ក្លិបបិសាចក្រហម Manchester United កំពុងតែត្រៀមរៀបចំសំណើរលើការនាំយកខ្សែការពារឆ្វេងរបស់ ក្រុមអ្នកមានបុណ្យ Barcelona គឺកីឡាករ Jordi Alba (ចូឌី អាល់បា) ។
កីឡាករសញ្ជាតិអេស្ប៉ាញរូបនេះក៏ធ្លាប់មានទំនាក់ទំនងលើការផ្ទេរមកកាន់ទឹកដី Old Trafford ផងដែរ ខណៈដែលរូបគេលេងនៅក្រុមប្រជៀវខ្មៅ Valencia ប៉ុន្តែទីបំផុតគេក៏សម្រេចចិត្តផ្លាស់ទៅលេងនៅទឹកដី Camp Nou វិញក្នុងឆ្នាំ ២០១២ ។
យោងតាមសារព័ត៌មានក្នុងប្រទេសអង់គ្លេសបានចុះផ្សាយថាក្រុម Manchester United កំពុងតែស្វែងរកខ្សែការពារឆ្វេងថ្មីម្នាក់នៅរដូវក្តៅនេះថ្វីបើកីឡាករ Patrice Evra ទើបតែចុះកិច្ចសន្យាថ្មីរយៈពេលខ្លីជាមួយក្លិបក៏ដោយ ។
គួរបញ្ជាក់ថា Alba ក៏មានឈ្មោះក្នុងក្រុមគោជល់អេស្ប៉ាញសម្រាប់ការប្រកួត World Cup នៅប្រទេសប្រេស៊ីលនៅខែនេះផងដែរ ៕
