កំពង់ចាម: អភិបាល នៃគណៈអភិបាលខេត្តកំពង់ចាម ឯកឧត្តមគួច ចំរើន បានអញ្ជើញជាអធិបតី ក្នុងពិធីកាត់ និងបើកវិញ្ញាសារ ប្រឡងមធ្យមសិក្សាទុតិយភូមិ នាសម័យប្រឡង ថ្ងៃទី២០ ខែសីហា ឆ្នាំ២០១៨ នៅវិទ្យាល័ តេជោ ហ៊ុន សែន បឹងកុក ស្ថិតក្នុងក្រុងកំពង់ចាម ខេត្តកំពង់ចាម ដោយមានការចូលរួមពី មន្ត្រីរាជការ ប្រធានគណៈមេប្រយោគ ប្រធានអនុប្រធានមន្ទីអបរំយុវជននិងកីឡា សហភាពសហព័ន្ធយុវជនកម្ពុជាខេត្ត និងអ្នកសង្កេតការរបស់អង្គភាពប្រឆាំងអំពើពុករលួយACUផងដែរ។
លោក លី ម៉េងសាន ប្រធានមន្ទីរអប់រំយុវជននិងកីឡា ខេត្តកំពង់ចាម បានឲ្យដឹងថា នៅឆ្នាំសិក្សា២០១៧-២០១៨ នេះ បេក្ខជន ដាក់ពាក្យប្រឡងមធ្យមសិក្សាទុតិយភូមិចំនួន៨.០០៧នាក់ ក្នុងនោះស្រី៤,៣៨៦នាក់ កើនលើសពីឆ្នាំមុនចំនួន១.០០១នាក់ មណ្ឌលប្រឡងមានចំនួន១៤ កើនពីឆ្នាំមុន០១មណ្ឌល ផ្នែកវិទ្យាសាស្ត្រចំនួន០៩មណ្ឌល និងផ្នែកវិទ្យាសាស្ត្រសង្គមចំនួន០៥មណ្ឌល បន្ទប់ប្រឡងចំនួន៣២៦បន្ទប់ កើនចំនួន៣៧បន្ទប់ ។
លោកគ្រូ អ្នកគ្រូដែលបានដាក់ពាក្យប្រឡងជ្រើសរើសតាមប្រព័ន្ឋពន្លឿនឆ្ពោះទៅគ្រូកម្រិតបរញ្ញាបត្រជំនួន៤០០នាក់ ស្រី១៨២នាក់ បានប្រឡងជាប់នួន៦៩នាក់។
រហូតដល់ពេលបច្ចុប្បន្ននេះ សាលាដែលលិចទឹកមានចំនួន៥៦សាលា តែមិនប៉ះពាល់ដល់ការប្រឡងនេះឡើយ។
នាឱកាសនោះដែរ ឯកឧត្តម គួច ចំរើន អភិបាលខេត្តកំពង់ចាម បានជូនពរ និងប្រគេនពរដល់បេក្ខជនទាំងអស់ ឲ្យបានទទួលលទ្ធផលជាប់និងជោគជ័យ ហើយកុំភ័យខ្លាចអ្វីឡើយ ត្រូវតាំងអារម្មណ៍ គិតតែខិតខំប្រឹងប្រែងសរសេរដើម្បីយកនិទ្ទេសល្អ ដើម្បីឈានដល់ទទួលបានអាហាររូបករណ៍ និងបន្តទៅរៀននៅមហាវិទ្យាល័យបន្ថែមទៀត ដោយមានកងកម្លាំងសហការណ៍ជាមួយអាជ្ញាធរមូលដ្ឋាន បានការពារខាងសន្តិសុខ និងសុវត្ថិភាព ជូនដល់បេក្ខជន និងសិស្សដែលបានមកប្រលងផងដែរ។
សូមបញ្ជាក់ផងដែរថា គ្រប់មណ្ឌលទាំងអស់មានកងកម្លាំងប្រដាប់អាវុធ គ្រូពេទ្យប្រចាំការ ដើម្បីរង់ចាំជួយសង្គ្រោះ ហើយកន្លែងផ្ញើរថយន្ត ម៉ូតូ កង់ គឺឥតគិតថ្លៃផ្ញើផងដែរ ៕
