កំពង់ធំ៖ ឯកឧត្តម ឧត្តមសេនីយ៍ទោ សោម ស៊ុន បានថ្លែងថា ប្រជាការពារគឺជាសេនាធិការឲ្យសមត្ថកិច្ច ក្នុងកិច្ចការសន្តិសុខ សុវត្តិភាពប្រជាពលរដ្ឋ ដែលគួរអោយកោតសរសើរយ៉ាងខ្លាំងនូវទឹកចិត្ត ទាំងការចូលរួមទាំងកំលាំងចិត្តនិងកម្លាំងកាយចូលរួមអនុវត្តតាមគោលនយោបាយរបស់រាជរដ្ឋាភិបាល អនុវត្តភូមិ ឃុំ មានសុវត្តិភាពទាំង៩ចំនុច ។
ជាក់ស្តែង ឧត្តមសេនីយ៍ទោ សោម ស៊ុន អនុប្រធានគណៈបញ្ជាការឯកភាពរដ្ឋាភិបាលខេត្ត និងមេបញ្ជាការតំបន់ប្រតិបត្តិការសឹករងកំពង់ធំ រួមទាំងសហការី បានបន្តបំពាក់ឯកសណ្ឋានចំនួន១០ សម្រាប់និងវិទ្យុទាក់ទងចំនួន ២គ្រឿងបន្ថែមទៀតជូនប្រជាការពារជាលើកទី២ នៅភូមិស្រោមដែក ឃុំបន្ទាយស្ទោង ស្រុកស្ទោង ខេត្តកំពង់ធំ និងវិទ្យុទាក់ទងដៃជា នៅព្រឹកថ្ងៃទី១៧ ខែកក្កដា ឆ្នាំ២០១៨។
ឯកឧត្តម ឧត្តមសេនីយ៍ទោ សោម ស៊ុន ឯកឧត្តមបានផ្សព្វផ្សាយសភាពការណ៍ និងការអភិវឌ្ឍន៍ប្រទេសជាតិ ឲ្យមានការរីកចំរើនមកដល់ពេលនេះ ក្រោមការដឹកនាំរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានដឹកនាំឲ្យប្រទេសជាតិមានសន្តិភាព និងការអភិវឌ្ឍន៍ ជិត៤០ឆ្នាំ ដូច្នេះយើងទាំងអស់គ្នា ត្រូវចូលរួមបន្តការថែរក្សាសន្តិភាពបន្តទៀត។
ឧត្តមសេនីយ៍ទោ សោម ស៊ុន បានផ្តាំផ្ញើរដល់ ប្រជាការពារទាំងអស់ ត្រូវតែអនុវត្តន៍តាមសិទ្ឋ និងតួរនាទីភារកិច្ច ដែលមានចែងនៅក្នុងសៀវភៅគោលនយោបាយភូមិ ឃុំមានសុវត្ថិភាពឲ្យបានម៉ត់ចត់ ដោយមិនត្រូវប្រើប្រាស់ឯកសណ្ឋាន ដែលមានសញ្ញាជាកងកម្លាំងប្រដាប់អាវុធទាំង៣ ដែលជាអំពើខុសច្បាប់ ប្រជាការពារត្រូវតែបម្រើប្រជាជនយើងដោយស្មោះត្រង់ ហើយត្រូវធ្វើជាគំរូល្អ មិនត្រូវធ្វើអ្វីដែលប៉ះពាល់ដល់សតិអារម្មណ៍ប្រជាជនយើងជាដាច់ខាត ។
ជាចុងក្រោយសូមអំពាវនាវ ឲ្យប្រជាការពារ និងសាច់ញាតិ បងប្អូន ប្រជាពលរដ្ឋទាំងអស់ មិនត្រូវជឿលើការ ញ៉ុះញ៉ុងពីសំណាក់ជនអគតិ ដែលមានបំណងផ្តួលរំលំរាជរដ្ឋាភិបាលស្របច្បាប់ ដែលកើតឡើងពីការបោះឆ្នោត យើងត្រូវទៅបំពេញកាតព្វកិច្ចជាប្រជាពលរដ្ឋល្អ ទៅចូលរួមបោះឆ្នោតទាំងអស់គ្នា ដើម្បីជ្រើសរើស តំណាងរាស្រ្តអណត្តិទី៦នេះ ឲ្យដឹកនាំប្រទេសបន្តទៀត ។
ដោយ ប៊ុន រដ្ឋា