មហាសេដ្ឋីជនជាតិចិនលោក Chen Guangniao ត្រូវបានគេស្គាល់ថាជាមហា សេដ្ឋីដែលមានចិត្ដសប្បុរសធម៌បំផុតក្នុងប្រទេសចិន ដោយលោកប្រកាស អញ្ជើញពលរដ្ឋក្រីក្រនៅអាមេរិកចំនួន ១.០០០នាក់ញាំអាហារថ្ងៃត្រង់ជាមួយ លោកនៅទីក្រុងញូវយ៉កនាសបា្ដហ៍ខាង មុខ ហើយថែមទាំងផ្ដល់ប្រាក់ទុកដូចជា កាដូរម្នាក់៣០០ដុល្លារទៀតផង ។ លោកក្លាយជាមហាសេដ្ឋីអាស្រ័យ ទៅលើការងារកែច្នៃសម្ភារវេចខ្ចប់ ពិសេសគឺបា្លស្ទិកខ្យល់សម្រាប់វេចខ្ចប់ សម្ភារ និងភេសជ្ជបំពង់“ខ្យល់បរិសុទ្ធ”។
លោកកំពុងបង្ហាញឱ្យអាមេរិក ឃើញថា ការធ្វើមានបានធ្វើជាមហាសេដ្ឋីរបស់ ពលរដ្ឋចិនមិនដោយសារតែអំពើពុក រលួយដូចការរិះគន់ថ្កោលទោសពីបណ្ដា ប្រទេសលោកខាងលិចនោះឡើយ ។ លោក Chen Guangniao បានប្រកាស តាមសារព័ត៌មានញូវយ៉កថាមរបស់ អាមេរិកអញ្ជើញពលរដ្ឋក្រីក្រនៅអាមេរិកចំនួន១.០០០នាក់ញាំអាហារថ្ងៃត្រង់ជាមួយលោកនាថ្ងៃទី២៥ មិថុនា ក្នុង ភោជនីយដ្ឋាន Boathouse ។ ក្រោយ ញ៉ាំអាហាររួច លោកនឹងជូនប្រាក់៣០០ ដុល្លារសម្រាប់ការចាយវាយចាំបាច់ ។
បើទោះបីមានពលរដ្ឋក្រីក្ររហូត ដល់ជិតពាក់កណ្ដាលនៅក្នុងក្រុង ប៉ុន្ដែ គេមិនអាចសន្និដ្ឋានថាមានពលរដ្ឋប៉ុន្មាន នាក់ ដែលមកញ៉ាំអាហារថ្ងៃត្រង់តាម ការអញ្ជើញរបស់មហាសេដ្ឋីចិននោះ ឡើយ ។ អាហារថ្ងៃត្រង់រួមមានដំឡូង បារាំងចៀន តម្លៃ២៦ដុល្លារ១កញ្ចប់ និង នំប៉័ង១កន្ដ្រកតម្លៃ១២ដុល្លារ ។
សកម្ម ភាពរបស់លោក គឺដើម្បីបង្ហាញពីទំនាក់ ទំនងយ៉ាងល្អប្រសើររវាងពលរដ្ឋចិននឹង ពលរដ្ឋអាមេរិក ។ មកទល់ពេលនេះ មានពលរដ្ឋ២៥០នាក់បានឯកភាពចូល រួមញ៉ាំអាហារថ្ងៃត្រង់ជាមួយលោកតាម ការចុះផ្សាយលើសារព័ត៌មាន ។ សកម្មភាពរបស់លោកកើតឡើងនៅ ពេលដែលមានមតិជុំវិញពិភពលោក ដល់មហាសេដ្ឋីនៅប្រទេសចិន ដែល ភាគច្រើនរកប្រាក់បានដោយអំពើពុក រលួយ ។ ចំណែករូបលោកក្លាយជាអ្នក មានដោយដៃទាំង២ មិនដូចអ្វីដែលគេ បាននិយាយនោះគេ ។
លោក Chen Guangniao អាយុ៤៥ឆ្នាំ ជាបុគ្គលមួយរូបក្នុងចំណោម៤០០រូប មានទ្រព្យសម្បត្ដិច្រើនជាងគេបង្អស់ក្នុង ប្រទេសចិន ប៉ុន្ដែលោកត្រូវបានគេស្គាល់ ច្រើនតាមរយៈសកម្មភាពមនុស្សធម៌ និងមិនប្រកាន់ខ្លួន អាចចុះចូលបានជា មួយមនុស្សគ្រប់ស្រទាប់វណ្ណៈ ។ កាលពី ដើមឆ្នាំ២០១៤នេះ លោកក៏ធ្លាប់បាន ដេញថ្លៃទិញយកសារព័ត៌មាន The New York Times ឬ World Street Journal ប៉ុន្ដែមិនបានសម្រេចទាំង២
