ពិធីប្រកាសចូលកាន់តំណែងក្រុមប្រឹក្សាខេត្តស្វាយរៀងអាណត្តិទី២ បានប្រព្រឹត្តិ្កធ្វើឡើងកាលពីថ្ងៃទី ០៩ ខែ មិថុនា ឆ្នាំ ២០១៤ កន្លងទៅនេះ នៅសាលាខេត្តស្វាយរៀង ក្រោមអធិបតិភាពលោកជំទាវ ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា
និងអធិការកិច្ច ព្រមទាំំងមានការអញ្ជើញ ចូលរួមពីប្រតិភូក្រសួងមហាផ្ទៃឯកឧត្តម អស់លោក លោកស្រី គណៈអភិបាលខេត្ត ក្រុង ស្រុក និងតំណាងមន្ត្រី រាជការ នៅតាមមន្ទីរអង្គភាពនានាក្នុងខេត្តជាច្រើនទៀត ។
ឯកឧត្តម ជៀង អំ អភិបាល នៃគណៈអភិបាលបានអានសន្ទរកថា និងរបាយការណ៍ពីសកម្មភាព និងលទ្ធ ផលការងាររបស់គណៈអភិបាល ខេត្តរយៈពេលកន្លងមក ដោយបានបញ្ជាពីភាពរីកចម្រើនរបស់ប្រជាពលរដ្ឋ ក្នុងខេត្ត ក្រោមកម្មវធីនយោបាយរបស់រាជរដ្ឋាភិបាលកម្ពុជា ដែលមានសម្តេច តេជោ ហ៊ុន សែន ជានាយករដ្ឋ មន្ត្រី ធ្វើឲសាលាខេត្តស្វាយរៀងមានការប្រែប្រួលមុខមាត់ថ្មី និងមានការយកចិត្តទុកដាក់ អនុវត្តគោលនយោបាយ ភូមិ ឃុំមានសុវត្ថិភាព ការលើកកម្ពស់សេដ្ឋកិច្ច សង្គមគ្រួសារ និងសង្គមជាតិ ។ ការទាក់ទាញ និងលើកកម្ពស់ វិស័យឯកជន និងការងារវិនិយោគ ទុកជាដើម ។ព្រមទាំងការកសាងហេដ្ឋរចនាសម្ព័ន្ធពីទីក្រុងរហូតដល់ជនបទ ឆ្ងាយ ។
អនុវត្តតាមលទ្ធផលនៃការជ្រើសរើក្រុមប្រឹក្សាអាណត្តិទី២ និងផ្អែកលើលទ្ធផលរបស់គណៈកម្មាធិការ ជាតិ រៀចំការបោះឆ្នោតកាលពីថ្ងៃទី ២៧ ខែ ឧសភា ឆ្នាំ ២០១៤ ខេត្តស្វាយរៀងមានគណបក្សនយោបាយ២ចូលរួម បោះឆ្នោត គឺគណបក្សប្រជាជនកម្ពុជា និងគណបក្សសង្គ្រោះជាតិ ។ លទ្ធផលបានគឺក្រុមប្រឹក្សាខេត្តដែលមាន ១៥ អសនៈគណបក្សប្រជាជនទទួបាន ៤២៥ សម្លេង ស្នើនឹង ១៣ អសនៈ គណបក្សសង្គ្រោះជាតិទទួលបាន ៩២ សម្លេង ស្នើនឹង ២ អសនៈ ។ រីឯកក្រុមប្រឹក្សាក្រុង ស្រុកដែលមាន ១២២ អសនៈនោះគឺគណបក្សប្រជាជនកម្ពុជា ទទួលបាន ៤៣០ សម្លេងស្នើនឹង ១០៧ អសនៈ គណបក្សសង្គ្រោះជាតិទទួលបាន ៨៦ សម្លេងស្នើនឹង ១៥ អសនៈ តាមព្រះរាជក្រឹត្យ នស/រកត/០៥១៤៦៥៧ ត្រូវបានក្រកាសតែងតាំងឯកឧត្តម គឹម ធា ជាប្រធានក្រុមប្រឹក្សា ខេត្ត អាណត្តិទី២ និង ១៤ រូបទៀតជាសមាជិកក្រុមប្រឹក្សាខេត្ត ។ បន្ទាប់ពីឯកឧត្តម គឹម ធា ប្រធានក្រុមប្រឹក្សាអាណត្តិ ទី២ ឡើងមានមតិចាប់អារម្មណ៍រួចមកលោកជំទាវ ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជា មួយរដ្ឋសភា ព្រឹទ្ធសភា និងអធិការកិច្ច ក្នុងនាមរាជរដ្ឋាភិបាលបានសំដែងនូវការចូលរួមអបអរសាទរ ការសរសើរ និងវាយតម្លៃខ្ពស់ចំពោះក្រុមប្រឹក្សាខេត្តឲមានការអភិវឌ្ឍន៍ រីកចម្រើនលើគ្រប់វិស័យបន្ថែមទៀត ។ លោកជំទាវ បន្តថា ទោះបីនៅក្នុងក្រុមប្រឹក្សាមានគណបក្ស២ផ្សេងគ្នា ប៉ុន្តែតាមគោលការណ៍ច្បាប់គឹតំណាងប្រជាពលរដ្ឋក្នុងខេត្ត ទាំងមូល ។ ហើយត្រូវបំរើប្រជាពលរដ្ឋក្នុងខេត្តដោយស្មើភាព ។ លោកជំទាវ ម៉ែន សំអន បានបញ្ជាក់ពីតួនាទី ភារកិច្ច និងមុខងាររបស់ក្រុមប្រឹក្សាអាណត្តិទី២ ពេលចូលកាន់មុខតំណែងត្រូវអនុវត្តងតាមច្បាប់ បានត្រឹមត្រូវតាម តួនាទីឋានានុក្រមដែលច្បាប់បានកំណត់ ។ ហើយការប្រកាសចូលកាន់តំណែងនាពេលនេះស្របពេលដែលរាជរដ្ឋា ភិបាល និតិកាលទី៥ កំពុងបន្តជំនួយអនុវត្តកម្មវិធីកែទំរងវិមជ្ឈការ និងវិសហមជ្ឈការឲកាន់តែស៊ីជម្រៅថែម៊ទៀត ដូច្នេះក្រុមប្រឹក្សាខេត្តមានតួនាទីសំខាន់ក្នុងការពិនិត្យផែកការអភិវឌ្ឍន៍ខេត្ត និងការប្រឆាំងអំពើពុករលួយជាដើ់ម ។ បន្តរៀបចំការធ្វើវេទិកាសាធារណៈជាមួយប្រជាពលរដ្ឋ និងមន្ត្រីរាជការដើម្បីក្តាប់នូវសំណូមពរផ្សងៗរបស់ប្រជា ពលរដ្ឋ និងរួមគ្នាដោះស្រាយនូវបញ្ហាប្រឈមផ្សេងៗដើម្បីបង្កើនជំនឿ ទុកចិត្តមកលើរាជរដ្ឋាភិបាល ។