កំពង់ធំ៖ សមាជិក សមាជិការ គណបក្សប្រជាជនកម្ពុជា មកពីឃុំចំនួន៣គឺ ឃុំបន្ទាយស្ទោង ឃុំរុងរឿង និងឃុំព្រះដំរី ជាង១៦០០នាក់ បានអញ្ជើញចូលរួម ស្តាប់ ថ្លែងបិទយុទ្ធនាការឃោសនាបោះ ឆ្នោត របស់សម្ដេចតេជោហ៊ុន សែន ប្រធានគណបក្សប្រជាជនកម្ពុជាតាមរយៈការផ្សាយបន្តផ្ទាល់តាមប្រព័ន្ធទូរទស្សន៍ ពីទៅក្រុងភ្នំពេញ និងដង្ហែរក្បួនឃោសនាជាលើក ចុងក្រោយនៃថ្ងៃបញ្ចប់យុទ្ធនាការឃោសនាបោះ ឆ្នោត។
ពីធីសំណេះសំណាលនេះ ត្រូវបានធ្វើឡើងនៅព្រឹកថ្ងៃទី ២៧ ខែ កក្តដា ឆ្នាំ ២០១៨ នៅក្នុងបរិវេណវត្តបទុម ឃុំរុងរឿង ស្រុកស្ទោង ខេត្តកំពង់ធំ ដែលដឹកនាំដោយ ឯកឧត្តម សោម ស៊ុន សមាជិកអចិន្ត្រៃយ៍ នៃគណៈកម្មាធិការគណបក្សប្រជាជនកម្ពុជា ខេត្តកំពង់ធំ ,អនុប្រធានទី១ ក្រុមការងារថ្នាក់ខេត្តកំពង់ធំ ចុះជួយស្រុកស្ទោង និងជាប្រធានក្រុមការងារចុះជួយឃុំបន្ទាយស្ទោង ស្រុកស្ទោងខេត្តកំពង់ធំ។
ក្រោយពីសមាជិក សមាជិការ គណបក្សប្រជាជនកម្ពុជា បានស្តាប់ប្រសាសន៍សម្ដេចតេជោហ៊ុន សែន ថ្លែងបិទបញ្ចប់យុទ្ធនាការឃោសនាបោះឆ្នោត រួចមក ក៏បានបែងចែកទៅដង្ហែរក្បួន តាមបណ្តាឃុំនីមួយៗ ចំណែកឃុំបន្ទាយស្ទោងមានចំនួនចូលរួម ៦៥៥នាក់ មធ្យោបាយ រថយន្ត ២៥គ្រឿង ម៉ូតូ មាន ២៦៦គ្រឿងមីក្រូ ៣ គ្រឿងធុងបាសមួយគ្រឿង បានដង្ហែក្បួនបញ្ចប់យុទ្ធនាការឃោសនាបោះឆ្នោត ដោយចេញដំណើរពីវត្តបុទុមឃុំរុងរឿង ឆ្ពោះទៅកាន់វត្តពន្លាជ័យ ឃុំបន្ទាយស្ទោង ស្រុកស្ទោង ខេត្តកំពង់ធំ ដែលជាទីណាត់ជួបជុំគ្នា ងបរិយាកាសសប្បាយរីករាយ រួមទាំង បានរាំវង់កំសាន្តផងដែរ ដើម្បីសេរីសួរស្តីទទួលបាននូវជ័យជំនះ ក្នុងអាណត្តិទី៦នេះ ។
ក្នុងឳកាសនោះ ឯកឧត្តម សោម ស៊ុន សមាជិកអចិន្ត្រៃយ៍ នៃគណៈកម្មាធិការគណបក្សប្រជាជនកម្ពុជា ខេត្តកំពង់ធំ បានកោតសរសើរ ចំពោះការចូលរួមរបស់សមាជិក សមាជិកា គណបក្សប្រជាជនកម្ពុជា យ៉ាង អធឹកអធ័ម ក្នុងទឹកមុខសប្បាយរីករាយ ក្នុងនោះក៏បានផ្តាំផ្ញើរ ឲ្យសមាជិកសមាជិកា គណបក្សប្រជាជនកម្ពុជាទាំងអស់ រក្សានូវភាពស្ងៀមស្ងាត់ ក្នុងថ្ងៃទី២៨ និង ២៩ និងផ្សព្វផ្សាយដល់ប្រជាជនគ្រប់រូប ហាមលក់ ដូរគ្រឿងស្រវឹង គ្រប់ប្រភេទ និងត្រៀមឯកសារដើម្បីទៅចូលរួមបោះឆ្នោតនៅថ្ងៃទី២៩ ខែកក្តដា ឆ្នាំ ២០១៨នេះ កុំឲ្យមានការភ្លេចភ្លាំងឲ្យសោះ ។
ដោយ ប៊ុន រដ្ឋា
