កំពង់ធំៈ ឧត្តមសេនីយ៍ទោ សោម ស៊ុន មេបញ្ជាការរងយោធភូមិភាគទី៤ មេបញ្ជាការតំបន់ប្រតិបត្តិការ សឹករងកំពង់ធំ បានផ្សព្វផ្សាយសភាពការជាតិ ដែលកំពុងតែប្រកាសតែងតាំងថ្នាក់ដឹកនាំរបស់ រាជរដ្ឋាភិបាល អណត្តិទី៦ ដល់ថ្នាក់ដឹកនាំ កងកម្លាំង គ្រប់កងឯកភាព ១៣០នាក់ ចំណុះឲ្យមេបញ្ជាការតំបន់ប្រតិបត្តិការ សឹករងកំពង់ធំ នៅព្រឹកថ្ងៃទី៦ ខែកញ្ញា ឆ្នាំ ២០១៨ នៅសាលប្រជុំធំ។
ពិធីផ្សព្វផ្សាយនេះ ដើម្បីពង្រឹងពីគោលជំហរនិង ស្មារតី សតិអារម្មណ៍ ដល់ថ្នាក់ដឹកនាំ និងនាយទាហាន ពលទាហាន គ្រប់រូបអោយមានមនសិការស្នេហាជាតិ ស្មោះត្រង់ជាមួយរដ្ឋាភិបាល ការពារជាតិ សាសនា ព្រះមហាក្សត្រ និងត្រូវ អនុវត្ត តួនាទី ភារកិច្ច របស់កងទ័ព គោរពនូវបទបញ្ជាឲ្យរ៉ឹងមាំ របស់កងយោធពល ខេមរៈភូមិន្ទ ។
ឧត្តមសេនីយ៍ទោ សោម ស៊ុន បានធ្វើការណែនាំ ដល់ថ្នាក់ដឹកនាំ និងមន្រ្តីក្រោមឳវាទ ទាំងអស់ឲ្យរួមគ្នាទប់ ស្កាត់ រាល់ព័ត៌មាន ដែលបណ្តាលឲ្យ មានការញុះញ៉ុង បំភ្លៃ ដែលឈានដល់ការបដិវត្តពណ៌ ដែលជាឥទ្ធិពលរបស់ជនបរទេស មកលើប្រទេសកម្ពុជាជាដាច់ខាត ក្នុងកិច្ចប្រជុំផ្សព្វផ្សាយ ដល់ថ្នាក់ដឹកនាំគ្រប់លំដាប់ថ្នាក់ និងយោធិនក្រោមឱវាទ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ យោធភូមិភាគទី៤ បានទស្សនា និងស្ដាប់ការផ្សាយផ្ទាល់របស់ទូរទស្សន៍ជាតិកម្ពុជា ស្តីពីការបោះឆ្នោតបង្កើតក្បាលម៉ាស៊ីនថ្នាក់ដឹកនាំរដ្ឋសភា ថ្នាក់ដឹកនាំគណកម្មាធិការជំនាញនានាទាំង១០ នៃរដ្ឋសភា និងការបោះឆ្នោតផ្តល់សេចក្តីទុកចិត្តដល់សមាសភាពរាជរដ្ឋាភិបាលថ្មីអាណត្តិទី៦ ពិសេសផ្តល់សេចក្តីទុកចិត្តចំពោះសម្តេចអគ្គមហាសេនាបតីតេជោហ៊ុន សែន ជានាយករដ្ឋមន្ត្រីក្នងអណត្តិទី៦ នេះ ។
ឯកឧត្តម បានថ្លែងថា ប្រទេសជាតិកំពុងតែមានភាពរីកចំរើន និងមានសន្តិភាព គឺដោយយសារការដឹកនាំដ៏ប៉ិនប្រសព្វរបស់ សម្ដេចតេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា ដែលបានបង្រួបបង្រួមជាតតែមួយ ឈ្នះ ទាំងអស់គ្នា ដោយគ្មានអ្នកចាញ់ គឺដើម្បីខ្មែរតែមួយទទួលបានសន្តិភាព និងការអភិវឌ្ឍន៍ពេញលេញ បានធ្វើឲ្យប្រទេសកម្ពុជា ស្មើរមុខស្មើមាត់និងអន្តរជាតិផងដែរ រហូតមកដល់ជិត៤០ឆ្នាំមកនេះ ក្នុងនោះប្រជាជន កម្ពុជាពេញចិត្តនឹងការដឹកនាំរបស់សម្តេចតេជោ ហ៊ុន សែន គាំទ្រឲ្យសម្តេចដឹកនាំភាពសុខសាន្តនេះបន្តទៀត ដោយប្រជាពលរដ្ឋ ខ្មែរគ្រប់រូប ម្នាក់ៗសុទ្ធតែស្អប់ខ្ពើមនូវសង្រ្គាម ដែលនាំឲ្យវិនាសអន្តរាយ ដល់សង្គមជាតិ ទាំងមូល ។
ដោយ ប៊ុន រដ្ឋា
