ខេត្តរតនគិរី÷ យុទ្ធនាការឃោសនារកសម្លេងឆ្នោតនៃការបោះឆ្នោតជ្រើសរើសតំណាងរាស្រ្តនីតិកាលទី៦ត្រូវបានបិទបញ្ចប់ត្រឹមថ្ងៃទី ២៧ ខែកក្កដា ឆ្នាំ២០១៨។
ក្នុងថ្ងៃនេះសម្រាប់ខេត្តរតនគិរី គណបក្សប្រជាជនកម្ពុជាខេត្ត បានរៀបចំក្បួនដង្ហែយុទ្ធនាការក្នុងថ្ងៃបញ្ចប់យ៉ាងមហោឡារិកអធិកអធមដោយមានសមាជិកសមាជិការនិងអ្នកគាំ
ទ្ររបស់ខ្លួនចូលរួម៥៧៥៤៥
នាក់ ដោយប្រើប្រាស់ថយន្ត ប្រមាណ
១៨៩៥គ្រឿងនិងក្បួនម៉ូតូ ៧៦៥៨គ្រឿង នៅទូទាំងខេត្ត។
ហើយសម្រាប់ទីក្រុងបានលុងមានអ្នកចូលរួមជាង១១៦៩០នាក់។ ប្រើប្រាស់រថយន្តជាង៥២២គ្រឿង និម៉ូតូជាង៩៨២គ្រឿង។
ក្បួនយុទ្ធនាការក្នុងក្រុងបានលុងបានធ្វើការជួបជុំគ្នានៅទីស្នាក់ការគណបក្សប្រជាជនកម្ពុជាខេត្តក្រោមអធិបតីភាព លោក ប៊ូ ថង សមាជិកអចិន្រ្តៃយគណៈកម្មាធិការកណ្តាលគណបក្សប្រជាជនកម្ពុជា។
មានប្រសាសន៍ទៅកាន់សមាជិក
សមាជិការនិងអ្នកគាំទ្រមុនហែក្បួន លោក ប៊ូ ថង បាន រំលឹកពីគុណបំណាច់ និងស្នាដៃរបស់គណបក្សប្រជាជនកម្ពុជាដែលសម្រេចបានជូនជាតិ និងប្រជាជន ហើយភស្តុតាងច្រើនរាប់មិនអស់នៃសមិទ្ធិផលរបស់គណបក្សប្រជាជនសម្រេចបានប្រជាជនកម្ពុជា បានមើលឃើញជាក់ស្តែង និងកំពុងតែទទួលផលប្រយោជន៍ ពីសមិទ្ធិផលទាំងអស់នេះ។
លោក បន្តថា គណបក្សប្រជាជនកម្ពុជា ដែលមានសម្តេចតេជោ ហ៊ុន សែន ជាប្រធានបានប្តេជ្ញា យ៉ាងមុតមាំក្នុងការ បន្តរក្សាសុខសន្តិភាព ស្ថេរភាពនយោបាយ និងការកសាង អភិវឌ្ឃន៍ប្រទេសអោយមានការរីកចម្រើនជាបន្តបន្ទាប់ទៀត។
ដូច្នេះដើម្បីអោយមាននិរន្តភាព នៃសុខសន្តិភាព និងការអភិវឌ្ឍន៍ សូមសមាជិក សមាជិការ និងអ្នកគាំទ្រ ព្រមទាំងប្រជាពលរដ្ឋនៅទូទាំងខេត្តរតនគិរី សូមអញ្ជើញទៅបាះឆ្នោតនៅថ្ងៃអាទិត្យ ទី២៩ ខែកក្កដា ឆ្នាំ២០១៨ និងបោះឆ្នោតជូនគណបក្សប្រជាជនកម្ពុជាដែលមានលេខទី២០ នៅក្នុងសន្លឹកឆ្នោត។
សូមបញ្ជាក់ថា ខេត្តរតនគិរី មានគណបក្សនយោបាយចំនួន ១១ ចូលរួមក្នុងយុទ្ធនាការឃោសនារកសម្លេងឆ្នោត ។
នេះបើតាមការបញ្ជាក់អោយដឹងពីប្រធានគណ:ម្មាការរៀបចំការបោះឆ្នោតខេត្តរតនគិរី លោក ប៉ែន ឈុនឌី ។ សម្រាប់ខេត្តរតនគិរី មានគណបក្សនយោបាយចំនួន ១១ ដែលមកពីគណបក្សផ្សេងៗគ្នា នឹងចូលខ្លួនចូលរួមឃោសនារកសម្លេងឆ្នោត ក្នុងឱកាសយុទ្ធនាការឃោសនារកសម្លេងឆ្នោត ជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨នេះ ។
លោក ប៉ែន ឈុនឌី បានបញ្ជាក់ថា គណបក្សនយោបាយទាំង ១១ ដែលចូលរួមឃោសនារកសម្លេងឆ្នោតនៅក្នុងខេត្តរតនគិរីនេះរួមមាន ១. គណបក្សខ្មែររួបរួមជាតិ ២. គណបក្សសញ្ជាតិកម្ពុជា ៣. គណបក្សសំបុកឃ្មុំសង្គមប្រជាធិបតេយ្យ ៤.គណបក្សខ្មែរឈប់ក្រ
៥. គណបក្សប្រជាធិបតេយ្យមូលដ្ឋាន ៦. គណបក្សសាធារណៈរដ្ឋប្រជាធិបតេយ្យ ៧. គណបក្សសម្ព័ន្ធដើម្បីប្រជាធិបតេយ្យ ៨. គណបក្សហ៊្វុនស៊ីនប៉ិច ៩.គណបក្សឆន្ទៈខ្មែរ ១០. គណបក្សជនជាតិដើមប្រជាធិបតេយ្យកម្ពុជា និងទី១១. គណបក្សប្រជាជនកម្ពុជា ។
ប្រធានគណៈកម្មាការរៀបចំការបោះឆ្នោតខេត្តរតនគិរីរូបនេះ បានអោយទៀតថា ក្នុងចំណោមគណបក្សនយោបាយទាំង ១១ នេះ នឹងធ្វើការឃោសនានៅថ្ងៃផ្សេងៗពីគ្នា ជាក់ស្តែងគណបក្សប្រជាជនកម្ពុជា គឺនឹងចាប់ផ្តើមធ្វើការឃោសនារកសម្លេងឆ្នោតចំនួន ២ លើក ដោយលើកទី១ នឹងធ្វើឡើងនៅថ្ងៃទី៧ ខែកក្កដានេះ និងថ្ងៃបញ្ចប់ នឹងធ្វើឡើងនៅថ្ងៃទី២៧ ខែកក្កដានេះ ដោយគ្រោងនឹងមានសមាជិកចូលរួមសរុបប្រមាណជិត៥៧៥៤៥នាក់ ដោយប្រើប្រាស់រថយន្តចំនួន ១៨៩៥គ្រឿង និងទោចក្រយានយន្តចំនួន ៧៦៥៨គ្រឿង៕ យក្ខឡោម
