កំពង់ធំ៖ ប្រជាពលរដ្ឋនៅក្នុងខេត្តកំពង់ធំ ពិតជាមានឆន្ទះជាប្រជាពលរដ្ឋ ក្នុងការបំពេញកាតព្វកិច្ចចូលរួមទៅបោះឆ្នោត យ៉ាងគគ្រឹកគគ្រេង ដែលនឹកស្មានមិនដល់ការ ដែលប្រជាពរដ្ឋមានការយល់ដឹងកាន់តែច្រើន កាន់តែច្បាស់នូវការដឹកនាំប្រកបដោយលទ្ធិប្រជាធិបតេយ្យ របស់រាជរដ្ឋាភិបាលកម្ពុជា ដែលបានប្រព្រឹត្តឡើងនៅព្រឹកថ្ងៃទី ២៩ ខែកក្ដដា ឆ្នាំ ២០១៨។
ទិដ្ឋភាពនៃការបោះឆ្នោតព្រឹកនេះ គឺមានវត្តមាន ឯកឧត្តម សុខ លូ អភិបាលខេត្តកំពង់ធំ និងលោក ម៉ាក ប៊ុនហុង អភិបាលក្រុងស្ទឹងសែន បានអញ្ជើញមកបោះឆ្នោតនៅការិយាល័យ ០៤២៣ ស្ថិតនៅក្នុងបរិវេណវត្តទេពនិមិត្ត ក្រុងស្ទឹងសែន ខេត្តកំពង់ធំ ដោយការិយាយល័យនេះមានឈ្មោះប្រជាពលរដ្ឋ ចំនួន ៤៣១នាក់ ដោយឡែកខេត្តកំពង់ធំ មានគណបក្សចូលរួមប្រកកួតប្រជែងបោះឆ្នោតចំនួន ១៧គណបក្ស ចំនួនប្រជាពលរដ្ឋសរុបទូទាំងខេត្ត ៣៨.៤៧៥៩នាក់ មានចំនួន១១០៤ការិយាល័យ មានចំនួន ៦ អាសាស្នាក ។
ចំណែក ឯកឧត្តម សោម ស៊ុន រួមទាំងក្រុមគ្រួសារ បានអញ្ជើញទៅបោះឆ្នោត នៅការិយាល័យ លេខ ០៤៥៥ ស្ថិតក្នុងសង្កាត់អាចារ្យលាក់ ក្រុងស្ទឹងសែន ខេត្តកំពង់ធំ ចំពោះសន្តិសុខ សុវត្តិភាព ការពារនៅតាមការិយាល័យបោះឆ្នោត នៅក្នុងខេត្តកំពង់ធំ ពុំមានចំនុចណាមួយ ឡើយដែលធ្វើឲ្យមានការព្រួយបារណ៍ ដោយសារតែទាំងសណ្តាប់ធ្នាប់ ចរាចរណ៍ និងការរៀបចំនៅតាមការិយាល័យបោះឆ្នោតបានល្អ ចំណែកនៅតាមដងផ្លូវសាធារណៈ មានប្រជាពលរដ្ឋជាច្រើន បានបន្តធ្វើដំណើរមកបោះឆ្នោតជាបណ្តើរៗ ។
សម្រាប់ប្រជាពលរដ្ឋ ដែលបានអញ្ជើញមកចូលរួមបោះឆ្នោត នៅតាមការិយាលល័យនីមួយៗ គាត់បាន ផ្តល់ជូនបទសម្ភាសថា គាត់គិតថា ការបោះឆ្នោតនេះគឺពុំមានការបង្ខិតបង្ខំពីសំណាក់អ្នកណាទាំងអស់ ហើយការបោះឆ្នោតនេះគឺមានភាពយុត្តិធម៌ល្អ រួមទាំងមានការណែនាំពីអ្នកសង្កេតការណ៍ អនុគ្រោះដល់ ស្រីពោះធំ ចាស់ជារា និងស្រ្តីមានកូនតូច ផ្តល់សិទ្ធឲ្យចូលរួមបោះឆ្នោតមុនគេ ទី២ គឺការបោះឆ្នោតនេះគឺ ជាឆន្ទះជាប្រជាពលរដ្ឋខ្មែរ ត្រូវតែចូលរួមបោះឆ្នោត ដើម្បីបំពេញកាតព្វកិច្ចជាប្រជាពលរដ្ឋ ជ្រើសរើស ទាំងណារាស្រ្តដែលយើងពេញចិត្ត ដើម្បីផ្តល់លទ្ធភាពឲ្យគាត់ដឹកនាំប្រទេស ដើម្បីបំរើជាតិ បំរើប្រជាជន នឹងនាំមកនូវភាពរីកចំរើន ថែមទាំងមាន សន្តិភាព និងការអភិឌ្ឍន៍ប្រទេស ។
ដោយ ប៊ុន រដ្ឋា