ខេត្តកំពង់ធំ៖ ឯកសណ្ឋានចំនួន១១ សម្រាប់ និងវិទ្យុទាក់ទងដៃ ចំនួន ១១គ្រឿង ត្រូវាបាន ឯកឧត្តម ឧត្តមសេនីយ៍ទោ សោម ស៊ុន អនុប្រធានគណៈបញ្ជាការឯកភាពរដ្ឋបាលខេត្ត មេបញ្ជាការតំបន់ប្រតិបត្តិការសឹករងកំពង់ធំ បំពាក់ជូនដល់ប្រជាការពារភូមិ ដើម្បីការងារសហការ ជាមួយសមត្ថកិច្ច ការពារសន្តិសុខ សុវត្តិភាពជូនប្រជាពលរដ្ឋនៅក្នុងមូលដ្ឋាន។
ពិធីបំពាក់ឯកសណ្ឋានជូនប្រជាការពារ ចំនួន១១ សម្រាប់ និងវិទ្យុទាក់ទងដៃ ចំនួន ១១គ្រឿង ត្រូវបានធ្វើឡើង នៅភូមិពន្លាជ័យ ឃុំបន្ទាយស្ទោង ស្រុកស្ទោង ខេត្តកំពង់ធំ ដោយមាន ឯកឧត្តម ឧត្តមសេនីយ៍ទោ សោម ស៊ុន ជាអធិបតីភាព អមដំណើរដោយលោកអធិការរង នគរបាលស្រុកស្ទោង ប៉ុស្តិ៍នគរបាលរដ្ឋបាលឃុំបន្ទាយស្ទោង អាជ្ញាធរ ភូមិ-ឃុំ នៅរភូមិពន្លាជ័យ ឃុំបន្ទាយស្ទោង ស្រុកស្ទោង ខេត្តកំពង់ធំ នៅព្រឹកថ្ងៃទី១៦ ខែកក្កដា ឆ្នាំ២០១៨ ។
ឯកឧត្តម ឧត្តមសេនីយ៍ទោ សោម ស៊ុន បានថ្លែងកោតសសើរចំពោះប្រជាការពារទាំងអស់ ដែលបានខិតខំ អនុវត្តគោលនយោបាយភូមិ ឃុំ មានសុវត្តិភាពទាំង៩ ចំណុច របស់រាជរដ្ឋាភិបាល បម្រើប្រជាជននៅមូលដ្ឋានរបស់ខ្លួន ដោយមិនខ្លាចនឿយហត់ បើទោះបីប្រជាការពារទាំងអស់ គ្មានប្រាក់បៀវត្សក៏ដោយក៏បានលះបង់ទាំងកម្លាំងចិត្ត កម្លាំងកាយបំរើផលប្រយោជន៍ បំរើសេចក្តីសុខរបស់ប្រជាពលរដ្ឋ ។
ក្នុងឳកាសនេះដែរ ឯកឧត្តម សោម ស៊ុន បានផ្សព្វផ្សាយអំពីសភាពការណ៍វិវត្តន៍ថ្មីៗរបស់ប្រទេសជាតិ និងតួនាទី និងសិទ្ធដែលត្រូវបានអ្នកអនុវត្តក្នុងការងាររបស់ប្រជាការពារ ពាក់ព័ន្ឋនិងវិន័យនិងការងារចាំបាច់ក្នុងនោះក៏បានសំណូមពរដល់ប្រជាពលរដ្ឋទាំងអស់គ្នា សូមគោរពច្បាប់ចរាចរណ៍ផ្លូវគោកថ្មី និងច្បាប់នានាដែលមានជាធរមាននៅព្រះរាជាណាចក្រកម្ពុជា ពិសេសកុំជឿពាក្យញុះញង់របស់ជនអគតិមួយចំនួនដែលជម្រុញឲ្យយើងប្រព្រឹត្តល្មើសច្បាប់និង សូមបញ្ជាក់ផងដែរថា នៅឆ្នាំ២០១៧កន្លងមកនេះ ។
ដោយ ប៊ុន រដ្ឋា