រថយន្តដឹកឈើធ្នង់បំប្រុងលោតឆត្រ ត្រូវបានជាប់អន្ទាក់សមត្ថកិច្ចមេព្រៃ

0

កំពង់ធំៈ បទល្មើសព្រៃឈើឆ្លងកាត់ខេត្តកំពង់ធំ បានចាប់ផ្តើមកំរើកសារជាថ្មី ក្នុងការដឹកជញ្ជូនឈើដោយខុសច្បាប់ ប្រភេទឈើធ្នង់ គ្រញូង និងឈើបេង ព្រមទាំងឈើប្រភេទលេខ២ បានធ្វើចរាចរណ៍ ចេញពីខេត្ត ព្រះវិហារ ខេត្តសៀមរាប និងខេត្តឧត្តមមានជ័យ នាំគ្នាសំរុកដឹកឈើឆ្លងកាត់ខេត្តកំពង់ធំ ទទឹមគ្នានោះដែរ គេកំពុងតែសង្កេតមើលថា តើសមត្ថកិច្ចមេព្រៃមានសមត្ថភាពបង្រ្កាបដែរឬអត់ ដោយសារតែមានមួយចំនួន ធំត្រូវបានគេដឹងថា ត្រូវដងត្រូវផ្លែគ្នាអស់ហើយ។photo_2016-10-21_10-10-42
ជាក់ស្តែងនៅយប់ថ្ងៃទី ២០ ខែតុលា ឆ្នាំ ២០១៦ សមត្ថកិច្ចមេព្រៃបានឃាត់រថយន្តតាកូម៉ា ពណ៌ស្ករ មួយបាំងកន្លះ ពាក់ស្លាកលេខ ភ្នំពេញ 2Z-2263 បានដឹកឈើធ្នង ប្រភេទឈើប្រណិត បានដឹកចេញពីខេត្តព្រះវិហារ ស្ទើតែរិចផ្លូវអស់ហើយ តែពុំដែលត្រូវបានម្តងណាឡើយ តែការចាប់នេះគឺសង្ស័យថាពុំបានជំរាបអស់ លោកសមត្ថកិច្ចគ្រប់គ្នា ទើបបានជាភ្លាត់ស្នៀតត្រូវបានជាប់អន្ទាក់។photo_2016-10-21_10-10-38
តៃកុងឡានត្រូវបានសារភាពថា ខ្លួនឈ្មោះ លុយ សុគា អាយុ ៣០ឆ្នាំ បានដឹកឈើចេញពីព្រះវិហារ ជាមួយនិង សុខ ឈី ភេទប្រុស ១៨ឆ្នាំ រស់នៅភូមិស្វាយកាល់ ឃុំកកោះ ស្រុកសន្ទុក ខេត្តកំពង់ធំ បានស៊ីឈ្នួលដឹក ឈើឲ្យលោក ធី ថៅកែដឹកសិប្បកម្ម ទៅទំលាក់នៅភ្នំពេញ តែលើកនេះមិនដឹងថាយ៉ាងម៉េច បានជាមេព្រៃ ឃាត់ខ្លួនទាំងពីនាក់ និងរថយន្តមកកាន់ផ្នែករដ្ឋបាលព្រៃឈើស្ទោង ។
ដោយ ប៊ុន រដ្ឋា

photo_2016-10-21_10-10-35 photo_2016-10-21_10-10-25 photo_2016-10-21_10-10-30