ខេត្តកំពង់ឆ្នាំង ៖លោក អឿ ម៉េងចុង នាយកសាលាវិទ្យាល័យព្រះបាទសុរាម្រឹតក្រុងកំពង់ឆ្នាំង បានថ្លែងក្នុងក្តីមោទនៈថា៖ សិស្សវិទ្យាល័យព្រះបាទសុរាម្រឹត២នាក់ក្នុងចំណោម៣នាក់ បានប្រឡងជាប់ថ្នាក់ជាតិ ក្នុងការចេញទៅប្រឡងអ្នកវិទ្យាសាស្ត្រវ័យក្មេង អាស៊ាន និងអន្តរជាតិ នៅក្នុងទីក្រុងហុងកុង និងប្រទេ សស្វីស ក្នុងអំឡុងខែឧសភា និង ខែកក្កដា ឆ្នាំ២០១៦ខាងមុខនេះ។ លោកនាយកសាលាវិទ្យាល័យព្រះបាទសុរាម្រឹត បែបថ្លែងនេះនៅរសៀលថ្ងៃទី០៩ ខែកុម្ភៈ ឆ្នាំ២០១៦ ក្នុងពេលដែលលោកផ្តល់កិច្ចសម្ភាសន៏ជាមួយអ្នកសារព័ត៌មាននៅក្នុងខេត្ត ។
លោកនាយសាលាវិទ្យល័យព្រះបាទសុរាម្រឹត បានបន្តថា៖ សិស្ស២នាក់ដែលបានប្រឡងជាប់
ទៅប្រឡងអ្នកវិទ្យាសាស្ត្រវ័យក្មេងមាន៖ ១.ឈ្មោះ ផល្លា ភារីវណ្ណ ភេទស្រី ជាប់លេខ២ និង២.ឈ្មោះ ចេង វន្ត័ស្រ៊ុន ភេទប្រុស ជាប់លេខ៥ ។ពួកគេទាំង២នាក់នឹងត្រូវទៅចូលរួមប្រឡង អ្នកវិទ្យាសាស្ត្រវ័យ ក្មេង នៅទីក្រុងហុងកុង ពីថ្ងៃទី០១ ដល់ថ្ងៃទី០៩ ខែឧសភា និងទៅប្រឡងនៅប្រទេសស្វីស ពីថ្ងៃទី១១ដល់ថ្ងៃទី១៧ខែកក្កដា ឆ្នាំ២០១៦ ខាងមុខនេះ។
លោកបានបញ្ជាក់អោយដឹងថា៖ ការដាក់ពាក្យទៅប្រឡងជំនាញខាងលើនេះ នៅក្នុងប្រទេសកម្ពុជាមានចំនួន១០នាក់ ក្នុងនោះមានបេក្ខជននៅក្រុងភ្នំពេញមាន១នាក់ , ខេត្តបាត់ដំបង៣នាក់ , ខេត្តកំពង់ឆ្នាំង៣នាក់ , ខេត្តតាកែវ ២នាក់ និងខេត្តកំពង់ចាម១នាក់ ដែលជាលទ្ឋផល
បាន ជាប់ខេត្តបាត់ដំបង២នាក់ , ខេត្តកំពង់ឆ្នាំង២នាក់ , និង ខេត្តតាកែវ ១នាក់ ។
លោក អឿ ម៉េងចុង បានលើកឡើងថា ពាក់ព័ន្ឋនិងកំណែទម្រង់លើវិស័យអប់រំ របស់ក្រសួងអប់រំ យុវជននិងកីឡា ក៏ដូចជារាជរដ្ឋាភិបាល បានធ្វើអោយសាលារបស់លោកទាំងសិស្សទាំងគ្រូ បានខិតខំរៀន និងបង្រៀន ធ្វើអោយក្នុងវិទ្យាល័យមានការរីកចមរោះនជាច្រើនគួរកត់សំគាល់ ទន្ទឹមនោះដែរ សិស្សត្រូវបានពិនិត្យវត្តមានជាប្រចាំ បើសិស្សណាខានមករៀន ច្រើនដង
គ្រូនឹងធ្វើសេចក្តីជូនដំណឹងទៅមាតាបិតាពីអវត្តមាននៅវិទ្យាល័យរបស់សិស្ស។ ចំណែកលោកគ្រូអ្នកគ្រូ
បើឈប់ត្រូវសុំច្បាប់ដល់វិទ្យាល័យ ដើម្បីអោយអ្នកគ្រប់វិទ្យាល័យ ទៅប្រាប់សិស្សថ្នាក់នោះអោយមកសម្រាកអានសៀវភៅក្នុងបណ្តាល័យ ដែលមាន២កន្លែងនៅក្នុងសាលា លុះដល់ម៉ោងប្តូរមុខវិជ្ជា សិស្សនឹងចូលរៀនបន្ត ទៀតព្រោះសាលាគ្មានគ្រូជំនួសទេ ។
ចាប់តាំងពីកំណែទម្រង់លើវិស័យអប់រំ មកសិស្សបានប្រឹងប្រែងរៀន សូត្រ ចំណែកលោកគ្រួ អ្នកគ្រួវិញក៏ដូចគ្នានេះ ដែរ គឺមានឆន្ទះប្រឹងប្រែងបង្រៀនសិស្ស អស់ពិចិត្តពីថ្លើម ព្រោះឃើញសិស្សខំប្រឹងរៀន និងប្រាក់បៀវត្សគ្រូក៏បានតម្លើងគួសមដែរ ។ ដោយសារតែកត្តានេះហើយ ទើបលទ្ឋផល ការប្រឡងសញ្ញាបត្រ័ទុតិយភូមិឆ្នាំសិក្សា២០១៣-២០១៤ ដែលជាឆ្នាំដំបូងក្នុងរបត់ កំណែទម្រង់វិស័យអប់រំ សិស្ស ប្រឡងមានចំនួន៦៤៧នាក់ ប្រឡងលើកទី១ជាប់ចំនួន១៨៩នាក់ និងលើកទី២ជាប់២៧៨នាក់ គឺស្មើនិង៥០ភាគរយ។ ចំណែកឆ្នាំសិក្សា២០១៤-២០១៥ សិស្សប្រឡងមាន ចំនួន ៤០២នាក់ ប្រឡងជាប់ ២៥០នាក់គឺស្មើនឹង ៦២,១៨ភាគរយ លោសង្ឃឹមថា ឆ្នាំសិក្សា២០១៥-២០១៦ ចំនួនសិស្សជាប់ក្នុងការប្រឡងបាក់ឌុបនឹងមានចំនួនកើនឡើង ។
លោកនាយកសាលាវិទ្យាល័យព្រះបាទសុរាម្រឹត ក៏បានបញ្ជាក់ផងដែរថា៖ ចំពោះវិន័យសីលធម៌ និងសុជីវធម៌វិញ សិស្សក្នុងវិទ្យាល័យបានកែប្រែច្រើន ចេះគោរពវិន័យ ចេះអោនលំទោនគោរពលោកគ្រូអ្នកគ្រូ ខុសគ្នាពីពេលមុន ដែលធ្លាប់មានសិស្សដើរពើងទ្រូង និងឌឺដងដាក់មិនខ្លាចគ្រូ៕
