កំពង់ធំៈ ឯកឧត្តម ឧត្តមសេនីយ៍ទោ សោម ស៊ុន អនុប្រធានគណៈបញ្ជាការឯកភាពរដ្ឋបាលខេត្តកំពង់ធំ បានអញ្ជើញបំពាក់ឯកសណ្ឋានជូនប្រជាការពារចំនួន០២ភូមិ និងវិទ្យុទាក់ទងដៃចំនួន ០៨គ្រឿង នៅឃុំបន្ទាយស្ទោង ស្រុកស្ទោង ខេត្តកំពង់ធំ នៅព្រឹកថ្ងៃទី០៥ ខែកញ្ញា ឆ្នាំ២០១៨។
ក្រោមការយកចិត្តទុកដាក់របស់ ឯកឧត្តម ឧត្តមសេនីយ៍ទោ សោម ស៊ុនមេបញ្ជាការរង យោធភូមិភាគទី៤ មេបញ្ជាការ តំបន់ប្រតិបត្តិការសឹករងកំពង់ធំ មកលើជីវភាពរស់នៅរបស់ប្រជាពលរដ្ឋ ពីបញ្ហាសន្តិសុខ និងភាពសុខសាន្ត សម្រាន្តលក់អស់ក្តីព្រួយបារម្ភណ៍ ពីបញ្ហាចោរលួច ចោរប្លន់ និងបទល្មើសផ្សេងៗ ដែលកើត ឡើងនៅក្នុងមូលដ្ឋាន បានពង្រឹងសមត្ថភាព លើកស្ទួយគុណភាព ប្រជាការពារ ដើម្បីកិច្ចសហការជាមួយសមត្ថកិច្ចឲ្យបានទាន់ពេលវេលា ក្នុងការចូលរួមអនុវត្តគោលនយោបាយភូមិឃុំមានសុវត្តិភាព។
ប្រជាការពារចំនួន០២ភូមិ ត្រូវបានឧបត្ថម្ភ ឯកសណ្ឋាន ចំនួន ២០ សម្រាប់ និងវិទ្យុទាក់ទងដៃ ចំនួន ០៨ គ្រឿង គឺភូមិកុកគ្រួស ចំនួន ០៨ នាក់ និងភូមិស្លាករ ចំនួន ១២ នាក់ ត្រូវបានបំពាក់ឯកសណ្ឋានជូន ជាលើកទី២ ស្ថិតនៅវត្តពោធិរោង ឃុំបន្ទាយស្ទោង ស្រុកស្ទោង ខេត្តកំពង់ធំ។
ពិធីបំពាក់នេះ មានការចូលរួមបីថ្នាក់ដឹកនាំ នៃបញ្ជាការដ្ឋាន តំបន់ប្រតិបត្តិការសឹករងកំពង់ធំ ,លោកអធិការរង នគរបាលស្រុកស្ទោង ,នគរបាលរដ្ឋបាលប៉ុស្តិ៍ឃុំបន្ទាយស្ទោង , អាជ្ញាធរ ភូមិ-ឃុំ និងសហការី ឯកឧត្តម ឧត្តមសេនីយ៍ទោ សោម ស៊ុន បានធ្វើការផ្សព្វផ្សាយ អំពីតួនាទីភារកិច្ច និងសិទ្ធរបស់ប្រជាការពារក្នុងការ អនុវត្ត និងបានថ្លែងអំណរគុណដល់បងប្អូនប្រជាពលរដ្ឋទាំងអស់ដែលបានអញ្ជើញទៅបោះឆ្នោត បានច្រើនកុះករ ហើយបោះឆ្នោតគាំទ្រសម្តេចតេជោ ហ៊ុន សែន ឲ្យបន្តដឹកនាំប្រទេសជាតិយើង រក្សាបានសន្តិភាព និងការអភិវឌ្ឍន៍ ប្រទេសជាតិយើងបន្តទៀត ។ ដោយ ប៊ុន រដ្ឋា
