កំពង់ធំ៖ អាគារសាងសង់ថ្មី ចំនួន៣ ខ្នង និងគ្រឿងសង្ហារឹមដែលត្រូវបំពាក់ រួមទាំងសមិទ្ធផលនានាដែលមានផ្លូវថ្នល់ខ្វាត់ខ្វែង ទើបតែត្រូវបានសាងសង់រួចជាស្ថាពរ នៅក្នុងបញ្ជាការដ្ឋានតំបន់ប្រតិបត្តិការសឹករងកំពង់ធំ ត្រូវបានគ្រោងនឹង ដាក់សម្ពោធឲ្យប្រើប្រាស់ជាផ្លូវការ នៅថ្ងៃទី១២ខែតុលាឆ្នាំ២០១៨ ក្រោមអធិបតីភាព លោក ឧត្ដមសេនីយ៍ឯកហ៊ុន ម៉ាណែត មេបញ្ជាការកងទ័ពជើងគោក។
កិច្ចប្រជុំ ត្រូវបានចូលរួមជាអធិបតីភាព លោក មឧត្តមសេនីយ៍ទោ សោម ស៊ុនមេបញ្ជាការរង យោធភូមិភាគទី៤ មេបញ្ជាការ តំបន់ប្រតិបត្តិការសឹករងកំពង់ធំដោយមានសមាសភាពថ្នាក់ដឹកនាំចូលរួម គ្រប់បណ្តាកងឯកភាពចំណុះឲ្យ តំបន់ប្រតិបត្តិការសឹករងកំពង់ធំ ចំនួន ១០២ នាក់ ដើម្បីប្រគល់ភារកិច្ចសំខាន់ៗ ជូនថ្នាក់ដឹកនាំគ្រប់លំដាប់ថ្នាក គ្រប់កងឯកភាព និងស្ថាប័នចំណុះបញ្ជាការដ្ឋានតំបន់ប្រតិបត្តិការសឹករងកំពង់ធំ គ្រប់លំដាប់ថ្នាកបញ្ជាការដ្ឋានតំបន់ប្រតិបត្តិការសឹករងកំពង់ធំថ្ងៃទី២០ ខែតុលា ឆ្នាំ២០១៨នៅបញ្ជាការដ្ឋានតំបន់ប្រតិបត្តិការសឹករងកំពង់ធំ។
ដែលត្រូវបានអនុវត្តមានខ្លឹមសារសំខាន់ៗ ដូចខាងក្រោម ១ ផ្សព្វផ្សាយឲ្យបានទូលំទូលាយនូវយុទ្ធសាស្ត្រចតុកោណ ដំណាក់កាលទី៤ សម្រាប់រាជរដ្ឋាភិបាលអណត្តិទី៦នេះ ជូនដល់យោធិន និងក្រុមគ្រួសារគ្រប់ៗរូប ។ ២- ប្រុងប្រៀបកិច្ចការលើគ្រប់វិស័យដើម្បីបម្រើឲ្យការសម្ពោធអគារ និងសមិទ្ធផលនានារបស់បញ្ជាការដ្ឋានតំបន់ប្រតិបត្តិការសឹករងកំពង់ធំ ក្រោមជំនួយពីសប្បុរសជន និងភាគីមិត្តវៀតណាម ។ ក្នុងនោះមានអគារដែលទើបសាងសង់ថ្មី ចំនួន ០៣ ខ្នង និងគ្រឿងសង្ហារឹមដែលត្រូវបំពាក់ផង ហើយបានចំណាយថវិកាជាង ១៥ម៉ឺនដុល្លារ ហើយនិងបណ្តាលសមទ្ធិផលមួយចំនួនផ្សេងទៀត ។
៣- ការប្រុងប្រៀបប្រជុំបូកសរុបការងារសហប្រត្តិបត្តិការ ក្នុងការងារវិស័យមនុស្សធម៌ និងការងារកសាងអង្គភាព រយពេល៣ ឆ្នាំ ជាមួយបញ្ជាការដ្ឋានយោធាទីក្រុងហូជីមីញ និងបញ្ជាការដ្ឋានយោធាខេត្តដុងណាយ នៃសាធារណរដ្ឋសង្គមនិយមវៀតណាម ៤- ការប្រុងប្រៀបទទួលបដិសណ្ឋារកិច្ចប្រត្តិភូនិស្សិតសាកលវិទ្យាល័យការពារជាតិ ចំនួន១៦០ នាក់ ក្នុងការហូបចុក ការស្នាក់នៅ នៅបញ្ជាការដ្ឋានតំបន់ប្រតិបត្តិការសឹករងកំពង់ធំ នៅល្ងាចថ្ងៃទី២៧ ខែកញ្ញា ឆ្នាំ២០១៨ ។
ចុងក្រោយនាយទាហានជាថ្នាក់ដឹកនាំ ការិយាល័យ+ផ្នែក និងស្ថាប័ន ចំណុះនៃបញ្ជាការដ្ឋាន តំបន់ប្រតិបត្តិការសឹករងកំពង់ធំ បានប្តេជ្ញាបំពេញភារកិច្ចឲ្យទទួលបានជោគជ័យ ស្របតាមការដាក់ចេញរបស់ ឯកឧត្តម មេបញ្ជាការ តំបន់ប្រតិបត្តិការសឹករងកំពង់ធំ ។ដោយ ប៊ុន រដ្ឋា