កំពង់ធំៈ លោកឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិកាសឹករងកំពង់ធំ បានប្រតិកម្មយ៉ាង ខ្លាំងខណៈពេលដែលមាន ព័ត៌មានលេចលឺថា មានយោធាអែមអាងថា យកលុយពីអ្នកដឹកឈើ ចំនួន៧០ម៉ឺន ទៅអោយមេព្រៃទំរីង កាលពីយប់ថ្ងៃទី១៣ ខែមិនា ឆ្នាំ ២០១៦កន្លងមកនេះ លោក ឧត្តមសេនីយ៍ត្រី សោម ស៊ុន បានដាក់បទបញ្ជាយ៉ាងក្តៅគគុក ស្រាវជ្រាវជាបន្តបន្ទាប់គ្រប់មន្ត្រីសង្ស័យថាមានការពាក់ព័ន្ឋដើម្បីបំភ្លឺ ទាំងអ្នកដឹកឈើ ទាំងមន្ត្រីសង្ស័យរហូតមកដល់ថ្ងៃទី ១៨ ខែមិនា ឆ្នាំ ២០១៦ ទើបមានការសង្ស័យថា ពិតជាមានជនខិលខូចបានលបលួច ប្រើប្រាស់ឈ្មោះយោធា ក្នុងគោលបំណងធ្វើខូចនិងប៉ះពាល់កតិ្តយស់យ៉ាងខ្លាំងដល់អង្គភាពកងយោធពលខេមរៈភូមិន្ទ និងអង្គភាពផ្នែករដ្ឋបាលព្រៃឈើសណ្តាន់។
លោក សៅ វណ្ណី នាយផ្នែករដ្ឋបាលព្រៃឈើសណ្តាន់ បានឲ្យដឹងថា លោកមិនដែលមានការពាក់ព័ន្ឋ និង ការដឹកជញ្ជូនឈើរបស់ប្រជាពលរដ្ឋឡើយ រួមទាំងហាមដល់មន្ត្រីរបស់លោកមានការពាក់ព័ន្ឋ និងបទល្មើសព្រៃឈើ ថែមទាំងបានដាក់ផែនការក្តៅបង្ក្រាបបទល្មើសព្រៃឈើ ដែលបានដឹកជញ្ជូនឈើដោយខុសច្បាប់ តែចំពោះប្រជាពលរដ្ឋដឹកឈើបន្តិចបន្តួចសម្រាប់យកមកធ្វើផ្ទះសំបែង ដោយមានស្នើរសុំពីអាជ្ញាធរ និងត្រូវបានអនុគ្រោះដោយយោងតាមគោលនយោបាយរបស់ប្រមុខរាជរដ្ឋបាភិបាល ឲ្យរដ្ឋបាលព្រៃឈើមានការយោគយល់ចំពោះប្រជាពលរដ្ឋ ដែលរស់នៅក្បែរព្រៃសហគមន៍ ។
នៅថ្ងៃទី ១៧ ខែមិនា ឆ្នាំ ២០១៦ លោក សៅ វណ្ណី នាយផ្នែករដ្ឋបាលព្រៃឈើសណ្តាន់ បានកោះហៅលោក ឈាង ម៉ៅ ម្ចាស់កាឡេថងដឹកឈើមកឆ្លើយបំភ្លឺ និងទទួលបានចម្លើយថា នៅយប់កើតហេតុ មានទាហាន ម្នាក់អះអាងថា នៅឌឺបេជើងគោ បានជំរិតទាលុយ ចំនួន ១០ម៉ឺនរៀល ទើបគាត់អស់លុយ លុះមកដល់ចុងភូមិ បឹង លោកពុំបានស្គាល់ឈ្មោះមន្ត្រីយោធាដែលជំរិតទារលុយចំនួន ៧០ម៉ឺនរៀលទាំងនោះទេ តែក្នុងគ្រានោះលោក បានខល់ទូរស័ព្ទសួរមិត្តភ័ក្ក ដែលជាអ្នកធ្លាប់ស្គាល់មន្ត្រីអាជ្ញាធរ ក្នុងស្រុក តែត្រូវបានបុគ្គលស្លៀកពាក់ឯកសណ្ឋានយោធា ឆក់យកទូរស័ព្ទមិនឲ្យខលទៅណា តែក្រោយមកមានអ្នកស្រុកជិះម៉ូតូឆ្លងកាត់ ហើយអ្នកជិះម៉ូតូនោះបាន ប្រាប់ថាអ្នកយកលុយនោះឈ្មោះ យ៉េ និងលោក យូ ជាអ្នករស់នៅជាមួយមេព្រៃ លុះក្រោយមក លោកបើកកាឡេថងមកដល់ចំនុចចុងភូមិទើបលោក សឹង សឿង ហៅ ស្មី ស្លៀកខោខ្លី អត់អាវ បានអះអាងថាខ្លួនជាមន្ត្រីកសណ្តាន់ បានកាក់កន្លាំង និងបង្ខំឲ្យបង់លុយ ១៦ម៉ឺនរៀលចំនួន២គ្រឿង តែលោកពុំមានលុយអោយទើបចាប់ប្រគល់ឲ្យមេព្រៃ។
លោក ឧត្តមេនីយ៍ត្រី សោម ស៊ុន បានដាក់បទបញ្ជាស្រាវជ្រាវជាបន្ទាន់ ដោយហៅអ្នកសង្ស័យពាក់ព័ន្ឋទាំងនោះត្រូវបានមកបំភ្លឺទើបដឹងថាថ្ងៃកើតហេតុ លោក យ៉េ ជាប់រវល់ការកូនបង្កើត ចំណែកលោកយូ នៅកំពង់ថ្ម សុទ្ធតែពុំបានដឹងរឿង និងពុំមានការពាក់ព័ន្ឋ ដែលករណីនេះសង្ស័យថា មានជនខិលខូចលួចប្រើឈ្មោះ និងពាក់ឯកសណ្ឋានយោធា ដូច្នេះសំណូមពរឲ្យកងកម្លាំងសមត្ថកិច្ចទាំងអស់ រួមសហការត្រួតពិនិត្យ ជនក្លែងបន្លំ និងពាក់ឯសណ្ឋានយោធា ដើម្បីចៀសវាងការខូចកិត្តិយស់ដល់អង្គភាពកងយោពលខេមរៈភូមិន្ទ ។
ដោយ ប៊ុន រដ្ឋា
