កំពង់ធំ៖ បញ្ជាការដ្ឋានតំបន់ប្រតិបត្តិការសឹករងកំពង់ធំ បើកកិច្ចប្រជុំផ្សព្វផ្សាយ សេចក្តីប្រកាស់របស់ រដ្ឋមន្រ្តីក្រសួងការពារជាតិ ស្តីពីការកែសម្រួលផ្ទេរក្របខណ្ឌអង្គភាពកងយោធពលខេមរភូមិន្ទ និងសភាពការណ៍ជាតិ និងអន្តរជាតិ ជូនដល់ដល់ថ្នាក់ដឹកនាំគ្រប់លំដាប់ថ្នាក់នៃបញ្ជាការដ្ឋានតំបន់ប្រតិបត្តិការសឹករងកំពង់ធំ ថ្ងៃទី១៣ ខែកញ្ញា ឆ្នាំ២០១៨ ។
ឧត្តមសេនីយ៍ទោ សោម ស៊ុន មេបញ្ជាការង យោធភូមិភាគទី៤ មេបញ្ជាការ តំបន់ប្រតិបត្តិការសឹករងកំពង់ធំ បានថ្លែងថា ការកែសម្រួលភារកិច្ចថ្នាក់ដឹកនាំអគ្គមេបញ្ជាការ បញ្ជាការដ្ឋានកងទ័ពជើងគោក និងការកែសម្រួលផ្ទេរក្របខណ្ឌអង្គភាពក្នុងការដឹកនាំ និងបានធ្វើការផ្សព្វផ្សាយភារកិច្ចសំខាន់ៗរបស់កងយោធពលខេមរភូមិន្ទក្នុងដំណាក់កាលថ្មី នៃរាជរដ្ឋាភិបាលអាណត្តិទី៦ រួមមាន ថែរក្សានិងការពារឲ្យបាន សុខសន្តិភាពដែលកំពុងមាន មិនឲ្យអ្នកណាបំផ្លាញបានជាដាច់ខាត គោរពច្បាប់ ពង្រឹងនិតិរដ្ឋ ការពារឲ្យបានដាច់ខាត រដ្ឋធម្មនុញ្ញ នៃព្រះរាជាណាចក្រកម្ពុជា ការពាររបបរាជានិយម និងការពារឲ្យបានដាច់ខាតរាជរដ្ឋាភិបាលស្របច្បាប់ដែលប្រសូតឡើងដោយការបោះឆ្នោត និងពង្រឹងវិន័យ របៀបរបបការងារ ពង្រឹងការអនុវត្តន៍ភារកិច្ចក្នុងការកសាងអង្គភាពរឹងមាំលើកគ្រប់វិស័យ ។
ឧត្តមសេនីយ៍ទោ សោម ស៊ុន បានកិច្ចប្រជុំនេះ ត្រូវបានធ្វើឡើង នៅសាលប្រជុំ បញ្ជាការដ្ឋានតំបន់ប្រតិបត្តិការសឹករងកំពង់ធំ ដែលបានផ្តោតលើតួនាទីភារកិច្ច របស់កងយោធពលខេមរភូមិន្ទ ត្រូវតែស្មោះត្រង់ និងគាំទ្រ ការចូលរួមអនុវត្តន៍ឲ្យបានជោគជ័យ នូវយុទ្ធសាស្ត្រចតុកោណរបស់រាជរដ្ឋាភិបាល ដំណាក់កាលទី៤អណត្តិទី៦នៃរាជរដ្ឋាភិបាលថ្មីនេះ ដែលបានដឹកនាំដោយ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណា ចក្រកម្ពុជា ដើម្បីសន្តិភាព និងការអភិវឌ្ឍន៍ប្រទេសជាតិឲ្យមានភាពរុងរឿងបន្តទៀត។