ខេត្តព្រះវិហារ៖យុវជនម្នាក់ត្រូវសមត្ថកិច្ចនគរបាលខេត្តព្រះវិហារឃាត់ខ្លួនករណីជួញដូរគ្រឿងញៀនកាលពីថ្ងៃទី២៣កក្កដា២០១៥ស្ថិតនៅភូមិឆែបលិចឃុំឆែប១ស្រុកឆែប។ភ្នាក់ងាររាយការណ៍អោយដឹងថាច្រកព្រំដែនទឹកកំពង់ស្រទ្បៅស្រុកឆែបជាប់ស្រុកមឿងខូងខេត្តចំប៉ាសាក់ប្រទេសទ្បាវជាប្រភពចរាចរគ្រឿងញៀនឆ្លងដែនលួចលាក់ដ៍ធំប៉ុន្តែជារៀងរាល់ឆ្នាំលទ្ធផលបង្ក្រាបរបស់អាជ្ញាធរមានសមត្ថកិច្ចបានចំនួនតិចតួចបំផុត។
លោកមាឃសំអូនស្នងការរងនគរបាលខេត្តព្រះវិហារទទួលបន្ទុកការិយាល័យកណ្តាលប្រឆាំងបទល្មើសបានអោយដឹងនៅរសៀលថ្ងៃទី២៤កក្កដាថាសមត្ថកិច្ចបានស្រាវជ្រាវនិងចុះឆែកឆេរដល់លំនៅដ្ឋានជនសង្ស័យគឺបានរកឃើញថ្នាំញៀនប្រភេទម្ស៉ៅក្រាមពណ៌សចំនួន៣
កញ្ចប់ក្នុងនោះតូច២កញ្ចប់និងធំ១កញ្ចប់(មិនទាន់បានថ្លឹង)។លោកស្នងការរងនគរបាលខេត្តបានបន្តថាសមត្ថកិច្ចកំពុងស៊ើបសួរចម្លើយជនសង្ស័យនៅស្នងការដ្ឋាននគរបាលដើម្បីកសាងសំណុំរឿងបញ្ជូនទៅកាន់តុលាការខេត្តវិនិច្ឆ័យទោសទៅតាមផ្លូវច្បាប់នៅរសៀលថ្ងៃទី២៤កក្កដានេះ។ជនសង្ស័យឈ្មោះឯកសុខនូភេទប្រុសអាយុ២៧ឆ្នាំជនជាតិខ្មែរមុខរបរលាងម៉ូតូមានទីលំនៅភូមិឆែបលិចឃុំឆែប១ស្រុកឆែបខេត្តព្រះវិហារ៕
