កំពង់ធំ៖ កិច្ចប្រជុំផ្សព្វផ្សាយស្តីពីផែនការ ការពារសន្តិសុខ សុវត្តិភាព និងបរិយាកាសល្អ នៅថ្ងៃបិទយុទ្ធនាការឃោសនាបោះឆ្នោត ដែលជាស្ងប់ស្ងាត់ ដល់ប្រធាន អនុប្រធានក្រុមប្រជាកាពារទាំង១៥ ភូមិ និងប៉ុស្តិ៍រដ្ឋបាល ឃុំបន្ទាយស្ទោង ស្រុកស្ទោង ខេត្តកំពង់ធំ ដែលបានចូលរួមចំនួន ៥៣ នាក់។
ដែលពិធីនេះ ត្រូវបានចូលរួម ពីសំណាក់ ឯកឧត្តម ឧត្តមសេនីយ៍ទោ សោម ស៊ុន អនុប្រធានគណបញ្ជាការឯកភាពរដ្ឋបាលខេត្តកំពង់ធំ និងជាមេបញ្ជាការតំបន់ប្រតិបត្តិការសឹករងកំពង់ធំ រួមជាមួយនឹង អធិការនគរបាលស្រុកស្ទោង និងក្រុមប្រឹក្សាឃុំបន្ទាយស្ទោង បានប្រជុំប្រគល់ភារកិច្ចសំខាន់ៗជូនដល់កងកម្លាំងនគរបាលប៉ុស្តិ៍ និងប្រជាការពារទាំង១៥ ភូមិ សរុបចំនួន៤០នាក់ នៅបរិវេណប៉ុស្តិ៍រដ្ឋបាលនគរបាលឃុំបន្ទាយស្ទោង ស្រុកស្ទោង ខេត្តកំពង់ធំ នៅរសៀលថ្ងៃទី២៦ ខែកក្កដា ឆ្នាំ២០១៨ ។
ឯកឧត្តម ឧត្តមសេនីយ៍ទោ សោម ស៊ុន បានមានប្រសាស៍ថា ទី១ ទទួលខុសត្រូវក្នុងកិច្ចការពារសន្តិសុខ សុវត្ថិភាព ជូនគ្រប់គណបក្សនយោបាយ ក្នុងថ្ងៃបិទយុទ្ធនាការឃោសនាបោះឆ្នោត និងថ្ងៃបោះឆ្នោត ទី២ នៅថ្ងៃទី២៨ ខែកក្កដា ឆ្នាំ២០១៨ ដែលជាថ្ងៃស្ងប់ស្ងាត់តាមច្បាប់ស្ដីពីការបោះឆ្នោត សំណូមពរដល់អាជ្ញាធរដែនដី និងសមត្ថកិច្ចយើងត្រូវត្រួតពិនិត្យ និងចាត់វិធានការតាមផ្លូវច្បាប់ចំពោះជនណាដែលប្រព្រឹត្តផ្ទុយនឹងច្បាប់បានកំណត់ ។ទី៣ ត្រូវផ្សព្វផ្សាយបន្តដល់ប្រជាជនយើងគ្រប់រូបឲ្យបានជ្រាបនូវសេចក្តីណែនាំលេខ ០១ សណន របស់រាជរដ្ឋាភិបាល ស្តីពីការផ្អាកការលក់ដូរ និងពិសាគ្រឿងស្រវឹងនៅមុនមួយថ្ងៃ និងនៅថ្ងៃបោះឆ្នោត គឺថ្ងៃទី២៨និងថ្ងៃទី២៩ ខែកក្កដា ឆ្នាំ២០១៨ ។
ក្នុងឳកាសនោះផងដែរ ឧត្តមសេនីយ៍ទោ សោម ស៊ុន បានក្រើនរំលឹក ដល់បងប្អូនទាំងអស់ ត្រៀម អត្តសញ្ញាណប័ណ្ណ និងឯកសារផ្សេងៗដែលមានតំលៃស្មើរនឹងអត្តសញ្ញាណប័ណ្ណ សម្រាប់ទៅចូលរួមបោះឆ្នោត ដែលមានតែមួយថ្ងៃគត់ គឺថ្ងៃអាទិត្យទី ២៩ ខែកក្កដា ឆ្នាំ២០១៨ ឲ្យបានគ្រប់គ្នា។
ដោយ ប៊ុន រដ្ឋា
