កំពង់ធំ ៖ ជនសង្ស័យម្នាក់ បានធ្វើសកម្មភាព ចែកចាយគ្រឿងញៀន នៅក្នុងភូមិសាស្ត្រ ភូមិ តាត្រាវ ឃុំ បាល្ល័ង្គ ស្រុកបារាយណ៍ ខេត្តកំពង់ធំត្រូវបានលោក អនុសេនីយ៍សេង សំ សហការជាមួយ កំលាំងជំនាញ កងរាជអាវុធហត្ថខេត្ត ចុះបង្ក្រាប និងក្រចួចបានទាំងមនុស្ស ទាំងវត្ថុតាង កាលពីវេលាម៉ោង ១៣.០០នាទី ថ្ងៃទី ៣ ខែកុម្ភះ ឆ្នាំ ២០១៤ ។
ជនសង្ស័យត្រូវបានស្គាល់ឈ្មោះ ជឹម ស្រស់ ភេទ ប្រុស អាយុ ២០ឆ្នាំ មានស្រុកកំណើត ភូមិត្រស់ ឃុំ បាល្ល័ង្គ ស្រុកបារាយណ៍ ខេត្តកំពង់ធំ ទីលំនៅបច្ចុប្បន្នរស់ស្ថិតនៅភូមិ ថ្នល់កែង ឃុំ រុងរឿង ស្រុករវៀង ខេត្តព្រះវិហារ នៅថ្ងៃចាប់ខ្លួន ជនសង្ស័យបាននាំយក គ្រឿងញៀន មកចែកចាយនៅភូមិ ឃុំ ខាងលើ ក៏ត្រូវ បានសមត្ថកិច្ចឃាត់ ខ្លួនរួចនាំមកកាន់ ទីបញ្ជាការកងរាជអាវុធហត្ថខេត្តកំពង់ធំ ដើម្បីកសាងសំណុំរឿង បញ្ជូនទៅកាន់ តុលាការ ។
តាមការដាក់បង្ហាញនូវវត្ថុតាង ដែលសមត្ថកិច្ចរឹបអូសបាន រួមមាន ថ្នាំញៀន ប្រភេទ មេតមហ្វេតាម៉ីន មាន ទំម្ងន់ ២,៣ក្រាម ៣កញ្ចប់តូច ទូរស័ព្ទអ៊ិនចុចពិល១គ្រឿង លុយ១៣០០ដុល្លាសហរដ្ឋអាមេរិក ម៉ូតូគុប៥០ ពណ៌ ទឹកប្រាក់ ពាក់ស្លាកលេខ ភ្នំពេញ 2AT-4955 មួយគ្រឿង ដែលជាមធ្យោបាយ ជនសង្ស័យធ្វើសកម្មភាពចែកចាយគ្រឿងញៀន ។
តាមការអោយដឹងពី លោកវរៈសេនីយ៍ត្រី ប៊ុន ឃី អនុប្រធានមន្ទីរស្រាវជ្រាវ យុត្តិធម៌ បានឲ្យដឹងថា ជនសង្ស័យត្រូវបានកសាងសំណុំរឿង បញ្ជូនទៅកាន់តុលាការ នៅល្ងាចថ្ងៃទី ៤ ខែ កុម្ភះ ឆ្នាំ ២០១៤ដើម្បីឲ្យស្ថាប័នច្បាប់ ចាត់ការតាមដាក់ទោសតាមច្បាប់ ។ ដោយ ប៊ុន រដ្ឋា
