សារព័ត៌មានរ៉យទ័របានផ្សាយថាកាលពីថ្ងៃទី១ខែមេសាអង្គការ IntelCenter របស់អាមេរិកបានប្រកាស់នៅរបាយការមួយឲ្យឃើញថាក្រុមអ៊ិស្លាមជាង៣០នៅជុំវិញពិភពលោកបានប្រកាសស្មោះត្រងជាមមួយ ក្រុមអ៊ិស្លាមបង្កើតរដ្ឋIS ក្នុងការបង្កើតទៅជារដ្ឋអិស្លាមផ្តាច់ខ្លួនគ្រប់គ្រងតាមច្បាប់យ៉ាងតឹងតែងដូចសម័យដើម។
នៅក្នុងបញ្ចីដែលបានប្រកាស់របស់Intel Center មានឯកទេសតាមដានរាល់សកម្មភាពរបស់ភេរវកម្មបានបញ្ចាក់ថា ក្រុមភេរវកម្មជាង៣០នៅជុំវិញពិភពលោកមាននៅគ្រប់ទិសទីជុំវិញពិភពលោក ចាប់តាំងពីតំបន់ភាគខាងលិចប្រទេសអាសេរី រហូតដលភាគខាងកើតប្រទេសឥណ្ឌូនេស៊ី។
ក្រុមភេរវកម្មទាំងនោះមានសកម្មភាពនិងឥទ្ធិពលខុសៗគ្នា ហើយក្រុមខ្លះមានសមាជិកតែ១០០ទៅ២០០នាក់ប៉ុណ្ណោះ។មេដឹកនាំក្រុមIS លោក Abu Bakr Al Baghdadi បានប្រកាសថា នឹងបង្កើតចក្រភពអិស្លាម ហើយលោកអំពាវនាវដល់ក្រុមអិស្លាមដទៃទៀតចូលរួមដលម្បីសម្រេចគោលដៅរបស់ខ្លួន។
ក្នុងថ្ងៃជាមួយគ្នានោះក្រុមអ៊ិស្លាមNusra ដែលមានទំនាក់ទំនងជាមួយក្រុមភេរវកម្មអាលកៃដាបានបញ្ចាក់ថាទីក្រុងIdlib ស្ថិតននៅភាគខាងលិចប្រទេសស៊ីរីស្ថិតក្រោមការគ្រប់គ្រងរបស់ក្រុមអ៊ិស្លាមបង្កើតរដ្ឋនឹងត្រូវប្រើប្រាស់ច្បាប់អ៊ិស្លាមSharia ។
បច្ចុប្បន្នក្រុមអ៊ិស្លាមកំពុងតែឆ្ពោះទៅរកការរួបរួមគ្នាបង្កើតតំបន់ស្វាយ័ត្នគ្រប់និងទប់ទល់រាល់ការវាយប្រហារពីលោកខាងលិច។ ប៉ុន្តែនៅបេលនេះក្រុមIS នៅក្នុងប្រទេសអីរ៉ាក់កំពុងតែបាត់បង់ទីតាំងគ្រប់គ្រងជាច្រើនដោយទាហារដ្ឋភិបាលបានដណ្តើមទៅវិញ។
កន្លងមកថ្មីៗនាយករដ្ឋមន្ដ្រីអ៊ីរ៉ាក់ លោក Haidar al-Abadi បាន ថ្លែងថា កងទ័ពប្រទេសអ៊ីរ៉ាក់ដោយមាន ជំនួយពីក្រុមស្ម័គ្រចិត្ដនិកាយស៊ីអ៊ីដផង បានវាយប្រហារបណ្ដេញក្រុមឧទ្ទាមរដ្ឋ អ៊ិស្លាមចាក់ចេញពីមជ្ឈមណ្ឌលទីប្រជុំ ជនទីគ្រីត ។ ប៉ុន្ដែការវាយប្រហារប្រយុទ្ធ ដើម្បីរំដោះទីក្រុងស្រុកកំណើតលោក សាដាម ហ៊ូសេនទាំងមូលនៅតែធ្វើ ជាបន្ដទៅឡើង ។
កងទ័ពរដ្ឋាភិបាលបានធ្វើប្រតិបត្ដិការរយៈពេលជាងមួយខែក្នុងការប្រយុទ្ធ ជាមួយក្រុមឧទ្ទាមរដ្ឋអ៊ិស្លាមដើម្បីរំដោះ មជ្ឈមណ្ឌលទីក្រុងនេះ។ ប៉ុន្ដែក្រុមឧទ្ទាម ដែលជាក្រុមជីហាដនិយមនិកាយសាន់នី បានការពារទីនោះយ៉ាងស្វិតស្វាញបំផុត បើទោះបីរងការវាយប្រហារយ៉ាងខ្លាំងពី កងកម្លាំងទីក្រុងបាដាដ និងពីលើដែន អាកាសរបស់សម្ពន្ធមិត្ដដឹកនាំដោយ អាមេរិកយ៉ាងណាក៏ដោយ ។
ក្រុមឧទ្ទាមរដ្ឋអ៊ិស្លាមរាប់រយនាក់ នៅតែក្រាញននៀលប្រយុទ្ធយកស្លាប់ រស់ មិនព្រមបោះបង់ទីតាំង Salahud-din និងតំបន់ជិតខាងនោះ៣ផ្សេងទៀត នៅតែស្ថិតក្រោមការកាន់កាប់របស់ ក្រុមរដ្ឋអ៊ិស្លាម ក៏ដូចជានៅទីតាំងភាគ ខាងជើងរដ្ឋធានីផងដែរ ។
កងទ័ពអ៊ីរ៉ាក់ច្រើនរយនាក់បន្ថែម ទៀតត្រូវបញ្ជូនទៅកាន់ទីនោះដើម្បី តទល់ជាមួយក្រុមឧទ្ទាមទាំងនោះ ។
នាយករដ្ឋមន្ដ្រី Abadi បានថ្លែងនៅ ក្នុងសេចក្ដីថ្លែងការថា “កងទ័ពរបស់ យើងបានចូលទៅដល់មជ្ឈមណ្ឌលទីគ្រីត (Tikrit) ពួកគេបានរំដោះភាគខាងត្បូង និងភាគខាងលិច ហើយកំពុងតែឆ្ពោះទៅ រកការគ្រប់គ្រងទីក្រុងទាំងមូលតែម្ដង”។
ក្រសួងការពារជាតិអាមេរិកក៏បាន បញ្ជាក់ដែរថា កងទ័ពអ៊ីរ៉ាក់បានសម្រុក ចូលទៅកាន់ទីប្រជុំជនទីគ្រីត រំដោះបាន អគាររដ្ឋាភិបាល ក៏ដូចមន្ទីរពេទ្យរដ្ឋ ដែលត្រូវក្រុមរដ្ឋអ៊ិស្លាមកាន់កាប់នា ពេលកន្លងមក ៕