ខេត្តស្ទឹងត្រែង៖បុរសជាតិឡាវម្នាក់ បានរងការចោទពីតុលាការខេត្តស្ទឹងត្រែង និងបានសំរេចឃុំខ្លួនជាបណ្តោះអាសន្ន នៅក្នុងធនាគារខេត្តនោះហើយ នៅថ្ងៃច័ន្ទ២៨មិនានេះ។ រីឯ ការឃុំខ្លួនជនសង្ស័យជាតិឡាវរូបនោះ ត្រូវគេធ្វើឡើងនៅក្រោយការចាប់ខ្លួន និងរកឃើញកំ ហុស នៅក្នុងការធ្វើសកម្មភាពជួញដូរគ្រឿងញៀន ឆ្លងដែនពីប្រទេសឡាវចូលមកកម្ពុជា នៅជិតច្រកទ្វារអន្តរជាតិត្រពាំងក្រៀល កាលពីវេលាម៉ោង៧និង៣០នាទីយប់ ថ្ងៃសៅរ៍ទី២៥មិនាកន្លងទៅ របស់កម្លាំងនគរបាល នៃមន្ទីរប្រឆាំងគ្រឿងញៀន ក្រសួងមហាផ្ទៃ នគរបាល (BLO) ប្រចាំច្រកទ្វារអន្តរជាតិត្រពាំងក្រៀល រួមសហការណ៍ជាមួយកម្លាំងការិយាល័យ នគរបាលប្រឆាំងគ្រឿងញៀន នៃស្នងការដ្ឋាននគរបាលខេត្តស្ទឹងត្រែង។
ស្នងការរង និងជាប្រធានការិយាល័យនគរបាល កណ្តាលបទល្មើសខេត្ត លោកវរៈសេ នីយ៍ឯកសាន់ និមល បានប្រាប់ឲ្យដឹងថា នៅក្នុងប្រតិបត្តិការចុះបង្ក្រាបជំនួញគ្រឿងញៀនឆ្លងដែន កាលពីយប់ថ្ងៃ២៥មិនា នៅតំបន់ព្រំដែន ជិតច្រកទ្វារអន្តរជាតិត្រពាំងក្រៀល កន្លងទៅនេះ សមត្ថកិច្ចនគរបាល បានឈានទៅឃាត់ខ្លួនបុរសជាតិឡាវម្នាក់ឈ្មោះខាំសៃ ញ៉ាវង្សា អាយុ៤៦ឆ្នាំ មានទីលំនៅភូមិចមភិត ស្រុកខាំខេត ខេត្តខាំមួន ប្រទេសឡាវ ។ លោកថា នៅក្រោយការឃាត់ខ្លួន សមត្ថកិច្ចបានដកហូតបានវត្ថុតាងថ្នាំញៀន ប្រភេទហេរ៉ូអ៊ីនចំនួន៦ដុំ ម្សៅមេតំហ្វេតាមីនទឹកកកចំនួន២ដុំធំ និងរថយន្ត១គ្រឿង ប្រភេទតូយ៉ូតាហៃឡាក់វីហ្គោ ពណ៌ស ពាក់ស្លាកលេខឡាវ 2241 បញ្ជូនមកកាន់ស្នងការដ្ឋាននគរបាលខេត្ត ដើម្បីធ្វើការសាកសួរ ។ 
ចំណែក ជនសង្ស័យម្នាក់ទៀត បានរត់គេចខ្លួន ចូលទៅក្នុងទឹកដីឡាវវិញប�
