អង់គ្លេស ៖កាលពីថ្ងៃចន្ទម្សិលមិញនេះ នាយករដ្ឋមន្ត្រីអង់គ្លេសលោកដេវីដ កាមឺរ៉ុន បានធ្វើដំណើរទស្សនកិច្ចមកកាន់តំបន់រងគ្រោះដោយសារទឹកជំនន់។ សេចក្តីរយការណ៍បានដឹងថា ទីក្រុងដែលស្ថិតនៅតាមបណ្តោយទន្លេថេម ពិសេសតំបន់ភាគខាងលិច នៃស្រុក Worcestershireប្រទេសអង់គ្លេស រងផលប៉ះពាល់ខ្លាំងបំផុតដោយសារជំនន់ទឹកភ្លៀងដែលបណ្ដាល មកពីព្យុះរយៈពេល
ប៉ុន្មានសប្ដាហ៍ចុងក្រោយនេះ។ ផ្ទះប្រជាពលរដ្ឋរាប់ពាន់ខ្នងរងការលិចលង់ និងគ្មានចរន្ត អគ្គិសនីប្រើប្រាស់ ហើយមានមនុស្ស២នាក់បាត់បង់ជីវិត។ ដោយឡែក រដ្ឋាភិបាលលោកកាមឺរ៉ុន បានសន្យាថានឹងផ្តល់ជំនួញ១០លានផោន ដើម្បីស្តាឡើងវិញ តំបន់ដែលរងប៉ះពាល់ដោយសារគ្រោះមហន្តរាយធម្មជាតិនេះ។