សៀមរាប ៖ ស្ត្រីជាជនជាតិ NEW ZEALAND ដែលមានអាយុ ៩២ ឆ្នាំ នេះត្រូវបានអ្នកបំរើការងារ នៅក្នុងផ្ទះ ជួលមួយ កន្លែងស្ថិតនៅក្នុងភូមិត្រពាំងសេះ សង្កាត់គោកចក ក្រុងសៀមរាបបានរាយការណ៍មកដល់សមត្ថកិច្ច មូលដ្ឋានថាស្ត្រីម្នាក់ នេះបានដេកស្លាប់ក្នុងបន្ទប់កាលពីវេលាម៉ោង៧ ព្រឹក ថ្ងៃទី១៥ខែកុម្ភះឆ្នាំ២០១៤កន្លងទៅនេះ។បន្ទាប់ពីលោក សំរិទ្ធ សុខុនព្រះរាជអាជ្ញារងសាលាដំបូងខេត្តសៀមរាបបានដឹកនាំកម្លាំងនគរបាលចំរុះចំណុះស្នងការដ្ឋាននគរបាលខេត្តសៀម រាបចុះធ្វើការត្រួតពិនិត្យនិងបានធ្វើការតាមដានស្រាវជ្រាវរួចមក សមត្ថកិច្ចបានឲ្យដឹងថា ស្ត្រីជាជនជាតិ NEW ZEALAND ដែលមានអាយុ ៩២ ឆ្នាំ នេះបានស្លាប់ដោយសារតែជម្ងឺរោគាពាធ៍មិនមែនករណីឃាតកម្មនោះទេ។បច្ចុប្បន្នសព ស្ត្រីជនជាតិ NEW ZEALAND ត្រូវបានសមត្ថកិច្ចចំណាត់ការទៅតាមនិតិវិធីបន្ត ៕ អត្ថបទដោយ លោក ខេង ខេមរា រូបភាព លោក ម៉ែន បូរិទ្ធ