(កំពត)៖ឯកឩត្តម ជាវ តាយ អភិបាលខេត្ត កំពត បានដឹកនាំ ក្រុមការងារ យកស្រូវពូជ មកចែកជូន ដល់ប្រជាកសិករ ជាង ៦៧៥ គ្រួសារ ដើម្បីយកទៅ បង្កបង្កើនផល ឡើងវិញ ក្រោយជំនន់ទឹកលិច បំផ្លាញស្រូវ ប្រជាពលរដ្ឋ នៅស្រុក ចំនួនបី ស្រុក ទឹកឈូ ស្រុក ដងទង់ និង ស្រុក កំពង់ត្រាច ខេត្ត កំពត នាព្រឹក ថ្ងៃទី០៣ ខែ សីហា ឆ្នាំ២០១៨ នៅ ចំណុច ភូមិ ព្រៃថ្នង ឃុំ ព្រៃថ្នង ស្រុក ទឹកឈូ ។
ឯឩត្តម ជាវ តាយ មាន ប្រសាសន៍ ថា ក្នុងនាម លោកជាអាជ្ញាធរ ខេត្ត តែងតែ គិតគូរ ពី សុខទុក ជានិច្ចរបស់ ប្រជា ពលរដ្ឋ មិនថា តែពេល មានគ្រោះ ទឹកជំនន់នោះទេ បាន ន័យថា គ្រប់ទុកធុរ:ទាំងអស់ គឺស្ថិតនៅ ជាមួយ ប្រជាពលរដ្ឋរហូត។
ឯកឩត្តម អភិបាល ខេត្ត បានបន្តថា ប្រមុខ រាជរដ្ឋាភិបាល គឺ សម្តេច តេជោ ហ៊ុនសែន តែងតែ មានការ ខ្វល់ខ្វាយ ពីសុខទុក្ខ របស់ បងប្អូន ពលរដ្ឋជានិច្ច ជាពិសេស ក្នុងគ្រោះ ទឹកជំនន់ កន្លងទៅ សម្តេច បានបញ្ជា អោយ អាជ្ញាធរ គ្រប់លំដាប់ថ្នាក់ រួមនិង សមត្ថកិច្ច ទាំងបី ត្រូវត្រៀម លក្ខណ: គ្រប់ពេលវេលា ដើម្បីជួយ សង្គ្រោះ ប្រជាជន។
ឯកឩត្តម អភិបាល ខេត្ត កំពត បានសំណូម ពរ អោយ ប្រជាពលរដ្ឋ ដែលទទួល បាន ស្រូវពូជ នៅពេលនេះ ត្រូវប្រញាប់ ប្រញាល យកទៅ សាបព្រោះ ឡើងវិញ ហើយត្រូវ តែ ខិតខំ ដាំដំណាំ រួមផ្សំផ្សេងៗ ដើម្បីលើក កំពស់ ជីវភាពគ្រួសារ អោយបាន ប្រសើរ ឡើង។
ក្នុងពិធី ចែកពូជ ស្រូវនោះផងដែរ ឯកឩត្តម អភិបាល ខេត្ត បានថ្លែង អំណរគុណ ដល់ លោក ប្រធាន មន្ទីរ កសិកម្ម ខេត្ត និង មន្ត្រីក្រោម ឧិវាទ ទាំងអស់ ដែលបាន ខិតខំជួយ ដល់ប្រជា កសិករ កន្លងមក រហូត មកដល់ ពេលនេះផងដែរ។
