគោលនយោបាយគណបក្សប្រជាជនកម្ពុជា ដែលបានដឹកនាំដោយ សម្តេច អគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ពិធីនេះបានធ្វើឡើង នៅភូមិស្រោមដែក ឃុំបន្ទាយស្ទោង ស្រុកស្ទោង ខេត្តកំពង់ធំ ព្រឹកថ្ងៃទី១៣ ខែកក្កដា ឆ្នាំ២០១៨។
ឯកឧត្តម សោម ស៊ុន សមាជិកអចិន្ត្រៃយ៍ នៃគណៈកម្មាធិការគណបក្សខេត្ត ,អនុប្រធានទី១ ក្រុមការងារថ្នាក់ខេត្ត ចុះជួយស្រុកស្ទោង និងជាប្រធានក្រុមការងារចុះជួយឃុំបន្ទាយស្ទោង បានថ្លែងអំណរគុណ យ៉ាងជ្រៀលជ្រៅចំពោះសមាជិកសមាជិកាបក្ស ឃុំបន្ទាយស្ទោង ដែលតែងតែគាំទ្រគណបក្សប្រជាជនកម្ពុជាជារៀងរហូតមក ហើយពិតជាល្អ ប្រសើរណាស់ដែល បងប្អូនចូលរួមគាំទ្រ សម្តេចតេជោ ហ៊ុន សែន បន្តធ្វើជានាយករដ្ឋមន្ត្រីដើម្បីដឹកនាំប្រទេសកម្ពុជាយើងមានសន្តិភាព នឹងការអភិវឌ្ឍន៍បន្តទៀត ។
ឯកឧត្តម សោម ស៊ុន បានបញ្ជាក់ថា សំលេងឆ្នោតរបស់សជិកសមាជិការគណបក្សប្រជាជនមួយនាក់ គឺសំលេងឆ្នោតមួយសន្លឹក សំលេងមួយសន្លឹកនេះគឺមានសារៈសំខាន់ណាស់ ក្នុងការចូលរួមកំណត់វាសនាប្រទេសជាតិ ដែលគូសឲ្យចំលេខរៀងទី២០ដើម្បីឲ្យសម្តេចតេជោ ហ៊ុន សែន ប្រធានគណបក្សប្រជាជនកម្ពុជា មានលទ្ធភាពដឹកនាំ នាវាសន្តិភាពឆ្ពោះទៅរកភាពរីកចំរើន និងជាការថែរក្សាសន្តិភាព និងការអភិវឌ្ឍន៍ប្រទេស ។ក្នុងនោះក៏បានសំណូមពរឲ្យសមាជិកសមាជិកាគណបក្សប្រជាជនកម្ពុជា យកចិត្តទុកដាក់ ពីរបៀបគូសសន្លឹកឆ្នោត ឲ្យបានត្រឹមត្រូវ ចៀសវាងដោយការធ្វេសប្រហែស ធ្វើឲ្យសន្លឹកឆ្នោតមិនបានការ ។
ក្នុងនោះក៏មានផ្សព្វផ្សព្វផ្សាយអំពីគោលនយោបាយរបស់គណបក្សប្រជាជនកម្ពុជា នូវខ្លឹមសារសំខាន់ៗដើម្បីជាចំណេះដឹង ជូនសមាជិក សមាជិកា បក្សនៅភូមិស្រោមដែកចំនួន ១៧២នាក់ និងបានបន្តឆ្ពោះទៅតាមខ្នងផ្ទះសមាជិក សមាជិការ មួយចំនួនទៀត ដើម្បីអញ្ជើញគាត់ នឹងក្រុមគ្រួសារគាត់ទៅបោះឆ្នោតជូនគណបក្សប្រជាជនកម្ពុជា ដើម្បីគាំទ្រឲ្យសម្តេចតេជោ ហ៊ុន សែន ដែលមានលេខរៀងទី២០ នៅលើសន្លឹកឆ្នោត នៅថ្ងៃទី២៩ ខែកក្កដា ឆ្នាំ២០១៨ ខាងមុខនេះ ។
ដោយ ប៊ុន រដ្ឋា
