កំពង់ធំ៖ ឧត្តមសេនីយ៍ទោ សោម ស៊ុនមេបញ្ជាការរងយោធភូមិភាគទី៤ មេបញ្ជាការ តំបន់ប្រតិបត្តិការសឹករងកំពង់ធំ ព្រមទាំងមេបញ្ជាការង បានអញ្ជើញចុះសួរសុខទុក្ខ កម្លាំងអន្តរាគមន៍វេរសេនាតូចលេខ១ ដែលបានត្រៀមប្រចាំការការពារសន្តិសុខ សុវត្តិភាព ជូនប្រជាពលរដ្ឋ និងគណបក្សនយោបាយ ក្នុងអំឡុងបើកយុទ្ធនាការឃោសនាបោះ ឆ្នោត រហូតក្រោយពេលបោះឆ្នោត ។
ពិធីសំណេះសំណាលនេះ ត្រូវបានធ្វើឡើងនៅ រសៀលថ្ងៃសុក្រទី១៣ ខែកក្កដា ឆ្នាំ២០១៨ ដែលបានបង្ហាញឲ្យឃើញពីការយកចិត្តទុកដាក់ នឹងទឹកចិត្តដ៏ល្អប្រពៃពីសំណាក់ ឯកឧត្តម មេបញ្ជាការ តំបន់ប្រតិបត្តិការសឹករងកំពង់ធំ មកលើមន្រ្តីថ្នាក់ក្រោម ដែលកំពុងតែឈរជើង ការពារសន្តិសុខ សុវត្តិភាពជូនជាតិមាតុភូមិ នៅភូមិថ្នល់បែក ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ ។
ក្នុងឳកាសនៃការចុះសួរសុខទុក្ខដល់កងកម្លាំងអន្តរាគមន៍ពិសេស ឯកឧត្តម ឧត្តមសេនីយ៍ទោ សោម ស៊ុន ឆ្លៀតឳកាស ផ្សព្វផ្សាយសភាពការណ៍ថ្មីៗជូនដល់ថ្នាក់ដឹកនាំតាមលំដាប់ថ្នាក់របស់អង្គភាពវរសេនាតូចេលខ១ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ និងបានផ្តាំផ្ញើរឲ្យកងកម្លាំងទាំងអស់ រក្សានូវវិន័យនិង សេចក្តីថ្លៃថ្នូរ របស់កងកម្លាំង ដោយមិនប្រព្រឹត្តផ្ទុយពីបទបញ្ជារបស់អង្គភាព រក្សាគោលជំហរស្នេហាជាតិ ស្មោះត្រង់និងរាជរដ្ឋាភិបាលស្របច្បាប់ដែលដឹកនាំដោយសម្តេចអគ្គមហាសេនាបតីតេជោហ៊ុន សែន បញ្ជាការដ្ឋានវរសេនាតូចលេខ១ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ ដែលជាកម្លាំងត្រៀមបម្រុងអន្តរាគមន៍ ដោះស្រាយយថាហេតុផ្សេងៗដែលអាចកើតឡើងនៅទូទាំងខេត្តកំពង់ធំ ដើម្បីរក្សាសន្តិសុខ សណ្តាប់ធ្នាប់ សុវត្ថិភាព និងសេចក្ដីសុខសាន្តជូនប្រជាជនយើងនិងខុសត្រូវខ្ពស់ចំពោះភារកិច្ចរបស់ខ្លួនប្រឆាំងដាច់ខាតរាល់ការញុះញង់បំបែកបំបាក់កងកម្លាំងប្រដាប់អាវុធ ពីសំណាក់ជនក្បត់ជាតិ។
ក្នុងពិធីនេះផងដែរ ឯកឧត្តម រួមនឹងថ្នាក់ដឹកនាំបញ្ជាការដ្ឋានតំបន់ប្រតិបត្តិការសឹករងកំពង់ធំ បានឧបត្ថម្ភជូនដល់កងកម្លំាងនូវ អង្ករចំនួន២៥០ គីឡូក្រាម , មីយើងចំនួន ១០ កេស , ត្រីខកំប៉ុងចំនួន ០៤ កេស , សាច់កំប៉ុង ចំនួន ០២ កេស និងថវិកាមួយចំនួនជូនដល់កម្លាំងអន្តរាគមន៍វេរសេនាតូចលេខ១ ។
ដោយ ប៊ុន រដ្ឋា